Thuthar lawrkhawm
SSA leh DC tangkawpin Painting Competition buatsaih a ni.
Saiha,Sept,4 : Teachers’ Day denchhenin SSA leh DC,Saiha tawngkawp chuan Painting Competition an buatsaih a,nimin khan DC Conference-ah Judges ten an endik a ni.Judges a ruat te chu Pute J.Laichha,DSP, Dr.Lalnunziri, Palai, SP Singh, N.Vabeiratlua,I&PRO,Dr. Lalzarliana te an ni. Paiting competition tithate hnenah karleh thawhtanni Teachers’ Day ah lawmman sem a ni ang. Student te tan thupui thlanchhuah pathum
- Mara Culrure pho lang thei tur thi 2. Natural Scenery 3. Ram thla
leh My Village after 10 years tihte hmangin intihsiakna neih a ni.
He Paiting competition a result chu hetiang hi a ni. M/S section-
1.B.Francis,Cl-VI,Auxlium
2.Golden,Cl-VI,Lorrain School 3. T.Beimokha, Cl-VII,ECM School.
High School section 1. Vabeikhochhua,Cl-IX, Donbosco,
2.A.A.Lakra,Cl-IX, Don Bosco, 3. HK.Zodinsanga,Cl-IX,ECM High School.
Higher Secondary school section – 1. S.Reuben, Foxall HSS, 2.
B.Lalzarzoliana, Don Bosco, 3. NT.Lalawmpuia,Foxall School.
* Zyphe Bible chu 18.9.2010 khian Pu T.Zamanga In, New Saiha ah
tlangzarh a ni dawn ta.Rev.J.Ralbuaia leh Wecliff,USA tangkawpa siam a
ni.
CCI(M) Special meeting a thurel
Kawlchaw-E a CCI(M) Special meeting zawhfel takah chuan Moderator
Elect-ah Upa L.Molua thlan a ni a, Treasurer atan Upa Makhu thlan a
ni. GS- Rev.AZ.Beirakaw,Executive secy – Rev.B.Lalhnema, Moderator -
Rev.AZ.B eirona. Bial : Tokalo,Phura leh Vahia – Pro Pastor Z.Hrohmo.
Rev.B.Lalhnema bial atan Saikao,Tuipa, Kaochao.
Rev.AZ.Beirona bial: Siaha Vaihpi, N. Colony, Assembly Committee a
hmunruak hnawh khat vek a ni.Jao mission field a thawk tur pawh thla 5
awm sa vek a dah a ni.Pastor hnih lak belh thuai a ni ang,tiin Upa
L.Molua. Moderator Elect, CCI(M) hnen atanga thu dawn a ni.
Vawk sum 7 thi sa chu rep tuma an sawngbawl laiin Police ten an man.
Nimin zing Dar 6:00Am ah khan Pu Beihaly S/o Hialo, New Colony II leh
Pu LV. Zicho S/o LV.Sawma New Colony I nia in sawi ten Vawk sum 7 thi
sa chu rep tuma an sawngbawl laiin Police ten an man.
He thu hriat a nih veleh hian kan Palai chuan Pu Beihai Hlychho O/C
Saiha chu kawm nghalin O/C chuan vawk neitute hian Pu Beiseia New
Saiha hnenah Vawk 2 chu Rs.43000/- in an lei a, an ni hian ni 4 lai an
lo kawl tawh a, nimin tuk khan Sum 7 zawk hi thi in an hmu a, mahse a
sa hi rep tuma an sawngbawl lai chu kan man ta a ni, a ti. Hetiang
thil thleng avang hian AH & Vety Doctor te ka hriattir nghal a,
Dr.H.Lalzarliana,VAS (Veterinary Assistant Surgeon) Saiha chuan
Postmortem nghalin he Vawk hi a mah a thi ngei a ni a, a sa ah hian
Lerian danglam em em awm lo mahse, a chuapah dik lohna Pathological
Lerian a awm avangin Preumonia pawh a ni thei bawk. Mihring ei a atan
chuan chhan hriat lohva thi reng reng hi chu ei loh a him ber a ni, a
ti bawk. A sa pawh hi phum nghal turin O/C chu a hrilh nghal a ni.
Hetih lai hian Vawk damlo Saiha-ah a tam hle bawk.
MADC Executive remtihna a ni
Right of Children to free and Compulsory Education Act,2009 chu Mara
Autonomous District Council Executive chuan MADC area-ah hmang ve
turin a remti tak avangin kum 2010-11 Academic session atangin Pawl 1V
leh Pawl VII Board Examination buatsaih a ni tawh lovang,tiin Pu Pachi
Hlychho, Secretary, Board of School Education, MADC chuan a sawi.
Mara nula leh Tlangval 2000 rual in Sawlakia an entir dawn – Pi K.Pari,A&CO
Pi K.Pari,Art & Culture Officer MADC & President,MCHP Hqrs chuan, Mara
nula leh Tlangval 2000 rual chuan Sawlakia an entir dawn a, Lyuva
Khutla 2011 Organising Committee chuan tun atangin hma kan la tan tawh
a ni,a ti.ML zawhna chhangin Pi Pari chuan, Mara Cultural Troupe pawh
din thuai a ni dawn a,Art & Culture dept,MADC enkawlna hnuaiah a awm
ang a, Cultural Meet pawh Tipa (Tuipang) or Saiha ah buatsaih a ni
ang,a ti.
Lyuva Khutla Organising Board din thar a ni a, heng te hi hruaitu
thar niin a sawi :- Chairman – Pu Pachi Hlychho, Secretary, Board of
School Education, MADC, Vice Chairman – Pu V.Zacho, Education
Officer,MADC
Secretary – Pi K.Pari, Art & Culture Officer,MADC.
Tunah hian Museum Building sakna tur Central Scheme BRGF a telh hram
tura hmalak mek a ni.
Pi K.Pari,President,MCHP kaihhruaina hnuaiah hian Mara Mipa Kawr mawi
tak chihnih( Phiphia leh Tlatho) siam a ni a,mipa tam takin an lei
tawh.Maraland Centenary Puan leh Mufler,etc mawi taka siam chu
Centenary atanga tun thlengin tam tak hralh a ni tawh.Tunah hian Pi
K.Pari hian tun thlenginMCHP Founder president hna a chelh chho a,
ECM-KNP president nihna a chelh mek bawk a, Mizoram a Nu zawng zawng
zinga NGO pawl lian tak MCHP leh Kohhran Nu Pawl president hna chelh
kawp hmasa ber leh awm chhun a ni mek a, a chhuanawm hle a ni.
MGC ECM Hospital Doctor atan Dr.K.Beiparyhsa s/o K.Sachho chu lakfel a
ni ta a, hna pawh a zawm nghal bawk.Dr.Beiparyhsa rualin Nula
Ch.Bethlehem d/o Ch.Chhama,SES,ECM pawh lak fel nghal a ni bawk.ECM
Hospital tana tlawm ngai taka khawngaih rawngbawl hna rawn zawmtute hi
an fakawm hle,ed)
Vai Mistiri kokhawm
Dt.4.9.10 khan MTP Hqr chuan Vai Mistiri 78 an kokhawm a,ILP nei lo
tam tak an awm bakah anmahni duh duha rate an insiam avangin hmalak
tul nia hriain MTP chuan rate mumal siamsak phawt an duh vang a ni.ILP
thi tawh 19 an ni.
HC.Beipahnie(17) s/o Hc. Chhohu chu zan hmasa khan Bus Station ah
nikhawhre lova chhar a niin a sawisatute chhui mek a ni.Niimin khan
kan palai chuan Hospital-ah a va kan a,mit meng zeuh zeuh mahse biak
theih a ni lova,he thuthar lakkhawm lai hian hmasawnna a awm lo.Police
ten a sawisatu an chhui mek zel.A ke a tiche thei lo a ni.
MHP aproval program
Inrinni khan MHP Hqrs chuan ECM vaih MHP Branch Aproval pro gramme Pu
KT.Vabei khokhei, President, MHP, ECM vaih Inah an hmang. Pu
A.Sachhua-in a kaihruai a, Pu Pasa T.Azyu,Presi dent, MHP(H) chuan
fuihna thu a sawi.MHP Branch din duhte tan veng/khaw hrang hrangah din
zel theih a ni.
Editorial
Chanchinbu hmasawnna
Saiha District mipuiten chanchinbu changkang leh phekhlai, thu tam
zawk leng thei leh Article ziak duh tan pawh space siam sak zel nise
tih kan duh thin kha a ni a, tichuan ECM New Colony kohhran leh
kohhran dangte pawhin Chanchin bumite tan an tawngtai thin bawk a,
Pathianin an Tawngtai na chhangin Pu H.Sabi chuan Offset a lei a,a
hnuah Pu Pacho-in a lei bawk a,heng Offset pahnih hmang hian Saiha
Chan chinbu phek hlai chhuah theih a lo ni ta hi Pathian malsawmna a
ni.
Tichuan kan ram hruaitute leh Zaimi/ Infiammite bak thil thleng
pawimawhte pawh thla lak nen tarlan a ni ve ta zel a, mipui pawh kan
lawm hle. Mipui lam hian a man kan pekthat erawh atul hle a,Offset
hman man leh paper man ah Editor ten sum tam tak an seng reng a ni tih
kan hriatpui a tul tak zet a, Editor leh mipuite kan tanrual thiam
phawt chuan tun atanga kum 2/3 ah Offset lian zawk hmang a Phek 4/5 a
Colour News ti chhuak tur pawhin beiseina nen i nghak phawt ang
u.Tanrual hi hma sawnna a ni si a.
MGC HOSPITAL THUTHAR
Maraland Gospel Centenary Hospital din a nih hnuin hun rei tak chu
Medical Officer mumal nei lovin kan awm a, September 2010 atang hian
Medical Officer MBBS / Specialist Dr K.Beiparyhsa s/o Upa K.Sachho,
College Vaih,Saiha chu kan nei ta. ECM Kohhran leh Saiha District
mipuite an lawm hle a ni.
Tin, Nula Ch.Bethlehem,B.Sc (Nursing) pawhin Nursing Home-ah hian hna
a zawm fel a, ECM Nursing Home hi a changtlung chho zel dawna a lan
tak avangin Kohhran hruaitute leh mipuite an lawm hle a ni.
In entir hun – Zinglam dar – 09:30-1:00 Pm
Dr.Sangte-a Tlailam dar – 04:00 -06:00 Pm
Sd/-REV.CH.CHHAMA
Senior Executive Secretary,
(3-3) ECM Hqrs : Siaha
Saiha College week-Fresher Social – Teacher’s Day chu Pu I.P.Junior,
EM,Agri.MADC-in a hmanpui a ni
Saiha,Sept,7: Nimin khan ram pumah kumtina hman thin India ram hruaitu
ropui leh Educationist Dr. S.Radhakrishnan pian cham lawmna pualin
Zirtirtute Ni hman a ni a.Saiha ah chuan zirlaiten mahni sikul
theuh-ah an hmang a,zirtirtute Parthi an awrhtir bakah thilpek chi
hrang hrangte -pe in an chawimawi a ni.
Pu I.P.Junior, EM, Agri.MADC chuan Saiha College-ah week, Fre -sher’s
Social leh Teacher Day hman kawp chu hmanpuiin Zirtirtute hlutzia uar
takin a sawi.
DC,Saiha chuan Don Bosco-ah programme hman puiin zirlaite chu an
zirtirtute zahthiam turin a chah a, lawmman a sem bawk.
Govt Saiha College-ah chuan khuallian bakah Pu C.Zohupa,Principal,GSC
chuan fuihna thu a sawi a, tlai lamah Intihsiak lawm man te chu Pute
T.Lal sawmliana,Lecturer, H. Vanlaltlanchhunga, Lecturer, Mirium
Lecurer leh J.Jeffrey Khara ten an sem a ni.
Tun tum Govt Saiha College function ah hi chuan live music nen thlap
programme hman a ni a, nasa takin hma an sawn ani
Nimin khan hmun dangte rualin Saiha-ah pawh sikul hrang hrangah
Zirtirtute Ni hman a ni a, Sevenday Adventist School-ah chuan Pu
S.Vabeihasa,President, MSO & I&PO,MADC khuallian niin, zirtirtute
hlutna leh pawimawhna uar takin a sawi a ni.
Elim Sikul-ah chuan Pi Marilyn Rual zakhum thangi,ADC khuall ian niin
zirtirtute mawh phurhna san bikzia leh phurrit tam bik zia a
hriatchhuah hnuah zirtirtu hlutna leh an ropui bikzia a hriat thu
sawiin, naupangte chu an zirtirtute zahthiam tur leh an puitlin hunah
pawh an zirtirtute theih nghilh loh turin a chah a ni. Show chi hrang
hrang entir a ni bawk.
Litle Diamond sikul ah Pu Thangchem Zathang,Addl DC khuallian a ni
a,GSH -ah H.Lalhmingthanga,EO, ECM H/S-ah V.Lalengmawia, SDO(S), GHSS
-ah V.Zacho ,EO, Lorrain-ah V.Lalhming liana,DEO khuallian a ni.
Gas connection hriattirna
Vengtin Saiha dist. a mahni VC hnenah report-in Gas connection nei
lote tan chauhin connection a siam thei a,heta document pawimawh turte
chu :-
1) Gas connection neilo ngei a ni tih hriatpuina mahni VC atangin
2)Proof identity atan (a) Voter ID xerox or (b) Driving Licence xerox
or(c) Any photo ID issued by State Govt xerox.
3) Proof of address atan: (a) Ration Card xerox or
(b) Electric bill xerox or (c) Telephone bill xerox
Hemi hriattirna hi Tuipang leh a chhehvel, Maubawk, Theiri, Theiva,
Zawngling, Siatlai atan pawh a huam nghal ang. Booking hi date 18 Sept
2010 thleng siam theih a ni.
Nb: Vengtin VC ten mahni veng chhungah verification lo nei theuh turin
kan inhriattir nghal e.
Sd/-MANAGER
(6-1) MIZOFED, SAIHA
PYKKA SPORT SAWN HLA
District Level PYKKA Sport neih hun tura ruahmanna lo siam tawh
Dt.7-9 September 2010 chu remchan lohna avangin Dt.9-11 September 2010
ah sawn hlat a ni a.Tin,Hmeichhia PYKKA Sport neih hun tura ruahmanna
lo siam tawh Dt.13-14,Sept 2010 pawh Dt.15-17 September 2010 ah sawn
hlat a ni bawk,tiin sawrkar thuchhuah (PR) chuan a sawi.
Farmer’s Tour
Horticulture department, Saiha chuan Shillong lamah Farmer’s Tour a
buatsaih a, nimin khan an kal a, Dt.11.9.2010 ah rawn let tura tih an
ni.Hengte hi an ni:1.J.Vangia – Theiri, 2. S. Kothi,Laki, 3. S.Chhamy,
Vahia 4. Zawngia – Chhei hlu, 6. Laikhei Hlychho, Siaha Vaihpi, 7.
Hc.Ngeche – Khopai 8. S.Nango – Siaha vaihpi, 9.Zaikhe – Khopai,
10.Pasa T.Azyu,(Horti dept represent (Leader). Shillong a Leilet,etc,
a hmunah an zu en vek dawn a,he Farmer’s Tour Fund hi ATMA-in a
tumsak a ni.
Awareness campaign
Thla thar October chhung khian ECM-KTP Hqrs chuan Mara ram khaw lian
deuh deuh ah HIV/AIDS Awareness buatsaih leh a tum a,a hlawhtlin theih
nan tawngtai pui turin kohhran mipuite an ngen.
ECM KTP Hqrs hian Mara ram pum huap Praise & Worship program pawh
November 26,2010 khian buatsaih a tum bawk
ECM-KTP Hqrs hruaitute hi Aids/Hiv Awareness programme avangin an
chawl hman meuh lo a ni.
Govt Saiha College-a Lady of the year leh Man of the Year 2010 chu
Kumin Govt Saiha College a SU ten Week an hman chu an hlawhtling
hle.Lady of the year 2010 atan Miss Ng.Lalramngaihzuali,III yrs BA d/o
Ng.Sanghnuna, Council Vaih thlan a ni a. Man of the year 2010 atan
Alan Lalnunpuia, I yr BA s/o Lalbiaksanga, Siaha Vaihpi thlan a ni.
He week chhung hian Indoor leh Outdoor games neih a ni a, a pumpui
thuah Red House chuan pakhatna an la a, Green House pahnihna, Yellow House chu pathumna an ni.
September 8th, 2010 at 2:19 pm
Mihring hrisel tha ni tur chuan kan ei leh in a that angai ani tih sawi nawn ngai hauh lovin chaw ei tawh phawt tan chuan kan thufing ani. Saiha khawchung a “Vawk thi” chungchang i lo ziah khian ngaihtuahna thlui tak min neih tir hle mai. Eng vang a vawk thi chu zawrh nge an tum? Vawk chu eng vang a thi ta mai nge anih?chuap a dik lohna “Pathological” chu a hma atang a chhan hman theih thil a nilo em ni?vawk thi zawrh hi tu mawh nge? tih te zawhna tam tak awm thei ani. Vawk dam lo hri aleng a ni tiin kan Editor ngei pawn a rawn ziak lang a,vawk vulh tu tan chuan vawk hri len lai a ni em?nilo em?tih te chu a vulh te hriat tur ngawih nawih ani. Vawk hri len lai anih chuan a concern deptt (Vety Dept) an awm a,zualko vata a vaccine te pawh lak vat vat tur ani.Chu chu Vawk vulhtu mawh dik tak ani! NLUP sem hun tlir a kan lo thlir liam ve mai zawngin a dik lovang.Awle, A eng a pawh chu lo ni se! Kan ram in a kan la tih lar lem loh thil thar kan sawi lang deih teh ang. Kan Ran vulh te hi mihring anga “INSURANCE” nei ve thei ani tih kan hriat apawi mawh! “Life Insurance” kan tih tak mai ang hian “CATTLE INSURANCE”hi a awm a. Ranvulh tu ten hei hi hmangtangkai ila,kan ran vulh te an lo thih a,peih kan hreh vang mai a,kan zawrh te phei hi chu kan mihring pui te pawi nasa takin kan sawi mai pawh nilovin an hriselna kan suat sak mek zel ani tih I hre nawn leh teh ang u khai!!!I ran vulh thi a kha I ui chung chung a I peih ngai lovin,Cattle Insurance I tih sak anih chuan company in I vawkpui ina a phu zat tawk pawisa a pe zawk tawh mai dawn che ni.. Chuvangin ranvulh tu te chuan CATTLE INSURANCE te hi hmelhriat ila,I hmangtangkai ang u.
Ranvulh chungchanga kan insure theih dan tur:
1. Premium antih mai, insurance cover kan neih theih nana kan pawisa thawh ngai hi vawk bik ah lo en chhin ila. Vawk puitling pakhat man a puitlin hun ami tur hi Rs.15000 lo ni ta se, premium kan pek ngai zat tur hi a tlangpuiin Rs.200/300 vel lek a ni awm e. Kum khat chhung cover nei thei turin.
2. Rs.200/300 pek a thlamuang taka kan ran vulh puitling hun chhung kan awm theih hi a thlamuan thlak mai ni lovin a him hle.
3. Vanduai vangin lo thi (accident, pul hri etc. vangin) ta se, he kan ranvulh atanga kan hmuh tur awm tawk kha Insurance company atang hian kan hmu don tho a ni.
4. A thi lova tluang taka alo puitlin theih chuan Rs.200/300 kha chu kan sengthlawn, ‘marawhchu Rs.200/300 chawi vang hian a puitlin huna a man tawk tur kha kan nei ngei ngei thei don, an thi emaw an dam emaw.
5. Ran 2/1 lek vulh chuan insurance cover neih hi a buaithlak deuh mai thei. Tin, a premium rate pawh hi Insurance company te nen ala sawi fel leh theih tho bawk. Hei aia tlem emaw, tam deuh emaw in.
6. An risk cover hi a atlangpuiin an damloh vang te, ran pul hri, cyclone, tui len vang, lirnghing, mipui thinrim(strike) etc te a cover tlangpui.
7. Nangma thu a i tina emaw, vulh peih toh loh vanga lo hliam emaw, thatchhiat vanga lo jekson ve ngawt chuan an cover sak lovang che.
(Source: – http://www.nationalinsuranceindia.com/nicWeb/nic/PolicyServlet?id=9999&name=4703.html)
(Source : – http://www.misual.com/2009/07/22/ranvulh-insurance-cattle-insurance/)