Thuthar lawrkhawm
MJA-District Legal Service Authority buatsaih thil man to chho zel leh Bukna/Tehna chungchang sawihona programme neih a ni.
Saiha,June,29 : Nimin khan MJA,Saiha leh District Legal Service Authority tangkawp chuan Judicial Magistrate room,Court building,Saiha-ah tunlai thil man to chho zel leh Bukna leh tehna dik lo lutuk chungchang sawihona (Legal Awareness Seminar on Essential Commodities and Price rate ) programme hman a ni a. He programme Pu CZ.Hluna, President, MJA-in a kaihruaiah hian Resource person Pu Laldinpuia Tlau,MJS,Judicial Magistrate 1st class chuan thu sawiin, “ Bukna leh tehna dik lo chungchangah sorkar chuan hremna dan a siam a, The Essential Commodities Act,1955 ah hian kim chang taka tarlan a ni a.Dan zawm tha duh lote chungah sorkar chuan dan hmangin action a la thei a ni, Lung in hial tantir theihna dan chu chiang taka tarlan vek a ni,a ti.India sorkar chuan -
The Standards of Weights & Measures Act 1976 a lo siam chhuak leh ta a,chudan chuan thil engpawh buk/teh nan Matric system hman tur a ni a,a ti a.Sec 264(IPC) ah mi tupawh a bukna dik lo a ni tih hre renga hmang lui chu kum khat lungin tan emaw pawisa chawitir emaw,a pahnih emaw hmanga hrem tur a ni, tiin Bukna leh -
tehna,finfiaha chhinchhiah te chauh hman tur a ni a,thil dang tam tak sawi tur a awm a ni,tiin mipuite pawhin bukna diklo leh teh na diklo nia kan hriat te hi court ah kan khing tur ani,a ti.
MADC aiawhte, Legal Metrology depat aiawhte leh Police aiawhte leh chan chin bumite chuann bukna/tehna diklo chung chang leh hremna pek theih anih dan te a tam theih ang bera mipui hnenah hriattirna (Awareness) pek a nih theih nan Legal Metrology leh MADC tangkawp sela, MJA chuan atul angin lo thahwpui bawk se tih lung takin passed.
Saiha a bukna/tehna diklo lutuk leh thil man to chho zel chungchangah hian sa buktu leh thil dang buk/tehtute bakah mipui pawh an tidik lohna ah mawhphur mahse sorkar atanga Awareness an pek tam tawk loh vang nia an ngaih thu an sawi a,he tiang programme hi neih chhun zawm nise,an ti bawk.MJA Vice chuan lawmthu a sawi
* ECM Nomination Committee chuan KTP Chairman Elect & Vice President kan neih loh avangin Pu V.Samson,tuna Asst. Secy,ECM-KTP Hqrs hna chelh mektu chu ruat a ni a,kum 2011-2013 chhung atana KTP Hqrs Chairman/President tur a ni nghal dawn a ni tih ECK-KTP Hqrs atanga thu dawn a ni.
* Thlathar July 16,2010 khian MHP Hqrs General Election neih a ni dawn a, MTP(H) in an conduct ang
* Naktuk khian Remna Ni a ni a,Mizoram sawrkar chuan Holiday atan a puang a, Office leh School khar a ni ang.
* ECM Assembly thurel angin Home Crusade chhunzawm mek zel a ni.
Raino changkang
Mara Magazine ‘Raino’ chu 1st July 2010 khian tlangzarh thei tura beisei a ni a,CD version a tel adwn avangin bu khat Rs.70/- a ni ang,tiin a buatsaihtu Abie Notlia leh J.Kholai chuan ML an hrilh.He Magazine hi colour a ni dawn a, Diamond Colour Offset -ah chhut a ni a, belhchian a dawn hle a, Zolife leh Lunglen magazine nen danglamna a awm miah lo.Hetiang magazine chang kang kan lo nei thei ta hi Centenary mals awmna a ni a,mipuiten kan thlawp thiam a tul tak zet a ni,ed)
Florist Association
Pi CTS.Hlychho,Secy,Saiha District Florist Association hnen atanga thu dawn danin tunhnaia Rial leh Thli tlehin Nl.HC. Nasia,Meisa Vaih Anthurium huan a tihchhiat vek avangin tanpuina sorkar lam aatnga dawn engmah a nei loh avangin an pawl sawm atangin Rs.1000/- an pe a. Tin,tunhnaia Director of Horticulture a va dawrna-ah an harsatnate a lo sutkian sak a,saiha District chhunga Anthurium chingtute mi 7 hnenah Anthurium tiak 200 theuh an lo pe bawk a,Rose tiak an lo pe bawk.SDFA chuan Director leh a thawhpuite chungah lawm thu an sawi.
Tin,tunlai hian CEM Bungalow tual zawng zawng Pangpar chin that hna an thawk mek a,Favang lam phei chu seasonal Pangpar nalh tak vul chuk turin beihpui an thlak mek a ni.Pi CTS Hlychho, Secy chuan hlawkna kan um ringawt lova,kan district hi pangpar chi hrang hrang lo lak luh belh zel tur leh khawvel hmasawn chho mek zelah kan ram pangpar lamah hmasawn hi kan tum ber a ni a,kan ran hi Land of Flower ni pha ve turin hma kan la mek a,pangpar atanga eizawnna tlak a hmalak hi kan tum a ni,a ti.
Mipuite chu pangpar hlutzia hria-a kawtah pangpar leh office chhunga/varanda ah te Kuva eina leh chil te, bawlhhlawh paih/chhak khum mai lovin lo hlut sak ve ngei turin mipui an ngen
Zanin World Cup a intum leh turte:-
Round 16-ah chuan knock out system zel a ni tawh a, inkhelh a hmuhnawm tulh tulh dawn a ni.
Zanin dar 7:30 Pm hian Japan leh Paraguay an inkhel hmasa ang a, zan dar 12:00 ah Spain leh Portugal an inkhel dawn a ni.
Spain striker Fer nando Toress chuan Portugal nena inkhelh a nghah hlelh thu leh an chak nghal tur thu a sawi a, a hunah a chiang dawn alawm a ti.
