Moon Light Saiha

MTP ten ruihhlo do an chhunzawm dawn

Saiha,Aug,28 :Nimin khan MTP Gen.Hqrs leh MTP Town Branch te chuan MTP Hqrs office-ah Joint meeting neiin Ruihhlo do chhun zawm a tha dawn nge tha dawn lo tih chungchang an sawiho.
He MTP Joint meeting hi Dr.K.Rakhu, President,MTP Gen.Hqrs Siaha chuan a kaihruai a, sawihona leh thlitfimna fimkhur taka neih a nih hnuah MTP Gen.Hqrs leh MTP Town Branch Joint meeting chuan ‘ MTP hian Ruihhlo Do chhunzawm leh rawh se’ tiin Resolution lungrual takin an passed a ni.MTP hian Ruihhlo an do tawhnaah khan hming an chher hle a,Ruihhlo dona a chetha zual mi 4 thlanchhuahte phei chu MTP General Conference-ah lawmman pek an ni nghe nghe.
Tunah hian khawlaia zurui an lo tam tak avangin ruihtheih thil chuan Saiha khawpui a tuam tan leh ta niin a hriat a,hei hi MTP chuan pawi a tiin Ruihtheih thil do chhunzawm tulin a hre tlat a, chhunzan zawmin Ruihtheih thil an do leh dawn a ni.MTP hmalakna hi mipui leh sorkarin an thlawp that a tul hle a ni,ed).

Nimin khan MJA Press Club, Saiha-ah MJA – Saiha District Development Vigilance Committee neih a ni a,he meeting Pu CZ.Hluna,Chairman,SDDVC kaihhruaiah hian tunhnai mipuiten sawrkar hnathawk hlawh phu lova In leh lo nei tha nia an hriat te lehkha a SDDVC Complaint box a an thlak chungchang thlirletna an nei a, hmalak zel dan tur an sawiho bakah mipui lama Awareness tam zawk pek phawt nise, anmahni ngei pawh Legal lama Seminar buatsaih a lo intuaihriam ve phawt nise tih an rel a ni.
SDDVC adviser Pu Laldinpuia,Magistrate pawhin SDDVC hmalakna chu tha a tih thu leh lawmawm a tih thu sawiin kan hmalam kal zelna tur kawngah kan in chhuih palh loh nan fimkhur taka hma kan lak chhoh a tul hle dawn a ni,tiin Dan hriatna kawngah intuai hriam sauh sauh turin chanchinbumite leh SDDVC ni bawk te chu a fuih nghal a ni.

Lawm dawn
Vawiin hian Education Middle School,College Vaih-ah Pykka sport a pakhatna an lak lawmna programme chu VC, College Vaih ten an buatsaih dawn a,Pute V.Vanhupa, EM,PWD, K.Hrahmo,E M,Edn, MADC, L.Khai chyu, Vice Chairman, Plg.MADC, C.Lungmuan puia,President, Progressive Club, K.Vanlalliana, P&DO,MADC, A.Ngolai, VCP,College Vai-I ten thusawina an nei dawn a, Secretary chuan report a pe ang a,K.Sida,Elice Hniangpari ten zaiin kalkhawmte an awi ang a,Pi Ngunsuii,Vice president, College vaih -II chuan lawmthu a sawi ang.

Awareness programme
Dt.28-29.8.2010 hian HIV/Aids Awareness pro gramme KTP(H) ECM chuan Zyhno(Zawngling), Tipa-V leh Amobyu ah an bu atsaih dawn a,KTP Hqrs hruaitu Mc.Beimosa Azyu, Kmc. M.Beichi leh Puhpa V.Vabeiten an kaihruai dawn a ni.
* Read & advertise
in Moonlight News

Nimin khan Pu S.Lyhmo te nupa chuan an fate hlawhtlinna avangin Pathian hnenah lawmthu sawina programme an hmang a.He programme Khichho Macha H.Dawtlo kaihhruaiah hian thu sawiin Dr.K.Beichhua, Supt,LIKBK Hospital chuan, MBBS a Gold medal pakhat hmuh pawh a ropui hle a, kan nau Pakhai chuan Gold medal state dangah a la thei hi a ropuiin Centenary malsawmna a ni,a ti a.Pawchhua chuan, MZP te hian kumtin pawl 10 & 12 top 10 te chu ropui takin an lawmsak thin a, kan ramah MTP,etc te hi khawiah nge an awm tak? Kan naute hlawhtlinna lawmpui thiama a lawmna buatsaih sak ve hi thil pawimawh tak leh anmahni tak pawh phur lehzualna siamsakna a ni zel dawn a ni,tiin Pu TT.Vakhu fapa Iahmo,Mizoram topper pawh seat a hmu lawk thei lo chungchangah a rilru na lutuk chu a muthil thei loh phah thu a sawi tel bawk. Rev.M.Zakonia leh mi pawimawh dangte pawhin thusawina an nei a,Rev.Ch.Chhama,SES, ECM chuan Malsawmna-in programme titawp a,ruai kilho nghal a ni.

This entry was posted on Sunday, August 29th, 2010 at 12:47 pm and is filed under Recent Posts. You can follow any responses to this entry through the RSS 2.0 feed. You can skip to the end and leave a response. Pinging is currently not allowed.