Thuthar lawrkhawm
Pu N.Vabeiratlua,I&PRO Saiha-in Thuthar lakhawmtute a kawm
Saiha,Sept 3 :Nimin khan Pu N.Vabeiratlua, I&PRO,Saiha chuan a chamber-ah thuthar lawmkhawmtute a kawm a.He press meet ah hian thu sawina neiin Pu N.Vabeiratlua chuan, power supply tha lo leh Internet chhe reng chung pawha chanchinbu thenkhat regular taka an lo chhuah tang tang thei chu lawmawm a tih thu a sawi a, an taimakna leh inpekna chu fakawm tiin duhsakna pawh an phu a ni,a ti.Chutih rual erawh chuan Saiha nitin chhuak chanchinbu uluk taka lo bih tawhna atanga an regularity-ah te,editorial ah te,layout design leh thil danga tan takzual sauh sauh ngaihna leh hmasawnna tur la awmte sawi langin a hrilh-hriat hlawm a ni.
Pu N.Vabeiratlua
Pu N.Vabeiratlua chuan chanchin thehdarhtute inrelbawl dan leh tha zawka thawhho dan turte a sawipui a,department hrang hrang hriattur circular siam nih tawh thu te a sawi a; MLA,Minister hming leh hming hrim hrim dik lova ziah hi pumpelh hram turin press mite chu a fuih a,dikna, taimakna leh rinawmna vawng a huaisen taka hma lam pan zel turin press mite a fuih.
Pu N.Vabeiratlua chuan kumin Janruary atanga August 2010 thleng chanchinbu chhuah regular dan result a siam puang -chhuak nghalin Moonlight chu chhuah regular ber niin Saiha Post chuan a dawt a ni tih a puang nghal a ni.PRO fel leh chak kan nei hi Centenary malsawmna chikhat a ni,tiin mi thil chik mite chuan an sawi.
PYKKA hriattirna
Pykka District Sport chu Dt.7.9.2010 zing dar 10 khian District Playground ,Saiha ah Block Level Pykka Sport a titha te inelna neih a ni dawn a,Tuipang leh Saiha RD Block atangin hetiang hian Dist.Pykka sport ah an tel ang. 1.Major Games a finalist team 2 te Dist.Pykka sport ah an tel ang.
2.Individual Games-a pakhatna atanga pathumna hauhtuten Dist.Pykka sport ah inelna an nei ang.
3.VC zawng zawng te leh BDO te, Sports Association ten hei hi lo hre tura ngen in ni- DIPR,Saiha
MCHP meeting
Nimin khan MCHP Hqrs hruaitute chuan meeting pawimawh neiin MSAC Director Eric Zomawi-a;n Dropin Centre a rawn tlawh dawn avangin thil tul te an sawiho a ni.
Rualbanlote loan hmu te list tarchhuak ta
Pi V.L.Pari Hmar,DSWO & Chairperson,NHFDC Loan Selection Commit tee,Saiha chuan Rualban lote loan selection Board-in a thlanfel tawh result chu a tarchhuak ta a, mi pakhat Rs.25000/- zel a ni.
1.Duhkama ,Meisatla
2.S.Lalhruaitluanga,N.Saiha
3.Vanlalmuana,Councilvaih
4.Darkunga – Siahatla
5.R.Lalpanliana,ECM vaih
6.Lalnunsiama- Councilvaih
7.Lalvuana – New Saiha
8.Lalhnehthanga -do-
9.Chaitu – Zero Point
10.Lalrammawia- Councilvai
11.H.Lalrawna – Councilvaih
12.K.Lalruata – Councilvaih
13.Buirangsang – Meisavaih
14.Jersalempawngia-do-
15.Pawkhu – Siahatla
16.Lawmchunga – N.Saiha
17.S.Khailua – Lawngban
18.L.Hmingkima -Kawlchaw
19.Thanzami – New Saiha
20.T.Akima – Tuipui Ferry
ML zawhna chhangin Pi V.L.Pari Hmar,DWSO chuan NHFDC Loan hi nakum lamah central-in min pe leh dawn nge dawn lo tih kan hre lawk bik lova, loan rulh that dan a zir te pawh a ni ang a, Rualbanlo pawh nise loan a ni miau avangin an rul a ngai,ati.
Farmers Programme
Nimin khan khan DIC Conference Hall Saiha ah Atma(Agriculture Tecnology Management Agency) hnuaia Agriculture and Allied te chuan Famers Meet an buatsaih.
He Farmers Meet programme hi Pu Vanlalsanga ADHO Saiha kaihhruaina hnuai ah neih ani a, Department 6 atangin Deptt hmalak na hrang hrang ansawi a .Department telte hi Pu K.Cholo DAO, Dr Lalzarliana AH&Vety VAS leh Sericulture atangin Pu Vanlal liana E.O,Horti culture dept atangin Pu Vanupa, H.E.O. K.V.K atangin Israel Lalremruata SMS leh Fishery atangin Pu V.Vanlalngak F.O Saiha ten thu sawina an nei a tlailam ah Farmers te leh Official te zawhna leh chhan hun hman a ni bawk.
Pu Pasa T.Azyu, chuan lawmthu a sawi. He Famers Meet buatsaiha ah hian Saiha District Famers Members 170 an tel a ni.
College week
Govt Saiha College-a SU te chuan week an hmang mek a,House hrang hrang point hmuhdan pawh an inlan zak zak mai.Dt.6. 9.2010 darr 10 khian College-ah College week closing-cum-Freshers Social programme hman a ni dawn a,Pu C.Zohupa, Principal,GSC chu khuallian a ni ang.
Aso Vytuchho Musi video album
Dt.7th Sept 2010 zan dar 7 khian NSV Studio-ah Aso Vytuchho Music Video album release programme hman a ni dawn.He Pro gramme hi Pu A.Sachhua, Vice president,MHP (H) MC-na hnuaiah Rev.K.Bei khochhi chuan hunserh a hmang dawn a, khuallian Pu Thaly T.Azyu,DCF,MADC chuan a tlangzarh dawn a ni. John Beizachhi chuan a preview ang a, Pu N. Khumtira, GS,MHP(H) chuan thusawina a nei ang. Zai tura ruat te : J.Ruby, Aso Vytuchho, Vasty Azyu, RT Sohnei Zawhly,K.Sida, KC.Vabeikhokhei, C.Reuben leh T.Beirapha, Pu VT. Zawsia chuan lawm thu a sawi ang a, Pu J.Laichha,Sr.Adviser, MHP Hqrs chuan tawngtaina a nei ang.
Show cause notice
MADC Land & Revenue department chuan Pu MH.Tiabi,EM,L&R leh Pu N.Pachhunga,Sr.RO,MADC hovin hma an la chho mek zel a, Illegal Trader te hnenah show cause notice an pek belh mek bawk,ni 45 ral hnuah an bungrua te an tiral dawn a ni.
NYK Pykka
Nimin khan DC Conference Hall,Saiha-ah NYK PYKKA meeting chu Pu V.Lalengmawia,SDO(S) Chairman-na hnuaiah an nei leh a, tun thla ni 20 atanga tan tur NYK Pykka sport detail programme an sawiho a ni.
September 3rd, 2010 at 4:00 pm
Pu N.Vabeiratlua MIS, I&PRO Saiha a thawh hlawkin,a thawk ropui hle mai. Jan-Aug 2010 Daily Newspaper chhauh regular ber “Moonlight daily newspaper” in adawng!!tih a han in ziak lehnghal a,ka lawmpuina leh duhsakna sangber Pu Jeffrey Khara leh a thawpuite (Moonlight staff) te hnen ah ka hlan nghal a. Chumi pahfawm chuan sawizuana tlem kan nei lawk duh a.Kan Saiha I&PRO Pu Atlua thu sawi khi a dik ka ti a,ka thlawpin Saiha a kan media ho naknem lai tak a zuk chhun pha sawkin ka hria.A thu sawi ka thlawpna lai tak han sawizawm ila.. “MLA,Minister hming leh hming hrim hrim dik lova ziah hi pumpelh hram turin press mite chu a fuih a”Thu dik,thu ril,thu laimu ani. Hei hi chanchibu mi tan chuan thu pawimawh tawp khawp ani a,tu Pa Bible thu inti hre leh lutuk ina Bible thu chang asawi na lam a ‘Lal Isua’n Changper tlang ruk(6) leh sangha tlang thum(3) a malsawm e’a tih ang vel lek ah kan chhuak palh ang tih a hlauhawm hle mai. Media in a thu inchhuah hi a bu thelh hian in thelh palh ang tih a hlauhawm hle reng ani.Chuta ka rawn sawi duh zawk tak a chu, kan Chief Minister,Minister,MLA,CEM,EM,MDC…etc te an ni emaw. Centre lam atanga mipawimawh rawn kal an ni emaw,a khaw chung a mi ngei ngei te an ni emaw,an hming tawp lama Designation awm thei chi emaw an hming sawi hma a thu delhkilh tur awmngai ngei ngei a awm anih chuan ziah hmiah hauh loh tur ani. Hei hi chanchinbu mite tan chuan ‘norms’ ani tlat. Entir nan mai mai centre lam atangin Horticultre/Agricultre lam a subject specialist ho an lo kal a,anthiamna ah chuan’Scientist’emaw’Doctorate degree’ lo nei te an ni thei,chutah degree tel mi an lo nih chuan an hming ziah hma a ziah lan tur chi ani emaw ahnung lam a bel tur chi a awm emaw chuan ziah lan ngei tur ani. Chutiang thovin Central service te leh State service te pawh hi ziah tel tur ani.Indian ram in a chawimawina sang ber ber a kan neih.. Bahrat Ratna,Padma Shri te Padma Bushan,Padma Vibushan…etc hetiang chi hrim hrim hi chu ziah lan ngei ngei, ziahhmiah thianglo ang tluka ngaih ani. Nihna(designation)an ziak thin tih hriat avanga mi tuten emaw kan lo hre sual a,tlawmngai pawl(NGO) a kan nihna(desination)kan lo tawngpawng tar ve hmiah hmiah mai zel hi chu ngiahtuahna kan sen deuh angai. Tin,Saiha khawpui pawh media lam ah hma kan sawn chho zel tur ah ngai ila(Pu Atlua te an awm ta bawk a
) Media te hian internet hmang hian news tam tak an la chawng fo va,mipui ten kan lo chhiar a,a bengvar thlak in athu chhiar aman hla thin hle reng ani.Amah erawh chu mihring kan duh dan a inchen lo ang bawk hian ngaihdan leh hriatduhdan a inchen lova,mithenkhat ina news an chhiar liam puat puat ang hian,thenkhat ten an lo chhiarliam ve puat puat ngai reng reng lova,chik tak leh ril taka lo chhut keuh keuh in hman hun a bih chian atan kha chanchinbu kha uluk takin an dahtha thin reng ani.Chutiang dinhmun ah te chuan internet kal tlanga news latute abik takin media ho hian an news lakna (source) hi tar lang ngei ngei thei thin se atha. Hei hi internet rules abik takin (copy/pirated rules:Source :- http://mason.gmu.edu/~montecin/copyright-internet.htm) a chuang thlap ani. Chuvangin chanchinthar kan lak chhawn(copy)dawn pawn kan lak na source hi zep lang thei zel ila mite tana malsawmna chikhat alo ni ngei in a rinawm.Chutianga kan dan zel a nih ngat chuan dan leh dun kan zawm mai pawh ani tawh lovanga,a source lo zirchiang duh tan pawn awlsam takin a source ah khan an lo click chhuak keuh keuh ve tawh mai dawn ani. Chutiang ‘just one click away formula’ te chuan tunlai khawvel min uap lum tawh em em a, kan Saiha khawpui a kan media chhuanvawr tak tak te pawh hi uaplum in tuamtha ve tlat tawh se tih ka rawn tlangau pui ani e.Chutiang a Media kal dan leh ziah dan dik a kan tih hun ah ngat chuan Saiha a kan Media chhuanvawr ber ber te pawh hi ‘London Times’ te nen pawh khuan kan in teh khin lovang tih tu nge sawi thei? Iti ve lo maw?Pu Editor?
September 6th, 2010 at 1:25 pm
Tv. Solomona comment hi a bengvar thlak in a ngaihnawm hle mai. Mi inzir mi tak ani in ka hria, a kalkawngah duhsakna sang tak ka hlan nghal e.
Chuti rualin a comment “India ram in a chawimawina sang ber ber a kan neih.. Bahrat Ratna,Padma Shri te Padma Bushan,Padma Vibushan…etc hetiang chi hrim hrim hi chu ziah lan ngei ngei, ziahhmiah thianglo ang tluka ngaih ani” tih hi kalo helh deuh hlek a, information a lakna afuh lo deuh ni in alang. Heng India rama chawimana chi hrang hrang Bharat ratna, Khel ratna, Padma shri etc (amaherawh chu sipai chawimawina VSM, AVSM etc tiam lo in)te hi, adawng tu in ahming bulaha emaw, ahming tawpah emaw a hmang/dah tur anilo tih India dan ah hian chiang taka a ziah ani. A awmzia chu phal ani lo tihna ani chu.
Pu Solomona tang fan fan, i comment hi atha thei khawp mai, inzir nan an hman ngei ka beisei.
September 8th, 2010 at 1:01 pm
@Saiha news – Thanks for the correction!!!
Comment ka ziah hian muang mar deuh dup a ziah hi alo ni mang tawh silova, proof reading te pawh hi tih hman loh chan a lo tam mai a, kan rilru a awm, kan hriat chian em em mahse, typing mistakes te hi a lo awm lo thei lova.. ka sawitum hi ka type lo ani!! Civil mipui hnen a chawimawina nopui dawngtu te reng reng hi tar lang lovin, puan hmiah loh tur zawk ani! tih tur zawk ani e! ka type sual i lo hmu fuh hlauhva ka lawm e.