Tuesday, May 03, 2011: Thuthar Lawrkhawm
Khapna thupek chhuah
Saiha khawpui chhung chawmtu Tui hnarte a tlem em em tawh a, tui lama harsatna kan tawh avang leh mipuite Tui lama kan hnianghnar zawk theih nan Sub Divisional Magistrate Saiha District Saiha chuan Cr.PC section 144,1973 hmangin a hnuaia Khapna Thupek hi a chhuah.
PHE department ten tui an lakna Zotlang/Tlangpui lui hnarah mi tumahin tuihna titlem thei tur a tui lak khap tlat a ni.He thupek hi thupek dangin a chhilh loh chuan thupek chhuahni 20.4.2011 atangin thlahnih chhung a huam ang a,thupek pawisa lova bawhchhia te chu IPC section 188 hmanga hrem an ni,tiin sorkar thuchhuah chuan a tarlang.
Miss Rachael tel ang
Nula Rachel Chozah i/c KVK Co-ordinator Saiha chuan 20 Regional meeting Zone III Shillong a tel turin nimin khan Saiha a chhuahsan. Laisa Rachel Chozah hi Subject Matters Specialist a ni.
MNF hruaitu zin dawn
Pu HC.Lalmalsawma Zasai, President,MNF District Hqrs leh a thawhpuite Pute N.Viakhu,Adviser, NT.Thatlua,GS leh S.Lian buanga,GS chuan 5.5.2011 hian Tipa,Vahia, Khopai, Laki leh Zyhno an tlawh dawn.
KNP Diamon Jubilee
ECM-KNP chuan an Diamond Jubilee lawmna tur atan an inpuahchah mek zel a, Branch tinin ruai thehvek an tum a, Lungphun vek an tum nia hriat a ni.
* SDDVC chuan hmalak chhunzawm tumin an inpuahchah tan leh ta.
MSO thuchhuah
Mara Students’ Organisa tion,Gen.Hqrs Siaha chuan kumina HSLC a District leh HSSLC a 1st div a passed chin te chawimawina leh lawm puina 6.5.2011 hian MTP Hall,New Colony ah programme kan hmang dawn a,Zirlai Nu leh Pa, Chanchinbumi MJA leh sawm bikte kim taka kal theuh tura ngen leh hriattir in ni.Sawm bikte chu a hrana sawmna lehkha pek an ni ang.
Sd/HC.Malsawmthanga
Secy i/c Education,
MSO Gen.Hqrs Siaha
Charge lafel
Nimin Laisa Ellen Hly chho chuan Pu M.Beichi hnen atangin ECM KTP hqrs charge a lafel ta.dt 29.4.1979 khan Ellen Hlychho d/o Vabeiha Hlychho hi a piang a, unau 3 zinga a mi lai niin Mt.Carmel Shillong a tangin HSLC a passed a,Lady Kean atangin BA,Nehu atangin MA a zo a, ATC atangin BD a zo a,M.Th result a nghak mek.Ellen chuan ML zawhna chhangin hmei chhiate hi Ordination,etc min pek ve vek a tul a ni,a ti.Mipa ang thovin kan thawk hlawk thei a ni,tiin an dinhmun en nawn sak a duh thu asoi.
ECM-KTP meeting
Vawiin hian ECM-KTP Gen.Hqrs OB meeting chu Nula Ellen Hlychho, Secy,ECM-KTP Hqrs room ah neih a ni dawn. Dt.13.5.2011 khian Chhaolo (Chhuarlung) ah ECM KTP Hqrs Executive Body meeting neih a ni dawn a,Zuk leh Hmuam Seminar buat saih a ni bawk ang a, Rev.NC.Vabeilua chu Resource person atan ruat a ni.
DFDO office Lawngtlai-ah
Dt.12.5.2011 khian Pu H.Liansailova,Minister i/c Agri,Fishery chuan Lawngtlai-ah DFDO office a hawng dawn a, Pu SP Singh,DFDO Saiha chuan engemaw chen a hmui rih dawn nia hriat a ni.
Lawmthu an sawi
ZTOA chuan Zunin siam saktu Pu Donny Lalruat sanga,BDO saiha chung ah lawmthu sawina chawhlui nimin tlai khan Circuit ah an buatsaih sak a ni.
MJA Meeting
Nimin khan MJA meeting chu Press Club,Sai haah neih a ni a, Pu B.B.Pacho,Editor,Awsicharu chuan Arunachal a Press Tour an zu kalna report a pe a, kawlphetha MW460 an zu en thu leh power lama rualawh a nat thu a sawi.
Customer care
Saihaa Telecom hotute chuan MJA Saiha demand chu tihhlawhtling tura hmalak chhun zawm mek zel a ni tih sawiin mipuiten Telecom office a phone,mobile bill pek ngai reng chu Taxi fare an chawi nasa lutuk a,chuvangin Customer Care Bazar a hawng tura an lo nawr chu sanction an hmu tawh a,mahse In luah tur an hmu zo lo nia sawiin In luah tur zawnpui turin ngenna an siam tih ML an hrilh.
Govt HSS Sport
Dt.5-13.5.2011 khian Govt Higher Secondary School Saiha chuan Sport week an hmang dawn a,an inpuahchah mek a ni,Govt HSS Saihaah hian Science Stream,Art Stream, Sericulture,Horticulture a awm a,zirlai 500 vel an awm mek bawk.
Target tlak hmasa ber Kaochao-E
ECM Kaochao-E Local Church chuan an target cheng nuai 257000 chu pelutin kumina target tlak hmasa ber an ni.Kawlchaw-E a ECM kohhran hi In 71 member 553 an ni a,an fakawm tak zet a ni,ed)
Catherine thatingia music video hit
Maraland Idol top 5 Siaha Vaihpi nula Catherine Bethlehem Thatingia Music Video siam chu a hit hle a, demand channel a hmehchhuah zin pawl tak a ni.Catherine hi talent nei tha tak a ni a, zaithiam zinga stage perfomance nei tha pawl tak a ni a,chubakah a Tang John Beizachhi music video-ah khan “Ei ngia ba chai D No tih music video ah khan model atan hman a ni a, a hmelthatna hian music video a chawimawi piah lamah acting a thiamna hian zai lamah pawh confident a neihtir tih a hriat a, a fakawm tak zet a ni.Zaithiam Catherine Bethlehem Thatingia hi nula fel leh inngaitlawm thiam tak,zuk leh hmuam ti miah lo a ni a,zaithiam lar a nih avangin a indah sang hran lova,mitin hi in ang khat vekin a en a,chuvangin zaithiam zinga fans ngah ber pawl a ni a,a thiante pawhin an ngaina hle bawk.
Nausen thi an awm deuh reng avangin nu leh pa an chi ai!!
Saiha May 3: Tun lai hian Saiha leh achheh vela Naupang hri anga ngaih Septicimia leh Neumonia khawsik vanga Naupang thi an awm deuh renga Ni-2 chhungin Mi-4 in an thih pui.
Pala khua a Pu Beibosa naute Pa hnen atang a kan thu danin kan Naute hi a tir atanga tap reng niin a bang hlei thei lova, apang a lo sa deuhin kan hria hriat bakah awmna ang deuhin a awm bawk tih kan hriat ve leh Pala atangin Phura kan panpui vat a, Phura Damdawin te chuan tunlai Nausen hri a ni, an ti a, Saiha lama pan pui vat turin min ti a,keini pawh motor rem chang changin Ni zan tlai 4:00Pm khan Saiha kan rawn thlenpui nghal a, Dar kar 4 chauh kan awm hman a naute hi aboral ta mai a ni, a ti.Hetiang hian Phalhrang khua Nausen pawh a boral ve leh a, He tih anih avangin Nausen Kum tling lo emaw Kum khat hnuailam damlo te chu a rang lama Doctor pan pui theih nghal ni se tih Doctor te chuan an sawi bawk. Saiha Civil Hospital ah hian Doctor an tlem hle a anghey a thawk Mi-6 leh Contract -3 an awm a, Nurse phei chu Zan nga lai zawmin an duty a an rim hle a ni tih thu dawn a ni a, Nures leh Doctor indaih lo lai a Nurse-2 transfer an ni a an aiawh hnawhkhah aawm ngaih loh vangin pawi an tih thu leh Damlo te hi sawrkar in min ngaih sak hram se an duh thu dam lo te chuan an sawi a ni.Lai dist ah 3 an thi bok
ZTOA an lawm hle
ZTOA Dist.Hqrs Saiha chuan an stand a zun in siamsaktu Pu Donny Lalruatsanga,BDO chungah lawmthu sawi na chawhlui vawiin tlai dar 3 hian Ciruit house-ah an buatsaih dawn a,MJA pawh an sawm a ni.
ECM hian hralh se
Synod chuan Stationa ries hrang hrang News chhuahna tur paper,etc an hralh a,Store room In lian tawk tak an nei nual a, Saiha chanchinbumite pawhin an zu lei a, Synod hian revenue (sum hnar) an siam belh mek zel bawk.
ECM pawh hian Synod ang hian paper,etc hralh sela, ECM kohhran tan revenue (sum hnar) tha tak a ni ngei ang a, Saiha chan chinbumite, Tuipang chanchinbumite pawhin helai hmunah awlsam zawkin an lei/dawr ang a,tin,ECM kohhran,etc an mamawh tho bawk.
Saiha Runner’s Club-in Baby Home tanpui
Saiha Runner’s Club (Two Wheelers Association) (SRC) chuan Pa thianni khan Bike 50 rual zet nen Saiha khawpui an fang tlan kual a,hetah hian Motherless Baby Home (ECM hnuaia mi) tlawh nghalin Rs.3000/-in an tanpui a,hetah hian an president N.Solomon Beihlotha leh adviser Wellborn Manner Azyu ten hma hruaiin fuihna thu an sawi nghal bawk.
KTP Day thlirlawk
ECM KTP chuan June ni 10 a an Day lo awm tur thlir lawkin tun atangin hma an la chho mek zel a, Branch hrang hrang hman dan a inang leh dawn lova, Branch thenkhat chuan Speaker neia Crusade buatsaih nghal an tum a, Branch thenkhat erawh chuan Sport neih tel an tum a, Branch thenkhatin Ruai nen hman an tum bawk.
Editorial
Lui a a nungchate kan humhalh lo em ni?
Mara ramah hian lui a awm nual a,mi thenkhatin Damdawi chiah an ching nia sawi a tam ta hle a, hei hi thil pawi tak a ni. Lui a damdawi chiahtute chu mi lian Officer an ni emaw mite an ni emaw pawh nise ram hmelma an ni tih sawifiah kher atul lovang. Damdawi chiah hian a nghawng thui khawp a, sangha,chakai leh lui a nungcha dang zawng zawng te an thih phah bakah an chi a mang thei bawk.Chubakah midangin sangha,chakai an ei duh ve theuh bawk a,ei tur a awm mumal tawh dawn si lo, chubakah Tur,Damdawi hmanga sangha hrai chu a eitu tan pawh in-direct-in a hlauhawm ve tho tih kan hriat atul hle.Luia nung chate hi kan zavai chaw hmeh atan kan duh avang in Damdawi,bomb hmanga sangha tihhlum hi thil pawi tak a ni a,luia nungchangte hi a humhalh tu nih theuh i tum ang u.
Nupui nei
Maraland Idol top 2 lo ni tawh, MSO Shillong Mister Reuben C.Kypacha(Pahnai) chuan Miss MSO Shillong Margareth d/o Rev.ST.Zawsi chu nupui-ah a nei ta.Mister & Miss an innei a ni.
Concert nei
John Beizachhi,Catherine B.Thatingia leh zaithiam dangte chuan Vahia Biak In sakna atan Vahia leh hmun thenkhatah concert an nei.
No. E-93/MZP-GHQ/2009-11/186
Dated Aizawl the 2nd May, 2011
PRESS RELEASE
Kumin atang hian Mizoram University chuan College level-ah Semester System a kalpui dawn tak avangin College hrang hrang a zirlaite leh thawktute an inbuatsaih mek a. MZP chuan College hrang hrang a thuneituten zirlaite harsatna hrethiam chunga a tam thei ang leh an zawh theih tawk admit turin a ngen tak zet a. Hetih ruala College hrang hrangte harsatna building-ah a ni emaw Lecturer lama indaihlohnate leh an dinhmunte ngun taka zir chianga, an harsatnate sukiang tura hma la turin MZP chuan Mizoram sorkar thuneitute a ngen a. Semester System thar hman a nih dawn tak avang hian College hrang hrang leh zirlaiten harsatna an tawh loh nan ruahmanna fel tak nei lawk turin MZP chuan thuneitute a ngen tak zet bawk a ni.
sd/-
(PETER CHHANGTE)
Secy i/c Publicity
May 27th, 2011 at 11:06 am
Pu Editor, Siaha current a han tha lo chu..i ngaihom ber mai in ka hria…Siaha news chhiar tur a awm tawh si lova..Current a that takah chuan i rawn update thui ka nghakhlel..