Sunday, October 02, 2011: Thuthar Lawrkhawm
District Youth Convention
Nehruh Yuva Kendra,Saiha leh Youth Club tangkawp chuan 4th October 2011 dar 2 khian DC Conference Hall,Saiha-ah District Youth Convention an buatsaih dawn a,hetah hian Thalai Pawl (Youth Club) te hmasawnna atan nikuma an lo tih tawh angin Sport Material an sem nghal ang a,He programme Dr. K.Rakhu,President, MTP hqrs kaihhruai turah hian Pu C.L.Ruala,MP(LS) chu khuallian a ni ang a,Pu Kunal,IAS,DC saiha chu khualzahawm a ni ang.
He programme ah hian Rev.JR.Sanga,ECM Assembly Secy,Jr chuan hunserh a hmang ang a, Pi Mercy Sellate,Youth Co-ordinator,NYK,Lunglei & Saiha chuan Introductory speech a nei ang a, S.Siamkungi leh Tc.Lalremruati ten zaiin kalkhawmte an awi ang a, Dr. Chawngkhuma Chawngthu, President, YMA Saiha Group chuan lawmthu a sawi ang.
KHP Day hmang dawn
Naktuk Pathianni khian Mara ram pumah ECM-KHP Day ropui takin hman a ni dawn a, KHP ruai theh nghal a ni bawk ang.KHP member ten nilengin Pathian thu leh hla a inpawlhona te, Intihsiakna hrang hrang neiin pro gramme hlimawm tak an hmang dawn a ni.
UPC Ramthim khawmpui
UPC,NEI Ramthim khawmpui chu nizan atang khan UPC,NEI District Hqrs saiha Biak In, New Saiha-ah tanin hman mek zel a ni a, Arunachal leh state dang atang pawhin UPC Mission puipate an lokal a, zaithiam te pawh an lo kal nia hriat a ni.
Pu Khipo, zin report pe
Nimin khan Pu S.Khipo,CEM,MADC chuan MADC Officer te chu Meeting a neihpui a,hetah hian Thuneihna lian zawk leh Direct funding bawhzuia New Delhi a zin report a pe nghal a, he malsawmna thuah tam tak Pathianin Central sawrkar hmanga min pek hunah Officer te chu scheme/project leh tul dangte thawka ram tana malsawmna hnar ber tur an ni dawn avangin tun atanga an rilru lo inhma khawsuih turin a chah a,rinawmna leh taimakna nen Pathian tih chunga rawngbawlna hlenchhuak turin a chah nghal bawk.
MUP day
Vawiin hian khawvel hmun dang te rualin Saiha-a I&PR Hall,Council Vaih-ah MUP Day hman a ni dawn a, Mizoram Upa Pawl (MUP) hian Hlemhletna Do hna an chhunzawm mek zel bawk.
Kumin Moonlight Award
Pu Wellborn Manner Azyu,Vice Chairman, ML Board chuan kumin ML Award sem hun tur December chawlhkar khatna atan inpuahchah tan a ni tawh a, Pu John Beizachhi chuan ML Award Theme Song a phuah mek a ni,a ti bawk.
