Moon Light Saiha

MADC Budget thar passed a ni ta

Saiha,April, 2 : Pu FC.Zase,Chairman,MADC kaihhruaina hnuaiah MADC Budget thar chu nimin khan passed a ni ta. House leader Pu S.Khipo chuan nimin lama eptu member ten an hriatthiam loh leh budget pass tlak ni lo ang hiala an sawi chu chhang tur leh sawi fiah tura Chairman-in a sawmna chu lawmawm a tih thu sawiin, a sawifiah zung zung a,hetih lai hian Pu HC.Lalmalsawma Zasai,MDC(MNF) chuan dik takin sawi ta che tiin a rawn au buai a,CEM chuan dik takin ka sawi a ni,tia chhangin budget a sawifiah chhunzawm zel bawk.Pu S.Khipo,CEM leh Finance changtu ni bawk chuan, Mizoram sorkar atanga pawisa hmuh tur leh hman tur chu 1.Non Plan Grant-in-Aid (i) Hlawh tana hmuh tur leh hman tur Rs.4903 lacs (ii) Others Rs.60 lacs (iii) Special area Dev.Grant – Rs.27.50 lacs (iv) Revenue Receipt Rs.85 lacs a vaiin Rs.5048.50 lacs 2. Plan Grant-in-Aid (i) Hlawh tana hmuh tur leh hman tur Rs.810.20 lacs (ii) Others Rs.Rs.449.80 lacs (iii) RA Lorrain Market Sakna Rs.230.82 lacs a vaiin Rs.1490.82 lacs Plan sum hi kum 2010-2011 a hmuh zawng zawng Rs.1782 lacs a ni tho nain Mizoram sorkar in kum 2010-2011 plan figure anga siam vek tur a tih avangin Rs.1260 lacs a siam theuh a ni a,hemi chungchang hi Mizoram sorkar in a rawn tihfel hunah siamfel a ni ang,a ti. 3. Revenue Receipt : Kumin 2011-2011 a Revenue hmuh tur Rs.58 lacs dah a ni a, nikum budget estimate aiin Rs.3.55 lacs in a tam zawk a; nikum a kan target chu Rs.54.45 lacs a ni a,amaherawhchu Rs.4.99 lacs in kan khum a,kumin 2011-2012 tan Rs.58.00 lacs dah a ni a,hei pawh hi kan khum ngei ka beisei a ni,a ti.

Pu S.Khipo,CEM,MADC chuan Budget piah lama sum hmuh tur sawiin,chungte chu (i) Non-Lapse able Central Pool Resources Education school In sakna Rs.53.19 lacs hmuh a ni. (ii) Non-Lapseable Central Pool Resources RA Lorrain Market sakna Rs.150.05 lacs (iii) Local Body Grant Special Area Dev.Basic Grant,13 Finance Commission state sorkar atangin Zun In, Tuikhur leh Wayside market sakna tan Rs,27.50 lacs (iv) PRI state sorkar atangin Rs.87.04 lacs. (v) Renovation of Coffee Plantation Theiva tan NEC atangin Rs.51.47 lacs (vi) VFDC (NAP) DFDC Jhuming, Tokalo Sanctuary tan state sorkar atangin Rs.39.70 lacs a vaiin Rs.408.95 lacs hmuh a ni,tiin Budget chhinchhiah tlak leh lawmawm a nih avangin min pass pui theuh turin ka sawm che u a ni,tia a sawi hnuah Budget chu passed a ni a,Pu FC.Zase,Chairman,MADC chuan Budget tha tak leh tluang taka pass a nih avanga lawmawm a tih thu sawiin session chu a titawp ta a ni.

Pu MH.Tiabi,EM,Revenue,MADC chuan session zawh ah kan palai zawhna chhangin eptu member ten MADC Budget pass tlak a ni lo,tiin an nuihzat a, hei hi MADC Chawfun leh rorel khawl zah lohna a ni a,a vanduaithlak hle, lawm hle tur an ni zawk laia hetianga an awm ta mai hi thil pawi tak a ni,tii he MADC Budget tharah hian Officer hna ringawt pawh tam tham tak siam belh a nih bakah lawmna tur dang a tam hle a ni,Budget chhinchhiah tlak a ni,ati.

Taxi chesual

Nimin chawhma dar 10:00 bawr vel khan Nancy Pa Workshop Meisatla Road ah Taxi MZ. 03- 1648 a chesual. Thu dawn danin he Taxi hi Pu N.Zitlua New Saiha ta a ni a, a khalhtu Kennedy chuan siamthat turin Workshop ah hian a dah lut a, Motor Part lei tura chhuahsanin Chahbi pawh Workshop enkawltu kutah a dah a, a kalsan karah hian Benjamin S/o S. Chunglawma (L) chuan lo khawihin a back liampui ta ni. Bena hi Damdawiin lamah panpui nghal a ni a, a ngaihtuah awm lutuk lo niin kan thudawnna chuan a sawi.

MADC session zawhfel taka zawhna leh chhanna tlangpui

Pu S.Lalremthanga,MDC(MDF) zawhna te :- 6th pay hman a ni tawh si a, professional tax collection hi engvanga 3 lacs chauha sang zawk nge ?

Chhanna – April leh May thla a assessment hi siam a ni thin a,chuvangin hmuh ngei ngei tura budget a tarlan a ni.

Q :- Trade L/C Receipt from surveying & democracy leh Premiun for settlement te hi engvanga L&R dept a tihpunna tur notification siam ni si,2011-12 BE ah a pun si loh?

Ans : Kan tihpun hmasakna ber kum a ni avangin tam deuh tihpun aiin kan hmuh ngei tura beisei anga siam a ni.

Q : Royalty of Timber hi actual Rs.5.96 lacs hmuh a ni a,2011-12 BE ah 4 lacs chauh ziahlan a nih si?
Ans : Thing zai tur a tlem tak vang a ni.

Q : – Receipt from Coup mahal Rs.9 lacs hmuh a ni a PLA ah Rs.6 lacs chauh a lut ?

Ans : Forest dept atangin Revenue Receipt Rs.18.96 lacs PLA ah thehluh vek a ni a,budget ah siamrem a ni,hetah hian Rs.9 lacs Coup mahal pawh a tel vek a ni.

Q :- LDC post 8 inziahna kha 6 a ni leh si?

Ans – Budget hmasa ah LDC/Computer operator tia ziahlan a ni a,kuminah erawh a hran theuhvin ziahlan a ni.LDC 8/Computer 1 LDC 6 leh computer operator Grade III pakhat 1 leh Grade IV pathum a then a ni a,grade III ah hian 2 existing chu 1 a thar a ni.

Q :- 2010-11 ah 105 teacher an ni a,kum 2011-12 ah 15 chauh an ni leh si?

Ans : Promotion hmu leh pay revision vanga hlawh hniam zawk a tla tihhniam zawk vang a ni.51 hi upgrade an ni a,54 hi 6th pay vanga a hniam lama tla an ni.

Q :- LDC post 4 ni thin kha 3 lamah tihtlem a ni?

Ans :- LDC post 4 atanga computer operator tan post 1 siam a nih vang a ni.

Q :- No of post Grand Total engvanga awm lo nge ?

Ans :- Budget ah wages zawng zawng pawh tarlan vek anih vangin dept wise a total vek a ni tawh avangin ani.

Pu HC.L.Zasai zawhna :- Road & Brridge Head hnuaia Revenue receipt engvanga bo nge?
Ans : Fund hmuh tur a awm loh vangin dah a ni lo.

Q :- Engvanga vehicle entry Tax hi 2010-11 a collect a ni a,Road Transport a dah a ni leh si loh?

Ans :- Budget page 5 IV Taxes on vehicle ah ziahlan ani.

Q :- D/Council Secretariat ah salary actual Rs.24 lacs a ni a,BE ah Rs.20 lacs dah a ni a,EM pay ah actual Rs.15 lacs a ni a,BE ah Rs.13 lacs dah a ni.Finance & Account pay actual Rs.96 lacs a ni a,BE ah Rs.79.40 lacs ani?

Ans : D/Council Secretariat EM leh Finance & Accounts ah actual aiin BE a hniam zawk chhan chu hlawh A/roll atangia a daih tura chhut vek a ni a,chuvangin salary daih tura dah a ni.

Q : MADC tour nikum 2010-11 ah Rs.7 lacs dah a ni a,khawiah nge in hman,kumin BE ah 2 lacs dah a ni a,nikum aiin a tlem zawk leh si a,engvang nge ?

Ans : Nikum 2010-11 ah Rs.7 lacs dah a ni a,Mizoram sorkar atangin sanction hi MDC tour atan min pe lova salary tana pek a nih avangin tour tan hman a ni lo,salary tan hman a ni a,chuvangin kumin ah Rs.2 lacs dah a ni a,sorkarin min pek chuan MDC tour atan hman ani ang.

Q : Deficit status te hi Govt a dah turin provision siam tumna a awm em?

Ans :- Deficit status hi provincialise tum a ni a,salary head ah leh pension head ah pawisa dah vek a ni tawh bawk.

Q :- MDC te tan Medical treatment hi 2010-11 ah Rs,8 lacs a ni a, 2011-12 BE ah Rs.2 lacs chauh dah a ni,engvange

Ans:- MR hi salary a nih avangin dah tlem a ni a,atul angin salary head atanga hman theih a ni.

Q : Librarian awm si lovin engvanga maintenance of library fund dah nge a nih?

Ans :- Legislative dept tan lehkhabu leina tur leh enkawlna tura dah a ni.

Q :- PA to Chairman leh PA to Dy.Chairman hi pay scale a va inang lo ve?

Ans :- PA to Chairman chu UDC rank a lak a ni a,PA to Dy.Chairman erawh LDC rank a lak a ni a,hei hi Executive decision anga siam a ni.

Q :- Maintenance of vehicle hi a va inang love?

Ans :- Department ah a hmangtute tam dan a zira dah ani

Q : LAD ah maintenance of vehicle ah 2.50 lacs chauh?

Ans :- Motor lei ani tawh avanga heti zat hi dah a ni.

Q :- RR a post lakte Governor remtihna awm si lovin engvanga budget a lang vek nge ni?

Ans ;- Governor remtihna hmu tura beisei a ni a,chuvangin token provision ah post zawng zawng dah a ni.(Awmzeltur)

Computer lo thleng

MADC hnuaia SSA Mission Saiha District chuan Mi-ddle School 18 a sem tur Computer 18 an dawng a, he Computer hi a Monitor len zawng pawh 42 inches. a ni a, pakhat man hi Rs. 97903 niin a vaiin Rs. 1958060 a ni.

School pek turte :
1. Model Middle School 2. Council Vaih M/S
3. Lorrain School 4. ECM M/S
5. Tuipang ‘L’ M/S 6. Siatlai M/S
7. Kawlchaw ‘E’ M/S 8. Zedro M/S
9. Theiri M/S 10.Chheihlu M/S
11.Theiva M/S 12.Mawhro M/S 13.Vahai M/S 14.Sisasi M/S
15.Khopai M/S 16.Siata M/S
17.Ainak M/S 18.Phalhrang M/S
He Computer hi vawiin hian CEM in Theiri lama a kal pahin Theiva leh leh Theiri M/S te chu a pe nghal dawn niin thu kan dawng bawk.

Anti Malaria Month hawnna kawngzawh

Nimin zing dar 10:00Am khan Bazar Traffic Point-ah Anti Malaria month hmanna Opening Ceremony leh kawngzawhna sikul naupang ten an nei a. Hetah hian Pu Biaksanga, Malaria Inspector in thusawiin, Malaria hi kan ramah thihna leh mi tam tak tuarna thlentu a nih thin thu leh April – August thla inkar hi kumtin kumtin Malaria tam zual hun a nih thusawiin, he natna hlauhawm Malaria laka mitinte kan him theih nan Mizoram sawrkar pawhin chak takin hma ala a, a tam thei ang ber Thosilen te semin damdawi hmanga Thosilen chiah te, DDT kah, a thllawn a Malaria damdawi mitin ten kan hmuh theih nan Veng tinah FTD/ASHA te dah an ni. a ti bawk. Sawrkar hmalakna chu eng ang pawhin tha se, Malaria laka him tur chuan keimahni theuh hi kan pawimawh ber a ni a ti. Hemi zawh hian Anti Malaria Month hawn nan kawngzawh a ni bawk.

Nimin khan Meisatla Stand Taxi Welfare ten Buhfai sem
Nimin zing khan Meisatla Stand Taxi Welfare te chuan an pawisa inthawh khawmna atangin an veng chhunga Mi harsa zualte hnenah Buhfai an sem a,thu kan dawnna in a sawi dan chuan Chhungkaw sawm hnenah Buhfai Kg.10 vel bawr theuhin an sem a ni.

Hna en mek : SDDVC Khawthlang lam a hmasawnna hna thawhna en a zin mek te chu nizan khan Tuipang rawn lutin Vawiin hian Saiha an rawn pan leh tawh ang. SDDVC zin chhuakte chuan Maisa a Minor Iregation hmalakna pawh an en nghal a a ni.

Joint Meeting : Nimin khan MTP (H) Office -ah MTP, MSO, MCHP & MJA Joint Meeting neih a ni a, hetah hian tunhnai a New Serkawr daia chhiatna thlang an thlirho bakah a tul anga hmalak dan turte an sawiho a, tunlai electric current chhit man to thut chungchanga hmalak dan tur an sawiho bawk.

Theiri lamah CEM kal ang

Vawiin hian lehlangin Pu S.Khipo,CEM,MADC chuan Theiri a tlawh dawn a,Pu Vangia Zawtha chu Nominated MDC a lakluh a nih avangin lawmsakna programme buatsaih a ni dawn a, CEM leh a thawhpuite bakah MDCC hotute leh thuthar lakhawmtute an sawm a, a tam thei ang bera programme hmanpui turin Theiri khawtlang hruaitute leh Pu Z.Vangia te chhung chuan an ngen a ni.EM,MDC,MDCC leh media ten CEM hi an tawiawm dawn nia hriat a ni.Kan editor pawhin CEM zui ang.

Pu FC.Zase,Chairman,MADC kaihhruaina hnuaiah Budget sawihona-ah eptu member an chhuak tauh
Saiha,April,1 : MADC Budget session chu Pu FC.Zase,Chairman,MADC kaihhruaina hnuaiah chhunzawm mek zel a ni a,nimin khan Budget sawihona neih a ni a,he MADC budget hi Pu S.Khipo,CEM leh Finance changtu ni bawkin a pharh tak kha a ni.He Budget sawihonaah hian Pu HC.Lalmalsawma Zasai,MDC(MNF) chuan budget felfai lo leh pass tlak a ni lo,tiin a ngaihmawh point chi hrang hrang a rawn sawi chhuak a, Pu M.Laikaw,MDC,(MDF) chuan budget same size,awmze nei lo, pass tlak pawh a ni,tiin Designation awmze nei lo tiin a sawisel a, District Council Conservator of Forest hnuaiah District Conservator of Forest Hqrs hnuaiah District Conservator of Forest a awm leh a,a hnuaiah ACF, tin, DI&PRO hnuaiah I&PRO, AI&PRO, SDCAO,DAO,AO,SDAO,AEO, CRO,Sr.SRO, RO(H),etc inziakte chu sawiselin designation ah District Council telh a tam a,awmze nei lo a tam tiin na takin budget siamtu rorel lai chu a dem a ni. Hemi hnu hian Pu MH.Tiabi,EM,Rev.chu lo ding chhuakin, he Budget thar hi Budget tha ber leh budget hriatreng tlak a ni a,kan hotute hi an fakawm tak zet a ni,tiin Budget kumtin a pun dan a rawn sawifiah a, Pu MH.Tiabi thu sawi lai hian eptu member te chuan Pu Chairman,engtiziage budget sawihona a ni a, a rawn sawifiah tak mai,thil kalkal tawhte a rawn sawi mai le,tiin an lungawi loh thu an sawi chhuak a,Pu MH.Tiabi chuan, budget sawihona a ni a,chuvangin budget chungchang vek ka sawi a ni,in ngaithla duh lo anih chuan chhuak mai ta che u,tiin a chhang a, chuveleh eptu member te chuan an lungawi loh thu au chhuakin Dawhkan an chum ri bur bur a,House an chhuahsan a,a chhuak hnuhnung ber Pu S.Vadyu,MDC(MDF) chuan Pu Tiabi thu sawi lai takin sawiselna eng eng emaw a rawn chhak chhuak a, tichuan Ani pawh hian House chu chhuahsanin eptu member a thiante chu a zui chhuak ve ta a ni.Pu V.Vanhupa,EM,PWD,MADC pawhin thu sawiin,hetiang tluka budget tha hi a awm ngai lo,kan CEM Pu S.Khipo leh a thawhpuite an fakawm tak zet a ni,tiin a sawi.Pu K.Beisa,EM,RD chuan SDSDCAO, DAO,AO,SDAO, DI&PRO,I&PRO,AI&PRO, etc chu sawifiahin heng te hi post siam belhna a nih rualin kan MADC Officer te an kaisanna tur post a ni nghal a, Officer post tam tak kan lak belh dawn a,chumi atan chuan hetianga kan siam mai loh chuan kawng dang a awm lo a ni,hei hi lawm viau zawk tur an nih laia lo sawisel tlat mai chu hriatthiam a har letling zawk a ni,a ti. Entir nan Pu K.Chhi hrau,DAO hi vawi 3 zet kaisantir a ni tawh a,mahse DAO -ah tho a thu a, a thutna tur sang zawk post siam ani loh chuan awmze nei lovin a kaisang zel tihna a ni ang,chu vangin hetiang case hi a awm nual a,an kaisanna tur siamsak an nih bakah post siam belhna tam tak Recruitment Rules kan pass tak avangin Council-in kan tih ve theih thilah chuan thahnem ngai takin kan Dan puan in zauh zel hi kan tihtur a ni a,kan ti zel a ni,a ti bawk.

DRDA Governing Body Body meeting

Nimin chawhnu dar 3:00 khan DC Conference Room Saiha-ah District Rural Development Agency ( DRDA) Governing Board Meeting neih a ni a, Pu Thangchem Zathang Addl.DC Saiha chuan Meeting a tel te hnenah lawmthusawina neiin Meeting hi chhunzawm nghal a ni.He DRDA Governing Board Meeting ah hian BRGF, MGNREGA, IWDP, SGSY leh IAY te chu zau zawka thlirho niin he Scheme hmanga hma lo lak tawhna hrang hrangte sawiho a ni a, a tlangpuiin a tha thawkhat hle tih chu kalkhawmte chuan an pawm tlang a ni. Tin, Agenda point hnih te pawh lungrual takin an passed bawk.

Meeting ah hian rawtna te siam niin Vantlang inthiarna tih sawiho hmasak a ni a, Saiha khawpuiin a a pawimawhzia te hria in, UD & PA, SJRY leh MADC te hemi kawngah hian an pawimawh hle a, heng harsatna su kiang theitu an ni bawk tih sawilan tel a ni. Tin, MCHP Drop-in-Centre hi a Ruihhlo ngaite enkawlna hmun a nih avang leh Saiha a kan neih chhun a nih avangin tih zauh belh hi a tul hle a, tih zauh belh a nih theih nan thuneitu sang zawkte hnen ah thlen ngei tul an tih thu te an sawi lang bawk.

Meeting ah hian Pu N.Chakhai, PD DRDA saiha chuan BGRF sum atanga JCB an neih chu tangkai taka hman thin a nih thute a tarlang a, tin zawhbelhna chhangin JCB hi Private Work atan a hman a ni lova, keima private work ah pawh midang JCB ka hmang mai thin a ni a ti a, he JCB hi Emergency thil, entirnan kawng block thenfaina atan te, Departmental work thenkhat atan te hman theih chauh a ni a ti thung.

MTP Zaipawl intih siak leh Sport Meet

April 5-7,2011 chhung hian MTP Hqrs buatsaihin MTP Zaipawl Intihsiak leh MTP Sport Meet neih a ni dawn a,Sport item chu : Football (Mipa), Volleyball (Mipa & Hmeichhia), Shot put (M&W), Arm Wrestling, 100m race, Relay Race, Marathon race. Mara Hla zaipawl intihsiakna chu MTP Hall,New Colony ah neih a ni a, Leadership Training (Administration, Finance & Account neih a ni bawk ang.

Dr.K.Rakhu, President, MTP Hqrs chuan Intisiakna hi hun ruatah zawhfel hman a ni lo mai thei a,chuvangin ni 8.4.2011 thleng pawh sei a ni mai thei,a ti. MTP zaipawl selection ah Siaha Vaihpi MTP Branch, ECM Vaih MTP Branch, College Vaih MTP Branch an tel a, Mr.Zokhai Khu hly leh Rose Pawngia ten an host a, Pu L.Beira ngia,Secy,Art & Culture, MTP Hqrs in a kaihruai a, Pute LC.Cha sai, C.Sa mau leh Wellborn Manner Azyu ten an endik a ni.Dr.K.Rakhu, Presi dent,MTP(H) in thusawi na a nei. ECM Vaih MTP Br. leh College Vaih MTP Branch an tling a ni. Final ah Branch 10 an intisiak dawn a ni.

Anti-Malaria Month

Dt.1.4.2011 dar 9:30 am hian Bazar,Traffic point ah Mizoram sorkarin Malaria do thla (Anti-Malaria Month) programme hawnna a nei dawn a,sikul naupangten Bazar Traffic Point atangin New Saiha Bazat shed thleng kawng zawh a ni a, Pu JF.Biaksanga,n thusawina a nei ang.

Joint Meeting

Vawiin hian MTP Office-ah MTP(H),MCHP (H), MSO Hqrs hruaitute chuan Joint Meeting an nei dawn a, tunhnaia New Saikao daiah chhiat tawhna chungchang an sawiho dawn bakah electric current man to thut chungchang an sawiho bawk ang.

Lawmthu Sawina

St.N.Beimongia, B.Sc 1st yr (Math) St.Edmunds College,Shillong in min boralsan avanga min lainattu, min tuarpuitute leh min buaipuia min chhawmdawltute zawng zawng chungah lawmthu sawisen loh kan ba a. Shillong hmuna a ruang buaipuitute zawng zawng,Shillong atanga Chhuarlung thleng ruang phurhna senso min tumsaktute leh atul apiang min ngaihtuah saka mualpho lova min siamtute an hun hlu tak senga ruang rawn thlahtute, Puan,Pangpar leh pawisa nena min raltute zawng zawng bakah mittui nena min tawngtai saktute leh kawng laka ei leh in min buatsaih saktute chungah kan lawm em em a,kan Lalpa Isua hmingin lawmthu kan sawi tak meuh meuh a,mimal tin hnenah lawmthu kan sawi sen dawn loh avangin chanchinbu kaltlanga kan sawi hi mimal tin chunga kan sawiah min pawmsak theuh turin kan ngen che u a ni. Kan chunga inthatna leh in mi lainatna zawng zawng hi keini chuan kan rul thei dawn lo che u a,Lalpa’n a let tam takin malsawmna a vur ang che u tih hi kan beisei leh kan tawngtaina a ni. In za chungah thinlung takin lawm thu kan sawi tak meuh meuh a ni –

In hmangaihna dawngtute
Macha N.Valy & a chhungte, Chhuarlung

Pu FC.Zase,Chairman,MADC kaihhruaina hnuaiah Budget sawihona-ah eptu member an chhuak tauh
Saiha,April,1 : MADC Budget session chu Pu FC.Zase,Chairman,MADC kaihhruaina hnuaiah chhunzawm mek zel a ni a,nimin khan Budget sawihona neih a ni a,he MADC budget hi Pu S.Khipo,CEM leh Finance changtu ni bawkin a pharh tak kha a ni.He Budget sawihonaah hian Pu HC.Lalmalsawma Zasai,MDC(MNF) chuan budget felfai lo leh pass tlak a ni lo,tiin a ngaihmawh point chi hrang hrang a rawn sawi chhuak a, Pu M.Laikaw,MDC,(MDF) chuan budget same size,awmze nei lo, pass tlak pawh a ni,tiin Designation awmze nei lo tiin a sawisel a, District Council Conservator of Forest hnuaiah District Conservator of Forest Hqrs hnuaiah District Conservator of Forest a awm leh a,a hnuaiah ACF, tin, DI&PRO hnuaiah I&PRO, AI&PRO, SDCAO,DAO,AO,SDAO,AEO, CRO,Sr.SRO, RO(H),etc inziakte chu sawiselin designation ah District Council telh a tam a,awmze nei lo a tam tiin na takin budget siamtu rorel lai chu a dem a ni. Hemi hnu hian Pu MH.Tiabi,EM,Rev.chu lo ding chhuakin, he Budget thar hi Budget tha ber leh budget hriatreng tlak a ni a,kan hotute hi an fakawm tak zet a ni,tiin Budget kumtin a pun dan a rawn sawifiah a, Pu MH.Tiabi thu sawi lai hian eptu member te chuan Pu Chairman,engtiziage budget sawihona a ni a, a rawn sawifiah tak mai,thil kalkal tawhte a rawn sawi mai le,tiin an lungawi loh thu an sawi chhuak a,Pu MH.Tiabi chuan, budget sawihona a ni a,chuvangin budget chungchang vek ka sawi a ni,in ngaithla duh lo anih chuan chhuak mai ta che u,tiin a chhang a, chuveleh eptu member te chuan an lungawi loh thu au chhuakin Dawhkan an chum ri bur bur a,House an chhuahsan a,a chhuak hnuhnung ber Pu S.Vadyu,MDC(MDF) chuan Pu Tiabi thu sawi lai takin sawiselna eng eng emaw a rawn chhak chhuak a, tichuan Ani pawh hian House chu chhuahsanin eptu member a thiante chu a zui chhuak ve ta a ni.Pu V.Vanhupa,EM,PWD,MADC pawhin thu sawiin,hetiang tluka budget tha hi a awm ngai lo,kan CEM Pu S.Khipo leh a thawhpuite an fakawm tak zet a ni,tiin a sawi.Pu K.Beisa,EM,RD chuan SDSDCAO, DAO,AO,SDAO, DI&PRO,I&PRO,AI&PRO, etc chu sawifiahin heng te hi post siam belhna a nih rualin kan MADC Officer te an kaisanna tur post a ni nghal a, Officer post tam tak kan lak belh dawn a,chumi atan chuan hetianga kan siam mai loh chuan kawng dang a awm lo a ni,hei hi lawm viau zawk tur an nih laia lo sawisel tlat mai chu hriatthiam a har letling zawk a ni,a ti. Entir nan Pu K.Chhi hrau,DAO hi vawi 3 zet kaisantir a ni tawh a,mahse DAO -ah tho a thu a, a thutna tur sang zawk post siam ani loh chuan awmze nei lovin a kaisang zel tihna a ni ang,chu vangin hetiang case hi a awm nual a,an kaisanna tur siamsak an nih bakah post siam belhna tam tak Recruitment Rules kan pass tak avangin Council-in kan tih ve theih thilah chuan thahnem ngai takin kan Dan puan in zauh zel hi kan tihtur a ni a,kan ti zel a ni,a ti bawk.

DRDA Governing Body Body meeting

Nimin chawhnu dar 3:00 khan DC Conference Room Saiha-ah District Rural Development Agency ( DRDA) Governing Board Meeting neih a ni a, Pu Thangchem Zathang Addl.DC Saiha chuan Meeting a tel te hnenah lawmthusawina neiin Meeting hi chhunzawm nghal a ni.He DRDA Governing Board Meeting ah hian BRGF, MGNREGA, IWDP, SGSY leh IAY te chu zau zawka thlirho niin he Scheme hmanga hma lo lak tawhna hrang hrangte sawiho a ni a, a tlangpuiin a tha thawkhat hle tih chu kalkhawmte chuan an pawm tlang a ni. Tin, Agenda point hnih te pawh lungrual takin an passed bawk.

Meeting ah hian rawtna te siam niin Vantlang inthiarna tih sawiho hmasak a ni a, Saiha khawpuiin a a pawimawhzia te hria in, UD & PA, SJRY leh MADC te hemi kawngah hian an pawimawh hle a, heng harsatna su kiang theitu an ni bawk tih sawilan tel a ni. Tin, MCHP Drop-in-Centre hi a Ruihhlo ngaite enkawlna hmun a nih avang leh Saiha a kan neih chhun a nih avangin tih zauh belh hi a tul hle a, tih zauh belh a nih theih nan thuneitu sang zawkte hnen ah thlen ngei tul an tih thu te an sawi lang bawk.

Meeting ah hian Pu N.Chakhai, PD DRDA saiha chuan BGRF sum atanga JCB an neih chu tangkai taka hman thin a nih thute a tarlang a, tin zawhbelhna chhangin JCB hi Private Work atan a hman a ni lova, keima private work ah pawh midang JCB ka hmang mai thin a ni a ti a, he JCB hi Emergency thil, entirnan kawng block thenfaina atan te, Departmental work thenkhat atan te hman theih chauh a ni a ti thung.

MTP Zaipawl intih siak leh Sport Meet

April 5-7,2011 chhung hian MTP Hqrs buatsaihin MTP Zaipawl Intihsiak leh MTP Sport Meet neih a ni dawn a,Sport item chu : Football (Mipa), Volleyball (Mipa & Hmeichhia), Shot put (M&W), Arm Wrestling, 100m race, Relay Race, Marathon race. Mara Hla zaipawl intihsiakna chu MTP Hall,New Colony ah neih a ni a, Leadership Training (Administration, Finance & Account neih a ni bawk ang.

Dr.K.Rakhu, President, MTP Hqrs chuan Intisiakna hi hun ruatah zawhfel hman a ni lo mai thei a,chuvangin ni 8.4.2011 thleng pawh sei a ni mai thei,a ti. MTP zaipawl selection ah Siaha Vaihpi MTP Branch, ECM Vaih MTP Branch, College Vaih MTP Branch an tel a, Mr.Zokhai Khu hly leh Rose Pawngia ten an host a, Pu L.Beira ngia,Secy,Art & Culture, MTP Hqrs in a kaihruai a, Pute LC.Cha sai, C.Sa mau leh Wellborn Manner Azyu ten an endik a ni.Dr.K.Rakhu, Presi dent,MTP(H) in thusawi na a nei. ECM Vaih MTP Br. leh College Vaih MTP Branch an tling a ni. Final ah Branch 10 an intisiak dawn a ni.

Joint Meeting

Vawiin hian MTP Office-ah MTP(H),MCHP (H), MSO Hqrs hruaitute chuan Joint Meeting an nei dawn a, tunhnaia New Saikao daiah chhiat tawhna chungchang an sawiho dawn bakah electric current man to thut chungchang an sawiho bawk ang.

Anti-Malaria Month

Dt.1.4.2011 dar 9:30 am hian Bazar,Traffic point ah Mizoram sorkarin Malaria do thla (Anti-Malaria Month) programme hawnna a nei dawn a,sikul naupangten Bazar Traffic Point atangin New Saiha Bazat shed thleng kawng zawh a ni a, Pu JF.Biaksanga,n thusawina a nei ang.

Thehlut mek zel

MHP ten Mara hla in phuahsiakna an buatsaih chu hla phuahtu an awm nual a, hla phuah thehluh chhunzawm mek zel a ni tih hriat a ni.May 30,2011 thleng hun hawn a ni a,hemi hnu lamah erawh pawm a ni tawh lovang,tiin Pi HC.Nakua,Director, Mara Hla Inphuahsiak Organi sing Board chuan a sawi.

Executive Meeting

Nimin khan CEM chamber-ah Pu S.Khipo, CEM,MADC hovin Executive Meeting neih a ni a,hmalak chhunzawm zel dan tur an sawiho a, vawiina MADC budget pass tur te,MADC Budget session tluang taka neih a nih dan te leh tul dangte an sawiho a ni. Pu S.Khipo,CEM,MADC chuan Pathian kaihhruaina avanga Budget session tluang taka neih theih a nih chu lawmawm a tih thu leh budget tha leh chhinchhiah tlak an siam avanga lawmawm a tih thu a sawi.Pu S.Khipo,CEM chuan kan hotute hmalakna hi entawntlak leh chhinchhiah tlak a ni tak zet a, a vanneihthlak hle a ni,a ti.

Lawmthu Sawina

St.N.Beimongia, B.Sc 1st yr (Math) St.Edmunds College,Shillong in min boralsan avanga min lainattu, min tuarpuitute leh min buaipuia min chhawmdawltute zawng zawng chungah lawmthu sawisen loh kan ba a. Shillong hmuna a ruang buaipuitute zawng zawng,Shillong atanga Chhuarlung thleng ruang phurhna senso min tumsaktute leh atul apiang min ngaihtuah saka mualpho lova min siamtute an hun hlu tak senga ruang rawn thlahtute, Puan,Pangpar leh pawisa nena min raltute zawng zawng bakah mittui nena min tawngtai saktute leh kawng laka ei leh in min buatsaih saktute chungah kan lawm em em a,kan Lalpa Isua hmingin lawmthu kan sawi tak meuh meuh a,mimal tin hnenah lawmthu kan sawi sen dawn loh avangin chanchinbu kaltlanga kan sawi hi mimal tin chunga kan sawiah min pawmsak theuh turin kan ngen che u a ni. Kan chunga inthatna leh in mi lainatna zawng zawng hi keini chuan kan rul thei dawn lo che u a,Lalpa’n a let tam takin malsawmna a vur ang che u tih hi kan beisei leh kan tawngtaina a ni. In za chungah thinlung takin lawm thu kan sawi tak meuh meuh a ni – In hmangaihna dawngtute

Macha N.Valy & a chhungte, Chhuarlung

Kohhran Thalai hruaitu (Christian Youth) Seminar Saiha-ah neih a ni

Saiha,March, 30 : Nimin chawhma dar 10:00 khan I & PR Conference Hall, Saiha-ah Saiha District Legal Service Authority ( SDLSA), buatsaihin Ni khat awh Saiha khawpui chhunga kohhran hrang hrang thalai hruaitute tan Seminar neih a ni.Pu N.Vabeiratlua,PRO kaihhruai programme ah hian khuallian Pu John Saikhuma, General manager, District Industries Centre, Saiha chuan hmanpuiin Seminar hawnna thu a sawi a, Pu John Saikhuma chuan Dan pawimawhna te, Dan hriat loh avanga thil ti sual palhte pawhin hremna an pumpelh mai loh thute, Dan hre mi ten an chanvo tur dik tak an chan thin thu te, Dan hnuai-ah chuan tu te pawh zalen takin kan leng thei a ni tiin, Dan hnuai-ah vek hian tute pawh kan in tluktlang a ni a ti bawk.

Pu Laldinpuia Tlau, MJS, Judicial Magistrate pawhin thusawiin Court kalphung hrang hrangte a tarlang a. Tin, Ni 100 inhlawhna ti a kan hriat NREGS chungchang pawh Paper Presentation neiin sawizauna hun a hmang bawk. Pu Laldinpuia Tlau bakah hian Pu JS.Beizawzilai Advocate pawhin Sixth Schedule chungchang Paper presentation a nei a, Pu FC.Khihnia Advocate pawhin Consumer dikna leh chanvo tih thupui hmangin thusawina a nei bawk.Pu Laldinpuia Tlau, Judicial Magistrate chuan , Ni 100 inhlawhna chungchang sawiin, Mahatma Gandhi khan thingtlang hi “India nunna awmna a ni e,a ti thin.Chuvangin thingtlang mite hmasawnna hi a ngai pawimawh em em a,khawpui a thang thur thur a,thingtlang an bet tial tial lawi a,an hmasawnna ngaihtuah atul a ni,tiin a sawi thin a,hma a la nasa em em a ni.India zalen hnua thingtlang mite tihmasawnna tur kawng duanchhuah zinga chikhat ni 100 inhlawhna kan tih (The National Rural Employment Guarantee Act (NREGA) leh a dangte a lo chhuah phah ta a ni,tiin, Pu Dinpuia chuan, Job card hmangin VC/Block office ah emaw thawh tur a dil reng theih a,dil atanga ni 15 chhunga pek ngei ngei tur a ni,a ti.An hlawh hi pawh then (cut) tur a ni lo,a thiang lo,a ti.

He Ni khat awh Seminar Saiha khawpui chhunga kohhran hrang hrang thalai hruaitute tana buatsaih ah hian Kohhran hrang hrang aiawhin mi 3 theuh te an tel a, an thahnem hle. Thalai hruaitute hian an hlawkpui hle a ni. He Seminar ah hian Kohhran hrang hrang atanga KTP hruaitu lokal khawmte chuan zawhna hrang hrang an zawt a, Pu Laldinpuia Tlau,Judicial Magistrate, Pu FC.Khihnia,Advocate leh Pu JS.Beizawzilai,Advocate chuan an chhang zel bawk a,KTP hruaitu kalkhawmte chuan an hlawkpui thu leh Christian Youth Seminar buatsaih chhunzawm zel nise an duh thu kan palai an hrilh a ni.

Thli-in a tichhia

MADC Forest Department-in Kawlchaw kaia Revenue atana Tax an khawnna hmun Chowkidar chenna In 2 chung chu nimin thlitleh chuan a tichhia a,Silpoulin khuhchawp a ni. Kan palai zawhna chhangin Pu N.Vakha,Forest staff chuan nikum June 2010 atang khan Revenue ten Forest kutah Tax khawn hi min hlan ah chuan rinawm takin ram tan kan thawk a, sum pawh Ligh vehicle-ah hian cheng 20, Medium ah Rs.30 Heavy ah Rs.50 kan khawn a, thlakhat chhung hian cheng sing chuang a hmuh thu a sawi a, an chenna erawh Mau rap mai anih avangin Thli tleh ruahsur apiangin thin phu dep dep a an awm thin thu a sawi a,thuneituten a chenna tha ngaihtuah sakse a tha hle ang,ram hmel lanna anih avangin a pawimwh hle a ni,tiin kan palai chuan a sawi ani.

MADC session nei mek a ni

Niminchawhma Dar 10 : 30 Am khan Mara Autonomous District Council (MADC), Session chu Chairman Pu FC.Zase kaihhruaina hnuaiah neih chhunzawm leh a ni a, session ah hian Starred Question pakua (9) Pu LC.Hlychho,MDC zawhna No. 4 & 6 te, Pu NL. Hmunsanga,MDC zawhna No. 3 & 4 te, Pu M.Laikaw,MDC zawhna No. 3 & 4 te, Pu S.Lalremthanga, MDC zawhna No 3 & 4 te bakah Pu HC.Lalmalsawma Zasai,MDC zawhna No 3 te chhan a ni a, Chawhnu lamah Official Bill No.2 MADC ( Publication Board) Rules, 2011 Pu S.Khipo Chief Executive Member put luh chu sawiho a passed a ni bawk. Tin, Private Resolution Pu S.Vadyu,MDC chuan a pulut bawk a,sawiho anih hnuah hnawl a ni. Vawiinah pawh session chhunzawm leh a ni dawn a, Pu S.Lalremthanga, MDC(MDF) zawhna leh Pu HC.Lalmalsawma Zasai,MDC(MNF) zawhna chhan a ni ang a, 31.3.2011 khian MADC budget sawihona neih a ni ang a,chumi hnuah an pass nghal dawn a ni.Tun tum MADC budget session hi ngaithlatu an tam hle.

SDDCV hruaitute Phura lamah

Phura leh a chhehvel a contract hrang hrang a hmunah endik turin vawiin hian Saiha District Development & Vigilance Committee hruaitute chuan Saiha chhuahsanin Phura an pan dawn a ni. SDDVC hi MJA din a ni a,hruaitute leh member te pawh MJA vek an ni.SDDVC a din atang hian Mara rama contract leh hna hrim hrim hi tun hma ang kha ni tawh lovin a tha chho tawh hle nia sawi a ni a, Saiha khawpui pawhin awmzia a lo nei tawh bawk a,hmalak belh tur erawh a tam a ni,tiin mi thil chik mite chuan an sawi.

Thli leh Ruahsur

Zan hmasa khan Thli a tleh bakah ruah a sur bawk a, thli hi hmun dangah kalin a hmawrin min rawn thawi thuak ni berin a lang.nimin chhunah ruah tlem a sur bawk.Thli tleh leh ruah sur hun a awm kan tih rualin kan khawvel hun hian awmzia a nei lo tan tak avangin duh hun hunah thli tleh/ruahsur a lo ni thut zel tawh mai a,chuvangin kawngkhar,tukverh endik thlap hnuah In kalsan nise, Inrin reng a awm a tul bawk niin mi thil chik miten an sawi.

Pi Suman Goyal,SP Saiha-in chhiat tawhna hmun a tlawh

Nimin zing dar 10:00am khan Pi Suman Goyal,SP Saiha leh Pu J.Laichha,DSP Hqrs Saiha te chuan tunhnaia current man vanga chhiat tawhna hmun New Serkawr dai an tlawh a.Hetih lai hian Nitlak biala MTP,MCHP, Pala School Naupangte leh khaw hrang hrang Kohhran atangin Rev.K.Beikhochhi,Tokalo bialtu Pastor hovin mitthi chhungte hriatrengna Sign Board an tar a,Saiha atang pawhin he hmunah hian Pu M.Laikaw (Tokalo bialtu MDC), Khawtlang nu leh pate mi 300 lai kalkhawmin hunserh an hmang a ni.Hetih lai hian Pi Suman Goyal,SP Saiha pawh a hmunah kalin Sign Board tar hnatlang thawkte thingpui in nan Rs.1000 a pe a ni.Pu M.Laikaw,MDC chuan kan palai zawhna chhangin, tun tuma chhiat tawhna chungchangah hian sorkar kan dem tak zet a, a tum hnihna chhiat kan tawhna a ni nghe nghe,a ti a.Phura-Kaisih inkara electric hrui hniam lutuk awm hi dept lamin an siamfel thuai atul,a ti.Hei hi sorkar mualphona a ni,tiin sorkar a dem thu a sawi a,nitlak bial hi sorkarin a ngaihthah hle a, chhiat tawkte hi tanpuina theihna kawng sorkarin a dap a tul tak zet a ni,a ti bawk. Hmun dangah chuan hetiang chhiat tawhna rapthlak tak a thlen hian department changtu Minister ten banna an thehlut hial thin a ni,a ti.NGO hrang hrang te pawhin kan palai zawhna chhangin, sorkar an dem tak zet thu an chhakchhuak a, atul anga mitthi chhungte zangna dawmna an pe ngei tur a ni,tiin sorkar an phut tlat thu an sawi bawk.SP hi DDK palai Pu H.Sabi in a tawiawm a ni.SP motor hi Kawlchaw bulah a chhia a ni.Thli leh ruah kara mipui ngaihtuah vanga Kan SP zin hi motor tha tak sorkarin a ngaihtuahsak a tul;hetiang SP tlawmngai tak, mipui hmangaihtu leh mipui thlamuan atul hunah pawh motor tha chuan tur awm lo hi a pawi hle,ed)

Kan palai sawi danin, Serkawr khawchhung ngeiah pawh Theihai kungin eletric hrui a dek a,thlitleh hunah a hlauhawm hle dawn a ni,department -in a ranglamin siam that ngai lai siamtha nghal turin kan palai chuan a hriattir nghal thu a sawi.Kan palai zawhna chhangin Pu Thomas,EE,P&E chuan thingtlang lam current pekna hrui hi tower 11000 voltage anih avangin current kal lai chuan mahni duhthu a lo khawih ve hi tih tur a ni lo,mitin electric ban leh hrui khawih loh tura an fimkhur atul hle a ni,a ti.

Press Release

Vawiin Ni 31 March, 2011 chawhnu dar 1:00 khan MZP pisapui ah Executive Emergency Meeting neih a ni. He hun hi Pu V.L. Krosshnehzova, President in a kaihruai a, meeting tan nan Pu Lalrohluna Executive Committee Member in tawngtaina hmangin Pu C. Lalhmachhuana Adviser chuan meeting khar nan tawngtaina a hmang bawk.

Meeting-ah hian tunhnaia Forest Department in Forest Guard hna a lakah K.Biakmuana tling tawh lak a ni leh lo chungchanga MZP hmalakna thlir a ni a, thuneitute’n MZP ngenna ngai pawimawha a tlinna hmun ngei ah K. Biakmuana chu Forest Guard hna thawhtir anih dawn tak avangin MZP chuan lawmawm a ti hle a ni.

MZP chuan Mizo zirlaite’n hamthatna hrang hrang Scholarship, Stipend, Book grant etc an dawn thin chungchangah harsatna a awm lova a hunbi taka an lak theihna turin theihtawpin hma a la thin a. Kum 2010-11 chhungah pawh a hun taka zirlaiten an dawn avangin MZP chuan lawmawm a ti hle a, a buaipuitute zawng zawng leh a khawihtu department te hnenah thinlung takin lawmthu a sawi a ni.

Hetihlai hian Central sorkar atanga sum a lo thlen tlai avanga Budget Allocation-a telh hman loh Minority Scholarship (General) Fresh tih chauh loh chu a dang zawng zawng te pek kim vek a ni tawh a. A rang thei ang bera Minority Scholarship (General) Fresh dawng tur zirlaite’n an dawn theih nan MZP leh Mizoram Scholarship Board hmalakna chu a dawng tur zirlaite hian lo ngaichanga lo hrethiam hram hram turin MZP chuan a ngen a ni.

Sd/-

(Lalsangzuala Ngente)
Asst. General Secretary

MADC session Pu FC.Zase,Chairman kaihhruaina hnuaiah Pu S.Khipo,CEM,MADC chuan Budget a pharh
Saiha,March,29 : Nimin khan MADC session Pu FC.Zase,Chairman, MADC kaihhruaiah Pu S.Khipo,CEM,MADC chuan Budget a pharh ta.Hemi hma hian Pu FC.Zase,Chairman chuan, Panel of chairman atan Pute Lengduna,MDC leh Beisa Kathie,MDC a ruat thu House a hrilh a ni. Pu B.Tevo,Ex-MDC sunna hun hman a ni a,Pu S.Khipo,CEM chuan New Latawh bula Electric hrui hniam vanga chhiatna thlengah mi 9 nunna chan an awm thu leh P&E dept ten electrict hrui hniam check chhuak vek sela,siamthat ngai apiang siamtha nghal rawh se,tiin a sawi.Pu LC.Hlychho,MDC(MNF) -in MADC Quarters leh Market Building sak mek a nei em tia a zawhna chu Pu V.Vanhupa, EM,PWD chuan Judicial Quarter sak mek a ni a,Market building erawh a awm lo,tiin a chhang. MADC area a Trade Licence sub-let a hmang an awm em tih chu Pu MH.Tiabi,EM,Rev chuan an awm lo,a ti. MADC Executive Committee in MADC area a mipui ten Buhfai,Chini,Power supply leh tui-ah te harsatna an tawk em tia Pu NL.Hmunsanga,MDC(MNF) zawhna chhangin Pu S.Khipo,CEM,MADC chuan, chhiatna thleng tur khawpin harsatna mipuiin an tawk lo,a ti.Pu M.Laikaw,MDC(MDF), Pu S.Lalremthanga,MDC(MDF) leh Pu HC.Lalmalsawma Zasai,MDC(MNF) zawhna 2 chhan a ni bawk. Education hnuaia zirtirtu ban an awm em tia zawhna chhangin Pu K.Hrahmo,EM,Education chuan zirtirtu 2 ban an ni a,an luhlul vanga ban an ni,a ti.

Pu S.Khipo,CEM,MADC chuan budget a pharh nghal a.A vaiin Rs.5048.50 lacs a ni.Pu S.Khipo,CEM chuan kumin 2011-2012 chhunga Mizoram sorkar atanga sum kan hmuh tur leh min pek anga hmuh tur te a hmanna tur Budget bu ah tarlan a ni a, Hlawh atana hmuh tur leh hman tur chu Non plan grand-in-aid : Rs.4903.00 lacs A dang(Others) 60 lacs, Special area Dev.Grant 27.50 lacs, Revenue Receipt 58 lakhs, a vaiin Rs.5048.50 lakhs a ni,a ti. Plan Grant-in-aid : Hlawh tana hmuh tur leh hman tur 810.20 lakhs,Others 449.80 lakhs, RA Lorrain Market sakna tur 230.82 Lakhs _ Total 1490.82 Plan sum hi nikum 2010-2011 a hmuh Rs.1782 lakhs a ni nain Mizoram sorkar in nikum plan figure anga siam theuh tura a rawn tih avangin Rs.1260 lakhs a siam theuh a ni,Mizoram sorkarin a rawn tifel thuai anga,chumi hnuah siam fel vek a ni ang,a ti.

Revenue Receipt : Kumin 2011-2012 tan Revenue a hmuh tur Rs.58 lacs dah a ni a,nikum aiin Rs.3,55 lacs in a tam zawk a,nikuma kan target chu 54.45 lacs a ni a,amaherawhchu 4.99 lacs in kan khum a,kumina kan dah pawh kan khum ka beisei,a ti.Budget piah lama hmuh tur : MADC in vanneihthlak takin Budget piah lam a sum hmuh a nei a,chungte chu Non Lapse able Pool Resources Education a Sikul In sakna 53.19 lakhs hmuh a ni a. RA Lorrain Market sakna tur 150.05 lakhs hmuh a ni bawk a, Local Body Grant special area Dev.Basic grant 13 Finance Commission state sorkar atangin Zun In sakna leh Wayside market sakna 27.50 lakhs te, PRI state sorkar atangin 87.04 lacs te, Renovation of Coffee Plantation Theiva tan NEC atang 51.47 lacs te, VFDC(NAP) DFDC Jhuming,Tokalo Sanctuary atan State sorkar atangin 408.95 lakhs a vaiin Rs. 408.95 lacs hmuh a ni,a ti.Budget hi 31.3.2011 khian sawihona neih a ni ang a, pass nghal a ni ang.Session ngaithlatu mipui an tam thei hle.

Vawkpui-in Sai note

Tukin zing Dar 3:00Am khan Pu V.T.Kaipuia te nupa te chuan an vawkpui in Note -7 lai aneih a, aneih zingah hian pakhat chu Samak (or) Sai nawn hmelpu in a piang tel a ni .He Vawk note hi a pian atangin Minute 10 vel a la dam a – a lan danin Sai hmel leh Samak hmel a pu tel a a chal ah hian a nawn a awm bawk avangin adang dai hle a ni.Pu V.T.Kaipuia Sawi danin an Vok Vulh zing a tum khat pawh an Vok pui hian Note Pahnih a lo nei a apui hian anote te chu athih san avangin An Ui pui Note nei lai chuan duat takin a hnute hnek tirin alo chawm seilian tawh tih a sawi bawk.

Housing Loan Board Member te

Mizoram sawrkar chuan Kum 2010-2011 chhung (Kumkhat) atan Mizoram chhung District hrang hrang Aizawl, Lunglei, Champhai, Kolasib, Mamit, Saiha leh Lawngtlai District- a Housing LOan Advisory Board Member turte a ruat thar leh ta a, heng ahnuaia mite hi Saiha District a, kum 2010-2011 chhunga Housing Loan Advisory Board Member turte chu an ni.

1. Deputy Commissioner : Chairman2. Addl.Deputy Commissioner i/c Loan,Member Secretary.3. Pu V.Vanhu pa, Executive Member MADC : Member4. Pu V.Beibyhna,MDC, New Colony, Saiha : Member
5. S.Hratlua, Council Veng,Saiha : Member
6. L.Molua, New Saiha “East” : Member
7. S.Khipo,Council Veng Saiha : Member

Pu RT.Zachono zin report

Dt.21.-26.March, 2011 chhung khan Pu RT.Zachono, President, MDCC Hqrs. leh Pu TT.Vakhu, Sr.Vice President, MDCC Hqrs. leh an thawhpuite chuan chhuak lam tlangdung fangin khaw hrang hrang an tlawh a, heta MDCC President leh Sr.Vice President zin tawiawmtute chu, Pu M.Manasia, Gen.Secy. MDCC, Pu C.Khaitha, Secy.MDCC, Pu B.Dawpho, Chairman Media Cell, MDCC, Pu M.Asiara, Executive Committee Member, MDCC, Pi A.Deiva, MDMCC Nl.Siamkungi, Artist-te an ni.

Dt.21.3.2011 khan Saiha chhuahsanin Niawhtlangah zing chaw an ei a, Chhuarlung-ah chhun thingpui an in a, Chhuarlung-ah an riak a, Dt.22.3.2011 khan Chhuarlung atangin Ainak-ah zing chaw an ei a, Siata-ah an riak a, Dt.23.3.2011 khan Siata atangin Siasi-ah zing chaw an ei a, Chakhei-ah an riak a, Dt.24.3.2011 khan Chakhei atangin Chheihlu-ah zing chaw an ei a, Chapui-ah an riak a, Dt.25.3.2011 khan Chapui atangin Mawhre ah zing chaw an ei a Zawngling-ah an riak a, Dt.26.3.2011 khan Tuipang’V’ ah zing chaw an ei a, Saiha an lo lut leh ta a ni.

MDCC Hqrs. President, Sr.Vice President leh anmahni tawiawmtute hian an tlawh khua apiangah Vawk talhin zanriah leh tukthuan an lo buatsaih sak zel a, Public Meeting hlawhtling takin an nei vek bawk a, an thusawi mipuiin an ngaihven-in an ngaithla ngun hle zel a, Political Campaign a kal an nihna angin, Mara ram hmasawnna hrang hrang thlentu chu Congress Party a nih thute, MDC Election loawm turah pawh Cong. in hnehna a chan ngei tur thute leh khaw tin-ah Party dangin awmzia an neih vak loh thute, Sr.V/Pre. MDCC chuan a sawi a, President,MDCC chuan, Mara ram a Congress Party hruaitute chuan Mara ram hi khuai zu leh hnute tui luanna ram a siam tumin hma an lak chhok mek thu leh tun tum a Mara ram khaw hrang hrang tlawh a an zin chhan chu mipuiin Cong. Policy an hriat chian a tul vang leh Ruling President a nihna ang a Mara ram khaw tin dinhmun a hmun ngei a enfiah tul a tih thu a sawi a.

Pi A.Deiva, Gen.Secy.MDEMCC chuan khawtinah Mahila Unit a din zel bawk.

MCHP Hqrs charge inhlan

Nimin tlai khan Pi K.Pari, Founder President,MCHP Hqrs In, ECM Vaih ah MCHP Hqrs hruaitute chuan charge inhlanna programme an hmang a, Pi K.Pari chuan president thar Pi P.Chaki,President thar chu tha taka tawiawm a thlawp thiam turin MCHP Hqrs hruaitute a chah.

Lungphun turin Chakhei-ah

Dt.28.3.2011 khan Chakhei-ah Rev.C. Ngiatu(L) Lungphun turin Rev. AZ. Beirona, AGS,CCIM leh Rev.B.Lalhnema, Moderator elect,CCIM an chho a, CCIM Assembly Choir ten an zui a ni.

MDCC OB meeting

Nimin khan Pu RT.Zachono,President, MDCC hovin MDCC OB Faculty meeting neih a ni a,an hmalak zel dan tur leh tul dangte an sawiho a ni.

SDDVC Phura lamah

Saiha District Development Vigilance Committee (SDDVC) hruaitute chuan Phura leh a chhehvel a contract,etc endik turin naktuk khian Saiha an chhuahsan dawn a, rotling contract a ni em, hna a tha tawk em, Mara ram mipuiten engchennge kan chhawr dawn tih te a hmunah an zu enchiang dawn a, Pu N.Chakhai,PD,DRDA hnenah report an thehlut dawn a ni.

ECM-MEC thawhhona kal zel

ECM leh MEC thawhhona tha takin a kal chhunzawm zel a, ECM Office -ah ECM puipate leh MEC puipate hian Pathian rawngbawlna kawngah thawhhona taka kalpui zel nise tih an rel a, Assembly ah intawiawm tawn zel nise an ti bawk. ECM puipate hi Rev.Dr.M.Zakonia,Moderator leh Rev.Ch.Chhama,SES ten an ho va, MEC puipate hi Rev.Victor-in a ho a ni.

This entry was posted on Tuesday, April 5th, 2011 at 12:11 am and is filed under Recent Posts. You can follow any responses to this entry through the RSS 2.0 feed. You can skip to the end and leave a response. Pinging is currently not allowed.