Thuthar lawrkhawm
Tun atanga kum 3 velah Tlangram Lo neih (Shifting cultivation) titawp theih kan in beisei.MADC a din atangin kumin Thlai chi sem tam ber kum a ni – I.P.Junior,EM
Saiha,July, 20 : Nimin khan kan palai chuan Pu I.P.Junior,EM,Agri,etc.MADC kawmna a nei a. Pu I.P.Junior,EM,Agriculture,MADC chuan “ Tun atanga kum velah Tlanglam Lo neih (Shifting Cultivation) titawp theih kan in beisei.hei hi khawvel leh India ram sawrkar laipui pawhin khawvel a ramngaw chereu nasa lutuk avanga Global Warming harsatna a tawh mek sutkianna atana hma a lak mek a ni a,Mara ramah pawh Tlangram lo neih hian kutmin ram ngaw a tichereu nasa hle tawh a,tihdan phung thlak a ngai tawh bawk a,sorkar hmalakna avangin Mara ramah pawh Tlangram Lo neiha eizawng an tam tawh lova, khawkhatah 25% vel chauh Lo neiha eizawng an ni tawh a,tun atanga kum 3 velah chuan hengte pawh titawp vek theih kan in beisei a ni”,a ti.
Pu I.P.Junior,EM chuan, MADC a din atanga thlai chi sem tam ber kum chu kumin hi a ni a, cheng nuai 9 zet sengin Thlai chi kan sem chhuak a,chung zingah Serthlum, Theihai,Kuva leh Lakhuih a tel a,hei hi kumina Agriculture a kan budget cheng nuai 30 Mizoram sorkarin min rawn belh a,a belhkhawmin cheng nuai 130.47 kan lo nei thei ta a,kan hmalakna kawngah min tanpui nasa a ni,a ti. Tribal Secretary advice-na hnuaiah Mango Platntation atan Rs.352 lakhs leh Minor -
Irrigation project cost Rs.41 crores DPR kan thehlut tawh a,Minor Irrigation hi leilet zawl awmna Niawhtlang Hmaihrem zawl,Phura zawl, sala zawl,etc ah hmalakna kalpui zel a ni ang,a ti.Mango platation atana thlante chu Kawlchaw, Maubawk, +Ch&Zero),Theiva,New saiakao,Lohry,Theiri, Lodawtla,Maisa leh Kaisih te an ni,tiin Polythene pipe, P-set,B-wire,etc te chu 3rd quarters ah sem theih a ni ang,tiin spot verification lak zel a nih tur thu erawh uar takin Pu I.P.Junior,EM chuan a sawi.
* Nimin khan pawisa lem thubuai chungchangah Ngunthawnga,sangau chu Saiha Jail-ah dah a ni a, Suichinpari,New Saiha erawh thlatin bail-ain a chhuak zel thei ang,tiin Laldinpuia,Magistrate Saiha chuan an chungthu a relsak.
* Vawiin hian MSO Gen.hqrs Saiha chuan thuthar lakhawmtute an kawm dawn a,sikul hotu pakhatin zirlai pakhat a sazu a suasam sak vel chungchanga an thinrim thu leh hma an lak chhunzawm zel dan tur an sawi tel bawk ang.
* I&PRO Saiha thar Beiratlua chuan tunkar hian thuthar lakhawmtute kawmna a nei ang.
July 20th, 2010 at 4:58 pm
Hotupa ber dam takin i rawn kir leh a,tha takin i website i rawn UP leh thei a,a lawm awm kan ti tlang vek in ka ring.
Pu Editor, Saiha a zirlai naupang sazu khaukhem chu a va zialove aw!! chutiang chu kan MSO chaktak hian nasa takin hmala vat teh se!!!
I&PRO thar pawh chu a pic nen lam rawn UP thei zel la, a chak awm a lawm.. Pu Editor.