Moon Light Daily Newspaper

Vawiin Dt.9.12.09 dar 2:00 Pm hian District Playground saiha-ah TNT Christmas Carol Concert ropui takin neih a ni ang.Bethel koh hran chuan nimin khan hnatlang thawk chhunzawmin an buaipui leh a ni. Ticket hi Rs.500, Rs.100 a ni. Nu leh pa neilo 300 chuang awmna TNT hi tanpui an ngai em em a, Ruihhlo ngawlvel te leh Mi-a te pawh enkawltu TNT hian Pathian rinchhan in engkim an ti a, Pathianin a tanpui nasa hle.

Pathian ringtu Kris tian te tihtur zingah dik tak chu hengho tanpuina pek hi a tel a ni. Tooth Brush/Paste, Puan,Thawm hnawh hluihlawn pawh nise an mamawh vek thova, Bethel kohhran kaltlangin engkim pek theih a ni.

Tin,TNT ticket hi a tam theih ang berin lei sak ila, tanpuina hrang hrang i pe bawk ang u.

- Thlirtu

* Nimin khan Pu Kunal, IAS,DC hovin Saiha District Security Committee an thukhawm a, Krismas leh kumthar boruak hlim awm leh muanawm taka hman anih theih nana hma lak zel dan tur sawiho a ni a. Zan lamah hmun 7 ah duty nise,NGO pawhin police tanpui se, thingpui leh a hmeh,etc sorkarin tum sakse tih rel a ni. DC hian Saiha tui lakna tlangpui pawh a hmunah a tlawh bok

* Krismas leh Kumthar programme atana Kohhran hrang hrang Local Church te buhfai leh Chini an mamawh tur zat hriat nan an member zat,DCSO hnenah 15.12.09 hma ngeia thehlut turin Kohhran tin ngen an ni.

* Myanmar MTP Conference a khuallian ni turin Pu B.Dawpho,President,MTP Hqrs leh a thuihruaite chuan naktuk khian Saiha an chhuahsan dawn a, Pu V.Samson chuan president full charge a la dawn a ni.

* Saiha District Health Committee chu tunkar remchang hmasa berah an chairman leh Bawrhsap ni bawk hovin meeting neih a ni dawn a, Dr.H.Lalchung nunga,CMO chuan Secretary hna a vuan ang.

Kawng zawh dawn

Vawiin hian MHIP,Saiha chuan kawng an zawh dawn a, tunhnaia Pu Vailiana’n a nupui chemte-a a vihhlum avanga lungawilohna entir na a ni dawn tih hriat a ni.

Moonligh Award

Moonlight Award 2009 December 16-17,2009 atan inpuahchah mek zel a ni a,zankhatnaah Macha V. Photlu-in tawngtaina a nei ang a, Pu S.Khipo, CEM,MADC chu khuallian a ni ang a,Pu Pasa T.Azyu, President,MHP leh Mara land Gospel Centenary Miss J.Lynapawti (Nathlo) chu khual zahawm an ni ang.A zan hnihnaah Macha C.Lalngura chuan tawng taina a nei ang.Pu N. Chakhai, PD,DRDA khuallian a ni ang a,Pu B. Dawpho, president, MTP (H) leh Maraland Gospel Centenary Miss J.Lyna pawti khualzahawm an ni ang.

Award lawmpui tur in Mizo Idol top 3 PC Remruata, Mimi Ren thlei, Pensy B.Lalthangliani, TBC leh Rosy K. Remsangpuii te an lo kal ang.

Kumin ML Award hi Mr.N.Solomon Beihlotha leh Miss Sangbawihi ten an host dawn a ni.

PC Remruat-an nghak hlelh hle:

Nu ho chuan Chhantea an duh a, nula hovin PC-a an duh tih hriat a ni.PC Remruata,Mizo Idol top 3 chuan Moonlight Award 2009 a nghahhlelh thu sawiin hemi atan a inpuah chah nasat thu a sawi.PC-a lokal tur hian a fans te a tilawm hle. PC Remruata hi PC Lalthakima, Rimawi Khawvel Award Organising Board Chief Organiser PC Lalthakima farnu fa a ni tih PC.Lalthakima chuan a sawi.

Maraland Idol

Maraland Idol a boruak a sang hle tawh a, zan hmasa khan Pakhai Vytuchho leh Gomeri an tla.Top 5 a inhlang kaite chu Aso Vytu chho, Ahmypi, RT Sohnei Zawhly, Vahia, C.Beirathie, Siaha Vaihpi, Elsadai Notlia.

15.12.09 zanah Maraland idol puan a ni ang

This entry was posted on Wednesday, December 9th, 2009 at 6:49 pm and is filed under Recent Posts. You can follow any responses to this entry through the RSS 2.0 feed. You can skip to the end and leave a response. Pinging is currently not allowed.