Thuthar lawrkhawm
Hriselna kawngah Health department tihtur a awm a, mipui tih tur a awm ve bawk – Dr.H.Lalchungnunga,CMO,saiha
Saiha,Aug,27: Nimin khan College Vaih leh New Colony Anganwadi
Centre-ah Village Health Sanitation Committee buatsaihin Village
Health Day hman a ni a, Pu Kunal,DC Saiha chuan Hriselna pawimawh thu a sawi a.Dr.H.Lalchung nunga,CMO Saiha pawhin thu sawiin, Hriselna kawng ah hmasawn tur chuan Health department tih tur tam tak a awm laiin mipui pawhin tihtur tam tak in nei ve a,Thosilen kan sem te hi in zar atul a, In leh a vel compound thenfai hi mipui tihtur pawimawh tak a ni a,compound a tuitling te paih vek atul bawk a,tihtur tam tak in nei ve a ni,tiin tan ho atul thu a sawi a ni.
He programme ah hian Pu Rotluanga,ICDS Officer,Saih a pawhin fuihna
thu a sawi a ni. Veng hrang hrangah hian Health Village Sanitation
Committee din vek a ni a, chuta thawktu Health Village Sanitation
Committee hruaitu atana ruat te zingah hnathawk tha em em leh
veng/khua a lo fai zel theihna tura hma la an awm laiin veng /khaw
thenkhata Health Village Sanitation Committee hruaitute erawh an
hnathawh leh hmalakna a awm mumal lo nia sawi a ni a,veng tin leh
khawtin hi fai leh thianghlim taka enkawl vek nise,kan lo hriselin kan
hlim ang,ed)
Legal Awareness
Dt.27.8.2010 dar 1 hian Don Bosco School,Saiha ah Saiha District Legal
Services Authority buat saih in Legal Awareness programme hman a ni
dawn a, Paul Lakra, Teacher, Don Bosco HSS chuan a kaihruai ang
a,Father Christopher, Rector, FC.Khihnia,Advocate leh Laldinpuia Tlau,
Secy,SDLSA ten thusawina an nei dawn a.2nd session chu
Robinson,Leader,KTP Meisatla Br. chuan a kaihruai ang a,Beizawzi
lai,Advocate chuan thu sawina a nei ang. Legal Awareness seminar nei
duh kohhran/NGO/Institution etc tan dilna member secy,SDLSA
Laldinpuia Tlau hnenah thehluh theih reng a ni a.Awareness senso zawng zawng hi SDLSA in a tum thin.
Moderator lo haw
Phura leh a chhehvel tlawha zin Rev.ST.Zawsi ,ECM Moderator chuan tour programme a hman zawh hnuah dam takin Saiha a lo thleng leh ta. ECM Moderator chuan Mara ram Kristian te hian change kan mamawh a, change thlentir zel hi ka tum dan a ni, a ti.
* DRDA Saiha chuan thuchhuah siamin Job Card reng reng Bank Account kaltlanga pawisa pek a ni dawn avangin VC tin ten mahni veng chhunga Job Card nei apiangte Account hawnsak turin a ngen a ni.
* CMO chuan nikum ah Saiha District a naupiang za a paruk (6%) an thi a,Mizoram mi nuai 1 ah 486 an thi nia chhut a ni,a ti.CMO chuan
Niawhtlang ah khawsik,etc natna a tam avangin report a dawn chu
bawhzuiin nimin khan Dr. Pahnie leh Dr.Lalnunziri a tir chho nghal a
ni.
* Vawiin hian MJA leh SDDVC meeting chu Saiha Press Club-ah nei kawp a ni dawn a, MJA din SDDVC hian hmalak zel dan tur an sawiho ang.
Room sawn
Judicial department, MA DC a thawkte chu an room siamthat mek a ni
a,Reve nue building sakthar hnuaiah an insawn buai avangin
27-30.8.2010 hian dawr theih an ni lovang,tiin Pi S.Lalmuanpuii,JO
chuan a sawi.
Pykka meeting
Nimin khan District Level Pykka meeting chu DC Saiha chamber-ah Bawrh
sap Pu Kunal hovin an thukhawm a, Pykka sport hmalak zel dan tur an
sawiho.
Training cum Workshop
Nimin khan District Forest Conference Hall-ah 8th All India School
Education Survey atan Training cum Workshop neih a ni a.Sikul zawng
zawng atangin Headmaster/ Principal te an tel a ni.He survey-in a tum
bulpui tak chu kan rama Zirna in (pre-primary- Higher Seconadary
School) hrang hrangte kawng hrang hranga an dinhmun dik tak, chiang
tak leh fiahfai taka hriat hi a ni a.Zirna lama hmasawnna tur atan
sawrkarin rua hmanna felfai tak a siam thei dawn a ni.
* I& PRO leh a thawhpuite chuan Office leh a coumpound an enkawl fai
hneh hle a,niminah pawh an hnatlang leh a ni. Kum 5 /6 kalta khan
I&PRO department hian office fai ber nihna lawmman an la tawh bawk a
ni. Mr.N.Vabei ratlua, I&PRO Saiha chuan karkhat chhung hnatlang an
thawk chhunzawm dawn a ni tih a sawi.DC hian I&PRO entawn teh se, DC complex-a bawlhhlawh vum thur hi paih tehse tia sawitu an awm nual
AR VACCINE PE DAWN
Vety department Saiha chuan vawiin leh naktuk khian Ar vaccine an pe
dawn a, Ar vaccine la duh apiang Vety office ah kalkhawm turin an
hriattir a ni.
Vety department hotute chuan Ranvulh damlo a awm chuan AH & Vety
lamah kalpui vat tur leh hriattir hmasak zel atul thu mipui an
hriattir bawk.
Saiha-ah hian sa kg,etc hralh te hi a leitute hian kan enchian a tul
hle a, Vety department doctor ten an endik sa a ni em tihte pawh kan
zawhchian fo a tha,ed)
