Thuthar lawrkhawm
Advocacy Awareness Campaign in Malaria ECM HSS School-ah neih a ni.
Saiha,Sept, 2: Nimin khan ECM HSS School-ah Advocacy Awareness Campaign in Malaria pro gramme hman a ni a, Pu C.Lalhranga, H/w -in a kaihruai a, Pu T.Rothanga, Principal,HSS chuan fuihna thu a sawi.Resource person Dr.C.Hniechho, SMO chuan thu sawiin, kan dam chhung zawnga pawi mawh ber chu “Hriselna’ hi a nia,Hriselna hlutzia hi sumin a lei theih lova, keimah ka hriselna kawng ah keimah ka pawimawh ber a ni,tih kan hriatchian a kan fimkhur a tul,a ati. Vengpui VC an tel vek a, sikul naupang 200 chuang an tel bawk.Malaria a thi zat Saiha district ah 2008 – 6, 2009 – 13, 2010 – 1, Mizo ram pumah 2009 ah 119 an awm niin Dr.Pahnie chuan a sawi.
MTP -in kokhawm
Vawiin dar 2:00 hian MTP Gen.Hqrs chuan Cement Mistiri te kokhawmin an rate leh tul dangte an sawi dawn.Cement Mistiri non-tribal te hi 200 chuang niin Dr.K.Rakhu,President MTP hqrs chuan a sawi.
MTP Exe Commt
Tunkar Inrinni khian MTP Gen.Hqrs Executive Committee chu an office ah President Dr.K.Rakhu hovin an thukhawm dawn a, Ruihtheih thil do chung chang, Kum puan, Zaipawl intihsiak leh CAPART chungchang an sawiho dawn a ni.
* Tuipang MSO Sub-Hqrs ten GK,English,Maths, Science competition buatsaih turin an in puahchah mek a, Pu K.Hrahmo,EM,Edn.MADC khuallian atan sawm a ni.
* DC Complex a bawlhhlawh vum thur chu nimin khan DC staff te chuan an thian fai ta.
Rualbanlo loan thlang fel
Saiha District a Rualbanlo Loan diltu mi 40 zingah mi 20 chu Board chuan a thlang fel ta,ML zawhna chhangin Saiha dist atan nuai 5 sanction a ni a, Selection Board chuan mi pakhat Rs.25000 zel chang thei turin mi 20 a thlang a,5% in a pung anga,kum 18-60 inkar tan a ni,a ti.Hei hi NHFDC Loan a ni.Aizawl dist erawh nuai 15 pek an ni a, dist dang zawng nuai 5 theuh pek kan ni a,hei hi Mizoram a a vawikhatna a ni, a ti.
President-in a ruat
Pi Ngunsuii,President, MD Mahila Congress, Siaha chuan GS atan Pi A.Deiva, Secy -ah NT. Reisi leh Jt.Secy-ah H.Lalrinpuii a ruat.
Farmer’s Meet
Vawiin 2nd Sept 2010 (10am-3.30 pm hian DIC Conference Hall, Council Vaih ah Field Days and Kissan Gosthis tih hlawh tlin na atana ATMA buatsaihin ‘Far mer’s Meet’ neih a ni dawn a, Pu Vanlal sanga, DHO, Saiha kaih hruaina hnuaiah Pu K.Cholo,DAO leh DVO, DSO,DFDO ten thusawina an nei ang a,J.Ruby, Mara land Idol a zai ang a, Pu Pasa T.Azyu,H/D chuan lawm thu a sawi ang.Heta tel chu TA/DA pek an ni bawk ang.
* KVK chuan kuthnathawktu tak tak te chhawmdawl tur an zawng mek a, tanpuina duh tan hna a taka thawh atul niin Co-ordinator Pu Muana chuan a sawi.
* Law & Judicial Court, MADC Building tlabal lutuk tawh chu RCC building a sa turin bulding hlui thiah mek a ni a, PWD, MADC ten an enkawl dawn a, cheng nuai 30 ruahman a ni.
September 2nd, 2010 at 3:52 pm
Kan MTP hotute an ti tha leh thin ngawt mai. Ral khat atang chuan “Alawm awm mang e” tih chauh loh chu sawi theih a lawi pawh kan nei lo.Hetiang hian non-Tribal(with skills labor) ho te hi khuahkhirh tlat tur ani reng ani. Tin, skills labor ho chauh khuahkhirh ringawt hi a dik ber a ngem?tih ngaihtuahna thuk tak erawh kan neih a ngai hle. Unskill labor (Non-tribal) Saiha khaw chunga inhlawhfa ho hi engtia tih ve tur nge?tih thleng hian ngaihtuah ila a tha hle in ka ring. Saiha khawpui hi hriat threuh ang in, tui kan harsa tlang hle a(tun Ministry ah hian kan PHE Dept changtu Minister Pu S.Hiato a awm hlauh mai a,a ni vang tal pawh hian he,kumpui lingleta kan harsatna thin ang hi chu a fel deuh thuak thuak tur ah dah ngam phawt ila)Chu mi fel hma kar a thil awm chu sawi zawm phot zel ila….Furpui ah pawh Saiha khaw chungin a Tui kan mamawh zat hi kan phuhruk kan hmu zo lo ti tih ani reng zel mai thin a,thlasik a lo inher leh dawn a,hetah pawh hian kum tam kan lo tawnbuak tawh fo thin ‘water crisis’ namen lovin kan su leh dawn chu anih hmel. Saiha khawchunga a nawl pui ina tui in tur a kan tlan ‘tuikhur’ te hi a tlem em em a, khur hnih khur thum er awr ai bak sawi tur tha alawi kan nei meuh lo. He kan tuitlan ber te hi a mipui te hian kan indeih lo ani tih kan hai reng reng lova,kan in deih loh dan erawh hei aia indeih zai theih dan kawng a awm thei in ka ring. Tui kang nghak a Nutling Patling pui pui zankhaw tai reka tukihur kam a an ding thin te hian ngaihtuah na thuk tak min pe thin se atha hle ang. MTP in non-tribal inkhuahkhirhna dan leh dun lamah hma ala ta sa sa, heng un-skills labor (vai tui chawi) kan tih mai ho te hi kan MTP hotu te pawh hian khuahkhirh dan zawng ve se a tha ngawtin ka ring. An ei zawnna ber a nih tlat avangin,hun awl nei ma lek lovin,an hna pui ber threla motor hmanga’TUI CHAWI’an ti tlut tlut reng mai a,a mipui tui kang nghak tan pawh nin awm khawpin an thal chak a. Mi naran ina vaw-8/9 vel tui an chawi hi nikhat deih ani a, kan duh tawk vek mai zel a. An ni hmandang inhlawhfak na atana hmang ho hian duhtawk chin awm lek lovin,midang te tana Malsawmna nih tum reng reng lo hnam ho hian an thal kang chak em em mai a.Heng te avang hian Saiha khawchung mipui hian tui harsatna inkhuahkhirhna dan awm loh luat vangin kan tawng kan tawng ta ber chu ani. Heng te leh thil dang tam tak un-skill labor(non-tribal) in a an thawh hi Saiha khaw chung ah pawh hian atam em em tawh mai a, Skill labor a bik takin (cement mistiri)te chauh thlur bing lovin,an zavai a tiamin inkhuahkhirh na dan leh dun pangngai tak hi kan MTP hotute hian siam se kan ram pawh hian khawtlang inrelbawl dan leh trul lova harsatna keimahni leh keimahni inkar alo thleng ta fo thin te hi a lo rem deuh sawt i ring ve em Pu Editor?
September 3rd, 2010 at 9:52 am
pu jeffrey,
i website hi saiha district mi leh sa mizoram leh india ram pawna awm te mai nilo..khawchhak lama kan mara unau ram dang dang a awm ten saiha district thuthar hriat nan berah an hmang tihte ka lo hria a….ka chhuang che in ka lawmpui tak zet che…lo tang zual sauh zel rawh.