Moon Light Saiha

PRESS RELEASE

Vawiin ni. 2.7.2010 chawhma dar 11:00 AM hian MZP General Headquarters Executive meeting chu MZP Pisapui-ah neih a ni a. Pu V.L. Krosshnehzova President-in meeting hi a kaihruai a. Pu C.Lalchhandama ECM-in tawngtaina hun a hmang.
Meeting-ah hian report hrang hrang, zin chhuahna leh MZP hmalaknate ngaihthlak a ni.
Meeting chuan MZP General Headquarters, Headquarters, Sub-Headquarters leh Branch te chhiat ni that ni-a inkaihhruaina tura ruahmanna a duan chu siamthat ngai leh belh ngaite belh a nih hnuah remchang hmasaa thlir nawn leh atan dah a ni.
Citizen Journalism and New Media Workshop neihpui tura Grassroot Development Network hnen atanga sawmna hmuh chu pawm a ni a, MZP Platinum Jubilee (kum 75) lawmna puala hmalakna peng pakhat atan he workshop hi 22-23 July 2010 chhunga nei tur a ni.
Dt.21/6/2010-a Pu Lalpiangliana Tanhril Mizoram Police kuta a awm laia a boral chungchang leh hemi kaihhnawiha thudik zawng chhuak tura Sorkar ruahmanna kalpui mek chu thudik tawk lo hmuh palh awm thei a nih avangin thudik tak hai lang ngei tur leh thil dik lo titute hrem an nih ngei theihna tura hmala turin MZP chuan thuneitute a phut tlat a, hemi chungchang hi MZP chuan ngun takin a thlir reng dawn a ni.

Sd/-
(Peter chhangte)
Secy. i/c. Publicity

Census neih mekah House listing leh NPR DC Office,Saiha-ah dawn tan a ni

Saiha,July,3: Census nei mekah House listing schedule leh NPR chu Saiha District DC Office ah ni 30/6/2010 atang khan dawn tan a ni.Tunah hian Saiha District chhungah Census a tel duh lo chhungkaw 40 vel an la awm a, Chhiarpui a tel duh lo hulhualte hi Census Act 1948 in a phal angin kum thum lungin tan leh cheng 1000 chawitir theih a ni a.Census a hming ziak duh lo emaw tel duh lo tura mi fuihpawrh ching te chu chhinchhiah vek an ni a.Heng mi te hi District Administration chuan mantir an la ni ang,tiin sorkar hnathawk tan phei chuan thil pawi tak, a hnu thleng a thleng thei a nih thu a sawi.
Heng Census material te hi ni 12th July 2010 ah Postal dept in DC tinah an la theuh dawn a ni tih Census buaipuite chuan an sawi a ni.

Census operation hi kalpui mek zel a ni a,July 1,2010 atangin checking neih tanin 12.7.2010 dar 12 ah Postal dept ah hlan hman ngei tumin buaipui mek a ni, Urban Charge Officer Pu Thankhuma,DRO dam lohna avangin Pu J.B.Chozah kahhruaina hnuaiah Master training HP.Lalremtluanga leh Supervisor ten endik nleh enfel hna an buaipui mek a ni.Saiha Town Enumarator 44 ,Reserve 2,Supervisor 9,Reserved 1, Master Trainer 1, Charge Officer 1,Ad.CO 1. Saiha Rural: Enumerator 59,Master trainer 1,Charge Officer, Donny lalruatsanga,BDO. Tuipang RD Charge officer – K.lalnuntluanga,BDO.
District Level: DC- Principal Census Officer,Addl.DC- Addl.Principal Officer, SDO – District Census Officer, EO- Adll.District Census Officer.

* Pu Kunal,C Saiha New Delhi a zin chu vawiin tlai lamah a lo thlen beisei a ni.DC Office chamber hi siamthat mek anih avangin SDO(S) room ah a thu rih dawn a ni.

* Pu RT.Zachono,Presi dent, MDCC chuan Mara ram tana tul leh mamawh Mizoram sorkar hnena thlen turin karleh thawh tanni khian Aizawl a pan dawn a,chuvangin thawhtan a MDCC OB meeting chu Pu Ng.Silla,Vice president chuan a kaihruai dawn a ni.

* Nimin khan Salavation Army chuan khawvel pumah an Day hmangin Saiha-ah pawh kawng sir a chawlh te hnenah thei tui an sem a, tin,hmun tam takah thisen mamawhte hman atan thisen an pe bawk.

* Karleh thawhtanni dar 10.30 khian MADC Forest Hall-ah J.Kholai leh Abie Notlia Mara tawnga magazine buatsaih “Iadi” tlangzarhna pro gramme hman a ni dawn a, Rev.Thylua Hlychho,V/Chairman,MLCC chuan a kaihruai ang a, Dr.K.Rakhu, President,MTP Hqrs chu khuallian a ni ang a, J.Jeffrey Khara chuan a preview ang ang, J.Kholai chuan lawmthu a sawi ang.
Tarlan tawh angin IADI MAGAZINE hi Diamond Colour Offset a uluk taka chhut a ni a, Zolife, Lunglen,Lelte nen dang lamna a awm lo, changkang tak a ni ringawt.Lei hmasa an vanneih zel ang.CD version nen copy Rs.50/- a ni
* Fifa Entertainer te chuan MTP Hall,New Colony-ah World Cup quarter final Big Screen a en theiin an buatsaih a,ticket Rs.50/- a ni. Heti rual hian Entertainment a tel nghal ang.Robert & Angaite

Editorial
Kan fate Pathian Thu
kan hrilh tam em?
Pathian chuan Bible hmangin ringtute tihtur min hrilh a. Israel fate hnenah khan “ In fate hnenah Pathian thu hrilh tam rawh u, an mut lai te, an chaw ei lai te leh remchanna apiang ah Pathian in hrilh thin tur a ni a,min theihnghilh lohna turin Pathian thu in hrilh fo tur a ni,tiin thu a pe a ni.Chu chu ringtute kan tihtur dik tak a ni.
Tunlai chhanah fate Pathian Thu hrilh an tam lo hle a,Pathian thu awih lohna chikhat a ni.Kan fate’n Pathian an hriat reng nan Pathian Thu i hrilh mawlh mawlh ang u.

MPCC / ADCC HRUAITU THLANNA

A hnuaia hun leh hmun tarlan ang hian Mizoram Pradesh Congress Committee (MPCC) leh Aizawl District Congress Committee (ADCC) hruaitu thlanna neih a ni dawn a.MPCC Party Constitution Article VII in Vote nei thei tura a tihte chu kim taka tel tur a ni.

Election neihna hmun tur – Vanapa Hall,Aizawl
A hun – MPCC14th July 2010 dar 11:00 Am
– ADCC 15th July 2010 dar 11:00 Am

Sd/- V.LALBIAKZAMA
(3-2) Secretary i/c Election
Mizoram Pradesh Congress Committee

hrang hrangte hmalakna kalpui niin BDO Saiha hmalakna hi sawisel tur a vang an ti hle.
4. IAY atanga hmalakna 2009 chhungin alian 33 a te 19 pek a ni a,kumin 2010 ah phei chuan hmalakna nei lote chu FIR thehluh sak zel an ni dawn.

5.SGSY hnuaiah tanpuina 21 leh mimal 11 2009 chhungin pek an ni a,hei hi chak zawka kalpui a nih theih nan training leh verification nei tura hmalak mek a ni a,Village Bazar pawh Chhuarlung ah din tura hmalak mek a ni.
6. PYKKA hnuaiah Block level competition vawikhat neih niin khaw thlanchhuah bik Lungbun, Chhuarlung, Maubawk hnenah Grant hrang hrang pek a ni bawk.Kum 2010 ah pawh Block level tournament neih tum a ni bawk,a ti.
BDO Saiha hi a bial mipuiten an fak em em a,hun a hmang dik a,CSS hnuaia hmalakna guidelines ang takin a kalpui mek a,dept work kalpui mekah pawh a duhtui em em a ni.ML zawhna chhangin Pu Donny Lalruatsanga,BDO,saiha chuan min rawn dawrtute hi ka number one te an ni,tiin a ngaih pawimawh ber thu a sawi.

IADI tlangzarh dawn
Vawiin dar 10.30 hian MADC Forest Hall-ah J.Kholai leh Abie Notlia Mara tawnga magazine buatsaih “Iadi” tlangzarhna pro gramme hman a ni dawn a, Rev.Thylua Hly chho,V/Chairman, MLCC chuan a kaihruai ang a, Dr.K.Rakhu, President, MTP Hqrs chu khuallian a ni ang a, J.Jeffrey Khara chuan a preview ang ang, J.Kholai chuan lawmthu a sawi ang.
Tarlan tawh angin IADI MAGAZINE hi Diamond Colour Offset a uluk taka chhut a ni a, Zolife, Lunglen,Lelte nen dang lamna a awm lo, changkang tak a ni ringawt.Lei hmasa an vanneih zel ang.CD version nen copy Rs.50/- a ni

Editorial
Eng chhit chungchang
Mizoram Chief Minister-in Fifa World Cup kan zavaia kan en theih nan ruahmanna siam a,sitting room baka electric bulb tieng lo tura ngenna a siam chu mi thenkhatin thenawmte Fifa en ve tur pawh ngaihtuah pui lem lovin mahni chauh in ngaihtuahin room tin bakah Ek-inah lehzel pawh a ti-eng nia sawi hi thil pawi tak a ni a,hemi kawngah hi chuan World Cup en duh theuh kan nih avangin Power dept hotute ngenna hi zawm hram hram ila, a zawm duh lote chu NGO lam hian sorkar thawhpuitu an nih ang ngeiin chhui chhuak sela, a tul chuan chawitir mai se a fuh ang. I chunga tih i duh tur ang bawkin mi chungah pawh ti ve rawh tih kha thuvawnah hman atha

Sohnei pasal nei ta!!

RT.Sohnei Zawhly, Maraland idol chuan pasal a nei ta! Red Ribbon Icon selection a top 10 Vabeikhaisa,New Colony tlangval nen an innei a ni tih hriat a ni.Maraland Idol Sohnei hian pasal nei mah sela, zai lam a chawlhsan phal lotute chu a fans te an ni tlat.
Sohnei hi Red Ribbon icon selection NSV leh HS Vision buatsaih-ah khan top 20 a ni a,tichuan MHP buatsaih Maraland Idol-ah khan Maraland Idol Trophy mawi tak a dawng a, Maraland Idol Trophy a dawn tuk zanah chiah Moonlight Award a dawng zui bawk a, amah chiah hi Mizoram a zan hnih a zawna lawmman ropui la thei awm chhun a ni.Tichuan a chenna Vahai khua ten ropui taka zawn lutin Ran chikim talhin ruai an buatsaih a nih kha.

Pu Pasa T.Azyu,President,MHP

Nimin khan ML chuan Pu Pasa T.Azyu,president, MHP Hqrs kawmna a nei a. Mara rama zai mite’n nasa taka hma an sawn nia a hriat thu leh lawmawm a tih thu a sawi a.Tun dinhmunah zai mite an fel hlawm riau va, zai mite chu zuk leh hmuamah inhnamhnawih lose tuna an awm dan leh nungchang mawi tak hi chhawm nung zel se a duh thu a sawi a,chutih laiin za a 2/3 erawh an enfiah a tul thu a sawi thung.Pu Pasa T.Azyu chuan MHP lo din tu Pute A.Thazi, N. Pachhunga leh J.Jeffrey Khara te chu MHP

member zawng zawng tan theihnghilh thei chi an ni lova, tuna President ka nihna chhan pawh hi anmahni pawl lo din vang a ni,tiin an chungah lawmthu a sawi.
Pu Pasa T.Azyu, President,MHP hovin J.Vialua Tribute concert hl;awhtling taka neih a hnuah Maraland Idol hlawhtling taka buatsaih a lo ni tawh bawk. Pu Pasa T.Azyu hi CCI(M) ah Moderator nihna a lo chelh tawh a, kohhran leh MHP tana inpe zo tak, atul hun apianga a sum leh tha thawh zel mai mi a ni a,DHO-ah Demonstrator hna a chelh mek bawk.Pu Pasa taimakna leh inpekna hi mipui in an fak hle.

Tun tum Fifa World Cup Quarter final hmasa ber match ah Netherlands chak an phu zawk a,an chak bawk.Brazil tan Robinho chuan goal a thun a,mahse Brazil Midfielder Felipe Melo chuan anmahni goal ah a thun palh ta si a, chumi hnuai Wesley Sneijder chuan Netherlands chakna goal a thun avangin Netherlands an chak ta a, Brazil midfielder Melo bawk hian red card a hmu a ni.

Tun tumah chuan Netherlands an chetha hle a, ball possesion ah pawh an tha daih bawk.Kaka leh Fa biano an che thei lo a ni. Netherland player Arjen Robben,Sneijder Vanper sie an che hlauhawm thei hle thung.
He match hi Nichi mura (Japan) Referee enkawlna hnuaia khel a ni a,Nelson mandela Bay Stadium ah an khel a ni. He match hi a hmunah mi 40186 in an thlir a ni. Netherlands fans te an hlim .

Fifa World Cup laia khawvel mipuite’n an nin ber mai chu Khuai Rau emaw kan tih mai Patling-Nutling ten Vuvuzela ring tawk tawka a ruala an ham chiam mai hi a ni.Player ten an nin ang chiahin Mualko A team ram dang miten an ning ve a,TV atanga lo thlirtute pawh’n an ning hle tawh bawk
Vuvuzela hi Lepatata tia sawi a ni bawk a, ft.2.13 a sei plastic horn pipe a ni a. Tun hma deuh chuan veng hla deuh leh khaw hnaite a awmte nen Joint public meeting neihna hmunah kim taka member te an kal theih nan Vuvuzela hi an ham ri chiam thin a ni. South African ho chuan Football tournament lian tham tak ah Vuvuzela hi Football -

games tihropuina hmanrua-ah ngaiin an ham ri chiam thin a, Fifa Conferderation Cup 2009 ah pawh khan South Africa-ah hian an ham chiam tawh bawk a,International Tournament bikah hian an hmang thin a ni.Tin, Ram dang atanga player lo thleng hmuahna ah te leh programme pawimawh dangah pawh hman a ni zeuh zeuh bawk. Kum 2002 a South African Football games ah Vuvuzela ham a ni tawh bawk a,South Africa a Nazareth Baptist Church chuan chuan Vuvuzela chu an hmahni chinchhuah a ni a,an ta liau liau a ni,tiin an sawi thung.

R.O atan ruat
New Laty Village Council bye election lo awm turah Pu P.Sama,LAO,MADC chu Returning Officer/Election Officer atan ruat a ni a.Pu Beimosa Azyu, ALAO chu Asst.Election Officer atan ruat a ni bawk.

Saiha PRO atan Atlua
Saiha I&PRO thar atan Mr.Beiratlua Nohro(Atlua) chu Office lamah engkim tihfel a ni tawh thu Pu Jim K. Chozah,Director,IPR chuan ML a hrilh.Saiha chanchinbu mite an lawmin an nghakhlelh hle bawk.

This entry was posted on Sunday, July 4th, 2010 at 5:01 pm and is filed under Recent Posts. You can follow any responses to this entry through the RSS 2.0 feed. You can skip to the end and leave a response. Pinging is currently not allowed.