Moon Light Saiha

New Saikao thlen hma-ah Maraland Travel Mini Bus current-in a man avangin mi 9 an thi.

Saiha,March, 26 : Nimin dar 1.30 pm khan New Saikao atanga Km 2 ah Maraland Travel Mini Bus 03-2294 chu electric hrui atanga current kal-in a man avangin mi 9 an thi! He Bus hi Pu Lianuk(Pa-uk) Mini Bus niin vawithum Phura lamna a service-na chiah a ni a, Bus hian Bel a phur tel a, Driver chuan electric hrui a hniam deuh nia hriain Handyman chu Mau hmanga electric hrui ti kang sang deuh turin a hrilh a,Handyman chuan Bus chung atangin Mau hmangin electric hrui chu a han khai sang deuh a,mahse a rit deuh vang leh a mau hman ah current kal chuan a paih thla a,tichuan electric hrui chu Bel-ah zu innghatin current a leak tan a,Bus chhunga chuang mi 24 te chu an buaiin an thlabar hle a,thenkhat tukverh atangin an zuang thla a,Driver pawh a zuang thla bawk a, Bus kawngka pui atanga chhuah tum apiang erawh current chuan a lo man nghet zel a,an thi nghal zel a ni,tiin a hmuna zu kalte hnen atanga thu dawn a ni. He vanduainaa thi te chu 1.JR.Lawsi – Lohry 2.V.L.Pawtha leh a nupui Sopo (Pala) 3.Zakaw – Pala, 4.Junior (Pala),5. Hneipaw – Bymari 6. Beichhitha – Bymari 7. Laichi leh a nupui Nono – Maisa). Pawtha leh Junior hi pafa an ni.Pitu an thi tel bawk.

He vanduaina thlenna hmuna zu kalte chu Pute FC.Zase,Chairman, IP.Junior,EM, MH.Tiabi,EM,L.Khaichyu,Vice chairman,PLG.K.Chhuabei,EM, HC.Lalmalsawma Zasai,MDC,M.Laikaw,MDC, H.Lalchhinga, H.Sabi,DDK leh midangte an ni. DC chuan mitthi chhungte Rs.10,000 theuh a pe a, MADC chuan Rs.10,000/- theuh pek an nih tur thu a puang bawk a, HC.L.Zasai leh H.Lalchhinga ten Rs.500 ve ve an pe bawk.DC aiawhin Pu V.Lalengmawia,SDO a kal bawk.MDC an kal vek a, MTP Hqrs hruaitute Head of dept thahnem tak an kal bawk. He vanduaina thlenna chhakah electric hrui vangin kangmei a chhuak bok.

He vanduaina chungchang an hriat veleh Pu S.Khipo,CEM,MADC leh Pu RT.Zachono, President,MDCC chuan pawi an tih thu leh mitthi chhungte an tawrhpui tak zet thu an sawi nghal a ni.Pu Thomas Zacharia,EE,Power Division Saiha leh a staff thenkhat pawh he vanduaina thlenna hmunah an zu kal a, Doctor rual te pawhin a hmuna post mortem leh tul dangte tifel nghal turin vanduaina hmunah an kal nghal bawk..NSV leh HS Vision an kal bawk.Ruang hi New Laty dahkhawm a ni a, a hmunah hian DC aiawhin Pu V.Lalengmawia, SDO(S)-in Rs.10000/- theuh mitthi chhungte a hlan a ni.

MTP Judge ruat

MTP Gen.Hqrs chuan Mara ram pum MTP Sport Meet-cum-Choir competition lo awm turah Hla intihsiakna bik atana endiktu (Judges) mi pathum a ruat a,chungte chu Pute S.Hrachu, C. Samau leh LC.Chasai te an ni.He MTP zaipawl (Choir) selection hi 29.3.2011 (6:30 pm) khian MTP Hall,New Colony-ah neih a ni ang,tiin Pu L.Beirangia, Secy i/c Art & Culture,MTP hqrs chuan ML a hrilh.

MPF hruaitu thar

MPF (Mizoram Public Fo rum)Saiha District hruai tu thar atan hengte hi thlan an ni. President – Rev.NC.Vabeilua Sr.Vice president – Rev.Ch. Chhama, Vice president – Macha T.Chatlua, Gen.Secy – Rev .Ramdin thara, Jt.Secy – Macha Dr.Chawngkhuma Chawngthu, Treasurer – Pi P.Chaki, Fin.Secy – Pi K.Pari

LIKBK Assembly

Lawngtlai Chanmari-ah Lairam Isua Krista Baptist Kohhran (LIKBK) Assembly neih mek a ni a, ECM Delegate a kalte chu Rev.P.Riabi leh macha K.Chhihrau an ni a,Delegate zaipawl a kal te chu ECM College Vaih Choir an ni.

ECM Pastor Posting & Transfer

ECM Pastoral Committee chuan Pastor leh Pro Pastor te Posting & Transfer a siam fel ta.Hetiang hian a siam ani.
Pastor/Pro Pastor Awmna Bial/Hmun
1.Rev.ST.Zawsi – Siaha Bia,Siaha Vaihpi
2. Rev.L.Chhieto – New Colony bial,N.Colony
3. Rev.MC.Zahluna – College Vaih Bia,College Vaih
4. Rev.Lychhua – New Siaha Bia,New Siaha
5. Rev.B.Beilua – Meisa Vaih Bia,Meisa Vaih
6. Rev.T.Salaw – Amobyu Bia,Amobyu, Tisi
bial a kawp ang.
7. Pro Pastor N.Beihrokhai, – Tisi bia
8. Rev.S.Beizawzi – Tipa bia,Tipa
9. Rev.RK..Chozah – Chakhei bia,Chakhei
10.Pro Pastor Henry C.Lalenkawla – Chakhei bia,Siata
11.Rev.S.Vabeihruasa – Chhaolo bia,Chhaolo
12.Rev.K.Beisa – Chapi bia,Chapi
13.Rev.S.Vabeikhokhei – Zyhno bia,Zyhno
14.Rev.Phosa Chozah – Lakia bia,Laki Lopu bial
a kawp/hmui ang
15.Pro Pastor M.Beipisa – Lopu bia,Lopu
16.Rev.Chhuakhu Khithie – tokalo bia,Tokalo Hmybu
bial a hmui tel ang.
17.Pro Pastor L.Beidavi – Hmybu bia,Hmybu
18.Rev.Jimmy FC.Sachai – Phura bia,Phura Vahia
a kawp ang.
19.Pro Pastor N.Beihrosia – Vahia bia,Vahia
20.Rev.C.Beizaw – Pala bia,Pala Laty bial
a kawp ang.
21.Pro Pastor S.Beihruasa – Laty bia,Saikao
22.Rev.K.P.Azyu – Amotlah bia,Amotlah
23. Rev.P.Riabi – Aizawl bia, Aizawl
24.Rev.JR.Sanga – Saikao Admn Secy,Saikao
25.Rev.Pheitha Lava – Shillong ah a awm ang.
26.Rev.FC.Beicho – Chaplain(MBH School
Hospital.

SDDVC Meeting

Nimin khan MJA Press Club,Saiha ah Saiha District Development Vigilance Committee hruai tute chuan Meeting neiin hmalak zel dan tur an sawiho a,karleh nilaini atangin Phura leh a chhehvel a BRGF,etc hnathawh a hmunah an enfiah nise tih leh thu pawimawh dangte an rel a ni.

ECM-MEC Meetin
g
Nimin khan ECM-MEC puipate chu ECM Hqrs Office-ah Meeting neiin an hmalakma leh an thawhhona chhunzawm zel dan tur an sawiho a, tlai lamah ruai an kilho bawk.

MDCC-in tuarpui hle : Mara District Congress Committee chuan New Latawh thlen hmaa Maraland Traval Minis Bus current-in a man vanga nunna chan ta chhungte kan tawrhpui tak zet a,hetianga vanduaina rapthlak lo thleng ta mai hi MDCC chuan pawi a ti tak zet a, nunna chan ta chhungte zawng zawng thinlung tak kan tawrhpui tak zet a ni.Pathian-in van Thlamuanna pe rawh se tih hi kan tawngtaina a ni- Sd/-L.Molua,GS,MDCC

Cricket World Cup Quarter Final-ah India chuan Australia a hneh ta

Australia Cricket World cup team meuh chu India hian a hneh thei tak tak ang em tia India mipuite leh khawvel ram hrang hrang a Cricket lovers ten an ngaihtuah ngei ang le.Mahse India chuan 5 wicket leh ball spare 14 neiin World Cup Cricket atangin champion tura rinkai ber Australia an knock out ta tlat mai le. Austrialia chuan mi 6 out-in run 260 an siam a,he run lehpel turin India chuan striking rate an rawn siam tha chho nghal a, Sehwag leh Sachin Tendulkar khan boruak an rawn ngam chho riau mai a,kha khan an team-mate te rilru ah huaisenna a pe a ni,tiin hranghlui Navot Singh Sidhu chuan a sawi nghe nghe.India mipui lawmin an zuang nasa hle.Ni e,Aussie hneh hi champion tluk ani.
Champion turin India hi a fimkhur chho zel a tul hle.

Maraland Idol Eden T.Azyu Fine Tune-ah hla record

Pu Wellborn Manner Azyu leh Pu J.Jeffrey Khara chuan Maraland Idol Eden T.Azyu chu an lo tiam tawh angin a Music Video atan a hman tur Hla Fine Tune Digital Recording Studio-ah zan hmasa atang khan hla an record sak tan ta. New Colony nula Edden T.Azyu,Maraland idol hian eng hla pawh a sang emaw a hniam emaw a tlin vek zel mai a, tin, country a ni emaw Rock,etc pawh a sa thei vek bawk a,chuvangin Mizoram a idol thlan tawh zawnga talent nei tha ber niin ML chuan a hre tlat a ni. Maraland Idol Eden T.Azyu hi mi hlim thei tak a ni a, nula inngaitlawm leh entawn tlak a ni a,zuk leh hmuam a ti miah lo va, milian a ngaisang hran lova, mirethei a hmusit hek lo, mi dik leh fel,Pathian tih mi erawh a ngaisang a ni. Vacancy a awm e,mahse ruihtheih thil bakah zuk leh hmuam an fihlim phawt atul a,Pathian tih mi an ni ngai bawk a, Mara tlangval ngei nise a duh bawk a,lehkha a zir hun chhung zong nghah a ngai.

This entry was posted on Sunday, March 27th, 2011 at 6:07 pm and is filed under Recent Posts. You can follow any responses to this entry through the RSS 2.0 feed. You can skip to the end and leave a response. Pinging is currently not allowed.