Moon Light Saiha

Bible Society of India,Saiha Branch Annual Meeting cum General Election neih a ni

Saiha,March, 14 : Inrinni khan ECM Siaha Vaihpi Centenary Hall-ah Bible Society,Saiha Branch chuan Annual Meeting neiin an thurel zingah 1) Kumin 2011 hian Saiha a Motor neitute zawng zawng Bible Society Life member nihtir vek nise.

2) Kumin 2011 atang chuan Chhaolo lleh Rawmibawk ten an bial chhungah campaign nei se,target pawh anmahni inbuaipui mai se. 3) Aizawl report hi Local Church tinin an duhzat report pein subscribe tawh rawh se. 4) Bible Society Choir nei rih tawh loh nise 5) OB-in Executive member 20 ruat rawh se tihte a tel.

1st session hi Rev.Ithra Tluma,President chuan a kaihruai a, Pi F.Zosangi,Box Collector chuan tawngtaina a nei a, Macha Pasa T.Azyu,Secy, Macha TH.Hmingmuana,Secy ,Finance ten report an pe a ni. 2nd session hi Rev.F.Lallawmzauva,Vice president chuan a kaihruai a,Nula PT.Lalchhanzovi’n tawngtaina hun a hmang a, zan inkhawm chu Macha Pasa T.Azyu,Secretary chuan a kaihruai a, Macha C.Lalngura,Treasurer-in lawmthu sawina chibai bukna a nei a, Rev.Ch.Chhama,Senior Executive Secretary,ECM Hqrs chuan 2011 a Chief Petron te chibai bukna a nei a, Khichho Macha S.Ngohei,Supervisor chuan tawngtaina a nei a, Rev.Ithra Tluma.,President chu speaker a ni a,BSI Choir, ECM Meisavaih leh ECM Siaha Vaihpi zaaipawl ten hla an rem a ni.

MJA Gen.Secy Pu M.Baithai,RO kaihhruaiana hnuaiah General Election neih a ni a,hengte hi thlantlin an ni.

President – Rev.Ithra Tluma
Secretary – Macha Pasa T.Azyu
Asst.Secretary – i)Dr.R.Hmingthanzuala
ii) Macha Thasia T.Azyu
iii) Macha John Zakulha
Fin.Secretary – Macha TH.Hmingmuana
Treasurer – Macha C.Lalngura

Denomination tina Pastor te chu Vice president ni sa vek a ni,tiin BSI Constitution ah ziah lan a ni a,OB hian Executive member 20 an ruat leh dawn a ni.

He Bible Society of India Saiha Branch Annual Meeting-ah hian Macha John Zakulha,Asst.Secretary chuan “Bible Society Rawngbawlna leh Thalaite” tih Thupui-a hmangin Paper a present a. Bala khua bialtu Pastor Thomas Charles thahnem ngaihna avangin mi 300 rual intelkhawmten London Tevern hmunah Dt.7.3.1804 khan hmalak tan a ni a,hei hi British and Foreign Bible Society tia vuah a ni a.Tin, kum 1816 khan USA ah Bible Society din a ni a,1821 ah Bible Society din a ni a, Dt.21.2.1811 ah khan Calcutta ah Bible Society of India din a ni,a ti. Siaha Vaihpi Kohhran Ruai buatsaih chu kilho a ni.

Mipuite hnena ngenna

Tunlai hian Mizoram pumpuiah National Trade Union JAC (NTUM) ten nitina kan hnathawh leh ni sensa hnuaia hah taka kan thawhna hlawh tipung tura state level committee on minimum wages board-in a pawm tawh,vawiin ni thlenga min tih hlawhtlinsak duh loh avangin Dt.1,2,3 March 2011 chhung Tools down strike kan neih hnuin Mizoram sorkar zahawm tak chu a ngawih tak tlat avangin kan duh loh ber thil tih alo tul ta a,Dt.6.3.2011 atangin tiamchin awm lovin strike kan neih a lo ngai ta a ni.

Heng avang hian Tui, Power leh PWD hna hrang hrangah te, Department hrang hrangah mipuiten harsatna in tawk tih kan hria a,pawi kan tiin hriatthiamna kan ngen tak meuh meuh a ni. A bik takin Saiha District mipui zawng zawng in thlawpna kan ngen bawk a che u.

Tin,NGO’s tin leh VC tin te tlawmngai a he kan strike chhunga sorkar lamin kan hna thawk a,inhlawhfa tura sawmna in dawng anih pawhin min hnarsak hram turin kan ngen tak meuh che u a ni.

Ram tana in thawhpui
NTUM Dist.Hqrs Saiha

Raipuar zawntu hnenah lawmman

Saiha District ah hian Raipuar khaw chhungah a ni emaw khualkhua-ah a ni emaw zawn ngai an awm chuan NGO-in zawn sela, a rate siam angin lawmman pek ni rawhse tia guideline siamsa vek chu tun thleng hian Raipuar zawn man pawisa cheng nuai 1 sanction hman a ni rih lova, Raipuar ten zawn an duh lo a ni mai thei, NGO ten Raipuar zawn tur an hmu rih lo.

Hemi chungchang ah hian kan palai zawhna chhangin CMO Dr.H.Lal chungnunga chuan Raipuar nau te tura Dam dawi In pan leh Health Worker,etc pan tur zawn tu apiang NGO/Mimal hnenah lawmman tha tak pek zel a ni ang,a ti.

H/W tirchhuak

Pu Kunal,DC leh Dr.H. Lalchungnunga,CMO Saiha chuan Saiha District a naupang thi an tam chungchangah hma lak zel dan tur an sawi dun hnuin Health Worker tam tak thingtlang khaw hrang hrangah tir chhuakin Health Worker ten atul ang angin Damdawi kengin hma an la mek zel a ni.

YMA Conference

Dt.15-17.3.2011 khian Lopu(Lungpuk) ah YMA aiha Group Conference neih a ni dawn a,Pu S. laldingliana,MLA, Parliamentary Secretary khuallian a ni ang a, Pu K.Chhuabei,EM,Forest,MA
DC khualzahawm a ni ang.Programme:- Dt.16.3.2011 : Chairman – Pu Zamvela Ralte,Asst.Secy. Report – Branch tin atangin/Jt.Group atangin.
Speech – i)Khualzahawm
ii) DC Saiha.
Dt.16.3.2011: Rorel- Chairman – Dr.Chawng khuma Chawngthu,Pre.
YMA Thuthlung sawirual – Rothangpuii,Exe.Com
16.3.2011 (7:00pm) Chairman – Pu R.Laldin sanga,Treasurer. Speech – Pu K.Lalnuntluanga, BDO,Tipa Pu Thaly T.Azyu,DCF,MADC leh SSA atangin. 17.3.2011 : Chairman -Dr.Chawng khuma, Speech – Khual lian, CYMA palai 17.3.11 – Branch intihsiakna/ Lengkhawm zai intihsiak na/Hnamlam intihsiakna

Dt.17.3.2011(7:00pm) Chairman – Tv.Laldinpuia Tlau,Asst.Secy. Speech – YMA Sub-Hqrs atangin, Pu T.Vanlaltlana,DHO, VCP,Branch pre.Lopu YMA.

Editorial

Sorkar laipui hmalakna kan ngaihsak lo em ni?

Central sorkar chuan hmalakna chi hrang hrang mipuiten kan hriat chian theihnan sum tam tak sengin Public Information Campaign programme a duang a, District dangah hriatchian chakin pro gramme an hlutin function-ah mi an khat tlat zel a,Saihaah erawh in ko chawp pawhin mi tlemte an kalkhawm a,chu pawh an haw then zeuh zeuh a,a tawp lamah chuan zawhna zawttu tur pawh an awm mumal ta lo.Kan mizia a lang chiang hle a, a zahthlak hle a ni.

Khawlai leh hmun remchangah tute emaw inti hre deuhte chuan Sorkar laipui hmalak dan a dik lo, Department a thawktute pawh chuti khati-in an sawisel luai luai a,mahse Department hotute ngei zawhna tur hmun leh atul chuan inkawk siah siah thei tura ruahmanna programme siamah erawh engmah an sawi ngam leh si lova,hetiang hunah hian duh tawka zawhna siam tur a ni,Dept hotuten a hmunah an chhang nghal zel dawn bawk.Hetiang hun tha tak kan liamtir zel mai hi thil pawi tak a ni. Tun hnuah chuan hetiang pro gramme ah atam thei ang ber i tel thin ang u.

7th MCHP General Conference ropui takin Tisi-ah neih a ni dawn

Saiha,March, 15 : Dt.16-17 March 2011 khian Tisi-ah MCHP General Conference ropui takin neih a ni dawn.Pi K.Ngola w/o Pu S.Hiato,Minister,Mizoram chu khuallian a ni ang.Programme hetiang hian siam a ni. Dt.16.3.2011 : 1st session Chairperson – Pihno K.Pari,President, MCHP(H), Pawpi Hlana 1) MCHP(H), 2)MCHP Sub-Hqrs 3) MCHP Branch Tisi. Devotion – Macha S.Pawlei,Tisi Local Church, Pahyna Hla – MCHP Branch Tisi, Speech & Magazine release-na – Chief Guest. Speech – Dr.K.Rakhu,President,MTP hqrs Report – Pihno Nazee Khailah, GS,MCHP(H),, Pihno Mezi, F/Secy,MCHP (H), Speech – President,MHIP Sub-Hqrs Saiha.
Second session : Rorelna – Chairperson – Pihno K.Pari,President,MCHP(H), M/Secy – Pihno Nazee Khailah,GS,MCHP(H), Report – MCHP Sub-Hqrs Phura, MCHP Sub-Hqrs Chakhei. Speech – Pihno P.Chaki,Vice president,MCHP(H), Budget pharhna.

Third session – zan dar 7-10 Pm : Chairperson – P.Chaki,Vice president,MCHP(H), Skitshow : i) MCHP Branch College Vaih, ii) MCHP Branch Tipa Sub-Hqrs, Debate – MCHP(H) & Phura Sub Hqrs vs Chakhei & Tipa Sub-Hqrs. Thupui – Chano duasu pasahsana lia maihta rah a sosah (Hmeichhe dinhmun chawisanna apiangah ram in hma a sawn).

Dt.17.3.2011 : First session : Chairperson – Pihno Laldingliani Hlychho, Sr.Vice president,MCHP Hqrs. Devotion : Pihno Sona,President,KNP El-Bethel Local Church. Thusawina – President, LWA Sub -Hqrs Saiha, Senior Adviser,MCHP hqrs, President,MSP Hqrs. Report – MCHP Sub-Hqrs Tipa, Rakhatla – Khopai MCHP Branch.

Second session – 1:00pm – 4:00 Pm : General Election – Conducted by MJA Saiha. Speech – i)Outgoing President,MCHP(H), ii) Newly Elected President.

Third session dar 7:00pm – Chairperson : A.Jenny,Asst.Secy,MCHP(H), Tawngtaina – President,KNP Tisi Local Church, Skitshow : MCHP Branch Zyhno. Samsei competition : All Branches. Vote of thanks – Pihno H.Nadaw,Secy i/c Culture & Drama,MCHP(H). Zaithiam sawmte: John Beizachhi,A.Chhualai, Hropaw,Sipy zai tura beisei an ni.

Chawlhni zan khan Saiha Town chhung chhawmtu ber leh Tuilakna hmunpui ber Zotlang kham ram chu tutih hriat loh ten an tikang.

Chawlhni zan khan Saiha Town chhung chhawmtu ber leh Tuilakna hmunpui ber Zotlang kham ram chu tutih hriat loh ten an tikang. Ram a kan vang hian tuihna siamtu changel kung leh thing leh mau te chu a kang fai vek a; kangmei achhua avang hian,Model Youth Association (M.Y.A) memberte chu in kokhawm nghalin,kangmei thelh turin a hmunah an kal nghal a,mei kanna hmun hi a kham em avangin duh angin an thelh mit hlei thei lova,Meilam erawh an siamsak thu dawn a ni.Ram kanna chan hi hriatchian ani lova,ram a Zu siamho tih kan ring tam bera thenkhatin khua a ro tawh em avangHemi ni tlaivek khan 33kv bula kangmei a chhuak leh a Fire deparment duty ten an thelh mit thei hram ani.

.Kangmei chungchangah hian District Council lam pawhin kumtinin Awarness pawh an nei zing hle a mahse,
zawm a hlawh lo a ni.

Khua a ro zel a,Zial bung/Mei bung a nung chunga paih mai mai an awm thin a, nimin lamah pawh Saihaa workshop pakhat a kang tep a,mahse he zial bung hi mi pakhatin mei alh thei tur nia hriain a raphlum ta a ni. Zial bung a nung chungin paih loh tur.Ram i hal kang anih chuan nangmah kha i intimualpho a,ram leh hnam hmelma aha a insiam nghal a ni tih hria ang che.

Kangmei laka kan fimkhur loh chuan keimahni pawh kan inhal kang ve nghal thei a ni tih i hria ang u,ed)

Pu N.Chakhai zin

Aizawla meeting pawi mawh tak a tel turin tukin zing hian Pu N.Chakhai,PD, DRDA chuan Saiha a chhuah san dawn a, Thursday-ah a lo haw leh ang.Pu N.Chakhai,PD,DRDA leh a staff te hian chak takin hmasawnna hna an thawk mek zel a ni.

Tuarchher doctor pan loh tur

Naupang natna chungchangah doctor pan hmasa lova tualchher doctor pan ching an tam hi beidawn hnuah Hospital an rawn pan leh si a,a tlai vek tawh thin avangin tun hnuah Tualchher doctor pan tawh loh turin mipuite ngen an ni tih doctor te chuan ML an hrilh. Heng Tualchher doctor te hian natna hriat mangloh damdawi an lo chawh ve thin a,chumi hnuah awmze nei lo damdawi an ei khan nghawng tha lo tak a rawn nei a,tichuan naupang an lo chau ta thin a,an beidawn hnuah doctor an pan leh hnuhnawh a,a tlai tawh thin a ni tih an sawi bawk.

Health Camp

Dt.17.3.2011 khian ah MADC Forest sponsor-in Lopu-ah Health Camp buatsaih a ni dawn a ni a, Mr.Solai Azyu,ACF, Dr.Pahnie leh Dr.Andrew an kal ang.

Hindi Teacher a tling result chu

Education department, MADC chuan Middle School Hindi Teacher a tlingte result a tarchhuak ta,chungte chu : S. Risiali, C.Lalhlimpuii, Ngopa thai, K.Engkim mawii, L.Sanga, Y.Hrai sia,N.Sama, C.Parteii, HC.Lalringheti, K.Zopaw, HC.Rose Melody, B .Edomi, L.Rolua, Hrothie Chozah,TT.Thankhuma, H.Vabeikhochai, S.Laihno, Lc.Beinoki, AZ.Beinonai,AB.Neli, K.Sari, N.Shanti, Nahlia, T.Byhnapawly, KC. Heleni,C.Vijayta, N.Nochia, HC.Vathlie, NT.Nehemi, TK.Khaimei chho, FC.Ngohnei, L.Salempawngia, K.Beisei, Patu Hlychho, A.Byhnalai leh S.Beihrua.

Lawmthu sawina

Pro Pastor atanga Pastor puitlinga ordained Rev.S.V abeikhokhei s/o S.Zamawia(ECM) Pathian hnena lawmthu sawina leh lawmpuina programme Gilgal koh hran chuan 20.3. 2011 khian an nei dawn a, Khichho Macha S. Zamawi Inah 18.3. 2011 khian chhungkaw lam programme Pathian hnena lawmthu sawina neih a ni bawk ang.

DC thingtlang tlawh kual mek

Pu Kunal,DC Saiha chuan nimin khan New Ahmypi, Khopai,Vahia leh Phura a tlawh a, vawiinah Lopu leh Miepu a tlawh ang a, naktukah Kaisie leh To kalo, naktip ah Lawng ban a tlawh ang a, Lo daw (Lungdar) chu lawngin a kalsan ang a,Tuidang leh Lawngtlai a thleng ang a,Lawngtlai atangin Saiha a rawn pan leh ang.Central scheme development hrang hrang hnathawh dan a hmunah enfiahin rinawmna leh taimakna nena sorkar scheme tihhlawhtling turin a chah.

Review Meeting

Dt.14.3.2011 dar 11Pi K.Pari,A&COCEM, MADC Chamber-ah Lyuva Khutla Review Meeting Pu Pachi Hlychho, Chairman, Lyuva Khutla kaihhruaina hnuaiah neih a ni a,hmalak zel dan tur sawiho a ni bawk Lyuva Khutla ropui taka hman tak chu a hlawh tling a ni,tiin a hun erawh tuna mi aiin hma hret se an duh thu an sawi.Lyuva Khutla programme neih tawh ah chuan tun tuma programme buatsaih kha a ropui ber,an ti bok

Nausen thi engzatchiah nge awm tih an rawn survey mek

Dr. H.Lalchungnunga,Chief Medical Officer Saiha hnen atanga thu kan dawn danin tun kum January Ni 15 atanga vawiin ni thlenga Naupang Kum khat hnuailam thi zat hi 26 an tling tawh.
Report chu hetiang hi a ni :

1. Distribution.
i) Saiha Main Centre Area = 10
ii) Tuipang PHC Area = 5
iii) Chhuarlung PHC Area = 4
iv) Phura PHC Area = 2
v) Lawngtlai PHC Area = 5
Total 26

Tin, Health Worker ten an area chhunga thi an report danin Institutional death 14, Death occurring at home 12 a ni bawk. Saiha bikah hian naupang kum khat hnuailam thi 8 niin record a ni a, heng zinga mi 4 te hi Lawngtlai Dist. Area atanga rawn kalte an ni. An thih chhan tlangpui nia hriat chu Pneumonia, Asphyxia, Sepsis, Diarrhoea leh a dangte an ni hlawm a ni.

Hemi chungchang hriat a nih veleh Survey nei turin Mithiam Aizawl lam atangin Dr.Malsawma Pachuau, MO,NRHM, Directorate of Health Services,Aizawl, Dr. Lalrochhuanga Padaetrician, Civil Hospital,Aizawl bakah Lalzirtiri leh Yogesh, Nicrobiologist Civil Hospital te rawn tirh nghal niin Dt.12.3.2011 khan Saiha an rawn lut a, Survey an nei nghal char char a, Saiha Civil Hospital OPD ah thu in a tul angin hna an thawk mawlh mawlh nghal bawk. Naupang 3 pawh dam takin an chhuahtir nghe nghe niin kan palai an hrilh. An sawi dan chuan heng Naupang kumtlinglo thihna hi Boruak inthlak thleng vangte leh kan ei leh in vangte a ni thei niin kan palai hi an hrilh a ni.Dr.Lalnunziri chuan nilengin a tawiawm a ni.

Saiha District a naupang kumtling lo Minizaetis vangin mi 30 chuang nunna an lo hloh tawh a,kan dinhmun hi Central sorkarin min rawn ngaihven vat a tul tak zet tih hi mipui aw ani.

Editorial : Khua a lum hle tawh a, hnimhnah a ro tan tawh bawk a,chuvangin kangmei a chhuak awlsam hle a, chuvangin kangmei laka kan fimkhur atul hle a ni. Ram hal kangtu chuan Pathian leh mihring pawi a khawih a, amah pawi ngei pawh a khawih tel a ni tih kan hriat a pawimawh hle. Tun thlengin khawlaia meizu thenkhat ten zial bung a nung chunga paih mai mai an la ching a,hei hi a hlauhawm hle a, hnawmhnawk zingah leh hnahtel,lehkha chhia awmkhawmnaah phei chuan a kang awl em em a, mitin kan fimkhur atul hle a ni.Sikret,Zial zu te hian an zukna bung chu a mei tithih hnuah chauh paih thin se a fuh ang.Hei hi inkawhhmuh zel ang u.

Forest Staff Assn Conf

Dt.17.3.2011 khian Tourist Lodge, Saihaah Forest Staff Association chuan Conference an nei dawn a, Pu T.A.Chhohu,Executive Secretary, MADC chu khuallian a ni ang a,tlai lamah Election neih a ni ang a,ruai an kilho nghal ang.

High School Sport

Saiha District High School sport zawhfel takah chuan Govt Higher Secondary School chu pakhatna an ni a, Tipa High School pahnihna niin ECM High School pathumna an ni a.Mipa football ah Hill Gate School an champion a, Hmeichhia football ah Litle Diamon an champion a, Volleyball mipa leh hmeichhia-ah Govt Higher Secondary School,Saiha an champion a ni.

MCHP,New Saiha Br.

Nimin khan Pu C.lalhranga Inah Pu Hranga,RO leh Pu K.Chhalai,PO kaihhruaina hnuaiah MCHP Br.election neih a ni,Pre- N.Sangi V/pre – Lalsangmawii, Secy – J.Zodinpari Asst.Secy – C.Lal hualhimi, Secy,drama – Zochhing puii, Fin.Secy -K.Ngei, Treasurer – N.Lalremsangi Auditors: S.Sari,Jean Rosty,. Exe.Members : T.Hrasi,, C.Ngobao, Lalchhuan awmi, K.Nailei, S.Lalrimawii, S.Dawdei,. Advisors: C.Lalhranga, C.Simon..Pu Hranga leh Pu Chhalaiten 500 veve -in an tanpui.

PROGRAMME FOR CELEBRATION OF WORLD CONSUMER RIGHTS DAY

Venue : I & PR Hall, saiha
Date : 15.3.2011 dar 11:30 am

Chairman : Thangchem Zathang,Addl.DC,Saiha
Devotion : Rev.Dr.T.Laikai,Adviser,District Consumer Protection
Association,Saiha District

Chief Guest : Pu K.Riachho,Secretary & Director,
Food, Civil Supply & Consumer Affairs,
Mizoram, Aizawl, Camp Saiha

Thusawi : 1. Dr.R.Hmingthanzuala, Member, District Forum
2. Pu S.Zaluaia,Adviser, DCPA,Saiha
3) Pu Sangmanga Chinzah,President,DCPA
4) Pu Lalkunga Sailo,DCSO,Saiha
5) Pu Johny Remngaia,Asst.Controller,
Legal Metrology
Vote og Thanks : Pu F.Chhawnmanga, Gen.Secretary, DCPA,Saiha

Sd/-Sangmanga Chinzah,
President, District Consumer Protection Association

Sachin Tendulkar chetha

Tun tum Cricket World Cup khelh mekah India mi Sachin Tendulkar a chetha hle a, Bangladesh leh Ireland an hnehah khan Sachin hi a chetha hle a ni.India hian South Africa hneh lo mahse Quarter final an lut ta tho va,tun tum Cricket World Cup ah hian Australia leh India te hi rinkai pawl an ni a,England pawhin beiseina an nei sang tho bawk.

India hi Cricket lamah hming chher pawl tak a ni a, Cricket tuina ram lian ber a ni bawk a,mahse Cricket World cup ah vawikhat chiah a champion thung. India Cricketer ropui Kapil Dev te, Vengsarkar te hunlai kha Cricket khawvel a India ropui vang lai a ni a,khami hnu lamah chuan mimal takin Sachin Teldulkar te, Mohammamed Azharrudin te, Saurav Ganguly te,Navot Singh Sidhu te an lar hle a,Sachin Tendulkar hi a lar rei pawl tak a ni a, Australia ram mipuite chuan Sachin Tendulkar hi an ngaisang ber nia hriat a ni nghe nghe.

Press Release

MZP chuan kum 2011 atana Techinical Entrance Exam MBSE- in a buatsaih tak tur chu felfai taka neih ni tawh se a duhin, inbuatsaihna tha tak nen he Exam hi buatsaih a nih ngei a duh a ni.

Mizo Zirlai tam takin Mizoram Quota hnawhkhahna tura Technical Course hrang hrang zir tur a Entrance Exam buatsaih thin chu tun hma atangin inbuatsaihna nasa tak nen an lo hmachhawn tawh thin a, an hun leh tha ngaihtuahna tam tak sengin, zirlai tam tak phei chuan he Exam bei tur hian kum hloh thaka inbuatsaih te pawh an awm thin.Chutiang taka zirlaite’n an lak urhsun laiin Exam buatsaih dan erawh kum tin deuh thaw a buai fo mai a, hei hian zirlaite ah buatsaihtute rintawk lohna leh hnualsuatna an lo neih phah fo tawh a ni.
Kumin April 26- a Exam buatsaih leh turah hian hun hmasa lama thleng ang thil duhawmlo kha thleng nawn tawhlo se MZP chuan a duh tak zet a, Zirlaite tan a harsatna thlen tawh lova he Exam hi tluangtak leh fel fai taka neih a nihna tur a hma la ngei turin thuneitute MZP chuan a ngen a, buaina leh harsatna a thlen lohna turin a tul angin MZP chuan he Exam hi a thlir reng dawn a ni.

Tin, Exam bei a, hlawhtlinna hmu te tan pawh kum danga harsatna an lo tawh thin allotment- hmuh har chungchangah a rang thei ang bera allotment- neihna tura hma la tur leh institution- Dan leh hrai hriatchian loh avanga zirlai tam tak ten harsatna an lo tawh thin tawh hria a, Higher & Technical Department chu inbuatsaihna tha tak nei ngei turin MZP chuan thuneitute a ngen tak meuh a ni.

Sd/-

(PETER CHHANGTE)
Secretary i/c Publicity

Bharat Nirman Campaign vawi 15-na Saihaah neih a ni

Saiha,March,10 : Central sawrkar “Flagship Programme” Bharat Nirman Campaign chu nimin khan MTP Hall,New Colony-ah hman a ni.He campaign programme hi Pu Mangjanngam Touthang,IIS,Chairman,Core Committee PIC,Mizoram & Head,PIB & DD News Aizawl chuan a kaihruai a, Pu Kunal,DC chu khuallian niin Pu VB.Sachai,President,Jt.V/C Saiha chu khualzahawm a ni.Chairman-in sawi hawnna leh kalkhawmte hnena lawmthu sawina a neih hnuah khuallian chuan he Bharat Nirman Public Information campaign hi a hawng a,khuallian chuan thu sawina nei zui nghalin sorkarin hetiang campaign hun pawimawh tak Saiha-a a buatsaih thei chu lawmawm a tih thu leh he campaign programme hi mipuiten chhawr tangkai ngei tum turin a chah a, sorkar hmalakna hrang hrang te tha taka tawiawm a, tihhlawhtlin tumtu nih tum theuh turin a chah bawk. He campaign hi mipuiten sorkar hmalakna hrang hrang te an hriatfiah theih nana buatsaih a ni,tiin sorkar hmalakna te a hlawhtlin theih nan mipuite kan pawimawh ber a ni,a ti bawk. Sorkarin naupang school kal lo zawng zawng te sikul kaltir vek a duh a,hei hi tihhlawhtlin ngei tum theuh turin kalkhawmte a chah a ni.NREGA hnuaia Ni 100 inhlawhna chungchang sawiin,hei hi mipui tan a tangkai tak zet a,he scheme hi a taka hman-tangkai i tum theuh ang ang u,tiin ram leh khawtlang tana hmasawnna ro tling tak tak siam theuh turin a chah a ni.Hemi hnu hian DAVP/Field Publicity ten an buatsaih Photo Exhibition chu Pi Suman Goyal,SP Saiha chuan a hawng a ni.2nd session chu Pu CZ.Hluna,Pre.MJA & Ed.Buannel chuan a kaihruai a, 3rd session chu Pu N. Vabeiratlua, I&PRO-in a kaihruai a ni.Resource persons Pu N.Chakhai,PD,DRDA, Pu N.Chhylai,EE,PWD, Pu K.Hamlet,EE,ID, Pu Rotluanga,CDPO,Saiha, Pi Lalthanzuali,EE,PHED,Azl,Pu Viasai,SDO,PHE,Mary leh midangten an hmalakna an sawi a ni.He programme ah hian ICDS,NRHM,Mid day meal scheme, SSA, BRGF, MGN REGA, JN NURM, PMGSY,IAY,AIBP, ARWSP,RGGVY,Rural Telephone leh RTI Act chungchanga zawhna leh chhanna hun hman a ni.John Beizachhi leh S.Siamkungi ten zaiin kalkhawmte an awi a, Drama club leh Cultural Troupe Aizawl ten show an nei bawk.Programme a hlawhtling hle.

KUT HNATHAWK TUTE ZINGA MI HLAWH TLING

Saiha March 10th,2011 Nimin zing Chawhma Dar 7:00Am khan AMFU Saiha District te chuan an President Dr.Chawngkhuama Chawngthu hovin Kut hnathawk tute zinga Mi hlawhtling Pu C.Vadu College Veng a khawsa Bamboo Processing Industries dintu an kawm.Pu C. Vadu Bamboo Industries neitu chuan amah kawm tute hnena a sawi danin Kan ramah hian, Mau chin ngai lovin, Pathian malsawmna min pek a tam em em a, a chhawr tangkai dan erawh kan la thiam tawk rih lo a ni, a ti a . Mau hi mi tam takin In sak nan ah kan hmang tam bera, Bam boo Industry hi kan District ah kan neih ve loh avangin ka tuina a ni bawk avangin ka din ve a ni, ati. State danga thawn chhuak tur hian, Internet kal tlangin Customers mamawh tute an awm nual a, chung mite chu net hmang hian Ka advertise ve a min rawn chhang nghal mai thin a; nitin Tone tam tak an mamawh avangin a zawrhna lam ah chuan Problem a awm lo tih a sawi bawk. , a khawl enkawl tu hi Mi 9 ani a ti a . Khawl -4 a nei thu sawiin kum 2009 Jan, atang khan ka lei tawh kan run taktak hi chu nei tawh a khawl te chu:

1.Round Stick Making machine 2.Polishing Machine 3.Slicing Machine Sizing Machine a neih atangin khawl hi ka run a, mahse tunah hian Splitting Machine ka mawh hle a ni a ti. Industries ah hian tui tak tak mi te tan hian kan sawrkar hian Subsidy kumtin min siam sak thei zel se Mizoram Industries hi kan hmasawn ngei ka ring a kan khawl te hi China leh Taiwan siam deuh vek anih avngin Spear part leina tur hian hun a duh rei em em avangin hna min tih thuannawp thin a ni ati. Mizoram Industries Department hian sawrkar sum in min ngaih tuah sak se chuan Mizote hian Industry lam ah hma kan sawn ngei ka bei sei ni ati. Khawi hmunah pawh Mizoram chhungah chuan Current lamah harsatna kan neih tam lutuk hian kan thawh chhung ai in thawh lo ni hi a tam zawk thin avangin State dang atanga Order kan hmu hi an ni tiam ah kan thawn theih lo chuan order tute an bei adawng thin ani,Pu Vadu chuan a ti. Power Supply a that chuan Zoram Mipui thawhsen lo khawpin India ram chhung ngei ah pawh order hi kan hmu a ni ,ati. Mau kan phel sa leh kan sawngbawlsa hi engang chiahin nge an hman tih erawh min leitute hian an sawi tha duh vak lo a ni tih a sawi bawk. Mau atanga an siam chhuah agarbati sticks hi Mizoram pawn Amarabat ah kan thawn chhuak thin a Back load ah ka thawn ve mai thin a ni, ati. Kum khat ah an profit hi, Cheng Nuaikua ai tlem lo a ni a ti. Pu C. Vaduu hian Bamboo Small Industry aneih atangin Motor Workshop a din bawk a Saiha atangin Rel Ticket leh Air line ticket order theina Agency awm chhun an ni bawk .Motor Car loan petu agent a ni bawk.

MPSC hotuten Saihaa MF&AS exam an rawn thutchilh

MPSC hnuaia Mizoram Finance & Accoun Service Competitive Examination nimin atanga tan chu MPSC Controler,Examination Pu Vanrambeiseia leh Pu Lalngurliana Hmar,Asst.Controller chuan an thutchilh mek a, Pu C.Hrangthuama,Principal,GHSS leh a thawhpuiten an puihbawm a ni.MF&AS Saiha bikah mi 16 an exam a, diltu 53, form latu 30, a tawpah mipa 11 leh hmeichhia 5 chauh an exam ta a ni. Hemi chungchanga kan palai zawhna chhangin Pu Vanrambeiseia chuan inbuatsaihna a hautak hle a,Centre kkan hawnsak tawh che u a, officer ni turin lehkhathiam BA/MA in ngah a,mahse heti zat lek an exam leh si hi thil pawi tak a ni,nidangah tan la thar hlawm se ka duh tak zet a nima ti. Mizoram pumah mi 400 an exam a ni.

MPSC a thawktu zat zawhna chhangin Pu Beiseia chuan heti hian a sawi. Chairman -1, Members 3, Secy 1, Jt.Secy 1, Dy.Secy/Controller 1,US – 1,DCE 1, Supt 1, Asst.CE-1, Asst.Grade 8,UDC 4,LDC 10,Peon 20. Member hi pakhat lak belh tur a ni a,Controller post hi kuminah pek an inbeisei a ni.

Bharat Nirman campaign :

Vawiin hian Niawhtlang -ah PIB buatsaih Bharat Nirman campaign programme hman a ni dawn a, Pu Mangjamngam Touthang,IIS,Core Committee Chairman/Head PIB,DD Aizawl chuan a kaihruai ang a, Pu L.Khaichyu,Vice Chairman, Planning Board,MADC chu khuallian a ni ang a, Resource person ten paper an present ang a, zawhna leh chhanna hun hman a ni bawk ang.

Public Information Campaign Niawhtlang a neih chu hlawhtling taka zawhfel a ni ta

Saiha,March, 11 : Bharat Nirman Public Information Campaign, Saiha District-a ni thum chhung buatsaih chu nimin khan zawhfel a ni ta.Campaign ni hnuhnung ber, nimina Niawhtlanga neih hmanpuiin, MADC Chief Executive Member Pu S. Khipo chuan mipuite tana duan scheme leh programme tam tak mipuite hnen thleng lova tham ral engemawzat a awm thin a, Department thuneitu thenkhat leh khawtlang hruaitute a ruka insiamremin mipui chanai an hui fai vek changte pawh a awm a, hetianga diklo taka thil tih chingte hi ram hmelma an ni tih mipuiten kan hriat a hun tawh a ni a ti.

Nimin Campaign programme hi All India Radio Aizawl Station Director Pu Zosangzuala’n a kaihruai a, khualzahawm, Niawhtlang VC one leh two VCP te, Pu N.Sangchema leh Pu N.Tumsanga te bakah PIC Core Committee Chairman Pu Mangjangam Touthang te pawhin campaign hawnna inkhawmah hian thu an sawi.
Technical Session hman chhunzawmah Central Sorkar Scheme leh programme chi hrang hrang NRHM, SSA, PMGSY, IAY, leh a dangte chu a kalpuitu Deptt.-a mithiamten an sawifiah a, mipui pungkhawmte nen zawhna leh chhanna hun huamzau taka hman a ni bawk.Resource person Head of department engemawzat chuan an hmalakna an sawifiah bawk a, he programme a telte chuan an hlawhpui thu an sawi a ni.Niawhtlang khawtlang hruaituten Ruai an lo buatsaih sak bawk.MJA member ten an tawiawm tha hle.Public Information Campaign hi ni 8 khan Zawngling ah tan in, nimin khan Saiha New Colony MTP Hall ah chhunzawm a ni a, Niawhtlangah hian zawhfel a ni ta a ni.

Press Information Bureau (PIB) Government of India hmalaknain Pub Information Campaign programme hi nikum ah pawh hlawhtling taka neih a lo ni tawh a, District hrang hrangah kumtin neih chhunzawm zel tura ruahmanna siam a ni a.He programme hian Central hmalakna chi hrang hrang mipuiten chiang taka an hriat theih nana information pek hi a tum ber a ni.

NRHM Health Clinic

Nimin Niawhtlanga Public Information Campaign neih rual hian National Rural Health Mission NRHM hnuaiah a thlawna inentirna buatsaih nghal a ni a.

He Free Clinic ah hian Saiha atanga thawk chhuak Doctor rual 4 leh thawktu dangte chuan damlo natna chi hrang hrang nei 140 zet an en a, an damdawi mamawhte pawh a thlawnin an sem nghal zel a ni. Inentirna ah hian MMU te pawh tangkai taka hman a ni a, X-ray, Ultrasound, thisen zun leh ek endikna hmanrua chhawpchhuahte chu hmunpui pan ve thei lo te tan a tangkai leh zual a ni.

* Khua a lum chho zel a, kangmei lakah mi tin i fimkhur ang u.

BSI Gen.Meeting

Vawiin hian Bible Society of India Saiha Branch chuan ECM Siaha Vaihpi Centenary Hall-ah Annual meeting an nei dawn a, 1st session hi Rev.Ithra Tluma, President chuan a kaihruai dawn a, Pi F.Zosangi, Box collector chuan Tawngtaina a nei dawn a, Macha Pasa T.Azyu, Secy chuan report a pe dawn a ni.
2nd session chu Rev.F.Lallawmzauva, Vice president chuan a kaihruai dawn a, Nula PT.Lalchhanzovi’n tawngtaina a nei ang.

3rd session chu Macha Pasa T.Azyu, Secy chuan a kaihruai ang a, Lawmthu sawina leh chibai bukna Macha C.Lalngura,n a nei ang a, 2011 a Chief Patron chibai bukna Rev.Ch. Chhama,SES,ECM Hqrs chuan a nei a, Kichho Macha S.Ngohei-in a tan ang a, Rev.Ithra Tluma,President chu speaker a ni ang a, BSI Choir, ECM Meisa Vaih, ECM Siaha Vaihpi zaipawl ten hla an rem dawn a ni.

MCHP General Conference lo awm turah Pi K.Pari,Founder chuan president hna chawlh san dawn

MCHP gen.Conference vaqwi 7-na chu Tisi ah 16-17 March 2011 khian neih a ni dawn a,Election neih nghal a ni ang a, tun tum Election lo awm turah MCHP Founder President Pi K.Pari chuan tunhnaia ECM hmeichhe Macha (Upa) hmasa ber a nihna angin chhuanlam siamin NGO a chawlhsan rih duh avangin President official candidate-a telh tawh rih loh turin ngenna a siam a,nimina MCHP Hqrs Executive meeting chuan a pawmsak ta a ni. Pi K.Pari hian kum 1995 March ni 10 ah MCHP a din a,hemi kum 1995 atangin President niin vawiin ni thlengin president hna a chelh a,hemi hun chhung hian MCHP building te,Girl Hostel leh project dang DIC te dinin hma nasa takin a la a,a hlawhtling hle a ni.Lyuva Khutla ropui taka hmanna sum Tourism dept-in nuai 5-a a sponsor kha Pi K.Pari,A&CO,MADC-in nasa taka a zu dawr avangin a ni,tiin Pu Vabeiha Hlychho chuan a sawi.Tunah hian KNP-ECM Hqrs president hna Pi Pari hian a chelh mek bawk.

Pi K.Pari hi Tisa leh Thlarau rawngbawlna-a nasa taka thawktu niin Pathian kai hruaina in a hlawhtling hle bawk a,Moonlight Award dawng tu Pi K.Pari hian Italy,France,Australia,Ghana,
etc tlawh tawhin Mara ram tana a tangkai theihna tur a thlir tel zel bawk. Centenary Shawl, Mufler,Mara mipa kawr,etc pawh a president-na hnuaiah siam vek a lo ni ta bawk.

MCHP Official candidate te chu:

President – P.Chaki Sr.V/president – N.Tadi, Vice president – Nola Nola Nohro Gen.Secy – HC.Nakhai, Asst.Secy – B.Sohnai, Finance Secy – S.Mezi, Treasurer – B.Dingia, Secy i/c Drama – H.Nadaw, Secy i/c Culture – N.Ngotlai

PAHNOSANA

Mara Hla phipasuana pachhuahpanopa chata a,a ry liata palasapa hawhta Hla phi talent a hneipa mai vaw phi chyu awpata eima haw.Category : 1) Khazohpa hla 2)Vaiana hla (Love song) 3) Rah veina hla (Patriotism song)

Mara Hlasapa Py (MHP) Gen.Hqrs Siaha pachhuahpanohpata “Hla a phi pasuana” solo type ta (Mara Hla) a khopa mai chata hla phi theipa a cha. A lyma cha a popalopa tawhta

1st prize – Rs.20,000(Thynoh) + Certificate 2nd prize – Rs.15000/- (Thykha nata sapangaw) + Certifcate.

3rd prize – Rs.10000/-(Thykha + Certificate)
Top 10 zy hnohta Consolation prize Rs.1000/- sai piepa a cha awh. A daihti cha 30 May 2011 hlata Pihno HC.Nakua,Director, A.Sachhua,Secretary / John Beizachhi Phuto Organising Board hnohta pangia awpa a cha.

PAHNO AWPAZY

1. Hla a cha khana nata a cha neina Tonic solfa (Saprono) ngalah baipa ta pangia awpa a cha.
2. A solfa leipa a aony (Demo) CD liata khopata pangia theipa a cha hra(John Beizachhi asao hiatheipa acha)
3. A biepa nata solfa a sia kawpata typing tlyma/ plain paper ku rohpa ta pangia theipa a cha hra.
4. A khopa zy chata Mopa kha ta category to liata Hlakha sai pangia theipa a cha.
5. Hla a phituhpa Address a siakawpta roh awpa a cha
6. A result phuahna daihti cha MHP zy ku liata a y aw
7.He dah chakhia pacha a pyhpa cha aw vei.

Sd/-HC.Nakua Sd/-A.Sachhua
Director Secretary
MHP Organising Board

Kum – 2011 chhunga MYA, New Saiha ‘E’ Hruaitute leh Section Leader te :-Office Bearer resident C.VanlalbuatsaihaV/President-B.Vanlaltlana,Secretary – HunlawmawmaAsst Secy : C.Rothangpuia-Fin. Secy -K.Lalzawnga
Treasurer : K. Lalhnehpuii.Sr. Advisers : 1. C.Roliana 2. R.Lalbiakmawia .Information Secretaries :-1. R.Ramtinthanga 2. F.Rochanthara
Social Organise :-1. C.Vanlalzova 2. J. Lalvenhima.Property Incharge :-1. Pazawna
2. Lalromawia
Executive Committee Members :-1. S.Hmingthanzama2. K.Lalremruata3. K.Zoramhluna4. H.Lalhmingthanga5. Laltharliana6. Lalhriatpuii7. H.Lalmuanchhungi8. Lalhmingmawia
Sec-leader thlan ani bok

Editorial

Officer hna exam tlem lutuk hi

Pathian khawngaihna zar ah Mara ramah pawh BA/MA kan lo ngah ta a,sor kar hna zawng tam tak an awm mek a,Officer hna tam takin chelh/thawk se tih hi a ram chhung mipuite duhthusam a ni.Kan leh khathiam rualte pawhin sorkar hna a vang ta a ni,tiin hmalakna atan Lehkhathiam Hna hmu lo Association hial an din bawk.

Sorkar hna hi a vang lo a ni ang, hna dil tur advertise a ni deuh reng a,tunah pawh Finance & Acount Services,etc pawh tunah exam mek a ni a, Saihaah mi 16 chauh an exam ta mai a, a pawi hle a ni.Sorkar hna lian kan duh tak tak anih chuan hetiang hun thaah hian a tam thei ang bera kan lehkhathiam rualte an vir zak zak a tul a ni.Hna dang advertise a awm zel dawn a,kan leh khathiam rualte lo inkau sa rawh u,hun tha a liam mai dawn, tan han la thar tak tak teh u le.

PRESS NOTE

NLUP hnuaia tanpuina pekchhuah a han nih takah hian sorkar department thenkhat atanga sum pawt peng a NLUP atana sem niawm takin leh hemi avanga heng Department a thawktuten hlawh lak tur nei lo angin mi thenkhatten thu an thehdarh a.Hei hi a pawi hle a ni. Mipuite hnena thil awmzia dik tak sawi hi mi chinchang hre hriate chuan kan tihtur theuh a ni zawk a.Chuvang chuan khawi Department atang mahin NLUP Board chuan NLUP atana sem turin cheng khat pawh a pawtpeng lo a ni tih hi mitin hriat atan kan rawn puang e.Chutih ahnekin NLUP khawihtu Department pariat (8) hnenah NLUP atan sum thahnem tak a pek belh theuh zawk a ni.

Kum 2010-11 aanning Commission-in NLUP atana pawisa min rawn pek zat chu Rs.234.82 crores a ni a.Hemi sum hi a hnuai ami ang hian Line Department hnenah pek belh theuh a ni.

Department Annual plan 2010-11 NLUP atana pek belh Total
Agriculture Rs.700 laks – Rs.7552 lakhs – Rs.8252/-
Horticulture Rs.702 lakhs – Rs.5222.75 – Rs.5924.75 lakhs
AH & Vety Rs.610 lakhs – Rs.1000 lakhs – Rs.610 lakhs
Sericulture Rs.415 lakhs – Rs.500 lakhs – Rs.915 lakhs
Forest Rs.580 lakhs – Rs.2780 lakhs – Rs.3360 lakhs
Industries Rs.1590 lakhs – Rs.1100 lakhs – Rs.2690 lakhs
Soil Rs.300 lakhs – Rs.1416 – Rs.1716 lakhs
Fishery Rs.700 lakhs – Rs.300 lakhs – Rs.1000 lakhs

Total Rs.5597 lakhs – Rs.19870.75 lakhs – Rs25467.75 lakhs

A chung ami ang khian Department 8 Annual plan chu Rs.5597.00 lakh chauh a nih laiin heng Department 8 te tana NLUP pawisa Rs.23182.20 lakh atangin sum pek belh chu Rs.19870.75 lakhs daih a ni a.Annual plan sum hmuh let thum leh a chanve zet pek belh an ni zawk tih a chiang a ni.Rs.1987.75 lakh Line dept 8 hnenah NLUP a hman tura pek chhuah a nih hnua a la bang Rs..3619.45 lakh hi Management leh Infrastructure component atana dah a niin hman mek a ni.

Forest dept hian NLUP a an sum neih Rs.2780 lakh hi beneficiary an neih tam dawn tak avangin a hmang seng lova, Rs.1832.49 lakh an surrender nghe nghe a,AH & Vety dept-ah beneficiary target atan pek belh an ni. Agri dept pawhin an sum neih Rs. Rs.7552 lakh hi an hman sen dawn loh avangin Rs.3552 lakh an surrender ve bawk a.AH & Vety ah vek Rs.2000 lakh leh Industries dept-ah Rs.1552 lakh pek tur a ruahman mek a ni bawk.

NLUP sum hman dan dik tak chu a chunga sawi ang hi a ni a,khawi department ah mah chengkhat pawh a pawt hek lova,chutih a hnehin Department 8 hnenah Rs.19870.75 lakh a pek belh chhah zawk a ni. Department thehnkhat hlawh la thei lo an awm anih chuan hei hi anmahni Department mawhphurhna liau liau a ni a,NLUP Board-in a hriatpui lo.Hemi chungchang hrechiang duh tan chuan NLUP Implementing Board Office-ah englai pawhin zawhfiah theih a ni reng e.Tin, Tin Planning Commission-in NLUP tana Rs.234.82 crore a release-na leh Finance Ministry in hemi zat a sanction-na hi heng website ah hian en theihin a awm bawk e. 1. planningcommission.goc.in 2.ministry of finance.gov.in

ISSUED BY NLUP IMPLEMENTING BOARD

* Pu K.Vanlalliana, P&DO, MADC chu Official thil tul leh pawi mawhte buaipuiin Ai zawl lamah a thang mek a, Dt.12.3. 2011 khian a lo haw ang.

* District Level High School Sports Meet chu District Playground, Saiha Veng pui-ah neih mek a ni.
* Cement Mistiri ID Card, MTP Office ah lam theih a ni a, he ID Card neilo te chuan hna an thawk thei tawh dawn lo a ni.

* PU RT.Zachono, President MDCC Hqrs. Siaha leh a hote chuan Serkawr leh a chhehvel an fang mek a, khaw tinah lawm an hlawh hle , nizan khan Zero ah riakin public meeting ah thusawina a nei a, vawiin hian Maubawk-Ch ah thusawina a nei leh ang a,tlai lamah an lo haw ang.President,MDCC leh a thawhpuite zinnaah hian Ruai an lo siamsak zel bawk.

* Kangmei laka i fimkhur theuh ang u, kan zavai mawhphurhna a ni e.

DDT Kah beihpui thlak chho mek zel

Malaria natna laka kan him theihna turin kawng hrang hranga hmalak mek a ni a, Medical lama thawktute chuan Thosi len dam dawia chiah leh Damdawi chiahsa sem beihpui tunhnai khan an lo thlak chho leh tawh a, tunah DDT kah beihpui thlak chhoh leh mek zel a ni a, niminpiah lam khan New Saiha East leh West ah DDT hi kah a ni.Tin, Chhungtinten kan hriat tur pawimawh tak pakhat chu DDT hi Mihring hriselna tichhe theitu a ni lova, Mithiam ten uluk taka an lo zir chian hnu a thil pawilo a ni, an tih avangin ngaihtha taka kan in leh a velte kah tir chu a tul hle a ni,tiin CMO Dr.H.Lalchungnunga chuan a sawi.Inchhung kahtir vek tur a ni,a ti.

Ralna nei dawn

Dt.12.3.2011 hian Pu S.Beihneisia(L) of Siaha Vaihpi Awsicharu Joint Editor ralna programme chu Awsicharu Editorial Board ten an hmang dawn a,MJA member zawng zawng te telpui theuh turin an sawm.

* Pu Mangjanngam Touthang, IIS,PIB hotupa leh DD hotu leh a thawhpuite chuan Saiha leh khaw thenkhat Public Information Campaign an neih hnuah vawiin hian Aizawl panin Saiha an chhuah dawn a ni.

Premier League fixture

Saturday, 19 March 2011
Aston Villa v Wolverhampton, 15:00
Blackburn v Blackpool, 15:00
Chelsea v Man City, 15:00
Everton v Fulham, 15:00
Man Utd v Bolton, 15:00
Stoke v Newcastle, 15:00
Sunderland v Liverpool, 15:00
Tottenham v West Ham, 15:00
West Brom v Arsenal, 15:00
Wigan v Birmingham, 15:00
Saturday, 2 April 2011
Arsenal v Blackburn, 15:00
Birmingham v Bolton, 15:00
Everton v Aston Villa, 15:00
Fulham v Blackpool, 15:00
Man City v Sunderland, 15:00
Newcastle v Wolverhampton, 15:00
Stoke v Chelsea, 15:00
West Brom v Liverpool, 15:00
West Ham v Man Utd, 15:00
Wigan v Tottenham, 15:00
Saturday, 9 April 2011
Aston Villa v Newcastle, 15:00
Blackburn v Birmingham, 15:00
Blackpool v Arsenal, 15:00
Bolton v West Ham, 15:00
Chelsea v Wigan, 15:00
Man Utd v Fulham, 15:00
Sunderland v West Brom, 15:00
Tottenham v Stoke, 15:00
Wolverhampton v Everton, 15:00
Sunday, 10 April 2011
Liverpool v Man City, 15:00
Saturday, 16 April 2011
Arsenal v Liverpool, 15:00
Birmingham v Sunderland, 15:00
Blackpool v Wigan, 15:00
Everton v Blackburn, 15:00
Fulham v Bolton, 15:00
Man City v Tottenham, 15:00
Newcastle v Man Utd, 15:00
Stoke v Wolverhampton, 15:00
West Brom v Chelsea, 15:00
West Ham v Aston Villa, 15:00
Saturday, 23 April 2011
Aston Villa v Stoke, 15:00
Blackburn v Man City, 15:00
Man City v Stoke, 15:00
Sunderland v Wolverhampton,
West Brom v Everton, 15:00
Wigan v West Ham, 15:00
Sunday, 15 May 2011
Birmingham v Fulham, 15:00
Liverpool v Tottenham, 15:00
Sunday, 22 May 2011
Aston Villa v Liverpool, 16:00
Bolton v Man City, 16:00
Everton v Chelsea, 16:00
Fulham v Arsenal, 16:00
Man Utd v Blackpool, 16:00
Newcastle v West Brom, 16:00
Stoke v Wigan, 16:00
Tottenham v Birmingham, 16:00
West Ham v Sunderland, 16:00
Wolverhampton v Blackburn,

Saturday, 23 April 2011
Aston Villa v Stoke, 15:00
Blackburn v Man City, 15:00
Blackpool v Newcastle, 15:00
Bolton v Arsenal, 15:00
Chelsea v West Ham, 15:00
Liverpool v Birmingham, 15:00
Man Utd v Everton, 15:00
Sunderland v Wigan, 15:00
Tottenham v West Brom, 15:00
Wolverhampton v Fulham, 15:00
Saturday, 30 April 2011
Arsenal v Man Utd, 15:00
Blackburn v Bolton, 15:00
Blackpool v Stoke, 15:00
Chelsea v Tottenham, 15:00
Liverpool v Newcastle, 15:00
Man City v West Ham, 15:00
Sunderland v Fulham, 15:00
West Brom v Aston Villa, 15:00
Wigan v Everton, 15:00
Sunday, 1 May 2011
Birmingham v Wolverhampton, 12:00
Saturday, 7 May 2011
Aston Villa v Wigan, 15:00
Bolton v Sunderland, 15:00
Everton v Man City, 15:00
Fulham v Liverpool, 15:00
Man Utd v Chelsea, 15:00
Newcastle v Birmingham, 15:00
Stoke v Arsenal, 15:00
Tottenham v Blackpool, 15:00
West Ham v Blackburn, 15:00
Wolverhampton v West Brom, 15:00
Saturday, 14 May 2011
Arsenal v Aston Villa, 15:00
Blackburn v Man Utd, 15:00

Press Release

Vawiin Ni 11 March 2011-a Zoram Ni Organising Committee, MZP Pisapui-ah neih a ni a. He hun hi Pu S. Lalrinawma, Committee Member chuan kaihruaiin, Pu H. Laldingliana, Committee Member chuan hunserh a hmang a ni.

Meeting-ah hian March Ni 5 2011-a Zoram Ni hman dan thlirletna leh Zoram Ni Painting Exhibition kharna neih tur chungchangte rel a ni a. Zoram Ni Painting Exhibition Vanapa Hall-a neih mek chu naktuk Ni 12 March 2011 chawhnu dar 2:00 hian kharna hun Vanapa Hall-ah urhsun tak a hman tur a ni a, he hun hmang tur hian Zoram Ni Organising Committee chuan mi zawng zawng a sawm a ni.

Kum danga lo hman tawh thin angin Aizawl leh Mizoram hmun hrang hrang-Kolasib, Mamit, Lunglei, Serchhip, Khawzawl leh Darlawn-ah te “Zoram Ni”chu March ni 5, 2011 khan hlawhtling taka hman a ni chu Zoram Ni Organising Committee chuan lawmawm a ti hle a. He ni hlawhtlin theihna tura tha leh zung, ngaihtuahna sengtu zawng zawngte chungah Zoram Ni Organising Committee chuan thinlung takin lawmthu a sawi a. Zoram Ni puala Solidarity Message rawn thawntute – All India Garo Union (Tura), Naga Peoples Movement for Human Rights (NPMHR) Kohima, Karbi Human Rights Watch (KHRW) leh Arunachal Citizens Rights (ACR) chungah lawmthu a sawi tak meuh bawk a ni.

Mahni hna tul leh pawimawh dangte kalsana Zoram Ni hmannaa tel zawng zawngte; a bik takin chanvo neitute bakah thahnemngai taka kawng zawhtute leh kawng zawhnaa thawkchhuak thei lo mahni awmhmuna rilru leh thinlung taka Zoram Ni lo hmangtute inpekna chu Zoram Ni Organising Committe chuan fakawm a ti hle a ni. Zoram Ni hlawhtling taka hman a nih theihna tur leh he ni hmanga Zofate kan inpumkhat lehzual theihna tur atana tawngtaina a hlantu Kohhran hrang hrangte chungah Organising Committee chuan lawmthu a sawi a. Tin, he ni hlawhtlin theihna tura mipui hriata thu leh hlate puangzartu print leh electronic media thawktute chungah Organising Committee in lawmthu a sawi tak zet bawk a ni.

Sd/-

(H. LALREMSIAMA)
Secretary
Zoram Ni 2011Organising Committee

This entry was posted on Tuesday, March 15th, 2011 at 12:00 pm and is filed under Recent Posts. You can follow any responses to this entry through the RSS 2.0 feed. You can skip to the end and leave a response. Pinging is currently not allowed.