Thuthar Lawrkhawm: Friday, October 21, 2011
Moonlight Award 2011 sem hun tur chiang ta
Moonlight Award Organising Board chuan an Vice Chairman Pu WB.Azyu hovin Zirtawpni khan Meeting WB-inah an nei a, ML Award 2011 programme hman hun atan December 7-8,2011 nise,MTP hall-ah nise tih an rel. A zankhatna khuallian – Pu S.Khipo,CEM, MADC, khualzahawm – Pu K.Hrahmo,EM,Edn.MADC
Dr.K.Rakhu,President, MTP hqrs. A zan hnihna khuallian (Chief Guest) – Pu Kunal,IAS,DC,Saiha
Khualzahawm – Pu N.Chakhai,Addl.DC/PD,DRDA,Saiha, Pu Pasa T.Azyu, President, MHP hqrs Moonlight Award 2011 lo awm tur hi chu khawvel pum atanga thlir theih turin Internet ah live a pekchhuah a ni dawn a ni.
He Moonlight Award 2011 (big Festival) min lawm pui tura Guest Artist sawm tur hi chu mipui atangin sms hmangin thlang se tiin ML Board Meeting chuan a rel bawk a, SMS emaw ziakin emaw a hnuaia number ah hian thawn/pek theih a ni ang. A tam ber kha sawm a ni ang a,mipa 1,hmeichhe 1 a ni tur a ni.
ML Award programme hi Mizoram pum Cable -a chhuah turin karkhat hnu lamah pekchhuah leh a ni dawn bawk.
Tin, Heiden Rial pawh sawm tum a ni a ni bawk.
Lawngtlai,Sangai,Hnahthial,Lunglei,Tuipang,etc atang pawhin he ML Award 2011 programme hi rawn chhim tum an tam hle nia hriat a ni bawk. 9436776563/ 9862954542
Pu H.Vabeitha,Vice Chairman,Saiha District Sport Committee chuan State level Pykka Sport Aizawl a kal tur fuihna a nei
Saiha,Oct,18 : Nimin khan MTP Hqrs Office -ah State level Pykka Sport Aizawla neih tura Saiha District aiawh tur Infiammi engemawzat kokhawm an niin Pu H.Vabeitha,Vice Chairman, Saiha District Sport Committee Superintendent of Taxes, Saiha District chuan fuihna thu sawiin, Infiammi te hian ram an tihmingtha a, State leh District an tihmingtha a,khua leh veng an tihmingtha tel bawk thin. Chutiang chu kan hriat vek tawh ka beisei a ni,tiin tuna Saiha District level Pykka sport a titha te pawh hian State level Pykka Aizawla neih turah Saiha District an tihmingthat ngei a beisei thu a sawi a ni.
Pu H.Vabeitha,Vice president, SDSC chuan, tunah hian Saiha tlangval J.Lalenkawla chuan India aiawhin Malaysia-ah Karate a khelh tan tih kan hria a,hei hian Mizoram leh Mara ram pawh a tihmingtha em em a, a hlawhtlin kan beisei pui bawk a,chutiang zelin badminton lamah pawh Mizoram state aiawhin Saiha mi bawk state dangah a kal dawn bawk a ni, J.Hrokhu leh K.Lalnunsiami(Hnaino) ten kawng an lo sah tawhna chu kan thalaite hian an zui chhunzawm zel a tul a ni,tiin pakhatna la thei tura insang mar theuh turin a fuih hlawm a ni.
Saiha District aiawha State level Pykka sport a tel tur te chu 1Women hockey 2. Judo (men & women) 3. Taekwondo a ni a, vawiin hian Pute N.Aldrin leh Zokhai Khuhly ten Aizawl an an kalpui dawn a ni. Saiha District aiawh turte hi an zu hlawhtlin theih nan tawngtaina-ah i hre reng ang u,ed)
ECM High School Teacher nuar
ECM High School Zirtirtute chuan DA pek an ni loh vang leh Senior Teacher te pawh 4th Grade hlawh zat pawh hlawh pha lova an awm mekna te, kum 2000 atanga 2010 thlenga High Teacher fixed pay (Mission school) a thawkte vawiin thlenga regularise loh te,pension benefit siamsak an ni lohna te avangin an nuar mek a, naktuk thleng “No Teaching day” an hmang ang a, Dt.20 leh 21 Oct 2011 ah Mass Casual leave an la ang a,chumi hun chhunga chanchin duhawm a awm loh chuan 24 Oct 2011 atangin tiamchin awm lova mission school te khar vek tura ruahmanna an siam thu pu Hma ngaihliana,ECM High School Teacher chuan a sawi.
Ruah sur thut
Karkhat vel khaw tha tak hnuaia kan awm hnuah nimin chhun dar 12 khan ruah a sur leh thut a, October thla ah hian ruah a sur leh thut thin nia sawi a ni. Nikum phei khua chuan November chawlhkar khatna ah pawh ruah a sur a nih kha,ed)
ECM KTP hqrs OB meeting
Nimin khan ECM Office-ah KTP Hqrs OB meeting neih a ni a, 3rd November 2011 a Gilgal Biak In a ECM KTP Hqrs Executive Body Meeting neih tur thlirlawkna neiin Agenda hi tun thla ni 22 hma-in Hqrs Secy hnenah thehluh vek nise tih an rel a. KTP OB meeting 26 Oct 2011 khian Miss ellen Hlychho, Secy,KTP hqrs chenna inah neih nise an ti bawk. An thurel bawhzuina thi sen pek chungchang report ngaihthlak a ni bawk a, ECM-KTP Branch hrang hrang atanga thisen pek tawh zatchu mipa 113, hmeichhia 44 an zavai belhkhawmin 157 an tling tawh a ni,tiin Khichho Macha V.Samson, president, ECM KTP hqrs chuan a sawi.
ECM hqrs KTP Secretary Miss Ellen Hlychho pawh dam takin a lo haw leh tawh bawk.
Dr.K.Beiparysa damlo-Pum lam thatlohna avangin Dr.K. Beiparysa (Sangpuia) chu Aizawl Civil Hospital ah enkawl mek a ni a, ICU-ah enkawl a ni tih hriat a ni.
A pension dawn
Kum 60 a lo tlin tak avangin Pu Raliapa Chinzah, Under Secy,MADC chu 31.11.2011 khian pension in a chhuak dawn ta a,Hmasiena Editor Pu S.Vabeihasa,I&PO leh a staff te chuan Pu Raliapa Chinzah an ui thu leh a hmalam huna a thiltih apiangah hlawhtlinna hmu zel tura duhsakna an hlan thu an tarlang.
MJA leh MTP chuan Trade licence etc ah thawhhona thuthlung an siam ta
Saiha,Oct,2011 : Nimin khan MJA leh MTP hqrs hruaitute chu MJA Press Club-ah an thukhawm a, Pu CZ.Hluna,President,MJA kaihhruai Joint Meeting ah hian thu sawiin,Dr.K.Rakhu,President, MTP hqrs chuan Saiha District a thuthar lakhawmtute inzawmkhawm MJA te hi ram leh mipui hmasawnna tura thawk hlawk ber te zingah in tel a, nangni tel lo hian engmah a kim tak tak thei lo a ni, in hmalakna hi a ropui a, Mobile Net Work chungchangah te, Trade Licence chungchangah te Internet Boardband leh thil dangah hrim hrim pawh hian MJA a chet tawh chuan hma a sawn zel a ni,tiin District dang a MJA ten an buaipui kan hriat lemloh Saiha District Vigilance Development Committee(SDDVC) in din a,nangmahni vekin in thawk vek bawk a, tichuan kan rama Contract,etc rotling a awm ngei in duh avangin a hmunah in endik zel bawk a, Department hnathawh dan langtlang in duh avangin RTI hmangin zawhna tam tak in siam a,chumi piah lamah Corruption dona Eiruk bawm in siam tawh bawk a, in hnathawh thatna rah hi mipuiin an seng mek zel a ni,tiin MJA chu fakawm a tih thu a sawi a,MJA leh MTP hi tuna thawkho thar tur kan ni lova, tun hma atanga kan lo thawhhona tha tak kal zel kha a ni zawk a,hetia MJA nen inkawpa Trade Licence,Illegal Traders leh a danga chak taka kan kalpui chuan kan ram tan nasa takin hmasawnna leh himna a thlen ngei ka beisei a ni,a ti.MJA hruaitute leh MTP hruaitute hian ngaihdan an sawi theuh a, tichuan Trade Licence leh Illegal Traders leh a dangte lungrual taka thawhhona kalpui nise, a leilung fa in Licence la a hnamdang an hawh a, hmantir man pawisa an lak thin te pawh check fai vek an tum thu an sawi a, tlai lamah ruai an kilho nghal bawk.
Dr.K.Beichhua MNF-ah lawmluh a ni
Nimin zing dar 7:10 am khan Saiha Bazar Traffic Point-ah MNF District Hqrs huaihawtin Public meeting pu HC.Lalmalsawma Zasai,President,MNF District Hqrs kaihhruaina hnuaiah neih a ni a.Pu Zoramthanga,MNF President chuan Dr.K.Beichhua leh a thuihruai a lawmluh thu a sawi a, MNF a lawmluh tur list 2896 ziahtlar chu a hlawmin a lawmluh thu a sawi a, Dr.K.Beichhua chu Aizawla Hnam Runah thu sawina nei turin advance takin a sawm nghal thu a sawi. CM Pu lal Thanhawla chungchang sawi telin, NLUP a sem hi Prime Minister package ni lovin plan fund atanga la thenin a kang puak a, a sem a ni,a tobul a fuh tawh lova,Finance management-ah a fail a ni,tiin MLA inthlan lo awm leh turah Congress ngei ngei pawhin an sorkar an ring tawh bik lo,a ti.
Dr.K.Beichhua pawhin thu sawiin, MNF a ka luhna chhan chu mipui hmangaihtu dik tak an nih avangin a ni,tiin Congress ho chu an kawrhak ah an buai a,an In leh lo,Chaw, silh leh fen mai bakah current te nen lamin an ngaihthah a,MNF erawh chuan engkim a ngaihtuah advance thin a ni,tiin a duh chhan a sawi fiah.Pu Liansuama,Ex-MLA leh Pi Malsawmi (Mali),AMC te pawhin thusawina an nei a ni.
Pawchhua chuan, MNF-a luh dawn hian Battalion 1-na chu ka tan a inpumpek ngam khawma min tantute an ni a.Battlaion 2-na te chu Congress a NLUP vanga lut a,Congress in an pek tur an tiam an pek kim leh tak si loh avanga ba thing tura lo lut a min lo tan tlattute an ni a. A battalion 3-na te chu vengtin a Official (Beaurocrats)in phum te niin an hming lam rik chi loh avangin in kausa rengin an awm a,min puih tawh rawh u le ka tih veleh a theihpatawp min chhuahpui tura in ring reng an ni,a ti.
MNF chu Gas bur 1 neih ai chuan adang 3 spare atan la ang, bulb a chhiat thut takin bulb 3 lak belh leh ang,tlakchham takin buhfai bag stock ang,titu an ni a,a thlamuan thlak a ni,a ti.
Engzat chiah maw lut?
Dr.K.Beichhua-in MNF -a a luhpui member zat list ah chuan 2896 a ni a,Saiha Bazar Traffic point a Pu Zoram -an a lawmluh laia ding te kha engzatnge an nih? tia ML zawhna chhang in Pu C.L.Zama, Secy, MNF chuan mi 30 vel an ding a,a chhan chu thing tlang atanga an lo kalna tur a harsat vang a ni,a ti.Pu Kaphlira,GS,MNF Dist. Hqrs chuan a sir lama ding te pawh an awm teuh kha mi 200 vel chu an ding alawm,a ti.
CMO Hall ah sawiho
Nimin khan CMO Hall, Saiha-ah naupang thihna chungchang a report ngaihthlakna leh hmalak zel dan tur sawihona meeting neih a ni a,damlo te chu a rang lama Hospital panpui thin nise,hei hi mipuiin ngai pawimawhse,etc sawi a ni.
Dr.Hamlet leh ECM Hqrs puipate Court-ah inchapchar
Nimin piah atanga tan tawh Dr.Hamlet Hlychho vs ECM Hqrs thubuai chu Court-ah Final Argument niminah chhunzawm leh a ni.Judicial Magistrate Pu Laldinpuia Tlau hma-ah Dr.John Hamlet leh ECM Hqrs puipate final Argument ah hian room khat tlatin mipuiin an ngaithla a, thuthar lakhawmtute pawh an tam hle. ECM Ukil Pu JS.Beizawzilai chuan Prosecuting Witness document a neih zawng zawngte leh Argument a a sawi duh zawng zawngte felfai taka a sawi zawh hnuin Dr.Hamlet Ukil Pu FC.Khihnia chu sawi tura koh a nih lai mekin a nupui chu Hospital ah emergency a operation a ngaihthu phone call a dawn avangin a chhuak ta a ni.Niminah Pu FC.Khihnia hian nimin khan a sawi tur zawng zawng a sawi thung.Hemi zawh hi chuan Judgement siam thuai beisei a ni tih Pu Laldinpuia Tlau,JM chuan a sawi.
Debate neih a ni
Nimin khan SP,Saiha office-ah Human Right chungchangah District level debate neih a ni a,hemi zawh hian state level debate neih a ni leh dawn a,District a tithate pawh an tel vek dawn a ni.
Keimahni-Nimin khan ro khawlhna vangin Moonlight Newspaper a chhuak thei lova,a latute hriatthiamna kan ngen e- S.Lalrinpuii,Cir.Manager
Video Conferencing-in Seminar Saiha-ah neih a ni
S: Nimin dar 10 khan DC Saiha bul tumin Govt Saiha College a Internal Quality Assurance Cell(IQAC) ten Socio-Economic Development of Saiha thupui-ah hmangin Semimar an nei.
Mizorama a vawi khatna atan he Seminar hi Video Conferencing-in State Planning Board, Vice Chairman, Pu Lalkhama, Principal Secretary, District Council Affairs, Pu Chakravarty leh Consultant State Planning Board, Pu Anil Agastya, Secretary to CM, Pu Lalramthanga, Secy to CM leh Pu L.R.Sailo, Press Secy to CM ten Aizawl atangin an chhim ve a ni. Pu Lalkhama chuan thu sawiin, Socio-Economic Development atana sor kar Official ten an rilru a an hriattur pawimawh berte chu Hmangaihna, Khawngaihna leh thahnem ngaihna nena hnathawh te, Hmathlir leh ngaihtuahna thar hman thiam te, Kan thil neih sa te tangkai thei ang bera hman dan thiam te, kan hnathawh tur a zira thiamna leh hmanrua chawkluh thiam te, Kan hnathawh sak tur mipuite sukthleng hria a,mipuite rilrem zawnga thawhhona tha neihpui te hi a ni,a ti.
He Seminar hi Ms Miriam L.Colney,Dept of English leh Ms R.Lalhnehpuii,Dept of Mizo (GSC) ten an host a ni.Pu C.Zohupa,Principal, Govt Saiha College chuan welcome speech hun hmangin hetiang Seminar changkang Video Conferencing kan lo nei thei ta mai hi a lawmawm tak zet a,he Seminar chhimtuten hlawkna in tel theuh ka beisei a ni,a ti.
He Seminar khuallian Pu Kunal,IAS,DC chuan Power Point Presentation hmangin Saiha District Development Profile entirna leh sawi zauna hun a hmang a,Aizawl lam atanga Seminar lo chhimtute pawhin bengvar thlak an tiin,hetiang Seminar ruahmanna chang an hria chu a buat saihtute an rawn fak hle a ni.
He Video Conferencing Seminar-ah hian Resource person 7 te paper present ngaihthlaka zirho a ni a.Chungte chu 1) Siksh Scheduled to Indian Constitution: With Special Reference to Saiha District -by Laldinpuia Tlau,JM 2. Introduction and present status of Education in Saiha District by Dr.D.Elyas,Assoc.Prof. 3. Role of Health Department in Public Health by Dr.Lalnunziri,MO, 4. Role of District Administration in Saiha District – by H. Lalhmingthanga,SDO(S)&EO 5.Socio-Economic Development of Saiha District – by A.Sundaram,Assoc.Prof. 6. Role of District Council in Local Administration in Saiha District -by Beimosa Azyu,ALAO
7. Impact of Social change in Saiha district -by Dr. Chawngkhuma Chawng thu,Assoc.Prof(GSC).
He Seminar hi session 3 a then a ni a,session 1-na leh session 2-na chu paper present huna hman a ni.session thumna erawh chu Dr.R,Hmingthanzuala, Assoc.Prof.(GSC) ,Moderator hnuaiah sawihona hun hman a ni.
Pu N.Chakhai,Addl. DC & PD,DRDA,Saiha chuan lawmthu a sawi ani.
MTP Conference Tuipang-ah
MTP General Head -quaters hruaitute leh Tuipang MTP Sub- Hqrs & Branch hruaitute chuan in hmukhawmin kum 2012 MTP General Conference neihna hmun a tan Tuipang ‘V’ an ruatfel ta a, a hun leh ni tur erawh chu la ruatfel a la ni lo thung.
He MTP General Conference hi a tirah chuan New Latawh a nghah a ni a, mahse rem chan zawkna avangin Tuipang V a neih turin sawn a ni leh ta zawk tih MTP (H) hruaitute chuan ML an hrilh.
Gram Sabha audit
Nimin zing chawhma dr 11:00Am khan Saiha Town Area a Village Council-7 ah Gram Sabha Social Audit Forum neih ani.
Gram Sabha Social Audit hi Khaw hrang hrang ah leh Tuipang RD Block ah chuan hlawhtling takin neih a ni tawh a; Saiha Town chhung VC-7 ah neih mek a ni. .Saiha District chhunga VC Area tinah Physical leh Financial Audit Team din vek tawh a ni a,Heng Audit team te hian Sept thla chhung khan Audit an nei tawh a,An Audit report hi he GramSabha Cum Social Audit ah thirho nghal a ni tawh bawk. Sawrkar kumthar atana hnathawk tur (Work Proposal ) thlan nghal tir zel an ni a.Nimin khan zawhfel hman tum in hma chak takin kal pui a ni tiin K.Zoramhluna APO (NGN REGS) DRDA Saiha chuan a sawi.
N.Dawdaw khiangawi dawn ta
Nula N.Dawdaw, Treasurer, MHP hqrs leh Valtea chuan November 2011 hian Tiam tlat e an ti dawn ta.Dawdaw hi MHP Hqrs OB te zinga thawk hlawk ber pawl a ni a,MHP chuan Dawdaw inpekna leh MHP tana a hnathawh zawng zawng te hi a hre reng dawn a ni.An inneih hun tur date ruat thuai a ni dawn a,a hmun tur pawh Tisi or Saiha a ni ang.
Awareness Training
Nimin zing chawhma dar 11:00Am khan CMO Conference Hall Saiha ah Awareness Training Progamme hman a ni. He Drivers leh Owners tetan a buatsaih Awareness neih ah hian Pu Dony Lalruatsanga DTO (District Transport Office saiha chuan thu sawiin Kan ram Zoram zimte ah hian, State dang nen khaikhinin Lirthei pawh atam em em tawh a, amaherawh chu Lirtheih enkawlna leh Traffic rules chungchangah kan zawm tha lo hle in a lang a, kan kawng zimte-ah Driver ten zu leh sa ah te Zuk leh hmuam ah te, kan fihlim lo em em avangin chhiatna, thihna thlengin zoram dung leh vangah min thlen phah hial a ni, a ti.Sawizawmin khawvel kan dam chhungah nunna hi ahlu ber a,Lirthei kan neih te hi kan tan min chhawk zang kha tu atan kan tih laiin lungngaihna min thlen tu anih fo avangin Drivers te kan fimkhur a pawi mawh tak zet ani, ati a. Owner te pawhin kan lirtheih kan neih te hi enkawl ngun a pawimawh hle a ni, ati.
Heng Drivers leh Owner te bakah Govt Driver te tiam a Awareness neih ah hian Pu Benjamin Lalhmingsanga, MVI Saiha leh Pu C.Lalsangliana ASI leh Driver Association hrang hrang atang te pawhin thu sawina an nei bawk.
Dr.K.Rakhu,President,MTP hqrs- in Silver Jubilee hmanpui
Nimin khan Dr.K.Rakhu,President,MTP Gen.Hqrs Siaha chuan Zero Point ah MTP Branch kum 25 tlin lawmna (Silver Jubilee) ropui taka lawmna programme chu a zu hmanpui a,khuallian Dr.K.Rakhu,President,MTP Hqrs chuan MTP Motto chu a nihna ang taka nunpui zel tur leh khawtlang muantu nihna kawngah te, Chhawmdawl ngaite chhawmdawlna kawngah te, Ruihtheih thil dona kawngah te leh khawtlang leh rama thiltha tih chhunzawm zel tura ke pen kawngah te kan hming thatna leh hming chher tawhna chhawm nun zel kawngah MTP member zawng zawng pheikhai rual taka kan kal chhoh zel a tul tak zet a ni, Zero MTP ten active taka hma an la chho zel chu lawmawm a tih thu a sawi a, Dr.K.Rakhu,President chuan Zero MTP ten an Silver Jubilee lawmna programme an siam chu a lawmpui thu a sawi a,Rs.5000/- in a tanpui bawk. MTP President hi MJA president Pu CZ.Hluna leh a thawhpuiten an tawiawm a ni.
PRESS RELEASE NO 40 OF 17/10/2011.
Congress leh MNF inbeihna hian chin tawk nei se.
Tunhnaia MNF President Pu Zoramthanga thusawi- “Tual kan that lo, ral that kan ni” tih leh Chief Minister Pu Lal Thanhawla leh a nupui vai Puja-na ah an tel tih chungchanga MNF leh Congress inbeihna kal zel hi ZNP chuan ram hnuk tling lo leh thil tul lo ah a ngai a. Heng an inbeihna hian chin tawk nei sela, inbeihna a kal thui zel anih chuan Zoramah thil duhawm lo tak a thleng thei a ni.
MNF President-in ral thah thu a sawi avanga ‘Congress Party-in MNF te thah leh kidnapped (Mizo) list an khawn khawm mek zel hi engtia kalpui nge an tum hriat ni lo mahse, hetianga inbeihna hian Zoramah remna aiin inhuatna a thlen ang tih a hlauhawm a. Chuvangin, an inbeihna kal zel hi mahni mimal leh party hamthat lak tum luat avanga Zoram mipui tawrhna thlen thei thil ni ah ZNP chuan a ngai a. MNF leh Congress te hian ram tana an thil tih tur lamah inbuatsaih nan hun hmang tam zawk se, tih hi ZNP duhsakna a ni.
Mipui ti mangang zawng leh Party hmakhua ringawt aia ram leh hnam tana tul leh thaah intlansiak hi Political Party ten kan tih tur pawimawh ber ni ah ZNP chuan a ngai tlat a. Mizoram hi Kristian ram kan nih angin kan Pathian biakah hian rinawm takin awm ila, Zo hnahthlakte hi unau vek kan nih avangin lungrual takin khawsa ho ang u, tiin Zoram mipuite kan chah a ni.
Sd/-
( R. LALTHANSANGA ) General Secretary
Copy to :
1. News Editor LPS/Zonet/DDK Aizawl, khawngaiha min lo puan zar sak turin.
2. News Editor All Local Papers, khawngaiha min lo puan zar sak turin.
3. Office File.
(ROTHUAMA SAILO)
Secretary
Information & Publicity Department,
ZNP Gen.Hqrs, Aizawl.
PRESS RELEASE NO 40 OF 17/10/2011.
Congress leh MNF inbeihna hian chin tawk nei se.
Tunhnaia MNF President Pu Zoramthanga thusawi- “Tual kan that lo, ral that kan ni” tih leh Chief Minister Pu Lal Thanhawla leh a nupui vai Puja-na ah an tel tih chungchanga MNF leh Congress inbeihna kal zel hi ZNP chuan ram hnuk tling lo leh thil tul lo ah a ngai a. Heng an inbeihna hian chin tawk nei sela, inbeihna a kal thui zel anih chuan Zoramah thil duhawm lo tak a thleng thei a ni.
MNF President-in ral thah thu a sawi avanga ‘Congress Party-in MNF te thah leh kidnapped (Mizo) list an khawn khawm mek zel hi engtia kalpui nge an tum hriat ni lo mahse, hetianga inbeihna hian Zoramah remna aiin inhuatna a thlen ang tih a hlauhawm a. Chuvangin, an inbeihna kal zel hi mahni mimal leh party hamthat lak tum luat avanga Zoram mipui tawrhna thlen thei thil ni ah ZNP chuan a ngai a. MNF leh Congress te hian ram tana an thil tih tur lamah inbuatsaih nan hun hmang tam zawk se, tih hi ZNP duhsakna a ni.
Mipui ti mangang zawng leh Party hmakhua ringawt aia ram leh hnam tana tul leh thaah intlansiak hi Political Party ten kan tih tur pawimawh ber ni ah ZNP chuan a ngai tlat a. Mizoram hi Kristian ram kan nih angin kan Pathian biakah hian rinawm takin awm ila, Zo hnahthlakte hi unau vek kan nih avangin lungrual takin khawsa ho ang u, tiin Zoram mipuite kan chah a ni.
Sd/-
( R. LALTHANSANGA ) General Secretary
Copy to :
1. News Editor LPS/Zonet/DDK Aizawl, khawngaiha min lo puan zar sak turin.
2. News Editor All Local Papers, khawngaiha min lo puan zar sak turin.
3. Office File.
(ROTHUAMA SAILO)
Secretary
Information & Publicity Department,
ZNP Gen.Hqrs, Aizawl.
PRESS RELEASE NO 40 OF 17/10/2011.
Congress leh MNF inbeihna hian chin tawk nei se.
Tunhnaia MNF President Pu Zoramthanga thusawi- “Tual kan that lo, ral that kan ni” tih leh Chief Minister Pu Lal Thanhawla leh a nupui vai Puja-na ah an tel tih chungchanga MNF leh Congress inbeihna kal zel hi ZNP chuan ram hnuk tling lo leh thil tul lo ah a ngai a. Heng an inbeihna hian chin tawk nei sela, inbeihna a kal thui zel anih chuan Zoramah thil duhawm lo tak a thleng thei a ni.
MNF President-in ral thah thu a sawi avanga ‘Congress Party-in MNF te thah leh kidnapped (Mizo) list an khawn khawm mek zel hi engtia kalpui nge an tum hriat ni lo mahse, hetianga inbeihna hian Zoramah remna aiin inhuatna a thlen ang tih a hlauhawm a. Chuvangin, an inbeihna kal zel hi mahni mimal leh party hamthat lak tum luat avanga Zoram mipui tawrhna thlen thei thil ni ah ZNP chuan a ngai a. MNF leh Congress te hian ram tana an thil tih tur lamah inbuatsaih nan hun hmang tam zawk se, tih hi ZNP duhsakna a ni.
Mipui ti mangang zawng leh Party hmakhua ringawt aia ram leh hnam tana tul leh thaah intlansiak hi Political Party ten kan tih tur pawimawh ber ni ah ZNP chuan a ngai tlat a. Mizoram hi Kristian ram kan nih angin kan Pathian biakah hian rinawm takin awm ila, Zo hnahthlakte hi unau vek kan nih avangin lungrual takin khawsa ho ang u, tiin Zoram mipuite kan chah a ni.
Sd/-
( R. LALTHANSANGA ) General Secretary
Copy to :
1. News Editor LPS/Zonet/DDK Aizawl, khawngaiha min lo puan zar sak turin.
2. News Editor All Local Papers, khawngaiha min lo puan zar sak turin.
3. Office File.
(ROTHUAMA SAILO)
Secretary
Information & Publicity Department,
ZNP Gen.Hqrs, Aizawl.
