Moon Light Saiha

Zaithiam pahnih Maraland idol Eden.T.Azyu leh Catherine,top 5 ten chow ei pahin zuk leh hmuam thatlohzia awareness hla phuah dun an rawt.

Maraland Idol Eden T.Azyu leh Catherine Bethlehem Thatingia,Maraland idol top 5 chuan Inrinni kalta khan Doulos Reaurant-ah chawlhin Chou tui hnai tak an ei a, an Chou eina-ah hian Mara ram thalaite tana thil pawimawh lutuk mai an sawi dun a, Zuk leh hmuam bakah ruitheih thil hi Mara ram thalai te hmelma a nihzia sawiin a thatlohzia awareness campaign hla phuah dun an rawt nghal a ni.

Mizoramah hian thalai tam tak zaithiam an lo chhuak tawh a,Ruitheih thil thatlohzia hla phuah an awm a,zuk leh hmuam thatlohzia hla phuah rawt-tu an awm hriat a ni lo,Hetih lai hian Eden leh Catherine chuan Chow an ei satliah lova, Thalaite tana thil pawimawh lutuk an rawt chhuak ta hlauh mai hi a vannehthlak hle a ni. Zuk leh hmuam avang hian kumtin mi sang tam tak an thi tawh a,an thi mek zel bawk.

Eden T.Azyu leh Catherine hian zuk leh hmuam an ti ve lova, an dam chhungin an do dawn a ni.Zaithiam pahnih rawtna leh thiltum hi a ropuiin a alawmawm hle a ni.

DIET,Saiha hi DIET puitling a dah thuai a tul tak zet – Pu H.Lalfakzuala

Saiha,Feb,25 : Nimin khan kan palai chuan Pu H.Lalfakzuala, Principal,DIET,Saiha kawmna a nei.Pu H.Lalfakzuala chuan DIET Saiha hi DIET puitling( full fledge DIET) a hlankai a nih thuai loh chuan kan District a zirtirtu post ruak zawng zawng hi kan hotuten an hnawhkhat thei dawn tawh lova, a chhan chu The Right of Children to free and Compulsory Education Act 2009 in a phut angin Zirtirtu ni tur reng reng chu Trained sa a ni tur a ni tih a ni a.Pre service training kum 2 an kal ngei ngei tur a ni.Trained sa appoint tur an awm dawn lova,Train sa awmna district dang atangin zirtirtu tur appoint a la ngai dawnin a lang a,hemi chungchangah hian kan ram hruaitute leh Zirlai pawl ten hma an lak atul hle a,Saiha hi DIET puitling a hlankai a nih phawt chuan engkim a awlsam dawn a ni,a ti.Tunah hian Lecturer 10 chauh an nei tawh a, midang 3 an awm tawh lova, pakhat chu HSS-ah a kir leh a,pakhat chu Lunglei-ah attached a ni a,pakhat dang leh chu Kolasib-ah attached a ni a,kim taka sorkarin min dahlet sak kan mamawh tak zet a ni,tiin Pu H.Lalfakzuala, Principal,DIET Saiha chuan a sawi.

DIET Saiha perfomance tlangpui hetiang hi a ni: DIET Saiha hi 19th April 2006 khan Education Minister Dr.R.Lalthangliana’n a hawng a,vawiin ni thleng a achievement a neih tlangpui chu :- 1.Induction Trianing for newly recruited teachers 5 (No of participant 162). 2. Early Childhood care & education 2 ( 162), 3.English P/S 3 (119), 5. Maths P/S 5 (286) 6.Maths M/S 3 (98) 7.EVS P/S 6 (218), 8.EVS for M/S 2 (32), 9.SS M/S 3 (75). 10. Ge.Edn P/S 1 921), 11.Science M/S 1 (25), 12.Mizo M/S 1 (32)
13.Adult Edn for peer edn 2 (80) 14.Short course training BRC/CRC 1 (13
15.Adolescent Edn for teachers 2 (60) 16. Training for Head of M/S,P/S 17. Question setting & Evaluation for Head of M/S and P/S 3 (122) 18.Workshop on NCF 2005 for Head of M/S,P/S 4 (143), 19. Planning/Admn for M/S Head 1(40) 20.Con-Comprh Evln 1(139).Heng bakah hian District level Quize competition Cl-VII students te tan buatsaih a ni a. Terminal Acheivement test 7th-16th April 2010 khan lecturer leh staff ten an neihpui bawk. School Information Collection neih niin Primary to College kan district chhung a mi collect a ni bawk.
Topic hrang hrang ah zirna kawnga tanpui tu tur atan Action Research kumtin neih thin a ni. Kum 2009 session atangin IGNOU hnuaiah Certificate in Primary Education (CPE) Course kalpui thin a ni bawk.

Heng bakah hian lecturers ten duty hrang hrang heng-Census, Election, Disaster Management ah te Master Trainer leh Supervisor te niin sawrkar tan theih tawp in hna an thawk thin a ni,tiin Pu H.Lalfak zuala,Principal,DIET Saiha chuan a sawi bawk.(Pu Faka hi kan editor classmate a ni,ed)

DC Office a Officer room thenkhat repair a ni

Saiha District a Bawrsap Pisa hi Kum 33 lai Upa a ni tawh a, a Chhuat leh Varanda leh a ban te a mawih hle tawh a, Office dawr tute tan pawh rah palh an hlauhawmin fimkhur a tul hle tih sawi a hlawh hle .District hmel lanna ber a ni bawk avangin Pu Kunal IAS DC leh athawhpui Officer te chuan Sum awm ang ang ngaihtuahin Officer room an repair tha a Office dawr tute an lawm hle a ni. chutih rual chuan DC Office hi Chhimtuipui District a nih lai atang tawh khan ngaihsak a hlawh ngai lova, hmanni lawka District thar dingte pawhin Building tha tak tak an din fur tawh a, Saiha District erawh ngaihsaktu Politician tha a mawhin Officer thil tithei a mawmawh hle tawh a ni.Chutiang bawkin Sawrkarna pawh vawi engmawzat an in tlak tawh a, awmzia a nei rih lo a nih hi.Tawngkam a sawi thiam lam ai mahin a tak ngeia thiltih lan tir hi ram hian a mamawh tawh zawk hle niin mipui te chuan an sawi.

Vawk kai hi

Nimin khan Saiha khaw pui chhung Veng laili ber leh lunlai ber Traffic point ah ram dang atanga Ran kai Vok ,Bawng, leh Ar etc.vahpui a ni a, Thuneitu ten arang lama ngaih ven nise, Motor kawng pui dungah Ran vakpui chiam hi thil in hmeh lo tak ani a. Tin,an Vawk kai hi a khuh reng bawk a vangin eng hri nge a vei mithiam ten en sak se, khawpui chhung a Vawk vahpui a nih hi Admisnitation kaihruaitu te mualphona chikhat anih theih avang in ngaiven a tha hle ang. Sawrkar Laipui pawhin thenawm State Tripura leh Bangladest leh Myan mar ram ah Bird Flu hrileng hmuhchhuah anih avangin State tinah hriattir ani tawh angin Saiha ah pawh nimin piah khan DC chuan Order khauh takin an chhuah a ni a.Ran zuar tute pawhin Order chhuah an hre lo anih pawhin in hrilh hriat nise Concerned department ten aranglam a hma lak nise tih kan palai chuan thu a dawng.

Chapchar Kut progrm

Dt.4.3.2011 khian District Playground-ah Chapchar Kut hman a ni dawn a, Pu C.Zohupa, Principal,Govt Saiha College chu Kut Pa a ni ang.Pu Thangchem Za thang,Addl.DC -in a kaihruai ang. Opening song – Jt.YMA Saiha, Hlado chham – C.Sang manga, Malzai – Maraland Idol Eden T.Azyu, S.Siamkungi, Dominic & Samuel, Hnam Inchei entir – MCHP,MHIP,LWA, Chheih lam – MUP,MHIP, Pawnto – Adventist School, CTS, Spring Field School,JPS, Cristian School, LDS, ZES,LES,PES,MES,HGES,
NC-PS-II,SPES,DBS, EPS, BES,SVPS,SFSChai – Aduh apiang. Lawm man sem – CEM, MADC,DC,SP. Lawmthu – Pu V.Lalengmawia, SDO(S).

Annoucers: Lalngaihsangi leh Zokhai khuhly.

Mahila Thosai Unit thlanthar te

President – Pi NT.Nohla V/president – Pi N. Chiathlua, Treasurer – Pi Siapaw, Siahatla-II:
Pre- HC.Lalnunsiami, V/pre – Zinghliangi, Treasurer – Lalnuni

John Beizachhi chuan Mara Hla lar zual te leh a phuahtute tih lehkhabu a buatsaih mek :

Zaithiam John Beizachhi chuan tunlai hian Mara Hla lar zual te leh a phuahtute tih lehkhabu a buatsaih mek a, kumin July thla laihawl velah tlangzarh theih beisei a ni,tiin ML Thalai Huang zawhna a chhang. John Beizachhi hian zaithiam engemawzat a puih tel bawk a, amah pawhin Hla tam tak a phuah tawh a,Siamkungi te, Maduhi te, LB Nohro te,Abraham Phuto leh mi dang te Hla lama an halwhtlinna kawngah a puih nasa hle bawk.

Maduhi’n a larpui em em “Vaw-kua ha ma y” tih hla pawh hi John Beizachhi chuan Maduhi sak atan liau liau a phuahsak kha a ni a,VT.Maduhi pawhin, John hian ka sak atan liau liau “Vawkua ha ma y” tih hla hi min
phuahsak a,min pe nghal a,ka lawm tak zet a ni,a ti.Hetiang hi sawi tur dang pawh a awm nual
bawk.

Pi HC.Nakua Hlaphuah “Achuna lia arapasua ei su vy” tih hla hi John Beizachhi chuan a thluk a siamsak thung.

John Beizachhi -in-a Mahila MDCC inthlanna Laila Hall-a “Aparuta Raithlie palo laina” tih hla a han thlawh tak tak mai chu Nu ho kha lungleng tih hriat tak khan an thle dial dial mai anih kha.

ECM Assembly zawhfel a ni ta.Moderator atan Rev.Dr.M.Zakonia, Sr.Executive Secretary-ah Rev.Ch.Chhama thlan tlin an ni.

Saiha,Feb,28: 88th ECM Assembly Chapi(Chapui)a neih chu tluang takin zawhfel a ni ta.Moderator atan Rev.Dr.M.Zakonia leh Moderator Elect-ah Rev.NC.Vabeilua thlan an ni a. Senior Executive Secy atan Rev.Ch.Chhama, EXecutive Secy i/c Mission – Rev.C.Beima, Executive Secy i/c Education – Rev.V.L.Ngaia Hlychho. Assembly Secretary Senior-ah Rev.J.R.Sanga leh Assembly Secy Junior-ah Macha KH.Beithie thlan tlin an ni.Pastor a ordained te chu Rev.S.Vabeikhokhei leh Rev.C.Beizaw. Pro Pastor atana nemnghet-te 1.NC.Beihrosia s/o Macha Ng.Zama,BD (STC)Tisi 2. LV.Beidavi s/o Macha L.Hralua,BD(ETC),Chhaolo, 3. M.Beipisa s/o Macha.M.Chama,BD(ETC(Zyhno).

He ECM Assembly a thurel pawimawh deuh deuh te chu : 1. Saikao(Serkawr)ah Administrative Secy Office hawn nise. 2. Lopu Pastor bial thar hawn nise 3. De-Addiction Centre atan ram ngaihtuah nise.

4.Multipurpose Training centre tan ram lei nise. 5.Staff Nurse training mekte chu Assembly-in sponsor rawh se.
CCIM leh MPC te nena kohhran inpumkhatna tura hmalakna report pek a ni a,Restoration of India Mission (RIM) nena kum 2010 atanga thawhhona report te,Kum 2010 a ECM Music School hawn a nihna report te, Bible Revision Board/Translation Committee pawmpuina te ( Rev NC.Vabeilua,Chief Translator), Rev.Dr.Lai-u Fachhai, Mrs.Lyn H.Ngohei ).

Mr.J.Norman s/o Rev.J.Haotha(L) Serkawr IV Grade(fixed) a lakna report te, Kum 2011 a pension turte: Rev.L.Mark – 1.3.2011. Mr.S.Pawkhei,UDC – 31.5.2011. Mr.T.Beitlua,Head Printer – 1.3.2011.

Macha T.Rothanga,Principal,ECM Higher Seconadry School September 2011 a pension tur report te, Mr.N.Zatlua,Teacher,LES Saiha Sept 26,2010 a boral ta chungchang report te, Hlathar bu siam mek hmalakna report te, Mini Offset 1 Rs.490,479 a lei report te, Samuel Mang,BD,Nepal
Field supervisor(2011-2012) tana ruat report te, Pastor C.Khaisa,BA Mishing Field Supervisor tana ruat pawmna report, Pastor hna a thawktu tur Mr.Aditya KC Shekhar,BE lak tur remtihna report te Kum 2011 chhunga Mission Convention neih tura remtihna report te, Kum 2013 Puitling S.School a zir tur Chanchintha Luka ziak hrilhfiahna ziaktuah Rev.S.Beizawzi ruat report te, Chakma field Missionary atana Miss Florence VT.Ngona,Ms.Haddy C.Thanghlunpuii leh Mr.Vabeibyhnarona lak an nih thu report te, Nepal field missionary a Mr.C. Lalrinkhuma lak a nih thu report ngaihthlak a ni a.Sangha ruai theh a ni a,he thuthar lakkhawm laiin budget passed thu kan hre hman lo,next ani mai.

Mipuiten an fak ber chu Z.Hnaiki,Retailer-New Colony-I

Saihaah hian Retailer tam tak an awm a,dik takin an teh theuh kan ring. Diklo taka bukna hmang an awm report kan dawng lo.Kil khata tute emaw lo sawisel thawm erawh a awm mai thei e.

Hetih lai hian New Colony-I Retailer Z.Hnaiki hi mipuiin an fak hle a,kan palai hnenah pawh mi tam takin an fak a,chuti khawpa mipui fak rawn Retailer chu kan palai chuan a rukin a endik a, dik thlapin a buk a ni tih a hmuhchian hnuah zawhna tlem a pe a, i buk dik lutuk a,i chawibelh reng reng em? tia zawhna chu Hnaiki chuan ka chawi belh miah lova, dik taka ka buk avanga ka lo chawi belh ta a nih pawhin pawi ka ti chuang lovang, mipui an lawm phawt chuan ka lawm ve a ni mai,a ti.

Ni,Mipuite hi Lalpa Pathian Beram te an ni a,Lalpa Beram te an lawm chuan Pathian a lawm ang a, amah Z.Hnaiki ngei pawh a lawm a ni, a chawi belh chuan sorkarin a rulh atul ang,a chhan chu dik takin a buk thin a,mipui kan lawm tak zet a ni tia sawitu an tam tak avangin kan palai pawh a thu hle hle thei tawh lova, dik taka a buk lai thlalak hi en ula,a level chiah chiah a,thu mai ni lovin thlalak nen kan tarlang ngam a nih hi.Pu Lalkunga Sailo,DCSO chuan he thu a lo chhiar hunah Z.Hnaiki hnenah lawmthu a sawi ngei rin a ni a, Best Retailer thlang rih lo mahse Best Retailer lawmman siam chuk chukin a pek ngei rin a ni,ed)

Hlaphuah intihsiak

Nimin khan MHP din Mara Hla Inphuaksiak Organi sing Committee Director Pi HC.Nakua hovin an Inah Meeting neih a ni a, Member pakhat ruat belh a ni a,Board hruai tute chu Director – Pi HC.Nakua, Secretary – Pute Sachhua, LC.Cha sai, John Beizachhi, J.Jeffrey Khara, leh Nula Vasty Azyu te an ni. An thurel chu Mara Hla, Gospel, Love song leh Ram ngaih hla Inphuah siak nisela, Categories 3 ah hian a duh tan 1 theuh,a a peihte tan pathum theuh pawh phuah nise, Hla phuahte chu a saprano solfa nen nise, solfa thiam lote tan demoJohn Beizachhi hnenah thehluh nise tih a ni a. 1st prize Rs. 20,000/- 2nd prize Rs.15000/- 3rd prize Rs.10,000/- Top 10 te hnenah Consolation prize Rs.1000 theuh pek nise, Director, Secy leh John Beizachhi hnenah hlaphuahte chu thehluh nise tih rel a ni a, May 30,2011 chu last date nise, result erawh October/November 2011 lamah Singing competition buatsaih pah fawmin ropui takin a puanna programme buatsaih nise tia rel ani.

Lyuva Khutla

Lyuva Khutla lo awm tur atan inpuahchah mek zel a ni a, Mister & Miss Lyuva Khutla lo awm tur leh Mi 2000-5000 ten Sawlakia an entir tur chu mipui nghahhlelh ber a ni a, hetiang khawpa mipui tamna tur hi Mara ram ah a vawikhatna tur a ni dawn bawk avangin Lyuva Khutla Organising Board Chairman Pu Pachi Hlychho leh a thawhpuite chuan uluk takin programme an siam a, bawhzui turte chak takin an bawhzui chho mek bawk.

Dr.Joseph Zawtha

Centenary malsawmna kan dawng chhunzawm zel a, Doctor rawn chhuak thar Dr.Joseph Zawtha s/o Machhy Zawtha, Chhaolo chuan New Delhi a Hospital pakhatah hna a hmu a, thlakhatah Rs.50,000/- chuang a hlawh tih hriat a ni.

* Khua a lum tawh a,kangmei lakah i fimkhur ang u.

C-fluid hlauhawm

Type writer a hawrawp chhut sa nawhrehna Correcting Fluid hi naupang thenkhat ten an hnim rui thin nia sawi a ni a,chuvangin Correcting Fluid zuarten naupang hnenah lo pe lo hram turin kan ngen a che u,he thil hian naupang thluak,etc a tichhe vek thei a,a hlauhawm em avangin fimkhur a tul a ni,ed).

* Chapui-ah Pu Ebi Zaw tha leh a fapa Dr.Sasa Zawtha ten Sangha Ruai Assembly palai te tan an buatsaih sak a ni.

Press Release

Vawiin Dt 25th February 2011 chawhma dar 11:00 khan Mizo Zirlai Pawl (MZP), Mizo Students’ Union (MSU) leh Mizoram Research Scholar’s Association (MRSA)hruaitute chuan Mizoram University Vice Chancellor thar lak tur chungchangah Mizoram Chief Minister hmuh a ni a, rawtna chi hrang hrang leh bawhzui tura ngenna thlen a ni. MZU Vice Chancellor tur hian Zofa duhsak phu leh tling an awm chuan an chungah duhsakna lantir ni ngei thei se, Mizoram University hmangaihna tak tak nei tur leh hun lo kal zel tura dinhmun duhawm zawka MZU hlangkai thei tur dah a nih ngei na tura hma la turin ngen a ni. Hemi chungchangah hian Chief Minister hian a tul ang zela lo umzui a inhuam thu leh a tum thu a sawi a ni.

Tin, hemi rual hian MZP chuan tunhnaia Vairengte dai Mautui lui zau leh Bairabi daia ramri buai denchhena Assam sorkarin harsatna an siam kal mekah hian Mizoram hloh belh lo zawnga a rang thei ang bera hma la tura MZP in a duh thu leh ramri buai reng chingfel tura Boundary Commission din a, chak taka hma la turin a ngen bawk. C.M chuan ramri hauh kawngah Mizo mipuite a taka luahchilh leh enkawl tura kan ram kan chei hnum a tul thu sawiin, buaina awm mek chingfel tura hmalak mek a nih thu leh Boundary Commission din tur pawha ruahmanna fel tak neih a nih tawh thu a lo chhangin hma lak chhunzawm zel a nih tur thu a sawi bawk.
MZP chuan C.M zahawm takin amah hmuhna tura MZP, MSU leh MRSA te hun tha tak min pek avang leh thu thlente tha taka a lo dawnsawn avangin a chungah lawmthu a sawi a ni.

Sd/-
(LALSANGZUALA NGENTE)
Asst. General Secretary

This entry was posted on Tuesday, March 1st, 2011 at 5:32 pm and is filed under Recent Posts. You can follow any responses to this entry through the RSS 2.0 feed. You can skip to the end and leave a response. Pinging is currently not allowed.