Thuthar Lawrkhawm: Friday, October 07, 2011
Lal Isua property tha berte zingah Vasty Azyu album a tel a ni – Pu K.Hrahmo,EM
Saiha,Oct, 7 : Zan hmasa khan New Skylink Vision Studio,New Colony-ah Pu K.Hrahmo,EM,Education,MADC chuan Vasty Azyu Audio album “ Yru Loh Pangahna” Khawhar hla chu Pu Pasa T.Azyu,President,MHP kaihhruaina hnuaiah mi zawng zawng lei thei turin a tlangzarh ta.Khuallian Pu
K.Hrahmo,EM chuan, Lal Isua property tha berte zingah Vasty album hi a tel a ni,tiin Lal Isua hmel kan hmuh hma chu he Vasty khawhar hla Album hian Pathian min hnaihtir ang a, khawhar chhungte hnemtu a ni
zel dawn a ni,tiin Vasty inpekna ropui a tih thu a sawi a, Vasty chu a fak hle bawk.He Vasty album tlang zar hna pro gramme ah hian Rev. B.Lalhnema, CCIM chuan hunserh a hmang.Mc.K. Chhihrau chuan thu asoi. He
album hi Pu Lungmuana Hrahu chuan thiam takin a preview a, Fine Tune Recording kutchhuak a nihzia leh chhinchhiah tlak a nihzia a sawi tel a ni. Pu Kunal, DC,Saiha pawhin thu sawiin, Mara hla chauh ni lovin
Mizo hla,Hin leh English hla te pawh tuipui ula, album siam ula, a market a zau ang a, in hlawk phah dawn a ni,Mara hla ringawt chu Kolodyne a pel si lova, HIndi,English,Mizo hla album in siam tel a tul
hle a ni,a ti.He album hi Freelance writer N.Solomon Beihlotha chuan Media hmangin a lo preview tawh a,a hlawhtlin phah hle.Pakhai Syhly, C.Beirathie leh Vasty an zai a, CCIM zaipawl leh Man of faith an zai.
MJA,Saiha ten Faina Hapta hmang
Mizoram sawrkar thuchhuah angin Mizoram pumah Faina Hapta hman chhunzawm mek zel a ni a, Office a thawkte leh NGO,chhungkaw tin ten an compound thenfai hna an thawk a, NGO pawhin khawlai thenfai hna an
thawk bawk. Saiha District a thuthar lakhawmtute/Media Inzawm khawm pawl MJA pawhin nimin khan an Press Club complex thenfai hnatlang an thawk a ni. MJA te hi thuziak/puangtu ni mahse, a ziak/puangtu nih
chungin he “Faina Hapta” hi an ngaih pawimawhzia midangte zirtir chung zelin anmahni ngei pawhin tha leh zung thawhin an Press Club complex thenfai hnatlang an thawk a, chhungkaw tin leh mipuite he Cleanliness
Week ngai pawimawh theuh turin an ngen bawk “Farewell note to a friend V.Lalengmawia, MCS”
Karleh thawhtan issue lo chang khiau rawh, Freelance Writer Mr.N.Solomon Beihlotha chuan thiam taka a rawn thluaithlumna thu chu lo chang rawh le.
Article tha tak tak thawh theih zel a ni
Newspaper phekhlai Pathian zarah chhuah a lo ni ve ta hi mipui hamthatna a ni tel ve a,article hlu leh ram, khawtlang tana tha thawh duhte tan hmun a awm reng a,a thawhtu chungah lawmthu kan sawi a, sawi
nawi aiin rawn thawhbelhtu an awm zel kan duh e – Cir.Manager
Post hnawhkhat turin nawr
Joint Action Committee Govt Higher Secondary School,Saiha chuan Director hnenah Lecturer post ruak hnawh khat nghal turin hma an la a, dilna lehkha Director,School Education, Govt of Mizoram an thehlut a
ni. Vawiin hian JAC-GHSS meeting neih a ni dawn a,an school-ah an hmalak zel dan tur an sawi dawn a ni.
JAC-GHSS chuan post ruak hnawhkhat ngai nia an sawi te chu : 1) Geography post 2 . Mathematics post 1, Chemistry post an thuthawn ah chuan HC.Malsawmthanga,M.A(geo),NET s/o HC.Tathy (L) Chhuarlung, Saiha District Mizoram. C.Laitha,M.Sc (Maths) s/o C.Beilo,College Veng Saiha District Mizoram. K.Vanlalzawngi,M.Sc (Chemistry) d/o K.Vanlalchhawna, Chanmari,Aizawl te chu a chunga
tarlan ah dahsak turin an ngen a, tarlan loh Geography pakhat pawh midang ruala dahsak turin an ngen bawk.School ah zirlai 60 an awm mek a,Pu Lalchhuangliana (Geo) sawn chhuah anih hnuah phei chuan Geography
Lecturer an nei tawh lo tih an ziak tel a ni.
Joint Action Committee-Govt Higher Secondary School,Saiha chuan an
ngenna hi a hlawhtlinna hmuh an phut a,hun tiam chhunga a hlawhtlinna
an hmuh loh erawh chuan atul ang angin hma an lak ve tawh tur thu an
ziak tel bawk.
Govt Higher Secondary School zirlaite hi an dinhmun an khaw
ngaihthlak hle a,Education dept hotuten JAC thilphut an tihhlawhtlin
atul.
Inkutsuihna
Dt.7.10.2011 dar 1:30 pm hian K.Zasaza leh K. Eunice Pawpi d/o K.
Sachho chuan Pu K. Sachho In,College Vaih ah Inkutsauihna an nei dawn
a ni.
Thisen an pe
Nimin khan ECM-Eden thar KTP Branch te chuan ECM KTP General Conference thurel tihhlawhtlin na atan damlo mangang te hman tur thisen an pe a,mipa 16 leh hmeichhia 2 ten thisen an pe a ni.
Notification
Saiha District kaihhruai nain Govt Higher Secondary School Building ah
Judo Coaching (zirna zing dar 5-7 leh tlai dar 3:30-5) hawn a ni a, a
duh apiang kum 8-25 tan admission lak a zir theih a ni. Coach thiam
tak leh experience nei tha tak Tv.Dingpuia, Black Belt in a zirtir
thin a ni.
Sd/-T.T.Khulua
Secretary,SDJA
Beikhaingia kal dawn
AMC Secy hna zawm turin Pu V.Lalengmawia (Bei khaingia),SDO(S) chuan
tunkar hian Saiha a chhuahsan dawn a,amah hi ECM member a ni
Saiha-ah RTI Week hman a ni
Saiha,Oct,6 : Nimin khan I&PR Hall,Council Vaih,Saiha-ah Right to
Information Week,2011 hawnna programme hman a ni a,he RTI week hawnna
hi Pu N.Vabeiratlua, I& PRO,Saiha kaihhruaina hnuai-ah neih a ni. Pu
Kunal,DC Saiha chu khuallian a ni a, Pu N.Chakhai,Addl. DC & PD,DRDA
khualzahawm a ni.
RTI hapta hawnna thuchah sawiin khuallian chuan RTI chu thu dik
tarlanna hmanraw pawimawh tak a ni,tiin RTI hian sawrkar chu langtlang
sawrkarah a siam thei a, dik tak leh huaisen taka mipui ten kan hman
chuan kan sawrkar inrelbawldan hmelhmang thlengin kan tidanglam thei a
ni,a ti bawk :Knowledge is power: tih a nih angin Knowledge nei tur
chuan Information a neih phawt a ngai a, Democracy ah chuan kan aiawh
tur hriat ve chu kan chanvo dik tak a ni,a ti bawk. Tun atang chuan
RTI Act hi zir ila,kan sorkar khalh ngil nan hman i tum theuh ang
i,tiin kalkhawmte a chah a ni.
Khualzahawm Pu N.Chakhai, Addl.DC & PD,DRDA pawhin thu sawrkar
inrelbawl dan ah hian ngaihdan hlui leh ngaihdan thar a awm thu sawiin
ngaihdan hlui ah chuan sorkar inrelbawl dan hi mipuite hriattir leh
mipuite hriata puanchhuah a harsat thu sawiin ngaihdan tharah chuan
sorkar inrelbawl dan hrang hrangte chu mipuite hriata puanzar a nih
thu a sawi a, RTI-in a tum ber chu sawrkar hnuaia din leh sorkar
tanpuina hmanga kal thuneitute hna thawh reng reng lang tlang leh
chhiar theih a siam ani,a ti bawk. Pu Laldinpuia Tlau,Judicial
Magistrate chuan RTI kalphung chipchiar takin a sawi a ni.He pro
gramme ah VC.NGO hruaitu, MJA, zirlai an tel CL.Ruala,MP(LSP hovin Vigilance Meeting neih a ni
Nimin piah khan Pu CL. Ruala MP(LS) hovin DV & MC thutkhawmna neih a
ni a,Pu N.Chakhai, PD DRDA Saiha in report a pek zawh hnu hian PWD
Saiha chuan PMGSY hmanga kawng an laih mek chungchang report an pe a,
Saiha to Rawmi bawk Road chu zawhfel a ni tawh a, a bak hmun dangte
erawh hi chu Fur laite a nih bakah hmarua meterial te Collect mek a
ni, an ti.
PHED Saiha WATSAN Division aiawhin Pu Viasai Solo, SDO chuan report a
pe ve bawk a, Tuipang leh a chhehvel tuipekna tur hna thawh chhoh mek
a ni a, Kum 3 chhunga zawhfel hman beisei a ni, a ti. an hmalakna
dangte pawh a tarlang bawk.
CMO Dr. H.Lalchung -nunga pawhin report pe in MO Quarter an neih
chhiat hlawm em avangin BADP atangin MO Quarter sak mek a nih thute,
Doctor leh hnathawktu an in daih lohna te, IMF sang lutuk ziaawm
theihna tura an hmalakna te a tarlang a, MP (LS) chuan heng harsatna
an tawh mek te hi ziaka a hnena thehlut tura a tih angin CMO Saiha
hian Ziakin MP (LS) hnenah hian a theh lut a ni.
DAO Saiha te pawhin an hmalakna hrang hrang te chipchiar takin an
tarlang a, MP (LS) chuan a Monitoring lamah tan la turin a chah a
ni.DHO Saiha pawhin Report chipchiar takin a pe a, Tin, Mizoram Sorkar
Flagship Programme NLUP chungchang pawh a tarlang nghal bawk.Hemi hnu
hian BDO Tuipang RD Block leh BDO Saiha RD Block te pawhin an Block
huam chhunga an hmalakna hrang hrangte a tarlang bawk.Hemi hnu hian
DSWO, Saiha, CDPO Saiha, DCF MADC, DPC SSA Saiha, DSO Saiha, KVK Saiha
leh ITI Saiha ten Report kim chang takin an pe ve bawk.Nimin a MP (LS)
hova DV & MC Meeting pawimawh tak neih-ah hian Central Scheme
khawihtu Department hrang hrangte, Pu Kunal IAS,DC Saiha, Pu S.Khipo
CEM MADC, Chanchinbu mite leh mipawimawhte an tel thahnem hle.
MDCC OB meeting
Nimin khan Mara District Congress Committee OB meeting chu an
president pu RT.Zachono hovin Bhavan-ah neih a ni a, Phura a Congress
Block hawn tur chungchang te, MDCC Executive Meeting neih tur leh
Congress Workers Meet neih tur chungchang leh tul dangte an sawiho a
ni.
Vawiin holiday
Vawiin hi Dussera a ni a, sawrkar laipui chuan Holiday atan puangin
Mizoram sorkar pawhin holiday ah a puang a, Office leh sikul khar a ni
ang.
UPC,NEI thurel
New Saiha-a UPC,NEI Mission Conf-a thurel te zingah Nakum Conf-na hmun
South Lungpher bial 26-28 Oct 2012 ah neih nise. Home Mission field 4
hawn thar a,Dist.Evangelist 1 rawih belh a ni, Dist.huap Crusade
runpui neih nise. Dist.pumpuiah Mission puala chawnghei tawngtai neih
nise. Mission fund Raising board neih chhunzawm zel
nise.Tleipuii,Marami leh Nithahleidimi an zai bawk.
ECM HSS Teacher la thar
ECM HSS Teacher atan V.Byhna s/o V.Hiasa chu lak thar a ni,B.Sc a ni.
* Rev.VL Ngaia Hlychho,ES,ECM hqrs chu Nice Foundation Training ah a
zu tel hnuin dam takin a lo thleng leh ta. Tun thla hian ECM Pastor
bial khawmpui neih vek a ni ang. Nula Ellen Hlychho,ECM-KTP Hqrs secy
leh Pi K.Dasei chu Women Physic.al Conf a tel turin an kal mek.
ECM-KNP Hqrs meeting tunkar Inrinni hian Meisa Vaih Biak inah neih a
ni ang.
District Youth Convention
Nimin piah khan DC Conference Hall,saiha-ah NYK & Youth Club tangkawp
chuan District Youth Convention an buatsaih a,he programme
Dr.K.Rakhu,President,MTP hqrs kaihhruaiah hian khuallian Pu
CL.Ruala,MP (LS) chuan thu sawiin, NYK leh Youth Club hmalakna chu
fakawm a tih thu leh Infiamna lam hian rilru leh taksa a tihrisel mai
bakah a tichak a, India ram pum huap ah Hnahthial tlangval Jeje
Lalpekhlua pawhin Award a dawn thei chuan helaia thalaiten in tum
phawt chuan in dawng ve theih tihna a ni,a ti. NYK Coordinator Saiha
bik tak leh Youth Hostel sawichhuak tura ngenna chu CEM leh DC hian
project siam sela, Mizoream sorkar kaltlangin in thehlut ang a,ka lo
bawhzui tawh mai ang,a ti a.Sport merial a sem nghal bawk.
Khualzahawm Pu Kunal,DC saiha pawhin thu sawiin, NYK leh Youth Club
te hmalakna chu a tangkai hle a,hei hi thlawp thiam a tul hle a ni,a
ti.
Pi Mercy Sellate, Youth Co-ordinator,Saiha/Lunglei chuan Pu C.L.
Ruala, MP hnena ngenna a siam tihhlawhtlin a nih ngei a beisei thu leh
MP ngeiin an Convention a hmanpui thei chu lawmawm a tih thu a
sawi.Siamkungi leh Rem ruati an zai a,Dr. Chawng khuma,Pre.YMA chuan
lawmthu a sawi ani.
Pu N.Chakhai,Addl.DC & PD,DRDA chuan MUP Day a hmanpui
Saiha,Oct,3 : Inrinni khan I&PR Hall,Saiha-ah Mizo ram Upa Pawl (MUP) leh Saiha District Legal Service Authority tangkawp chuan Khawvela Upate Ni an hmang a, Upa te Ni programme hiRev.T .Tum sanga,President,MUP New Saiha Unit chuan a kaihruai a ni. Rev.Ngunchunga chuan hunserh a hmang a ni.
Khuallian Pu N. Chakhai,Addl.DC & PD, DRDA, Saiha chuan thu sawiin, Upa te hian thufing tak tak in sawi thin a, Upa thu nge nge a fing e tih a ni thin a,Inneihna leh thu pawimawh tak tak han khel chang hian Upa te tel lovin thu relthluk a harsa hle thin a,Upa te an tel a ngaihdan tha leh fing an han thawh chiah hian a fel vek mai thin a ni,tiin heng tawnhriat in lo ngah tawhna atanga finna in nei te hi ram hmasawn zelna turin thang thar te min hlan chhawng zel turin ka ngen che u a ni,a ti. Upate hian chawi mawi in phu a, ram dang leh state dangah Upate an duatin an chawimawi thim hle a,keini hian kan chawimawi thiam lo che u a,kan duat thiam bawk lo che u, in fate min hriatthiam a,in chungah kan lawm e,a ti a.Pu Chakhai chuan, thangtharte zingah Upate zahna chang hre lo an lo tam ta hi thil pawimawh tak a ni, Upate hi kan zah thiamin kan chawimawi tur a ni,a ti. In khawhar lunglen chang apiangin in tawn hriat atanga finna in nei te chu thangthar khawvel hmasawn nan in hnut chhiah atul a ni,tiin Rs.3000/- tanpuina a pe nghal bawk.Khualzahawm Pu Lal dinpuia Tlau,Judicial Magistrate pawhin thu sawiin, Upa te hlutzia leh an zahawmna te a sawi bakah District Council thuneihna -in a huamc hin sawifiahna a nei bawk. 2nd session chu Pu F.Thangdailova,Vice president in a kaihruai a, Pu V.Lalchhawna,Secy chuan report a pe a,thupui sawihona neih a ni bawk.Upa te Ni hi khawvel pumah hman a ni a,Mizoram ah pawh khaw lian deuh deuh ah hlawhtling taka hman a ni thu dawn a ni bawk.
VB Reithai Memorial
Dt.17.10.2011 khian Phura-ah VB Reithai Memorial Football /Vol leybal tournament neih a ni dawn a, Volleyball hi hmeichhia leh mipa tan a ni ang a,football hi mipa tan a ni a, Dr.K.Rakhu, President, MTP hqrs chu khual lian atan sawm a ni.
He Tournament ah hian MTP Tipa Sub-Hqrs, Saikao MTP Sub-Hqrs leh Phura MTP Sub-Hqrs sawm vek an ni dawn a, lawmman tha tak tak lak tur a awm dawn a ni,tiin an secy chuan ML a hrilh.
National Blood Day
Inrinni khan Blood Bank Staff & AVBD Saiha District tangkawp buatsaihin CMO Hall,saiha-ah National Blood Day hman a ni a,he hun Pu F.Lalrothuama, Presi dent,AVBD kaihhruaia hian khuallian Dr.Pahnie chuan thu sawina a nei a,thisen pek hi a hlauhawm lova,midang tan malsawmna ropui tak an ni bawk a,thisen petu an lo pung zel chu a lawmawm tak zet a ni,a ti.Dr.Chawngkhuma leh Pu John V.T.Hniehu,Presideny,PYD Saiha bial te pawhin thisen pek pawimawhna an sawi a,Dr.Lalhmachhuana,Blood bank officer leh Pu J.Lalhriatchhunga,Secy,AVBD chuan report an pe bawk.
He programme hman zawh hian UPC,NEI-PYD,Saiha bial te chuan thisen an pe nghal a,thisen petu zingah hian Miss Nosui Vytuchho, Miss Mara contestant hmeltha tak pawh a tel a ni.
MDCC OB meeting
Dt.5.10.2011 hian MDCC OB Meeting chu Pu RT.Zachono,President hovin MDCC Office-ah neih a ni ang.
To, The Editor,Moonlight
Subj : Thuchhuahsak tura ngenna
Ka pu,
Khawngaih takin he kan ngenna hi min tihhlawhtlinsak la,kan lawm hle ang.
Tunhnaia Serkawr a Pu M.Laikaw, President,MDF party leh MDC ni bawk leh a thawhpuiten chhungkaw 68 lawmlut anga an sawi leh Mara ram a record siam hial anga an sawi leh thuchhuah an siam kha pawi kan ti a,thudik zawk leh a nihna dik zawk chu a hnuaia mi ang hi a a.Hetianga Mara ram mipuite hriata dawt hmanga chhungkaw 68 lawmlut anga an insawi lai hian an lawmluh laia dingte chu mi pali (MDF hruaitu) an ni tih hi ram chhung mipuite hriatah kan han puang ve a ni e.Record a tling khawp mai.
Tin,he thu diklo thehdarh tura kan chanchinbu mite hnena ziaka in peka thuchhuahtir thintute hian kan thuthar thehdarhtute an zah lovah kan ngai bakh ram chhung mipuite zah lohna leh dawt a mipui hruai tumna angah kan ngai bawk a ni.
Thu dik tak chu Serkawr khua In 194 ah Congress chhuahsan In 19 voter 66 leh MDF a awmsa Congres a in enroll loh In 12 voter 45 Total In 31 leh voters 111 an ni zawk e.
Sd/-H.LYCHHUA
President,
Congress Unit Serkawr
He Side Drain block vangin a thlanga Pi Zionthangi in a hnawl thla tak ngial dawn!
New Colony a Joel Public School piah chiaha Side Drain Leivungin a hnawhkhat chuan harsatna namenlo a siam a, nimin leh ni 2 kaltaa ruahsur vak khan tuihawk a titam hle a,tichuan helai Tuihawn luankawr a luang tlang thei tawh lovin Pi Zionthangi IN STEP zawhin a luangthla ta pur pur mai a,a bul hnaia miten Pi Zionthangi te In chu tuihawkin a hnawl thla tak ngial dawna hria-in Pi Zionthangi an ko hman a,ruahsur sur hnuaiah Pi Zionthangi chu a va tlan phei a,amah tan pawh a hlauhawmin amah chawpin tuihawk chuan a la tep a, mangang takin a chhungte hrilhin ruahsur zingah hna a va thawhtir a,mahse lei vung,etc paih hna chu a sawt lo hle a,beidawng takin Dawr lamah a kir leh nghal a ni.Kan palai chuan a hmunah thil awmdan a enfiah nghal a, he side drain block hi thenfai vat anih loh chuan Pi Zionthangi In leh a bul ami chu tuihawk vanga leimin leh step chim thei reng dinhmuna ding a nih avangin engtiah nge he In hi a hnawl thlak dawn tih chu nghah a ni tawp mai tih a ni.Pi Zionthangi chuan zanah kan mu ngam tawh lova, chhunah nise ruah a sur hlek chuan awm ngamna chi a ni lo bawk,tiin an kawm thlang lam lah lei a min nasa tawh bawk si avangin thuneituten an ngaihven thuai lo chuan leh hma an laksak vat lo chuan engtikah nge an tawlh thlak dawn tih chauh a ni tawh thu a sawi.
He lai harsatna hi DC,DRDA,PWD ten a hmunah kalin en ngei se,Side drain thenfai vat lo chuan Sinking area a nih avangin New Colony veng tan a hlauhawm tak a ni ta. New Colony VCP chuan,kan mangang tak zet a ni,department lam ten min ngaihven nghal a tul a ni,New Colony a cheng helai sinking area a awmte chu an mu tawh mang lo tih kan hriatpui a ni,a ti.
Kan palai chuan nimin khan helai hmun hi ruahsur laiin a tlawh nghal a, chuta Pi Zionthangi mangang lutuk chu a lo tap deuh pur tawh a, a manganna ber chu an kawm chhak side rain block ber hi a ni a, ruah a sur hlek chuan chhun,zing leh zanah pawh Inah an awm ngam tawh lo a ni,tiin hrehawm a tih thu a sawi a,an In hnuai luah te pawh nausen nei an ni leh nghal a,a manganthlak lehzual a ni,a ti.
Pu H.Sahlo,EM,LAD,MADC hovin Faina hapta hawnna neih a ni
Saiha,Oct,4 : Nimin Zing Dar 7:00 Am khan Saiha Bazar Traffic Point ah Saiha Town chhung a Cleanliness Week hawnna Pu V.Lalengmawia SDO(S) Saiha Kaihhruaina hnuaiah hman a ni. Faina week hawnna thutkhawm tawi neih ah hian,Pu H.Sahlo EM, LAD,MADC chu khuallian niin Khuallian chuan thusawiin, Mahatma Gandhi Pian cham denchhana Faina Week kan hmantheih hi ka lawm hle a, Faina hi Mihring khawsakna nunphung changkang leh Ram hnufualte tehna leh hmellanna anih avangin Ram hma sawn piangin faina hi an ngai pawh mawh thin a ni a ti a. Kristian ram ah phei chuan Kan biak Pathian hi faina duh mi ani a, Faina hi a Pathian anna ani bawk avangin kan ram zimte ah hian faina kan ngai pawimawh chuan hriselna lam ah hma kan sawn ngei dawn ani a ti.
Faina na hi Sawrkar tihtur a ni bik hran lova, Khawtlang, chhungkua kan vaia kan tanrual a ngai zawk a, Mipuiin Sawrkar support a pawimawh hle ani, a ti a. MADC chuan Fainaangai pawimawh em avangin Sanitation lam hman atan Triper -2 kan lei a; chuti chung pawhin kan in in daih loh avangin Pakhat kan buk mek ati.Clealiness hunserh tawi hman anih hnui han group -2 ah in thenin Saiha Town chhung thian fai hna tlang an thawk nghala Pu H.Sahlo, EM MADC ngeipawhin thenfai hna hi hma a hruai nghe nghe a ni.GHSS zirlaiten khawlai an phiatfai ani.
He Saiha town chhung thenfaina- ah ah hian,Town chhung VC tin te hnenah hnatlang thingpui inna Rs,1500/- theuh pek a ni.Office,Sikul Restourant Hostel te Faiber thlan ani dawn a tihtha te hnenah lawmman an sem dawn a ni. Fiana lam thuziak chanchinbu ziaktha te hnenah an hlan bawk ang.
Upa te pualin Free Clinic
Social Welfare Department leh Health Department tangkawpin nimin khan District Playground, Saiha-ah Free Clinic Mizoram Upa pawl te pualin an buatsaih dawn a,Upa ho zawng zawng tan a thlawnin inentir theih a ni.MUP Sub-Hqrs Secretary,Saiha Pu V.Lalchhawna chuan an hriselna te a lo that zel theihna tura Free Clinic Social Welfare dept leh Health department ten an buatsaih avangin an chungah lawmthu kan sawi tak zet a ni,a ti.
Upate hi kan ngaihsaka kan duat thiam poh leh malsawmna an tu leh fate,thangtharte hian kan dawng tam dawn a,chuvangin Upate zahthiamin i duat ang u,ed)
Lawmluh a ni
Nimin khan MDCC Office-ah Pu RT.Zachono,Presi dent,MDCC chuan Pu HC.Chilo te chhungkua (member 8 ) chu Congress party-ah a lawmlut a ni.Pu Chilo chuan Food & Ciivil Supply department ah H.A hna atangin ka lo pension ta a,Congress hi ram hmasawnna tur ngaih tuaha hna thawk tak taktu nia ka hriat avangin ka zawm ta a ni,a ti.Pu FC.Zase.Chairman,MADC chuan Delhi zin report a pe bawk.
Vuiliam a ni
Bike accident a thi ta Irene Lalduhawmi(20) ruang chu Aizawl atanga rawn phurh thlen anih hnuah nimin dar 12 khan New Colony thlanmualah vui liam a ni.
SOC inpuahchah
Saiha Officers Club chuan Inter department Sport lo awm tur atan an inpuah chah mek zel.
Dr.K.Beichhua MNF-ah
Dt.12.10.2011 zing dar 7 khian Bazar Traffic Point, saiha-ah MNF President Pu Zoramthanga chuan Dr.K.Beichhua leh Pu FC. Rehmo & midang MNF-ah a lawmlut dawn a,hemi zawh hian dar 10:30 am ah MNF din champha Golden Jubilee chu MNF Party office-ah hman a ni ang.Pu Zoram thanga zuitu tur zingah Pu Liansuama,Ex-Minister, Biakthansanga, AMC leh Malsawmi(Mali), AMC te an tel.
* English premier league chhunzawm zel a ni a, tun tum chu Man.Udt,City, Chelsea,Liverpool anchak
Vigilance Meeting
Vawiin hian DC Conference Hall,saiha-ah District level Vigilance Committee an thukhawm dawn a, Pu C.L.Ruala,MP(LS) hovin he Meeting hi neih a ni ang.Hemi atan hian Department hrang hrangte an inpuahchahfel vek tawh nia hriata ni.
Dist Y-Convention
Vawiin tlai dar 2 hian DC Conference Hall,saiha-ah NYK leh Youth Club tang kawp chuan District Youth Convention an buatsaih dawn a, Dr.K.Rakhu,Presi dent,MTP hqrs chuan a kaihruai ang a, Pu C.L. Ruala,MP(LS) chu khual lian a ni ang a, Pu Kunal, DC Saiha chu khualzah awm a ni ang a,Rev.JR. Sanga,ECM Assembly Secy Senuior chuan hun serh a hmang ang a,Pi Mercy Sellate,Youth Co-ordinator,NYK,Lunglei,Saiha chuan Introductory speech a nei ang a, S.Siamkungi leh Tc.Lalremruati an zai ang a,Dr.Chawngkhuma, President,YMA Saiha Group -in lawmthu a sawi ang.
NYK hian kum Youth Convention leh Sport an nei thin a,thalaite tan hma an la mek zel a ni.
RTI hapta
Information & Public Relations Department,Govt of Mizoram leh Mizoram State Information Commission (MSIC) te tang kawp chuan tahrik ni 5 Oct 2011 dar 11:00 hian Right to Information(RTi) Hapta hawnna inkhawm I&PR Conference Hall,Council Vaih,Saiaha-ah an nei dawn a,He RTI week hawnna inkhawm ah hian Pu Kunal,IAS,DC chu khuallian a ni dawn a, Pi R.Lalduhawmi,Chief Judicial Magistrate chu khual zahawm a ni ang. He RTI week hawnna in khawm ah hian Tlawmngai pawl hrang hrang hruai tute, sawrkar department hrang hrang hotute, thuthar la khawmtute leh Saiha khaw pui chhung veng hrang hranga Village Council President te sawm an ni a,sawm bikte kokim taka lo tel theuh tura ngen an ni.
Internet tha lo
Tunlai hian Saiha a internet broadband leh tata indicom a service tha lo hle a,media lam phei chu an buai phah hle a, a ranglama siamtha nghal turin subscriber te chuan an phut a ni.
Idol chuan 20,000 pe ang-Mrs.S.Khipo
Kan palai zawhna chhang in Pi V.Mazua(Pu S. Khipo, CEM thiannu) chuan Saiha tlangval Lalthutha chu a tan ber a, a vote chhunzawm zel thu sawiin, top 5 a tlin chuan Rs.5000/- ka pe ang a, idol a tlin chuan Rs.20000/- ka pe ang,a ti.Pi Mrs.S. Khipo hian top 10 a tlin chiah khan Rs.1000/- a lo thawn tawh a ni. Hmingte pawh kha a hun laiin pawisa a lo thawn tawh bawk.
Yru Lohpangana
Vasty album “Yru pa ngahna” Fine Tune a Record chu 5.10.2011 zan dar 8 hian NSV Studio-ah khuallian Pu K.Hrahmo, EM,Education chuan a tlangzarh dawn a, Pu Pasa T.Azyu,President, MHP chuan a kaihruai ang, Rev.Hnema(CCI Pastor) in hunserh a hmang a,Mr.Lungmuana Hrahu-in a preview ang. Special numbers : CCIM Choir, Eden T.Azyu, Maraland Idol leh album neitu Vasty ten zaiin kalkhawm te an awi dawn a ni.He album thatzia leh belhchian a dawlzia hi Miss N. Dawdaw chuan ML a hrilh.
