Moon Light Saiha

MDF buatsaihin I&PR Conf.Hall,Saihaah Council Dan siamthat tura rawtna kalmek chungchang sawiho a ni.

Saiha,July,5 : Nimin khan I&PR Conference Hall,Saihaah MDF buat saihin District Council Dan siamthat tura rawt na kal mek sawihona neih a ni a.He hun kaihruaitu Pu S.Lal remthanga,MDC-MDF chuan All Political parties, NGOs, Kohhran, MJA te leh sawmbikte meeting neih chhan chu District Council Dan siamthat tura rawtna kal pui mek chungchang sawiho leh ngaihtuahho tura koh a nih thu a sawi. He Dan siamthatna tura ruahmanna kalpui mek hi kan Autonomy tan a him em? Panchayati Institution hnuaia awmna a ni mai lo maw? tih leh tul dangte sawiho a ni. He Meeting a tel ho chuan District Council Dan siamtha tura rawtna kalpui mek hi ngun taka-ngaihtuahho anih hnuin kan Autonomy Ram leh hnam tan a him loh avangin a pawm lovin a hnawl a,kan ram leh hnam kan Autonomy humhalh a venghim turin hmalak zel tha an tih thu an sawi bawk.

Pu M.Laikaw, President, MDF Hqrs chuan Meeting neihna chhan leh he Dan siamthatna tur chungchanga kan Autonomy him lohzia leh tul dangte sawifiahna hun a hmang a ni.He Meeting ah hian All NGOs, Kohhran, MJA- All Political party te sawm an ni a, ngaihdan hrang hrang an sawi a,he Autonomous district Council thuneihna hi State thuneih na hnuaiah a him lo an ti a, atul anga hmalak an tum thu an sawi a ni.

Thenkhat chuan Panchayati Raj a thlak a nih chuan V/C thuneihna a lian hle dawn a,hei hi tha an tih tho rualin MDC thuneihna leh hlutna hian awmzia a nei lo mai ang tih an hlauh thu an sawi a, Central hotu lokal tur sawipui nise an ti a ni.

Saiha Police Station leh Media tangrual te chuan Saiha khawdai an dap

Pathian ni Chawhnu Dar 2:00 Pm khan Pu Lal chhuanmawia S.I. Police Station, Pu Hmingzuala S.I Saiha Tlangkawn te leh media mi te nen Saiha tlangkawn Khawdai KVK Office panna kawng dung chu Patrolling neiin an kal chhuak a, an kalchhuah naah hian thalai eng mawzat te chuan zu leh ruihtheih thil an lo buaipui lai chu an va nangfuh a, He thalairual zingah hian a tam zawk chu school naupang an nih avangin an zilhhau hnuah Case siam lovin, an thlah zalen leh ta a ni. Saihatlang kawn tanga Bualpui khaw panna kawngah hian chawlhni tlai piangin -tleirawl tamtak te chuan zu in turin a kalkhawm thin a, rui lutuk avanga motor chesual pawh a lo thlen fo tawh thu helai hmun a awm te chuan an sawi a ni. Saiha kawtchhuah anih mai bakah Saiha khua chengte hming tihbawrh bangtu an nih avangin an sim loh chuan an hming leh an nu leh pa hming hial Local chanel ah leh chanchinbu ah tar lan anih tawh ang tih media te chuan an sawi bawk. Saiha Police Station te inpekna ah hian mipui an lawm hle a, kan Police te kan chhuang takzet a ni, tiin Local Chanchinbu ah ziah lan a ni thin bawk.

Salvation Camping

Zanin atangin Edenthar Kohhran Biak Inah Salvation Camping for Teacher tan a ni dawn a, Evan. Notha chu speaker a ni ang.Zirtirtu 300 vel Camping ah an lut nia hriat a ni a.Hetih lai hian zirtirtu tlanchhia an awm nia sawi anih avangin Kohhran thenkhat chuan Zirtirtute tan Tawngtaina an nei hial bawk.
Saiha Vaihpi Biak Inah zanin atang bawk hian Salvation Camping neih a ni dawn a,Rev.Thylua Hly chho chu speaker a ni ang

ECM New Colony in thlawp tlat dawn

ECM New Colony Koh hran chuan MCHP,MTP leh MSO tangrualten Ruihhlo Do hna an chhun zawm mek chu an thlawp tlat thu puangin Tawngtai naah te, Sermon ah te leh an thlawp theihna dang dangah te an thlawp tlat dawn a ni,tiin an Kohhran hruaitute chuan ML an hrilh.

Presbyterian ah Camp

Nimin atang khan Saiha a Presbyterian Kohhran Rawngbawltute Camp neih tan a ni. Kohhran thenkhat chuan Rawngbawltute leh an nupuite pualin Seminar buatsaih an hlawkpui hle.

MHP Registration

Mara Hlasapa Py (MHP) Gen.hqrs chuan an pawl Registration chu Firm & Society,Govt of India, Mizoram ah an tifel thawkhat tawh niin Miss N.Dawdaw,Treasurer,MHP Hqrs chuan ML zawhna a chhang. MHP Sub Committee for Hla inphuahsiak ah lawmman tha tawk tak buatsaih anih dawn avangin hlaphuah thehlut an tam hle a,hei hi judge ten an endik mek zel a, a result puan hun tur pawh inhriattir thuai a ni dawn a, result puan programme hi a ropui theih ang bera buatsaih a nih tur thu Pi HC.Nakua,Director, Mara Hla Inphuahsiak Organi sing Committee chuan ML a hrilh.

Opium leh achi tur an man

Pathian ni zan khan MTP Branch College vaih Ruihhlo do Duty te chuan an veng chhung a Ruihlo zuarte an dap ,a Zoliana K-32 S/O Tluangena Kalemyo (Myanmar)ni a insawi hnen atangin Opium Fun-9,Ganja Pava -1,Dawidim Kg-1 Opium chi Kg-3 lai chu an chenna In ah an man.

Zoliana hi Collge venga cheng niin Nupui fanau nen khawsa niin a insawi a; a thian nu chu a rai a, thla-7 a ni tawh tih a sawi a ni. A sawi zelna ah C N F ah Kum -18 lai tang tawh niin an in sawi bawk. Saiha ah hian Pu Chinzah In College veng a In hnuai luah niin a insawi a. Tun tuma Opium, Ganja leh -dawidim an man te hi a In luahna In chhung atanga MTP te chuan an man niin an sawi a ni. Zoliana hian a thiannu nuta Thunthun ta a ni, tiin a sawi thung a, a vawi-2 Saiha a alo kenna a ni, tiin a sawi bawk. Kei chuan ka khawih ve lo tiin a pha thung a ni.MTP Branch College veng chuan thuzawh fiah turin an ti a; khawiah mah chhuak rih lo turin an hrilh bawk.

P&DO a zu tel

North East huap Planning five year plan sawihona Gauhati a neih turah MA DC aiawhin Pu L.Vanlalliana, P&DO a zu tel a, He meeting hi Planning Commission of India hova neih a ni.P&DO hian 1 khan Saiha a chhuahsan tawh.

Editorial

Kohhran Sikul hi duhsak ve an phu

ECM hnuaia sikul din emaw, Presbyterian, Baptist, etc hnuaia Kohhran School din hi a lo rei tawh bawk a,sawr karin harsat na a tawh lai zawng zawng pawha khaw tlang tana tangkai taka thawktute zinga mi chu Kohhran School hi an ni.Sawrkar sikul a lut turin zirlaite an leng vek lova, chuta sorkar lo chhawktu leh lo tihhahdamtu chu Kohhran School hi a ni. Private school tam tak din a ni tawh a, Private school hi chu sorkarin a la chho zel a, a thenkhat Government School, a then Deficit-ah lak a ni a, Kohhran School erawh tangkai takin a ding chhun zawm zel a, thenkhat Deficit a hlankai an ni ve a,mahse SSA leh RMSA,etc atanga school hrang hrang ten tanpuina,etc hrang hrang an dawn ang chi dawng ve tur leh building repair-na,etc te sorkara an dil ve te hi a hlawhtling lo a ni mai thei, Kohhran School a thawk te tun thleng hian an vui tlat a ni.Chuvangin sorkar hian kohhran school hi kawng hrang hrangah enpui se, tanpui an ngaihna apiang ah tanpui ve se, an rilru natna te hi thawi dam ve se a lawm awm viau ang.

NSV buatsaih Fashion show mipuiin an hlut

New Skylink Vision buatsaih Fashion show chu Inrinni kalta zan khan tan a ni a, Mr.Pakhai chuan hneh takin a host a, Mizoram a Cable hrang hranga show host-ah Pakhai hi a thiam ber pawl a ni.

He fashion a model lo in larte designer hi Pi Lalrinawmi (Naomi) w/o Mazuia, NSV Announcer lar tak hi a ni.Naomi hi bangalore atanga Fashion designing zirchhuak a ni a, Mizo ram a designing thiam ber pawl a ni.Model zingah hian H.Caroline Zanu pawh an tel a, tarlan tawh angin Caroline hi Miss Mara thlanna a thleng sang tak leh mipui lawm hlawh tak hmeltha hleitling a ni a, fashion-a a rawn inlar hun tur hi a fans ten an lo nghahlelhna a rei tawh bawk a, fans te beisei ang ngeiin a rawn inlar ta a, lawm a hlawh tak zet a ni. Chutiang bawkin Zanu pawh a inlar a,Zanu d/o Kharu Zawtha (L) hi Southern Teenage Beauty Queen thlanna Lunglei leh Lawngtlai a neih ah pawh khan ,mipui lawm -hlawh ber pawl kha a ni a,Zanu hi fans ngah ber pawl a tling a, amah ah hian inrintawkna (confidence) a nei tih a hriat hliah hliah bawk).

Gloria Azyu pahnihna

Mizoram Table Tennis Ranking tournament Khawzawl a zawhfel takah chuan Saiha, New Colony nula Gloria Lalfakzuali Azyu chu pahnihna a ni a,tun hi senior game a luhchilh vawikhatna a ni a, final hi an khel rei hle a, ranking no 1 nen final ah intawngin a deuce rei hle a, Gloria hi final thleng phak te zinga naupang ber record a ni thung.

Gloria hi a kum a naupan avangin chance ngah ber a ngaih a ni a, state danga Mizoram aiawh turin rintawk a hlawh hle bawk a, Mizoram senior Table Tennis Ranking No 2-na a ni nghal bawk.Gloria hi Mizoram TT ranking Junior No 1 char char kha a ni a,senior a luhchilh veleh pahnihna han ni nghal thei chu amah chiah hi a ni bawk.

Boxing: Wvladimir Klitscho chuan David Haye chu point-in a hneh a ni.

MIZO NATIONAL FRONT GENERAL HEADQUARTERS

MIZORAM : AIZAWL PRESS RELEASE

NLUP CONGRESS SORKAR SIAM, CONGRESS TAN CHAUH

Pu Zoramthanga President chuan vawiin ni 4.7.2011 hian Pu J.L. Thangluaia Addl. S.P (Retired) Thuampui, Aizawl chu MNF-ah a lawmlut. Pu J.L. Thangluaia chuan, “Politics a kal dik loh chuan hmasawnna a kal thei lo a, Sakhua a kal tha thei bawk lo. Roreltuten Pathian an tih a ngai a, MNF hruaitute hian Pathian an tih a, hnam rilru an pu a, chung mite zinga tel ve turin MNF ka rawn zawm a ni,” a ti.

Lawmluhnaa thusawiin Pu Rama chuan, “ Kan beisei ngam loh thin mi tha leh puitling tak takin min rawm zawm sel hi a lawmawm a. Congress sorkar hian tihchhiat a ngah tawh lutuk a, mipui mithmuhah an hniam chak em em a. Sorkar hnathawk 80% velin an kham tawh a, MNF sorkar kha an ngai a. Congress mipuite hi an sorkar tlak ring nasa ber an ni tawh nghe nghe a ni. Mizoram-ah WRC atana siam theih ram Hectare 17,000 chuang a awm a, Project siama khawl hmanga kan thawh dan turte, Rubber chi tha nasa taka chin a, kan ram intodelh dan turte, a Project siama tangka min pe thei tur Rubber Board emaw Planning Commission emaw leh India ram pum lam thleng pawhin kan biak fel hmasak a ngai a. Heng bakah kan Rua leh Mau te hi hausakna tling tham an nih avangin hnapui berah kan neih a tul bawk a. Chumi atan chuan Policy tha tak kan duang mek a ni,” a ti.

Thusawitu dang Pu Lalchamliana, Speaker hlui chuan, “Kan hotuten Speaker-a min dah kha ka lawm. Speaker-ah mi neutral a ngai a. British-ah chuan Speaker-a an thlan chu Party atangin an bang a, Neutral takin an awm thin. Kan ram ah pawh chutiang chu ni thei se a that hle ka ring. Ka Speaker lai khan Ruling MNF MLA -te kha min duhsaklo tiin an vui deuh thin a. Mahse a lo tha tawk chauh a ni. Ka Speaker chhung khan hnathawktute Reqruitment Rules kan siam tha a. Kum khata vawihnih Promotion hmu te an awm a, Staff hlawh fel theilo kan ti fel a. 5th Pay leh 6th Pay pawh tluang takin an la thei. Kan thawhhona a tha a, kan term tawp dawna hnathawktuten chawimawina min hlan te kha ka lawm tak zet a. MLA -ten Committee an kal a ni 5 chhung D.A an lak thin kha ni 4-ah kan tihniam a, sum tam fe kan hum theih phah a ni,” a ti.

A sawi zelnaah Pu Chama chuan, “NLUP hi Congress tan chauh ni lovin, Mizoram mipui tan a ni. Prime Minister Package atanga pek tur a ni, tiin Pu Lalthanhawla CM chuan a sawi thin a. Sorkar tuka cheng nuaikhat-a sem nghal an intiam a. Mahse PM Package atangin chengkhat mah an hmu leh si lo a, kan Annual Budget atanga pek a ngai ta a. NLUP khawih Department 8-ah cheng vaibelchhe 234.82 dah a ni a, a bak Department 34 vel te chu hmasawnna hnathawh chu sawi loh, hlawh lak theih loh hlauhawmin an awm mek a. Kan Plan tangka chu zak hauh lovin Congress hlangah chauh NLUP an sem a, an lamtang sorkar hnathawk leh khawsa thei tak tak te an sem a. NLUP chu Congress sorkar siam, Congress-te tan chauh a ni ta a ni. Keini kha chuan MIP ah khan Party inthliarna awm lovin NGO-te nen kan thlang ho a. A chanve tal pawh midang pe ve se an tan pawh a tha tur. Congress hlang, midang tel ve theih lohna Programme, hmasawnna atana ruahmanna chhe ber a ni. Gas bur khat Rs 50/- chuangin a to tawh . W. Bengal-ah chuan an sorkarin sales tax tihniamin, a subsidise bawk a, a hma aia tlawmin an hralh thei a, ni 26.6.11 khan Central sorkarin Congress Party sorkarna state tinte hnenah tax tihniama mipui phurrit chhawk theuh turin a hrilh a. Mizoram-ah chuan engtihna mah a ni lo. A rate aiin a tisang tulh tulh zawk a ni. Tax tihhniam a harsa a nih pawhin CM-in Surplus Budget vbc 21 kan nei dawn a tihte kha a hman theih lawm ni. Mizoram Congress sorkar chet dan en hian pute thu an zawm lo hle a ni,” a ti.

(VARTHANZAMA)
Joint Secretary,
Publicity Department
MNF Gen.Hqrs., Mizoram : Aizawl

Memo No. MNF/4/Pub/2011/55 Dated Aizawl, the 4st July, 2011

Saiha Indoor Stadium sakna turah hian Ro tling siam ka duh avangin hlep awm lovin a tha thei ang berin ka sa dawn a ni – Pu RT.Zachono

Nimin khan Saiha Indoor Stadium Contractor leh MDCC President ni bawk Pu RT.Zachono ngenna angin Saiha District Development Vigilance Committee (SDDVC) chuan a hmunah Indoor Stadium ban phun tan lai chu an en a,zawhna chhangin Pu RT.Zachono chuan, he Saiha Indoor Stadium hi vawithum lai mai a tlawlh(failed) tawh a,kei erawh chuan Ro tling siam ka tum tlat a, chuvangin hlep nei lo pawh ni ila, Saiha tana rotling anih phawt chuan ka lungawina tur a ni dawn a,chuvangin nangni SDDVC/MJA te hi min enpui turin ka sawm che u a , a ban phun tanna hi a thuk lam ft 8 a thukin JE duhdan angin ka laihtir a, a ban atan 16/20 mm ka hmang a,a thiahna ringawtah pawh cheng nuai 2 chuang ka seng tawh a,Estimate-ah a thiahna a tel lo thung,a ti.Pu Zachono chuan uluk takin en vang vang ula, lungawilohna in nei phawt chuan ka siamtha nghal ang,a ti a.SDDVC chuan uluk takin an en a, hetia Pu Zachono,President,MDCC-leh Contractor ni bawk in Saiha tana rotling Indoor Stadium siam a tum chu lawmawm an tih thu an hrilh a, SDDVC te chuan Indoor Stadium leh Lorrain Market sak tur hi Saiha hmel lanna bik a nih dawn avangin an ngaihven lehzual bik dawn thu an hrilh tel bawk.

Pu RT.Zachono,Contractor chuan, SDDVC te zawhna chhangin, he Saiha Indoor Stadium sak tur hi cheng nuai 96 Estimate a ni a, ahnuai atangin ft 30 a sang a ni dawn a,kawng level ah atang hian chhawng zawm zel thei tura hisap a ni. Foundation hi keimahni duhdan mai ni lova mithiamte duhdan angin a zau zawng nena inmila siam a ni a, T/Beam uluk taka 20mm + 16 mm a siam vek tum a ni,a ti.

Pu RT.Zachono chuan Kawng-an chungah Badminton court 2 awm thei tura ruahman a ni a, keimah rilru ah chuan he Inddor stadium bul chiah hi MTP Hall a nih avangin function buatsaih apianga motor park-na tur mamawh tela nih-tho avangin motor park-na tur hian ka rilru a luah hneh hle a, a hnuai ber hi chawhmeh zawrhn a a remchang viau dawn bawk a,ka duhdan te pawh hi kan Minister hnenah ka thlen dawn a ni,a ti.Pu R.T.Zachono chuan SDDVC chauh ni lo NGO te pawhin min rawn enpui se ka duh khawp mai, nangni SDDVC te duhdan leh hriatpuina hi ka ngai pawi mawh a ni,a ti bawk.

Pu Cholo damlo

Pu K.Cholo,DAO,Saiha chu Kal natna vangin Saiha Civil Hospital ah enkawl mek a,nimin lamah chuan a ziaawm hle tawh a ni.

GOVERNMENT HIGH SCHOOL SAK MUMAL LOH AVANGIN SCHOOL NAUPANG TEN HARSATNA TAWK MEK ZEL-Government Higher Secondary School Building tur chu RMSA sum atanga sak thar anih avangin School Building hlui chu thiah a ni a, School Building thar tur hi Ban-8 phun anih tawh hnuah hna chawlhsan a ni. Government High School Building hi sak mumal loh anih avang hian School Naupangte chuan an tuar hle a, School Building hlui thiah a nih tak avang hian School naupangte tan hian School tual ah Se-thlam sak sak an ni a, sehthlam ah hian class room tawt tak hnuai ah school naupang te chu zirtirna pek thin an ni.

Sehthlam sak ah hian room a awm tam theih loh avangin Class room 1 ah Student 120 lai hnawh an ni. Tin, sehthlam hi tukverh mumal tak a siam a awm loh avangin ruahsur laiin tui a far lut nasa em em thin a, Sikul naupang ten lehkha zir thei lovin an tlan chhuak vek thin a ni. Ruahsur han hun ah class an kal leh mai thin a, lut leh chhuak reng rengin hun kan hmang a ni, tiin zirtirtute chuan an sawi a ni. Class room ah hian ruahtui a tlin nasat avang hian school naupang te chuan Class kal harsa an tiin hreawm an tih thu an sawi a, heng te avang hian school naupang te chu ruahsur apiangin an chawlh tir thin a ni tih zirtirtute chuan an sawi bawk. Hetiang a Saiha Govt H/S naupang ten lehkha zir mumal lo a an awm fo thin avang hian Sawrkar chak tak hian Sikul Naupang te hi min ngaih sak se, kan harsatna te hriat thiampui a, school building tha arang thei ang ber a min pek hi kan phut a ni, an ti.

Government Higher Secondary School hi Pu Ngobei Contractor hnuai a sak a ni a, Pu Ngobei chuan kan palai zawhna chhangin School Building tur hi chhawngkhat tur a ruahman in Dt 7/7/2010 khan 5 lakhs a sak tan a nih thu a sawi a, Sikul hlui thiah a ngaih avang in duh ang a hna akal chak theih loh thu leh ban 8 phun anih tawh hnu ah Estimate tidanglamin chhawnghnih a ruahman leh a ni a, tunah hian Second Instalment dawn anih loh avangin hna hi tan hlei thei a ni lo, tiin Sum kan hmuh hma chuan School Building sak hna hi kan tan theih dawn lo a ni,a ti bawk.

Saiha Govt. High School section bik ah hian Class IX-X ah Teacher 9 an awm a, Student 385 an enkawl bawk a ni. Middle ah Class 5-8 ah Teacher 6 awmin Student 175 an enkawl bawk a ni. Tin Sorkar in Class 8 teacher tun thleng hian a la dah sak loh thu sawiin Class 8 Zirlai te chu Middle Section ah beh tir an ni tiin an hotute chuan an sawi a ni.

Remna Ni urhsun taka hman a ni

Saiha,July,1 : Nimin khan Zoram pumah Mizo ram sawrkar buatsaihin “Remna Ni” hman a ni a.Saihaah chuan MTP Hall,New Colony-ah Remna Ni Programme hman a ni.He program me Pu Thangchem Zathang, Addl.DC kaih hruaiah hian Rev.F.Lal lawmzauva,LIKBK chuan hunserh a hmang a, ECM Choir ten hawnna hla an rem a ni. Pu V.Lalchhawna,Ex-MDC chuan Peace Accord chungchang a sawi. Pu HC.Lalmal sawma Zasai,President, MNF District Hqrs chuan thusawina neiin,hnam damna duh a,fehchhuak thalai rualte chuan, Terrorist an nih loh avangin Kohhran Aw chu mittui nen an zawm lo thei ta lova,India sawrkar laka helte chu an duhthusam an thlen hmain Zoram mipuite tawrhna avangin Inremna (Peace Accord) siam a lo tul ta a,MNF founder president Pu Laldenga(RIP) khan “Kan sir tluk e” tiin an tum ram an thlen hman loh thu a sawi nghe nghe a,kha kha kan rilruah kan hriatreng atul a ni,a ti a.He Remna leh muanna kan neih theihna tura Kohhranhote tawngtai na Pathianin min chhansak avangin Pathian hnenah lawmthu kan sawi a,MNF Hnam sipaite chungah pawh lawmthu mipuiten sawi thar leh ang u,tiin Remna tluantling kan neih theihnan a mahni nihna Lalthuthleng kalsan ngamtu Pu Lal Thanhawla leh a thawhpui Minister bang tate chungah lawmthu kan sawi mawlh mawlh a tul a ni,a ti.

Pu FC.Zase,Chairman, MADC chuan thu sawiin -Remna leh Muanna hi a hlu a,a man pawh a tam a ni,zalenna te, muanna te, hmasawnna te hi Remna-in a rawn ken tel a ni,tiin Mizoram sorkarin Remna Ni special taka pro gram me a buatsaih chu lawm awm a tih thu a sawi.

Rev.Dr.M.Zakonia, ECM Moderator, Rev. C.Valy,District Suptt, U PC, NEI, Fr.Christopher, Don Bosco ten thusawina an nei a, Kalvary Hlychho, Lalramhlunmawii(Api),John Beizachhi, S.Siamkungi, S.Lalhlimpuii leh Zirnun sangi ten an zai a,ECM Choir,BCM Choir, LIKBK Choir, Gospel Outreach Ministry ten hla an rem a ni.
MTP Hqrs, YLA Sub-Hqrs leh YMA Group ten hnamlam an entir a ni. Pu V.Lalengmawia,SDO (S) chuan lawmthu sawina a nei a,Rev. Dr. T.Laikai chuan Malsawm Tawngtaina a nei a ni.

He Remna Ni programme hi a hlawh tling hle a ni.

Ram tana Tawngtai rualna chu

Nimin dar 10:00am-5: 00pm inkar chhung khan District Play ground,Saiha ah Ram tana Tawngtai Inkhawm pui program me hman a ni a, thupui atan “Aw Lalpa, min tiharh leh ang che” (Ps 85:6) hman a ni.Rev.Thylua Hlychho leh Rev.L. Lychhua ten an kaihruai a, Welcome address : Rev.Dr. M.Zakonia, Moderator, ECM, Prayer subj – 1) Pathian hnena lawmthu sawina 2) Remna Ni kum 25na Silver Jubilee kan thlen theih avanga lawmthu sawina (1986-2011) 3) Sual thupha chawina leh Inhlanna tharhna neih a ni.

1st session : Speaker : Pro Pastor Ngursangpuia,IKK -Fahrah enkawl mek te, rual ban lote, Ruihtheih thil titute leh a zuartute tan, damlote leh Jail tangte tan tawngtai a ni.

Prayer subj – Pathian hnena inhlanna 1) kan rama cheng zawng zawng te tan. 2) Kan thil neih (Property) zawng zawng te tan. 3) Kan ram leilung leh a chhunga awm zawng zawng tan tawngtai rualna neih a ni.

Prayer subj : Pastor te, T.Upa te,Missionary te leh Kohhran a thawktute tan tawngtai ani
2nd session : Speaker – Rev.L.Ramdin thara, Presbyterian (PCI), Prayer subj – 1) Ram hruaitu te – MLA, MDC, VC te, Party leader te tan. 2) Kan ramah remna leh muanna a awm zel theih nan tawngtai a ni.3rd session – Speaker : Major R.Zahluna,Salvation Army. Prayer subj – Sawrkar hnatahwkte, Sipaite leh Zirlai te tan tawngtai rual a ni.

4th session – Speaker : Rev.K.Lalbiakenga,BCM. Prayer subj – Kut hnathawk tute, Contractor te, Sum dawng te, Driver te, News Editor te leh NGO zawng zawng tan tawngtai a ni,
5th session – Speaker : Rev.F.Lallawmzauva,LIKBK Prayer subj- Nausen te tan tawngrualna neih a ni.
Tawngrualna a kalkhawmte hi an tam hle a,field an khat deuh thaw a ni mai e.nihliap an keng vek emaw tih laiin Nihliap keng lo 3/4 an lo awm a,ruahsur karah an tawngtai mawlh mawlh tho bawk a,hetianga ruahsur hnuaia ram tan a Tawng rualna neih hi kan ram tan chhinchhiah tlak a tling a, kan ram tana thinlung kehsawm a sual thupha chawina leh Inhlanthar bakah kan ram tana malsawmna an dilna hi Pathianin a chhan ngei a beiseiawm a ni.

Silver Jubilee lungphun

Nimin tlai dar 3:00 pm khan MNF District Hqrs chuan “Remna Ni” hriat rengna Silver Jubilee lung an phun a, chawhlui an kilho bawk.

PRISM hotute lokal PRISM hotute chuan Saiha rawn tlawhin SDDVC te nen inkawmna an nei a, an lo kal chhan chu SDDVC te nen thawhhona tha zawk a awm theihna tura lokal an nih thu an sawi. Pu Vanlalruata,President,PRISM leh a thawhpuite hian Mizoram siamthat hna thawk turin nasa lehzuala tanlak an tum thu an sawi a ni.

Tripper in a su

Nimin piah khan Motor 407 Tripper (a neitu Pu Ngaia) chuan an kawmthlang Ramdhani Singh dawr hlui road a HC.Nusei In a su a,thil pawi lutuk thleng a awm lo thung.Lalropuia Handiman khalh niin he In hi a su ta nia hriat a ni.

Zirtirtu 300 vel Camp ah an lut dawn

Kan palai zawhna chhangin Pu K.Hrahmo,EM,Education,MADC chuan Zirtirtu 300 vel zet Camping ah an luh dawn avangin a hmun tur pawh ECM Edenthar Biak Inah sawn a ni a,Mo therless Baby home, Education venga Primary leh Middle School In ah Camping hi neih a ni zawk dawn a,chuvangin hnatlang kan thawk mek zel a, vawiin phei chu Education hnuaia mi zawng zawng, SSA, BSE leh Adult Educaton dept Officer,staff zawng zawng ten hnatlang kan thawk dawn a, kei EM, Education tak ngial pawh ka awl dawn lo, atul apiang ka thawk ve dawn a ni, chuvangin Education department a thawkte thutna a ruak vek dawn a, mipuite hriatthiamna ka ngen nghal duh a ni,a ti.

Music Video tan inpuahchah nasa hle

ECM KTP Hqrs -in KTP Branch tinte Music Video siam Competition a buat saih sak chuan KTP Branch hrang hrangte a tiphur phah hle a,tunlai hian an inpuahchah nasa hlawm hle a, Branch thenkhat chuan Leitlang Picture neitu Mapuia,Lunglei an hmang dawn nia hriat a ni. Octo ber thla a submit vek tawh tur a nih avangin KTP Branch hrang hrangte chuan hla an zir tlut tlut bakah form thar te an lei a, he Music Video tana budget an insiam chhah hlawm viau nia hriat a ni.

KTP Branch then khat chuan hlapui ngat an zir nia hriat a ni bawk.

This entry was posted on Tuesday, July 5th, 2011 at 7:06 pm and is filed under Recent Posts. You can follow any responses to this entry through the RSS 2.0 feed. You can skip to the end and leave a response. Pinging is currently not allowed.