Moon Light Saiha

Saiha District NLUP Survey meeting neih a ni

Saiha,Sept,1 : Nimin khan Pu Kunal,IAS, Deputy Commissioner, Saiha District,Saiha chamber-ah Saiha District NLUP survey meeting neih a ni.

He meeting ah hian Pu H.Lalhmingthanga, MCS, Election Officer,Saiha District NLUP Implementation Committee a Secreytary ni bawk chuan Line Department hrang hrang atanga Head of Office kalkhawmte chu Village Level Household Occupation Information schedule form ziah khah dan turte zirtirna leh in hrilhhriatna hun a hmang ni.

He meeting-ah hian Pu Kunal,IAS, Chairman,Saiha District NLUP Implementing Committee chuan Eligible Families Re-survey neihna-a hriattur pawimawh leh tul te Line Department -a Head of office kalkhawmte chu khunkhan taka sawipuiin Survey report te hi September ni 15 aia tlai lovah thehluh hman vek turin kalkhawmte chu a chah a ni.

Painting Competition

Teacher’s Day 2010 den chhenin SSA,Saiha District chuan Lem ziah siakna ‘Painting Competition’ a buatsaih dawn a,Saiha khawpui chhunga Middle School, High School leh Higher Secondary School zirlaite tan a tel thei dawn a ni.Theme chi 3 atang hian zirlaiten an duh ber an thlang thei ang

SDSC hruaitute

Nimin khan MJA kaih hruaina hnuaiah Saiha District Sport Committee hruaitu thlanna DC Conference Hall-ah neih a ni a,hengte hi thlan an ni. Chairman – DC,Saiha Vice Chairman – H.Vabeitha, Gen.Secy – Zokhai Khuhly, Asst.Secy – T.T.Kholaw, treasurer – - N.Aldrin.
Pu Lalnunkima Pisa (Mapuia), Treasurer,MJA chu RO a ni.

Zawngling Bus che sualah mi 6 an hliam

Nimin dar 9:00 am vel khan Zyhno) Zawngling Bus chu Zero leh Amobyu(Maubawk) inkarah a chesual a, Bus hi a let tawp a,mi 6 an hliam a, mi pathum te chu Saiha Civil Hospital-ah admit an ni a,chungte chu DC,Saiha chuan tanpuina a pe nghal. 1.Pi Tlanthangi,Saiha Bazar Rs.1500/- 2.Pi Bethlehem,Meisa Vaih Rs.1500/- 3. Sipe,Zyhno Rs.5000/- Pi Sipe hi a kut dinglam a tliak a, Aizawlah refer a ni.
* Kolkata a in check-up a zin Pi N.Naphie,EM, PHE,MADC a lo thleng tawh a, Inah tlawhtu an tam
* Nimin khan DC,Saiha hovin Account chungchang sawihona meeting pawi mawh tak a chamber-ah neih a ni.

NYK Pykka Sport

Vawiin hian SDO(S) chamber-ah Pu V. Lalengmawia, SDO (S) Saiha kaihhruaina hnuai ah NYK PYKKA sport meeting neih a ni dawn a,Sport buatsaih hun tur leh tuldangte an sawiho dawn a ni.
NYK Pykka sport buatsaih turah hian Football (Boys), Volleyball (Boys & Girls), Volleyball (B&G), Table tennis (B& G), Badminton (B&G), Athletic(B&G), 100m Race(B&G), 200m Race (B&G), 400m Race (B &G), Relay Race (B&G), Shot put(B&G), Discuss throw (B&G), Long Jump (B&G), High Jump (B&G) leh Jevelin Throw (B&G) ah mipa leh hmeichhia inelna a awm dawn avangin thalaite tan la nasa turin an ngen a ni.

Pu Hiato-in a pe

ECM(Mara Church) – Ambulance 1(Rs.28 lakhs), ECM hospital -Ambulance, Chakma field Biak in leina – Rs.1 lakhs a pe a, ECM kohhran chuan Pu S.Hiato,Minister i/c PHE,etc te nupa chungah lawmthu an sawi tak zet a ni.

Farmer’s Meet

2nd Sept 2010 (10am-3.30 pm khian DIC Conference Hall, Council Vaih ah Field Days and Kissan Gosthis tih hlawh tlin na atana ATMA buatsaihin ‘Far mer’s Meet’ neih a ni dawn a, Pu Vanlal sanga, DHO, Saiha kaih hruaina hnuaiah Pu K.Cholo,DAO leh DVO, DSO,DFDO ten thusawina an nei ang a,J.Ruby, Mara land Idol a zai ang a, Pu Pasa T.Azyu,H/D chuan lawm thu a sawi ang.

DC Office complex a tawp

Sawrkar hmalak nain Saiha ah hian Office hrang hrang a awm nual tawh a, Office thenkhat te chuan thianghlima kawngah hma an la nasa hle a. chu tih laiin District Hotu ber thutna Dist Bawrsap Pisa Complex chu bawlhlawh thenfaina kawngah an hlawh chham.

Saiha hi District hlun leh Department tamna District ni ve mahse, District hmasawn chaklo berte zing ami a nih fo hi thil zahthlak tak a ni a; Mipui Vantlang pawhin Mahni khua leh tui rilru kan put a ngai a, District dang hmasawnna kawngah Rualawhna chang kan hriat pawh a tul a ni. Thianghlimna kawngah mahni veng leh Departmrent thenkhat te’n Office Complex an ngai pawimawh laiin thenkhat te chuan an ngaih sak lem lo bawk.Neitu rilru aiin Mikhual rilru pu kan tam khawp mai..District hmasawn leh sawn loh tehfung Pakhat chu Thianghlimna hi a ni, an ti a, khaw thianghlim lawmman Sawrkarin Rs,50000/- lai a pek theih laiin Saiha District ve hi chu thianghlimna kawngah Kan hlawhchham fova Vantlang kawngpui kama Vawk in leh tuihawk luankawr,enkawlna kawngah awmze nei takin hmalak hi a hun hle tawh ani .Malaria natna kan vei tam loh hi kan vanneih zawk mang e. Tun atang chuan Inhlawhfa rilru pu lovin neitu rilru pu nih i tum tawh ang u,tiin mi thil chik mite chuan an sawi.

This entry was posted on Wednesday, September 1st, 2010 at 12:11 pm and is filed under Recent Posts. You can follow any responses to this entry through the RSS 2.0 feed. You can skip to the end and leave a response. Pinging is currently not allowed.