Thuthar lawrkhawm
Saiha,June,21 : Nimin khan ML chuan Pu M.H. Tiabi, EM i/c Revenue, MADC kawmna hun tha tak a nei a.Pu Tiabi chuan Saiha-ah hian Trade Licence midang hawhtir (Sublet) 80 zet hriatchhuah a ni a,thlakhat chhunga chhang fel turin show cause notice kan pe nghal a, mi 24 chiahin an rawn chhang a, a bak zawng hi thlakhat chhunga an Dawr bungrua te thehthang (dispose) turin thu kan pe a, Dan tlawhchhana thupek zawm lo te chu an In Chahbi-in kan kalhsak dawn a ni,a ti. Pu Tiabi chuan Trade Licence hi a leilung fate’n kan dil chuan
hnam dang kan sublet – hawhtir tur a ni lo,hetiang Trade Licence midang hawhtir a, a hawh man lo ei hi danin a phal lova, chuvangin a leilung fate’n Trade Licence,etc an dil anih pawhin anmahni ngeiin Dawr siamin an nghak mai tur a ni,tiin Sublet chungchangah hian MTP Hqrs hruaitute nen pawh harsatna awm te sutkian ho dan tur kan sawiho tawh bawk a, Dan bawhchhetute reng reng chu Dan tlawhchhan vekin an chungah action lak zel a ni ang,tiin Pu M.H.Tiabi,EM, Revenue,MADC chuan a sawi.
* Chhimtuipui District Co-operative Union Board of Directors kum 2010-2012 hruaitu tur thlanna-ah hengte hi thlantlin an ni:- 1. President – K.Mara V/president – C.Samuela BoD : K.Luahfela, S.Pesita, TT.Khaihlu, LC.Rolua leh Hruailiana te an ni.
* Ex-Service Saiha district chhunga Family & Children publish last date chu 30th Aug 2010 Pension hlawh la zawng zawng PPO No leh Account No Secretary hnenah tunkar chhungin report vek tur a ni.
– A.Chatua
* Sa buk hi tling lo tia sawisel vak ai chuan lei lo ngam ila,a fuh zawk.
CENSUS-CHUNG CHANG HRILHFIAH
Inrinni tlailam khan Saihatlangkawn-I VCP inah Saihatlangkawn venga Census-a chhiar tel ve duh lote koh khawm a, uluk taka thil awmzia hrilhfiah an ni. He meeting, Pu H. Lalhmingthanga, Election Officer & Addl. District Census Officer kaihhruaiah hian Rev. K. Lalbiakenga, BCM chuan tunlaia mi then khatten census leh sakawlh inzawm anga an sawi chu a dik lohzia leh Kristiante tana chhiar puia hming ziah a hlauh awm lohzia kalkhawmte a hrilh a. Khua leh tui thate tihtur chu tha taka zawm ve mai tur leh fimkhur lehzuala Bible thute zir chiang thin turin a ngen bawk. He meeting-ah man bialtu supervisor, enumerator leh khaw tlang hruaitute an tel a. Hetianga inkawmhona hi Council Vaih Middle School-ah neih leh a ni bawk.
Mobile & Digital Camera atangin Thlalak tlo leh fiah fai tha 100% water proof 4×6, 5×7,A4,A3 Aizawl rate in kan print thei reng a, Saiha a PHOTO LAB hmasa ber, changtlung ber leh exeperience nei tha ber kan ni.Kan hnena rawn print tawhte chu album kan present nghal zel a, copy 80 chinah phei chuan album tha chi ngat kan present thin.Current awm loh lai pawn Xerox, passport size kan ti thei. Copy tam xerox duh tan 1 copy 1 leh duli in kan xerox thei e.Min lo pan ve la khuareiah I inchhir lovang.
By : MS PHOTO LAB
New Colony Saiha,MTP Hall & Bus Station,MLT
Counter hlui (24-2)
FIFA WORLD CUP 2010
Khawvel mipuite’n Fifa World Cup football chu hmuhnawm ti takin an thlir mek zel a, Netherland-in Japan a hnehna goal kha Japan Goalkeeper inthlah dah vang niin Inamato chuan a sawi a, khatiang ball kha chu ben/chum chhuah theih a ni,a ti.
Tun tum World cup a goalkeeper chetha lo zualte zingah England keeper Robert Green te, Japan leh USA goalkeeper te kha an tel.England Coach Fabio Capelo chuan an Goalkeeper Robert Green chu 2nd Goalkeeper David James-in a thlak nghal a ni.
USA leh Japan hian sikhat an phur kha chu awlsam taka save theih an nih laiin Goalkeeper inthlahdah luat vanga save thei ta lo an ni zawk a,hemi avang hian Japan chuan point 1 hmu ve tur an hloh a, USA chuan point 3 hmuh tur an nihna kha point 1 chauh an hmu ta bawk.
