Moon Light Saiha

ECM Kohhran Sunday School chu keimahni buatsaih bu ngei kan zir dawn ta- Rev.Thylua Hlychho,ES,SS

Saiha,Aug,9: Nimin khan kan palai chuan Rev.Thylua Hlychho, Executive Secretary i/c Sunday School,ECM Hqrs kawmna a nei a.Rev.Thylua chuan, ECM puipate’n Sunday School a zirtir keimahni buatsaih ngei kan nei thuai thei dawn ta hi a lawmawm hle a, tichuan he New Course Sunday School zir tur hi Beginner Course pawh 1,2,3 a then a ni dawn a, chutiang zelin senior thlenga tih a ni ang,a ti.Sunday School Sub-Committee hruaitute chu tute nge tia zawhna chu hetiang hian a chhang Chairman-Rev.Thylua Hlychho, Secy- N.Dawhniarili, Members : Mc.T.Maybe,Meisa vaih , Mc.Beimasa Azyu,Bethesda, Mc.K.Ngo-u, Shalom leh Mc.Dr.K.Zohra, New Colony.
Sunday School Text bu atul dan anga let tura Executive meeting- a ruat te chu 1.Mc.PS.Mothy,Edenthar, 2.Mc.S.Sangmawia,Gilgal, Mc.F.Vanalha,Siahatla, Mc.H.Lalchhuana,Bethel leh Mc.Pachi Hlychho, Meisa Vaih an ni.
ECM Choir property engzatnge an neih tia zawhna chhangin Rev.Thylua chuan, Sound system s.25000/- man, Keyboard leh Drumset a ni a,ECM budget Rs.40,000/- dahsak an ni bawk,a ti. ECM Music School property engzatnge tia zawhna chhang lehin Rev.Thylua chuan Keyboard 5, Guitar 5 tin cheng nuai 2 budget ah dah a ni,a ti. Tunah hian Pu S.Chasa In chu thlakhatah -

Rs.3000/- a hire-in kan hmang mek a, zirlai 17 kan nei mek bawk a,zirlai zinga mi Pu Lalringa,Ex-MDC chu duhsak bikin a thlawnin kan Instructor ten an zirtir a ni,tiin Rev.Thylua chuan zirlai zinga 8 te chu grade 4 Aizawlah an exam ang a, Grade 1,II,III erawh chu Saiha-ah an exam ang a, Certificate pawh kan pe dawn a ni,a ti bawk.Pu WB Azyu chu Instructor a ni a,Asst:Hruaia ani

CCI(M) special
Assembly
Dt.5.8.2010 khan Serkawr ah CCI(M) Special Assembly neih a ni a.Local 19 atangin member 105 an thleng khawm.Agenda-ECM hminga inpumkhat tih Local 18 atangin a tam zawk daih local 17 in an duh loh avangin Special Assembly thutlukna chu ECM hminga inpumkhat hi an pawm ta lo a ni tih thu dawn a ni.
*ECM Moderator Rev.ST. Zawsi chuan Chhao lo, Iana,Siata,Chakhei tlawhin hun a hmang mek zel.

* Kumin October thla hian Evan.Vanlalsaiova chuan Tuipang-V ah rawngbawlna a nei dawn.Sailova hian January atanga December thleng programme a nei khat vek tawh a ni tih ML a hrilh a ni.

Bawrhsap hovin an en
Nimin piah khan Saiha Bawrhsap Pu Kunal,IAS leh Subordinate Officer te chuan Saiha veng hrang hrang a hmunah an en kual a, lei min belh thei tur venna Silpoulin pawh a tulna-ah an pe bawk a, Check dam leh project, scheme siam dan turte an ruahman bawk.

Mi bo an hmu
Saiha Police Constable Prabati fapa Himansu(13) Don Bosco zirlai bo chu theihtawp chhuaha zawn a nih hnuin New Kawnpuiah hmuh a ni.Saiha police te hian Gauhati SP leh Silchar SP pawh phone-in an be hman vek tawh nia hriat a ni.
* Tunlai hian Silpounlin diltu an tam hle a, Marilyn Rualzakhumthangi,ADC chuan spot verification lak hnuah an pe thin,a ti.

PU KUNAL IAS D.C SAIHA CHUAN BIO GAS SIAM CHHUAKTUTE A KAWM.

Nimin piah Dar 10:00Am khan Pu Kunal IAS DC Saiha ,Dr.Chawngkhum President Amfu Saiha District , KVK leh Media te chuan Pu Kailas chhetary Dairy Farm leh Govt,Vety farm an tlawh.He Farm tlawhna ah hian Pu Kailas chhetary chu DC in a kawm a, Pu Kailas sawi danin Bawngvuih a eizawng ka ni a, Bawngek atangin Bio Gas hi kan lo siam chhuah ve a hetiang a eirawng kan bawlna hi Kum 8 vel ani tawh tih a lo hrilh .Nitin eirawngbawlna chhungkaw khat mamawh zat chu Bawngek (hring Tin-2 leh in a daih tih iin a sawi . Bawngek kan hman sa hi thlai chhawm nan atha em em a,Ranvulh leh thlai chin hi aka tuina ani ati. Sawrkar tanpuina ka ngai hranpalo tih amah kawmtu DC leh Amfu te chu a lo hrih ani. Bawnghnute atangin thlatin Cheng 34,000 a lak luh reng thu asawi bawk. Miin Taimataka hna kan thawh chuan Sorkar tanpuina kan dil a ngai hran lova Sokar zawkin tanpui tlak hi a takin zawng se tih DC a lo hrilh ani.Saiha ah hian Bio Gas hi Govt Vety Department hian an siam chhuak bawk a Tuipang Vety Department in an siam chhuak bawk ani. Pu Kailas Chhetary an kawm zawh hian Govt Vety Department enkawltuDr Lalzarliana Saiha Farm an tlawh leh a a DR Zara chuan an Farm ah Layer tuilai 300 lai an nei mek thu leh Khawl hmang a Artui keutir nawn leh turin an lo in buatsaih mek thu alo hrih bawk a, Bio-Gas an siam chhuah dan pawh mipui hian a na chang hria se kan zirtir reng thei tiin Pu Kunal IAS DC chu alo hrih bawk ani. Saiha ah hian Eirawngbawlna Gas a vang em em a, Private ah chuan Burkhat Rs,900 lai a chiar thu dawn ani bawk.Pu Lalhmingmuana, Coordinator,KVK, Dr.Chawngkhuma, President,AMFU, K.Sawma,Vice pre.AMFU. H.Sabi,DDK. Pawhla,NSV leh Mapuia,HSV ten an tawiawm.

This entry was posted on Monday, August 9th, 2010 at 12:01 pm and is filed under Recent Posts. You can follow any responses to this entry through the RSS 2.0 feed. You can skip to the end and leave a response. Pinging is currently not allowed.