Thuthar lawrkhawm
MTP Gen.Hqrs chuan Zaipawl intihsiakna kan buatsaih dawn.Dr.K.Beichhua thusawi kha chu MTP purview a ni lo,amah pawh MTP president a nih laiin khatiang kha a buatsaih lo – Dr.K.Rakhu,President,MTP Gen.Hqrs Saiha,Aug,30 : Nimin khan kan palai chuan Dr.K.Rakhu, President,MTP Gen.Hqrs kawmin Zaipawl intihsiak dan tur leh thil pawimawh dangte a zawt a. Dr.K.Rakhu,President,MTP hqrs chuan MTP Sub-Hqrs leh Town Branch hruaitute thurel pawimawh tak chu kan ti ngei dawn a ni,tiin MTP Branch Zaipawl Intihsiakna hi MTP Sub-Hqrs level ahselection buatsaih phawt a ni ang a, a hun atan Oct 27-28,2010 ruat a ni a, tichuan November 3-4, 2010 khian Final round intihsiakna Saiha ah neih a ni ang a, pakhat lawmman Rs.10,000/-+ Citation, pahnihna – Rs.7000/- + Citation pathumna Rs.5000/- + Citation, Consolation prize 7 siam a ni ang a,Rs.2000/- theuh pek an ni ang,a ti.Intihsiak tur chu MTP Hlabu ami Phek.2 leh phek 62-na a ni ang a ti.
Dr.K.Beichhua-in Pakhat,MBBS topper lawmna programme -ah MZP te chuan pawl 10 & 12 top 10 te lawmna ropui takin an siamsak thin a, kan rama MTP,etc te khawiah nge an awm? tia a sawi kha chu MTP kan purview a ni lova, amah Dr.K.Beichhua pawh MTP Gen.Hqrs president a nih laiin khatiang lam lawmpuina kha a buatsaih bawk lo, hei hi chu MSO purview a ni zawk a, MTP te Social Welfare lam a ni daih a,amaherawhchu keimahni mimal theuhin kan thinlungin kan lawmpui hlawm a,keipawhin keima mimalin ka lawmpui hle a ni,MTP erawh chuan kan tihtur chin leh a hmun/subject a awm bik avangin Dr.K.Beichhua thusawi kha kan tihtur a ni lo,a ti.
Dr.K.Rakhu chuan Ruihtheih thil do chhunzawm tura MTP Hqrs,Sub-Hqrs leh Town Branch Joint meeting-in a relthluk hi thil lawmawm tak a ni a, MTP chuan kan ram leh hnam damna atan Ruihtheih thil do hna chhunzawm zawmin kan thawk leh dawn a ni, tiin mipui leh sorkar thlawpna an mamawh thu a sawi.
Executive member ruat
Saiha District Judo Association president Pu P.P.Zalena chuan Executive member atan hengte hia ruat:- Beinongia, Maremi, Matlani, Ngiachhi, Sir Paul, Robert,Lalnunkima Pisa, C.Lalharnga,L. Bei rangia, Jeffrey Khara, Tracy leh T.Daodao.
* Inrinni khan College Vaih VC-I,II,III tangrualin tun hnaia zawhfel tak Pykka sport a pakhatna an lak lawmna programme an hmang a, tlai lamah ruai an kilho nghal bawk.
* Nihnih awh ECM Gilgal KHP camping chu nimin khan tluang taka zawhfel a ni a, Speaker atan Pro Pastor Henry C.Lalenkawla hman a ni. KHP te hi nakina kohhran enkawltu tura chher atul a,kohhran tin hian Naupang camping ngai pawimawh se a fuh ang. ed)
College week
Dt.30.8.2010 atangin Govt Saiha College Students Union chuan Week an hmang tan dawn a, 6.9.2010 khian closing programme an hmang dawn a ni.Pu C.Zohupa, Prin cipal,Govt Saiha College leh President, Students ’Union,GSC ni bawk chu khuallian a ni ang.
Sabuk diklo an enfiah
Inrinni Dar 6:00Am khan Saiha Main Bazar chu Legal Metrology Department leh Police tangkawp chuan Sabuk diklo an enfiah.
He Sabuk endik ah hian Sazuartute’n Patla khaina tur an nei lova, Patlaawng hi kutin an khai chawp mai thin a,hei hi dan kalh anih thu leh man theih an nih thu Legal Metrology te chuan an hrilh a, tunhnu ah chuan ngaihna thiamna a awm tawh loh thu an hrilh bawk a ni. Saiha ah hian MADC LAD Department te chuan Sa rate hi siam thin mahse, endikna kawngah ahlawh cham fova, buktling taka Salei hi a awm mumal lo a ni.tih mipui bazar thin te chuan an sawi a ni. Sazuar tute ve thung chuan MADC LAD deptt hian min ngaihsak tawk loh a ni an ti ve thung a, LAD hian Fee (Tax) an khawn tho avangin an thutna tur leh an sazawrhna hmun hi awmze nei takin min siamsak se tih an sawi bawk.
Saiha Town chhungah hian chawhmeh zawrhna hmun 4 lai a awm a, Main Bazar hi a tawp ber leh thianghlim lo ber anih fo chu pawi an tih thu mipui te chuan an sawi a. Sa thinghlim kan lei theih nan MADC LAD depatt hian chak takin hmala se tih an duh thu mipui chuan an sawi bawk.Bazar pui hi bawlhlawh atamin rim achhe hle a,mipui vantlang hrisel nan a that loh thu leh thianghlim leh felfai zawk a siam theih ni se tih an duh thu mipui te chuan an sawi bawk.
Legal Awareness
Saiha District Legal Services Authority hmalakna-in Don Bosco School-a Legal Awareness pro gramme chu nimin piah khan zawhfel a ni ta,Paul Lakra,Teacher,DBS kaihhruaina hnuaiah Father Christopher,Rector, FC.Khihnia,Advocate, Laldinpuia Tlau,Secy, SDLSA & Judicial Magistrate leh J.S.Beizawzilai, Advocate ten thusawina an nei a, Dan hriat pawimawh zia sawiin paper an present nghal a, zawhna leh chhanna hun hman a ni bawk.
Nb: Legal Awareness Seminar nei duh, Kohhran /NGO/Institution etc tam dilna,member secy,SDLSA-ah thlen theih reng a ni a.Awareness senso zawng zawng hi SDLSA-in a tum thin)
Pu S.Lyhmo, Siaha Vaihpi fapa Satlia S.Beihrokhu (Pakhai), MBBS, Jawhar Lal Nehru Medical College, Bhagalpur, Bihar state atangin MBBS Topper leh Gynae,Medicine ah Gold Medal a la a, Mizoram ah a ni emaw Mizoram atanga state danga zir emaw Gold medal pahnih lakawp thei hmasa ber leh awm chhun chu Mara Satlia S. Beihrokhu (Pakhai), Siaha Vaihpi hi a ni.
S.Beihrokhu (Pakhai)
August 31st, 2010 at 2:52 pm
Keini ang hnam tlem te,ar hmai tiat er awr chauh ni pha hian “Kan tih tur ani nilo emaw kan huang ani lo”tih tur kan ni em aw???tih ngaihtuah na ka nei. A chhe lam zawng a nih chuan thuhran, a tha lamzawng a nih ngat phei chuan “heihi chu kan tih tur ani love” lo tih ve ngawt chu a dik ber a ngem Pu Editor? Dr K.Beichhua (Ex President MTP Gen:Hqrs) sawi khi, politician a nih na lam atanga aw ka ti ri pawh hi se, a tran fung a dik tlat in ka hria. Thil tha tih lam ah hi chuan kan zavai mai hian kan trangtlang tur ni tur ah ka ruat a. A bik takin, keini Marafa te zinga “Academic” lama tha tha fal bik te, leh line hrang hranga kan ram leh mipui min ti mawi tu te hi chu pawl pawl ti lo hian kan vai tran tlan a “CHAWIMAWI NA NOPUI” kan pe tur ah ka ngai tlat ani. Hman kum liam deuh ta ah khan Mizoram Idol/Icon tlanna ah khan Saiha Dist chhung atang LALHMINGLIANA(Hminte-a) kha a tel ve a, a tel ve ani tih saiha mipui pawn kan hria pui lem hlei lova, hlawhtlinna ropui tak “Mizo Idol top-3″ a rawn hawn meuh chuan, a hming, apumrua,a sakhmel, a awki tlengin ka hre leh lawi si a nih kha. A hmuak tu ah khan Saiha khaw nawtin kan thawk chhuak a,lirthei a te ber atanga a lian ber thlengin, Saiha DC atanga Class-1 zirlai naupang tlengin kan hmuak anih kha!!! Khatiang te kha tu tih tur nge?? A khawi pawl mah khan “Hei chu kan haung anilove, kan tih tur ani ve love”an tih ka hre lova, a khaw nawt khan kan lawmpui in kan hlimin, kan Dist min chawimawi tu kha ursun takin a LAWPUINA kan hmang hlawm anih kha. Awle, Ram changkang zawk ah te chuan NGO hrang hrang ten an tih tur teuh an ti a, an huang lo an nawr ngai lo te pawh chu a va ni ve ang.Keini ang hnam tlem te ah hi chuan lawmpui na lam ah hi chuan kan trantlan a,a khawnawt a kan lawmpui thiam a tha.Hei hi keini hnam tlemte tan chuan ‘Inspirational wave’ ani! MSO ani e! han tih deuh teh tlawng chu….kan MSO neih te pawh hi “an dam nge, an muhil ta”? tih pawh hi zawhna tham a tling a. An concern chu a ni teh meuh mai. Mahse, kan lawmpui tur a te hi MTP tho an ni, MSO leh MTP atanga in la hrang a.. MSO ka ni zawk e emaw MTP ka ni zawk e.. ti thei din hmun ah MARAFA te hi a tu a te mah hi kan ding lo!! kan nikawp(dual membership) ve ve ani. Chuvangin kan Mara-ram a kan NGO te hian a HNAM leh A RAM course a thil “LAWMPUI” tlak a awm chuan… Tranrual a,a khawnawt a LAWPUI te hi inzirtir tawh zawk ila kan kawng a eng sawtin i ring ve em Pu EDITOR???