Thuthar lawrkhawm
CNF leh Lopu MTP an intibuai!
Saiha,Aug,25 : CNF leh Lopu MTP intihbuaina chung changah nimin khan Dr.K.Rakhu,President,MTP gen.Hqrs Siaha chuan DC leh SP bakah CNF hotute hnenah thil awmdan a hrilh vek a.SP Saiha chuan Phura a police te chu WT message a thawn nghal a ni.
Hemi chungchang sawiin Dr.K.Rakhu chuan, Dt.23.8.2010 khan Lopu ah mitthi an awm a, MTP member 4 te chu Rali lamah zualko tura tirh an ni a,Rali lui-ah CNF 5 te nen an intawk a, an lawng chuan CNF Lawng hel an tum a,mahse CNF Lawng chuan an chuanna lawng a su luih ta a,CNF te hi silai nei an nih avangin MTP chuan ngaihdam an dil zawk a,mahse CNF te chuan MTP te chu an kaltir – duh lova, an sawisa zui a,he thil thleng chanchin an lo hriat veleh Lopu MTP,VC leh khawtlang mipuite an thinrim tak zet a, Khaikhy a CNF te chu va nuai phei nghal mai an tum ta a,mahse thil tha lo zawk a thleng thei dawn nia ka hriat avangin Lopu MTP leh khawtlang hruaitute chu an thil tih tum thulh phawt turin a phone nghal a,DC leh SP bakah CNF hruaitute pawh ka hrilh a, hma an la nghal ang,lo in bengdai teh u,tiin ka hrilh a, ka ngenna an zawm avangin lawmawm ka ti hle a ni,tiin Dr.Rakhu chuan a sawi.Tun hi vawikhatna mai ni lovin CNF te nen vawi 3 an buaina a ni tawh a,silaite hmangin an vau thin a,Lopu khawtlang mipuite hi an mawh lo reng reng a,an thin a rim ve ngang tawh a ni,tiin CNF te hian – MTP kan hre lo,zualko kan hre bawk lo tia an lo sawisa ta mai hi thil pawi tak a ni a, CNF hruaitu Solomon, Chiangmai a awm mek pawh ka phone nghal a, CNF hruaitute chuan an mi leh sa thil diklo titute chungah action an lak tur thu-in min hrilh a ni,a ti.
Leisai leh Khaikhy ah hian vawi 3 buaina an tawk tawh a,CNF te hian silai,etc hmanga MTP an vau thin hi MTP chuan hriatthiam harsa an tiin tun tum phei chu an thinrim a alhchhuak tawh a, zu khap dai lo phei ila chuan thil rapthlang a thleng lovang tih sawi har tak a ni,tiin Dr.K.Rakhu,President, MTP Hqrs chuan Lomasu leh Lopu ah Security post siam tura ngenna ka siam chu DC leh SP chuan an ngai pawimawh hle a, dah an tum nghal a ni,tiin a sawi bawk.
Pykka final
Pykka sport final chu nimin khan Pu Donny Lalruatsanga, BDO,Chairman leh Pu C.Hrangthuama, Secy & Principla, GHSS kaihhruaina hnuaiah zawh fel a ni ta.A pumpui thuah College Vaih-II pakhatna an ni a,Meisa Vaih pahnihna an ni a,Siaha Vaihpi(Vengpui)-II pathumna an ni. Football final ah Siaha Vaihp-I chuan Siaha Vaihpi-III hnehin an champion.
He PYKKA final closing ceremony ah hian Pu C.Lallian zauva, VLW, BDO Office,Saiha chuan techinical report a pe a, Pu C.Hrangthuama, Secy, Pykka leh Principal, GHSS chuan result a puang a, MJA, MCHP leh MHIP president ten lawm man hi an sem a ni.
August 25th, 2010 at 5:29 pm
Saiha lam thuthar a ni la la i update thin hi a bengvar thlak khop mai.
August 27th, 2010 at 10:11 pm
moonlight website a news zawng zawng te hi a duh leh mamawh tan lak chhawn phal a ni a, a lachhawngtute chuan source-moonlight tiin an tarlang kher tur a ni.