Moon Light Saiha

Kneeling Ministry atangin ka in dang rih lovang – Tirhkoh Remruata

ECM-KTP week denchhena Gilgal a Crusade chhunzawm mekah chuan Speaker cum Gospel singer Lalremruata chuan ML Thalai huang zawhna chhangin, Vanlalsailova chu reilote kan Ministry ah a awm a,mahse a chhuak thuai a, tunah hian group hran siamin amah chu Speaker niin rawng a bawl mek a,mahse kei zawng Evan.Ngurthantluanga kaihhruaina hnuai atanga in dang tur leh group hran siam turin tling tawk ka in ti rih lova, Pathian min hruaina hi ka ngai pawimawh ber a,heti chung hian Pathian malsawmna ka dawng nasa em em a, sawmna ka hmu ve reng a, programme hi Pathianin min pe tam hle a,hei hi ka duhtawk hrih a ni, kum 38 ah ka piangthar a, Lalpa rawng bawl hun hi ka nei tlem a ka hriat avangin Pathian ai pawhin ka hmanhmawh zawk a,Pathianin kei zu in vanga thi mai tur, Thlarau boral mai tur, Mawngtam ti pawh nei tawh lo, MNF party Gen.Hqrs a Joint Secretary ni thin kha min chhanchhuak a,tunah chuan khawvel political party ah awm tawh lovin Van party-ah ka lo awm ta a ni,a ti.

Tirhkoh Lalremruata, Kneeling Ministry Dy.Speaker) chuan Mizoram ah hian Pathian tana inpe tak tak mi, thuhriltu thalai Lalpan a nei tlem hle a,keini Senior lam hi Pathian ram zauhna turin kan au kan au ta mai hi a lo ni a,keini hi kan ngawih leh-zel anih chuan lungte tal a au chhuak mai ang,khawvel tawp hun a hnai tak zet a, Isua hi kawngka bulah a ding mek a ni,chuvangin hmelma pa Diabola leh a thuihruaitute tawpna ni tur a hnai ta a, Diabola hi thih thlenga hrem tho tur anih avangin a hmanhmawh hle a,ram lak zau ve a duh a,mahse ringtute tan a hlauhawm lova, min hneh thei dawn lo, a chhan chu Lei leh Vana Lalber Engkimtitheia chuan a fapa Isua Krista thisen-a min chhianchhiah tawh avangin hmelma pa chu kan hneh theih a ni,a ti.Gospel concert type a ni a,an lam nasa hlawm hle.Lalpa Bel ruat ani.

A thlawn mai maw tih hla kha Mizorama hla hit ber pawl a tling phak a,khatih laia a kawr hak kha zaithiam dang zawng zawng zinga a danglamna chu Baseball player te kawr kha zu ha reng a! Guitar perksaktu kha Mizoram a lead guitarist tha ber Maitawka kha a ni leh nghal.Kum 2006 ah piangtharin “Amen Silfai Ka ni tih hla” chu a hit ber pawl a loni a,Lelte Award a dawn phahna a ni.Tunah hian CD tlem a rawn hawn a,a zo rang hle a, a dang a chah leh mek a ni.

Nula Saizikpuii chuan vawikhat inkhawmah hla 2 a zai tlangpui a, Pu Sapmawia,Counsellor chuan Fellowship ah thuchah a sawi tha thei hle. Pu Dailova, Counsellor hi chu mi thenkhat chuan ZNP President Pu Lalduhoma a lokal em ni tiin kan palai an zawt a,Champhai district a Best conductor a ni bakah IR kohhran hotu lu ber Co-ordinator a ni tel bawk,tiin kan palai chuan a hrilh hlawm a nih kha. Best conductor mai pawh ni lovin a aw hi a thum mawi hranpa ve hrim hrim a, rawngbawlnaa thahnem ngai mi a ni.Heng mi 4 kan tarlan tak te hi Pathian rawngbawlnaa mi inpe zo ber ber te zinga mi an ni bawk.

ECM Gilgal a Crusade chhunzawm mek zelah chuan Tirhkoh Lalremruata,Gospel singer sermon a ropui hle a,Pathianin a hmang nasa hle a ni. Tirhkoh Lalremruata chuan, he khawvelah hian hlimna leh lawmna ka zawng nasa hle a, ka ti tawh lamah ka hlawhtling niin ka hre na a,mahse lawmna leh thlamuanna ka hmu lova, ka kalkawng hluiah khan ka fate kal tum tase khatih lai ah ngei pawh khan ka dang kir nghal ang, Sum leh pai ah ka kal ve a,ka sum lakluh pawh chu a tam ve reng a,mahse Ipte mawng pawp ang chiah a ni a,ka dinhmun chu zu leh sa,etc avangin a tla chhe nasa hle a, ka nupui pawh a beidawng hman hial a,kum 17 zet chutiang chuan hun ka hmang a ni, MNF hruaitute zuiin “Athlawn mai maw” tih hla kha ka zai nasa thei hle a, MNF party ah khan ka tui a,ka Pa erawh Congress a ni tlat thung; Inti pa ve tawk tak ka ni a, Motor te kha speed sang ber (Ramhuai Speed) in ka tlan a,ka accident a,ka ril hmun 3 ah a lo pawp/chat a,tah chuan Chatuan hmawr ko ah ka zu dak zawk a,ka kalkawng tur chu a thim nasa mai si a, tah chuan Lalpa min chhandam rawh,tiin ka au hman a,Pathian chuan min khawngaih a, a mi hman mihringten Damdawi Inah min dah a,kha kha min hmu har deuh sela chuan ka thih hman ngei ka ring,mahse Pathianin min chhanchhuak ta a,tichuan Pathian chu ka vuan tlat a, a khawngaihna a zarah hlimna leh lawmna thlamuanna ka lo nei ve ta a,ka dam chhungin he Chanchin Tha hi vahvai pui ka tum ve ta a ni,a ti.

Pu Lalremruata’n Pulpit hmaa Pathian ropui nana Fak hla a hlan lai chuan, Gospel Rock a rawn tilar nghal a, a han ding chiah hi Elvis Presley ang mai khan Music a control nghal a,dik lo hlek a hre thei a,amah in hma a la nghal chat bawk.Keyboard pawh a tum thiam a,a chang chuan amah meuh rawn tho chhuakin Keyboardist hna a rawn thawk mai thin a ni.Ti chuan Gospel Rock nen hmel hlim takin a bei nghal a, hmelma Pa hnehna hla a rawn chham rualin Van rama a lallukhum tur hmu pha zuai zuai vanga hmel hlim taka zaia lam nghal ni berin a nunah a rawn lanchhuahtir a ni. A pianthar leh Pathiana a lawmna hi a sang zual bik a, a lawm thiam bik riau niin a lang. A thut lai te, a din lai te, a kal lai pawhin Van ram thil ngaihtuah chungin lawm takin he khawvel hun hi a hmang a, Isua nen an leng dun reng a ni ang e, a hlim reng a, Vanram thlen a nghakhlelh biak riau tih a hriat hle.

Tirhkoh Remruata chuan, Chhungkaw Pa ber chu nupui fanaute thlamuantu tur a ni a,Chhungkaw Pa ber leh Isua nun a inzawm phawt chuan nupui fanaute thlamuanna a rawn keng tel a,Pathian tih mi ngei Chhungkaw Pa chu “Pa” a tling a ni, Pa berin Pathian a a ngaihsak lo chuan,chhungkaw nun a puitling thei lo,chhiatna in a hmuak reng a ni,a ti.

Tirhkoh Remruata chuan, he khawvela hausakna te hi Pathian amah ringtute tana min dahsak a ni zawk a,Pathian ngaihsak lote chu hausa thin mahse an nunna chawpin reilote ah boralna ramah an lut mai a, a tlo ngai lo, Isua neih hi engkim neihna a ni zawk a,chatuan nunna a ni bawk si,a va hlu em! a ti. Pathian vuan tlata piangthar te chu he Lei ah ngei pawh hian chawimawiin an awm ang tih Bible-ah ngei kan hmu,kei ngei pawh ka ni a,Pathian in In tha tak pawh min pe a,ka mamawh apiang min pe a,ka tan kawng ngil takin min buatsaih sak zel mai a ni,Pathian a innghat pumhlum chu a va tha-in a vathlamuanthlak tak em!, Unau ka kawng zawh hi a dik a, min rawn zui rawh, Pathian rawngbawl duh lotute erawh chu an boral dawn si a.A ni l leh, Boralna nge i thlan dawn Chatuan Nunna, i thlang thei e,tiin a sermon.Saizikpui,Pu Dailova,Pu Sapmawia te hian Fellowship ah Pathian thuchah an sawi thin a,an sawi tha thei hle.Saizikpuii hi ICI Choir a Routmawi te nena lo awm ho te an ni a,tunah hian Legal Metrology dept,Aizawlah LDC hna chelh lai a ni a, A hlasak hi Pathianin a hmang hle a ni.

ECM – KTP New Colony Branch chuan thisen an pe
.
Saiha June,6: Evangelical Church of Maraland (ECM) KTP(Krizypa Thyutlia Py) New Colony Branch te chuan kumin 2011 Kaisih khua a khawmpui rorel resolution an pass bawh zuiin week & Day denchhen in New Colony Sunday Sikul Hall -ah thisen an pe.

New Colony Local church Sunday Sikul Hall ah hian Dr.Lalhmachhuana Hmar M.O saiha leh Staff te chuan, KTP member te an tam tham deuh avangin a awmna hmunah an kal chilh a, thisen hi an lak sak ta a ni.New Colony KTP Branch te hi Members 351 lai an awm a, thisen pe tura present hi mi-70 chuang an ni a,chu zinga chuan mi-35 in an pe a ni. Mi pa- 24 leh Hmeichhia Mi- 11 an ni . Hetiang hian Local Church hrang hrang a KTP te chuan Sport leh in tih hlimna ni ah hun an hmanga Local Church thenkhat ah chuan Biakin leh achheh vel thennfai hnatlang an thawk bawk. Local Church thenkhat ah chuan an day –Vawi-59 na hi Speaker neiin Crusade type in hun hman an tum bawk.ECM-KTP Week hman mekah hian Branch hrang hrangte chuan Pathian thu leh hla a inpawlhona an nei bakah Sport an nei bawk a, Group hrang hranga inthenin Outdoor Games leh Indoor Games an nei a, a hlawk thei ang berin hun an hmang a ni.

Hnamtlem zawk te tan

National Commission for Minorities Vice Chairman, Pu HT Sangliana chuan Lawngtlai DC Office Conference Hall-ah Mizoram a hnam tlem zawk aiawhte a kawm. He inkawmna Lawngtlai Bawrhsap, Pu Thlamuana kaihhruaia neihah hian Lai, Chakma leh Mara Autonomous District Council hotute bakah Saiha Bawrhsap Pu Kunal-a pawh a tel a, Mara, Lai leh Chakma Autonomous District Council hotute chuan Delhi leh Aizawl a hnam tlem zawk zirlaite awmna atan Hostel sak tul an tih thu te, Technical Line hrang hrang doctor, engineer leh a danga kal duhte tan a hranpa a hnam tlem zawk tana seat hauhsak an duh thu te Vice Chairman chu an hrilh a, 6th Schedule a Pawih tih Lai ti a thlak a nih tak thu leh Lakher tih Mara ti a thlak a nih hnu ah Ram Danpui (Constitution) 1950 a Pawih ti leh Lakher tia ziak la awm chu thlak dan ngaihtuah turin Pu HT Sangliana chu an ngen bawk a ni,tiin Pu S.Khipo,CEM, MADC chuan a sawi.

ZTOA Week hmang

Zoram Taxi Owners Association (ZTOA) District Hqrs Saiha chuan Week an hmang dawn a, tukin zing dar 6:30 hian Meisatla Sobji Bazar ah a hawnna programmr an hmang dawn a, 10.6.2011 (6:30 am) khian New Saiha Vety Kawnah a kharna programme an hmang dawn a ni.

RO Office hawn a ni ta

Dt.3.6.2011 khan MADC hnuaia Revenue Officer Office Building PWD MADC te an enkawl 48 x 24 Rs.9,20,000/- senga Vahai khua sak thar chu Pu FC.Zase Chairman MADC in ropui takin a hawng.Pu FC.Zase Chairman MADC leh a mah tawiawmtute hian nimin zing khan Saiha chhuahsanin Vahai lam hi an pan a, Tuipang ah Zing chaw an ei a, hemi hnu hian Tuipang chhauhsanin Vahai hi an pan leh nghal a, Vahai khawtlang mipuite chuan Welcome Gate te lo siamin Pu FC.Zase khuallian leh amah tawiawmtute hi Parthi nen ropui takin an lo hmuak a, RO Office Building sak thar chu Ribbon chep chatin a hawng zui nghal a ni. Pu Beima Khaimicho chu RO a thu tura tih a nih angin thuttir nghal a ni bawk. Hemi hnu hian BRGF sum hmanga Vaihai Community Hall sak thar chu Pu K.Beisa EM(RD) MADC chuan ribbon chep chatin a hawng zui veleh nghal a, inkhawmna buatsaih zui niin Pu TA.Chhohu, Executive Secretary chuan a kaihruai a, Pu FC.Zase Chairman MADC chuan thusawina neiin Mara ramah hian Pathian malsawmna nasa tak kan dawng chho mek zel a, vawiin a RO Office Vahai a hawng thei a kan awmte a lawmawm ka ti hle a, MADC a sawrkarna kan lo chelh a chin ah hian pathian hian tling lo hle mah ila hna nasa takin keini kaltlang hian a thawk a, a hretute chu nangni mipuite hi in ni a ti a, Central sawrkar leh Mizoram sawrkar te an tha em em a, rawtna leh kan mamawh kan thlen a piangte min tihhlawhtlin sak thin avangin tuna Direct Funding kan beih mek pawh hi a hlawhtlinna hmel kan hmu hnai tawh niin a lang, he District Council thuneihna lian zawk kan hmuh hunah chuan nangni vahai hi a chhawr tangkai tu ber in ni thei dawn a ni tiin, vawiin a RO Office kan hawn hi MADC chuan a tihtur a titawh a ngai a, a hman tangkai leh chhawr thiam dan chu in kutah a awm ve thung tawh a ni a ti. Pu FC Zase hian Kum Upa la dam te hnenah lawmman hlanna a nei bawk. Hemi hnu hian Pu K.Beisa EM(RD) pawhin thusawiin kan ramah hian MADC hnuaiah RO Office 3 hawn a ta a, Saiha, Tuipang leh Vahai-ah te, hei hi hmasawnna chu a ni ngei a ni tiin, RO Office hi Phura ah hawn nise tiin rawtna a awm a, amah erawh chu Executive Committee chuan Vahai a dah nise tiin thu tlukna an siam ta a ni a ti a, vahai khaw mipuite chu Bialtu chak leh fel tak in nei a, hmasawnna pawh nangmahni ah chak takin a kal a ni a ti ve bawk.
Pu K.Hrahmo, EM(Edn) MADC leh Pu K.Chhuabei,EM (Forest) bialtu MDC nibawkte pawhin short Speech neiin Introduction an pe bawk. Tin, Pu Thatlua, Ex-MDC, Gen. Secy. MNF Dist.Hqrs. pawhin he hun hi hmanpuiin thusawi tawi a nei ve bawk. Pu FC.zase leh Pu K.Beisa tawiawmtute chu:
1. Pu K.Hrahmo, EM (Edn) 2. Pu.K.Chhuabei, EM (Forest) 3. Pu TA.Chhohu, Executive Secretary.4. Pu K.Vanlalliana, P & DO 5.Pu K.Chhihrau, DAO
6. Pu K. Ngo u, AEO 7. Pu Thatlua, G/S MNF 8. Pu S.Vabeihasa I & PO 9. Pu T.Vanlaltlana, DHO 10. Pu Pasa T.Azyu, Horti. Accountant 11. Pu H.Solo, Cong. Block Saiha President 12. Tuipang Sub-Hqrs. MADC hotu thenkhatte, Media thenkhatte leh Zaithiam thenkhatten an tawiawm

Saiha MNF thuchhuah

Saiha district MNF chuan, India danpuia Sixth Schedule-in Autonomous District Council-te thuneihna a pek chu Mizorama Congress party kaihhruai sorkarin a pawngsual thu leh, Mizoram sorkarin District Council ráwn leh an thuneihna hnehchhuhin Saiha district-a Chhimtuipui khuah a tum niin an tarlang a; “Mizo rama Congress sorkarah minority-te kan him ta lo,” tiin an tarlang.Saiha MNF chuan, Constitution Conduct of Business (CCB) Rules tihdanglam (Amendment) turin sorkar laipui atangin barhluih an tâwk a, political party zawng zawngin an duh lo tih an sawi hnuah, District Council-a Congress hruaitute chu an hotute’n Aizawlah kokhawmin, Constitution Amendment hi an duh lo chung tih luihtir ngei an tum niin an tarlang.
Mizoram Public Service Commission (MPSC) Chairman hna a ruahin, member ni lai zinga senior ber Chairman-ah dah an ni thin tih tarlangin, Saiha MNF chuan, Chairman-ah MPSC-a member senior ber, H Siku, MCS dah lo a, mi dang an dah daih chu hnam tênau zawkte Congress sorkara an him lohzia leh engahmah an ngaih lohzia tichiangtu a nih thu an sawi.

Saiha district MNF chuan, Mizo­rama Congress sorkar chu District Council-te direct finance sihhmuh a, a tak a thlen dawna tihkhawtlaisak leh si-ah an puh a; Mara ram chhunga contract leh hna awmte pawh Aizawl lam mi a tam zawk an ni zel nia sawiin, “Tun hnaia RMSA-a zirtirtu pawh hmar lam mi appoint deuh vek an ni. Mahse, thla khat pawh ral hman loin Aizawl lamah transfer an ni leh vek tawh,” tiin an tarlang.

ZTOA Week hmang

Zoram Taxi Owners Association (ZTOA) District Hqrs Saiha chuan Week an hmang mek a, nimin khan Meisatla Sobji Bazar ah a hawnna pro gramme an hmang a,Pu V.Lalengmawia,SDO(S)/DTO chuan thu sawiin, District hmel lanna hmasa ber chu Taxi Driver te an ni a,hawihawm tak leh thianghlim taka mipui rawngbawltu in nihna hrechunga motor khalh a tul thu a sawi.

ECM Executive Meeting

Dt.8.6.2011 khian ECM Executive Meeting neih a ni dawn a, hmalak zel dan tur an sawiho dawn a ni.Macha Vabeiha Hlychho,Director,Tourism, Mizoram pawh ECM Executive meeting a tel turin a lokal mek a ni.

Hna diltu tam

Tech.Asst. leh VLAA hna diltu an tam hle a,written exam chu 18.6.2011 a sawnhlat a nih thu Pu N.Chakhai,PD,DRDA chuan ML a hrilh.Chutiang bawkin Accounts & Treasuries hnuaia ADA contract hna 5 leh ATA 2 diltu Graduate an tam hle nia hriat a ni bawk.

KTP Week hmang mek

ECM-KTP Week hman mek zel a ni a, Branch hrang hrang te chuan inelna neiin group engemawzat an insiam a, Branch thenkhat chuan ruai an theh a ni. KTP te hian Dt.10.6.2011 khian KTP Day an hmang dawn bawk.

Nula Ellen Hlychho Speaker a ni

ECM-KTP Week denchhenin Bethany KTP chuan an speaker atana an sawm Nula Ellen Hlychho,ECM-KTP Secretary. Nula Ellen Hlychho chuan Thalaite sex leh drugs,etc ah kan inhnamhnawih tur a ni lo tih thupui hmangin sermon a thlak a, thalaiten an hlawkpui hle nia hriat a ni.

Crusade chhunzawm mek

ECM-Gilgal-ah Crusade chhunzawm mek zel a, Zaithiam Lalremruata,Dy.Speaker,Kneeling Ministry rawngbawlna chu Pathianin a hmang hle a, Saizikpuii nen thu leh hlain rawng an bawl a ni. Speaker chuan “ Tih tak zeta Pa chibai buk hun a thleng ta” Tih tak zeta chibai buktute hnenah Pathian a inpuang zel dawn a ni,tiin Tih tak zeta Pathian chibai buk turin mipuite a chah a ni.

Mara fate kan inhmuhniam tur a ni lo -CEM

Pala zawl leh Phura zawl leilet siam theih tur zawng zawng te hi Central sawrkarin min rawn ngai pawimawh
se,keini Mara rama cheng te pawh hian he kan ram leilung hausakna hi haichhuak turin theihtawp kan chhuah tur a ni,tiin kan ram leilung hausakna haichhuah kawngah hun engemaw chen hai chhuak lovin kan awm a, Bawng leh Lawi hmanga Phura leh a chhehvela leilet tihpuitling tur chuan thil harsa tak a ni a,Central tanpuina kan mamawh a,tin, Mizoram sorkar pawh hian Power Tiller a tam thei ang berin min supply se, subsidy-in min pe se,tui lakna kawng tha tak min siamsak bawk se, Mizoram eisen lo khawp kan thar ngei ka beisei a ni,tiin kan palai zawhna a chhang.

NLUP Trade thlan chungchangah a thlang tute thlan diklohna a tam hle a,hei hi line dept hian an dinhmun enfiaha sorkar hmalakna NLUP hi tihhlawhtling ngei turin tan la tlang se tul a tih thu a sawi a ni. CEM chuan, Mara ram hi Border area kan nih avangin International Sea rout Border Trade Multi-Model Kolodyne Project pawh a hlawhtlin hunah chuan Mara ram hi nasa takin malsawmna kan dawng lehzual dawn niin a sawi a.Kan ram a lehkhathiam tam takte hna an hmuh phahna turin tun atanga rilru kan sen a ngai a ni,Mara fate hi Pathian malsawmna kan dawng nasa a, inhmuhniam tur kan ni lo, mi te tih theih hi kan ti ve thei a ni tih hriaa inrintawkna nena hma lam kan pan zel a tul a,chu chu zirlai te pawhin an hriat chian a pawimawh a ni,a ti.

A sawi zelnaah Pu S.Khipo chuan,NGO te pawhin politics chungchangah hian ram tana thiltha tihna kawngah chuan kan inthlawp thiam a pawimawh hle a, party leh party kan in ep hian rah tha aiin ram hmasawn lohna a thlen zawk thei a, chuvangin eptu lam party pawhin kan ram leh mipuite hmasawnna tur kawngah leh ram tana thil tha tihna kawngah chuan kan inthlawp thiama kan inpuihbawm hi ram hmasawnna a ni zawk tih hi an hriat chian ve ka duh tak zet a ni,a ti.

Pu Kunal,IAS,DC chuan Saiha dist. hmasawnna a ngai pawimawh hle

Nimin khan kan palai chuan DC a kawm a. Pu Kunal,DC Saiha chuan, Central Development District tana development hrang hrang an rawn duan hi chak takin hmalak mek a ni a, amaherawhchu Communication (Road) a that tawk loh vang te, BSNL Mobile leh Broadband that tawk loh thu te,Power supply that tawk loh vang te hian sorkar hmalakna a tithuanawp nasa hle a ni,tiin a ngaimawh thu a sawi.Hei hi chak taka bawhzui mek a ni a, Civil Hospital a ngaimawh thu leh Tui hnianghnar taka kan hmuh theihna turin hma lak mek a nih thu te a sawi a, a theihna zawng zawng nen Saiha District tan inpumpeka hmalak a tum thu a sawi bawk.NLUP dawngtute hian an trade tihhlawh tling ngei tura tan la theuh se a duh thu a sawi bawk.

SSA office an rawk

SSA hnuaia sikul hrang hrang 20 ah Toshiba monitor an sem (Tv, Com puter Monitor 40inches) bo chung changa kan palai zawhna chhangin Pu TT.Kholaw, DDPC,SSA Saiha chuan, Inrinni zan a thil thleng niin a sawi a, kawngka pui hi an karchhia a,heta tang hian an lut a,staff room ah an lut bawk a, pawisa erawh a awm loh avangin lak tur an nei lova, DPC room ah an lut leh a,Monitor 40 inches Toshiba leh Mouse an la a,tin, DPC room ah pawisa dahna (save) chu karchhia-in plyer leh screw driver nen nasa takin an bei a, mahse an karchhiat theiloh avangin a him a ni,pawisa dah a ni chuang lo bawk,a ti. Kum 2008 ah pawh khan Computer set a bo tawh a, FIR pawh thehluh a ni a,tun thleng hmuh a la ni lo,a ti. A sawi zelnaah chuan, an staff kalphung leh chetdan vel lo hrechiang tawhtu a nih a rin thu a sawi a,hei hi police lamah FIR an thehlut nghal a ni tih a sawi bawk.Computer,TV hi thingtlang lama zirtirna atana pek tura tih a ni a, power supply awm that lohna khua te tana an ruahman tawh an kawl mek a ni tih a sawi bawk.

MZP Headquarters Kolasib Press Release Dt 6th June, 2011

Mizoram hmasawnna tura hnathawka, kawng siamtu (Bairabi Road, Meidum
Camp)-a ABCI Company hnuaia hnathawk Project Manager leh Site
Incharge-te chu Dt. 5. 6. 2011 zan dar 2:00 AM khan Tuikuk Hel nia
hriatten an Sum duh vangin an ru bo a, MZP leh NGO, Sawrkarten Tuikuk
raltlan te kan buaipui lai mek a, hetianga kan ram hmasawnna tura
hnathawktute chunga harsatna an siam hi MZP Hqrs. Kolasib chuan
Mizoram mipuite zah lohnaah kan ngai a, kan dem tak zet a ni. Hmanni
lawka Tuikuk hel an man Bairabi Jail atanga an tlanchhuah hnulawka,
kan ram chhunga Tuikuk-ten buaina an siam ngam hi kan Sawrkar hian
ngawihbo pui mai lova, venhimna kawnga kan Police-te hei aia thuam tha
turin leh a rang thei ang bera thil tisualtute man chhuak turin MZP
Hqrs. Kolasib chuan a phut tlat a ni.

Issued by : MZP HEADQUARTERS : KOLASIB.

Dr.S.Hrachu Doctorate Degree lawmsak a ni

Saiha,May,31 : Macha S.Hrachu chu Macha, Doctor S.Hrachu tia address tawh tur a ni. International Institute of Church Management Inc, Florida,USA (With in Asian Division: IICM US Bible College in Chennai,India chuan Macha S.Hrachu hnenah Doctor of Literature a rawn pe ta. Chhimtuipui Academic of Letter(CAL hruaitute chuan an president Dr.Chawngkhuma Chawngthu hovin nimin zing dar 7 khan Thingpui Ruai-in an thawhpui Dr.S.Hrachu hlawhtlinna ropui tak chu an lawmsak nghal a ni.Dr.Chawngkhuma chuan Dr.S.Hrachu taimakna leh rinawmna te, thuziak leh hlaphuah lama ram tana thahnem a ngaihna te hi entawntlak a ni a, Pathianin mal a sawm chhunzawm zel a,tunah chuan Doctorate degree hial pek a ni ta a, a phu hliah hliah a, CAL hian min tihmingthatu a ni,tiin an lawmzia a sawi a ni.

Dr.S.Hrachu chuan lawmthu sawiin, CAL leh MAL hi amah chhawmdawltu leh fuihtu tha tak an ni a,ka tan Pathian hmanrua an ni a,hma min laksak nasa em em a, an chungah ka lawm tak zet a ni,a ti.Kum 2003 khan Moonlight Lifetime Achievement Award ka dawng a,chuta tang chuan chawimawina hrang hrang ka lo dawng chhunzawm zel a, tunah hian Doctorate Degree ka lo dawng ta a,hei hi ka tan chuan a tawpna tur a ni tawh ka ring,Pathian malsawmna vek a nih avangin Pathian leh a hmanrua zawng zawngte hnenah lawmthu ka sawi tak zet a ni,a ti.

Macha V.L.Chhawna,Adviser,CAL chuan Dr.S.Hrachu lawmpuina atan Lehkhabu “Hun Hnuhnung” tih Pu Biaksiama ziah chu a present a, Sweet fun a rawn kensak tel bawk. Macha V.L.Chhawna chuan Dr.S.Hrachu hlawhtlinna hi neitu nihna hria a taimakna leh rinawmna nena thilti mi a nih vang a ni,entawntlak a ni,tiin Pathian hnenah lawmthu sawi Tawngtaina a nei a ni.

Concrete Building rel mek chim thut!!

Dt.29.5.2011 tlai Dar 5:30Pm khan, College veng Saiha a Pu N.Pachhunga Sr.R.O MADC Building sak mek(Rel mek) chhawng-3 chu vawi leh khatah a chhak lam kopang leimin in a hnawl avangin RCC chawpin Building rel mek chu a chim a, BRTF (Pineer) Road kawngpui a hnawh ping vek.

He Building sak mek (Building rel mek)hi a neitu Pu Pachhunga Sr.R.O MADC chuan ML zawhna chhangin Building rel mek hi a sei zawng Feet-60X16 a ni a,chhawng-3 tura ruahman a ni a ti a.Apex Bank atang a Loan 19 lac kan lo puk ve a, kan sak ani a Slab hi kan la chhung chiah lo a ni, a ti.

kan sak atangin thla hnih awr chauh a ni a ti a, hetianga a lo chhim ta thut mai hi hriat thiam ahar hle a ni, a ti bawk.He Building chim hian abul a awm ,Laila Hall college veng Building pawh hauhthawn din hmunah ading mek a ni.Mihring kalna tur kawng pawh awm lo khawpin Compound chu a min thla vek ve a, Hall tan pawh ngaihtuah awm tak a ni bawk.

he chhiatna tlen hriat anih ve leh ahmun a tlawh tu Pu K.Hrahmo EM,Aducation, Pu MH.Tiabi E.M.MADC Pu F.C.Zase. Chairman MADC te chuan VC leh tlawmngaite Thingpui lumnan Cheng Rs,5000/- an hlan a, he bak ah hian,Pu Kunal IAS DC Saiha pawhin Kawngpui then fainan leh Motor kal tlang theih tura hnatlang thawk thingpui senso atan tiin Cheng 1500/-khawtlang hnenah a hlan.

Congreat Building rel mek chim thut

Saiha May 30,2011 Nizan tlai thim dawn Dar 5:30Pm khan, College veng Saiha a Pu N.Pachhunga Sr.R.O MADC
Building sak mek(Rel mek) chhawng-3 chu Vawileh khatah achak lam kopang leimin in ahnawl avangin
RCC chawpin Building rel mek chu a chhim a BRTF Road kawngpui ahnawh ping vek.

He Congreet Building sak mek (Building rel mek)hi a neitu Pu Pachhunga Sr.R.O MADC Sawidanin
Building rel mek hi asei zawng Feet-60X16 a ni a,chhawng-3 tura ruahman a ni ati a.Apex Bank atangin Laon
19 lac ka lo puk ve a, Slab hi kan la chhung rih loh a ni a ti.

kan sak atangin thla hnih awr chauh a ni a ti a hetianga a lo chhim ta thut mai hi hriat thiam ahar hi.le
a ni a ti bawk.He Building chhim hian,Laila Hall college veng Building pawh Mihring kalna tur kawng pawh awm
lo khawpin a min thla vek a, Hall tan pawh ngaihtuah awm tak a ni bawk.

he chhiatna atlenna hmun an tlawh ngha hian Pu K.Hrahmo EM,Aducation Pu MH.Tiabi E.M.MADC Pu F.C.Zase. Chairman MADC te chuan a hmunah thlawh nghalin VC leh tlawmngaite Thingpui lumnan Cheng Rs,5000/-an hlan a, he bak ah hian,Pu Kunal IAS DC Saiha pawhin Kawngpui thenfainan leh Motor kal tlang theihna turin hnatlang thawk thingpui senso atan tiin Cheng 1500/-khawtlang

HARSATNA TAWK: Theiri to Tuisih PMGSY kawng laih a nih atang khan Theiri leh Tuipang inkar, BRTF Road chu Theiri khaw dai-ah leivung chimin kum tin fur a tlak a ruah a sur apiangin kawngpui hi a hnawh ping ziah thin a,Lirthei kaltlang thei lova kawng a pin thin avangin Tuipang leh a chhehvel mipuiten harsatna an tawk nasa zual thin a, tunah pawh hian ruah a tla tan leh chauh a harsatna an tawk chho leh mek a ni. Hetiang a nih avang hian helai kawng hi thuneitu lam ten an ngaihven thuai a, a sutkian dan tur an zawn thuai a tul a ni.

Hrethiam lo,a ti: Pu S.Khipo,CEM MADC chuan Opposition lamin, MADC CCB Rules siam rem hret a, Panchayati Raj kuta sum lut thin District Council kuta a luhna kawng kan hawn avang hian kan Autonomy hlauh tur anga sawi hi a n hriatthiam tawk loh vang a ni a, CCB Rules hi tih danglam a ni dawn lova, angaiin a awm anng a, Panchayati Raj in sum an hmuh thin ang District Council a a luh ve theihna tur kan belh hret mai dawn chauh a ni, a ti.CEM chuan Eptu lamten kan Autonomy hloh tur tha an tih loh hi lawmawm ka ti a, keini pawhin kan Autonomy hloh hi kan duh bik lo a ni tiin kan palai a hrilh. Eptu lam hian an hrethiam lo anih chuan ngawi mai rawh se,ati.

TAXI ACCIDENT VANGIN MI-4 ZINGA _MI -2 NATAK HLIAM TUAR: Dt.29.5.2011 Tlai 5:00Pm vek khan,College veng leh Saiha tlangkawn inkar a Taxi Service lai chu chhesualin kawng thlang Meter -80 vel a lum.Taxi chuang te hi mi-4 an ni a, Hrosia S/O Zahmo Tokalong khua Zalai S/O Davi Lomosu ,Laldinthara S/o Duathie Vengpui te an ni a an zingah hian,Mi-2 chu First Aid Pek an nih hnuah chhuah leh an ni.Mi-2 erawh Saiha Civil Hospital ah enkawl mek a ni. Doctor te sawi danin an nun na tan erawh hauhthawnawm lutuk an awm lo tih an sawi.Inrinni khan, Tuipui Feri pana kal Taxi chu Tui lian in a len thla a, a chhunga chuang erawh an chhuk vek hman a ni tih thu dawn a ni.

ECM Bethel Biak inah Mara ram pum huap Mission Convention neih a ni.

Rev.Dr.LR.Colney,Speaker chuan mission vei turin mipuite a ngen a ni

Saiha,May,30 : May 26-29,2011 khan ECM Bethel Biak Inah Mara ram pum huap Mission Convention neih a ni a. Buh seng tur a tam hle si a (Lk 10:2) chu Convention thupui atan hman a ni.Rev.Thylua Hlychho, Rev.Ithra Tluma leh Macha S.Zaluaia ten an kaihruai a ni.Rev.Dr.L.R.Colney (RIM) Orissa ami chu speaker-ah hman a ni.Speaker Colney chuan, Buh seng tur a tam avangin Biak ina Pathian thu sawi a chanchintha hril ringawt hi a tawk tawh lova, kalkawngah te, In leh zinna bakah hmun remchang apianga chanchintha hril mawlh mawlh atul a, Isua chanchin hi sawi tam hrim hrim a tul tawh a ni,tiin Chanchin Tha hre lo tam tak atanga ringthar kan nei te hi khawlaia an thian Kristiante sawi atanga hria an ni a,Biak in atanga Pathian thu sawi ringawt hi a tawk lo a ni,a ti. Rev.Dr.LR.Colney hi England a rawngbawl tura sawm a ni a,mahse ECM Assembly thurel hi a rilru-ah a lian zawk a,chuvangin London programme chu a cancelled ta zawk a ni tih amah ngeiin a sawi,mahse London a kohhrante an beidawng duh chuang lova, hun an pawhsei sak a, tunkar tawp lamah London a pan dawn a ni.ECMNew Colony, Siaha Vaihpi Choir, Gilgal Choir, Meisavaih Choir,New Saiha,Bethel, GoM leh ECM Assembly Choir ten hla an rem a ni.

He Mission Convention ah hian chhun lamah Seminar neih a ni thin a, Seminar hi Speaker leh a thianten an kaihruai a ni.He ECM Mission Convention ah hian inkhawm thinte leh Seminar a tel te chuan thlarau lamah an hlawkpui hle niin kan palai an hrilh a ni.

Govt Higher Secondary School ah Sikul naupang an tawt hle

Kan palai chuan Govt Higher Secondary School,Saiha a tlawh a, zawhna chhangin Pu C.Hrangthuama,Principal,GHSS chuan kan school building hian min zo tawh lova, room pakhatah hian zirlai 60 vel thutna tur Bench dah a ni a,mahse zirlai 90 te an thu hlawm a, an chep lutuk a, an innekhlum lo hi kan vanneihna a ni,tiin sawrkarin kan school building extend-na tur fund min ngaihtuah atul tak zet a ni,a ti. Zirlai thutna a tawt lutuk thu naupangte an khawngaihthlak hle a, table ziahna tur ball pen nena an han ziak hi an ball pen a in khak sup sup mai a, note hmanhmawh lak phei chu har tak a ni,a ti.Govt Higher Secondary School building hi extend a tul tak zet a, BRGF,etc atang pawhin enpui an tul bakah DONER atang pawhin fund an mamawh hle a ni. Zirlai tam tak chu rangva chungkhuh leh rangva bang siam chawp tak tak hnuaiah tawt takin an thu bawk a, an hah tlang hle a, zirna lama hmasawn tur chuan sikul naupangte hi thawl hek hawk a thuttir an mamawh hle a ni.

Khawpui thang zel tur kan ni a,mihring pawh kan pung chho zel a, mahse Zirna In a pung ve si lova, room extend a ni bawk si lova, sikul naupangten harsatna an tawk chho mek zel a ni.District dang leh state dangah heti lutuk a zirlai tawt lutuk a thu hi an awm hriat a ni lo,Govt Higher Secondary School ah chiah hian a ni.USA,England,Argentina, Norway, Burundi velah chuan zirlai thutna nuam tak siamsak an ni a, tawt taka thu an awm ve lo hrim hrim – Chyulua Zawtha

ECM-KTP inpuahchah

ECM-KTP Day/week lo awm tur atan inpuahchah mek zel a ni a, hman dan a inang lo nual dawn a,Branch thenkhat chuan Sport a hman an ti a,thenkhat chuan Crusade type a hman nise an ti a,Social Work a awm bawk ang.

PHE programme

Saiha leh Tuipang a PHE department ten Block pahnih huam chhunga NGO te kokhawm a, Awareness programme an hman chu a hlawhtling hle.

Pu Lalhmachhuana,SE, PHE chuan, Tui hi taksa lam faina leh hmasawnna chauh pawh ni lovin thlarau lama malsawm dawnna leh vanram kaaina a lo ni reng mai, Bible ah “ Tupawh Tui leh Thlarauva an pianthar lo chuan Vanram an kai tawp lovang tih ziak a ni,tiin Baptisma pawh tui hmanga Baptisma chantir kan ni vek,tiin Tui pawimawhzia uar takin a sawi.

Pu H.Lallianmawia, EE,PHE Saiha chuan, Tui hi hman pur pur tur a ni lova,kan renthiam hle atul a ni,tiin Greater Water Supply Scheme te, Tuipang Water Supply Scheme te leh khaw hrang hranga Water suplly scheme siam te a hlawhtling tan mek a ni tih sawiin sorkar hmalak na tawiawm atul,a ti.

Chhungkaw thenkhatin Lakhuih tiak dawng duh lo

Nimin Zing khan Saiha District Horticulture Department te chuan NLUP hmalakna kal zel a Loneitute Trade thlang te hnenah Lakhuih(Pineaple) chin tur an sem chu chhungkua thenkhat te chuan chintlak lo ah ngaiin an la lo . Hetiang anih avang hian Chhungkua thenkhat te chuan Mizoram Sawrkar in Kut hnathawk tute chawikan na turin kawng hrang hrang atangin min ngaihtuah sak a; kan lawm hle laiin Supplier thenkhat te leh Department thenkhat ten Sawrkar hmalakna thuanawp zawnga thlai chi an supply thin chu enfiahsak a awm loh avangin kan dem tak zet a ni tih an sawi a ni. Chhungkaw tamtakin Lakhuih(Pineaple) tiak hi an la duh lo a ni. Saiha District a AmFu member thenkhat pawh in pawi an tih thu an sawi a, District in tham lohna a ni tih hial an sawi bawk a sawrkar hmel tibal tu hial ah an puh bawk .He thlithleng avang hian,Pu.T.Vanlaltlana, MHS(Mizoram Horti Culture Service) saiha chuan office chamber ah Media thenkhat hnenah sawiin saiha Distrct ah hian Beneficiaries te mamawh hi Bul Nuai 28 lai a ni a kan District chhung ah awm hian min daih loh avangin Silchar lakhipur lam a chah a ni a, kawng hlatak atangin phurh thlen alo ni mai bak ah Lakhuih tiak hi a thi ve mai mai lova kei ni chuan a tha ah kan ngai a ni tiin a sawi ve thung.Lakhuih tiak hi bul 1 Rs.2.50 a sem a ni.Lakhuih hi chi 3 in then theih a ni a,a peng atanga a chi leh a bul atanga peng leh a chung atanga peng a awm a,a tha vek a,a te deuh hi a rah tlai deuh a,tun tuma an sem hi keini chuan a tha ah kan ngai vek a ni,ati

MJA Meeting

Nimin khan MJA Saiha chuan an press club ah meeting neiin Mobile network, Internet Broadband,etc Mizoram a siamthat hna thawh mek chu a muang tiin chak zawka thawk vat tura nawr chhunzawm nise tih an rel a, SDDVC hmalak zel dan tur an sawiho bawk.

Crusade nei dawn

ECM Gilgal chuan Evan.Lalremruata chahin 4-10.6.2011 khian Crusade an buatsaih dawn a,tun atangin an inbuatsaih mek zel a,he hunah hian Saiha a awm zawng zawng inkhawmna a tel vek turin an sawm a ni.
* Rev.V.L.Ngaia Hlychho, ES,Edn,ECM chuan Aizawl ah ECM thil pawimawh bawhzuiin a cham mek a ni.

Siaha Vaihpi champion

Pu S.Hiato,MLA (Minister,PHE,etc) Running Trophy Football tournament chu nimin tlai khan Pu MH.Tiabi,EM,Revenue,MADC chuan closing Ceremony hmanpuiin thalaite chu sport lama tan la thar zel turin a fuih.Siaha Vaihpi (UFC) chuan Meisatla Youth Club 3-0 a hnehin an champion ta.

Champion hian Trophy +15000 Runner up Cup+ 10000. Fair play lawmman dawngtu chu PCCV (College Vaih),Best player – John Calvin,Vaihpi, Top scorer – Malsawmzuala(Vaihpi) goal 16 a thun.

Pu H.lallianmawia,EE Meeting ah tel

Pu H.Lallianmawia, EE PHED Saiha WATSAN Division leh Pu SK.Dey. SDO (Rural) PHED Saiha te chu vawiin leh nak tuk hian Aizawla Meeting pawimawh ah an tel dawn a, EE leh SDO te hi Thawhtan lamah khian an lo haw ang a, 24-25.5.2011 khian Saiha-ah Sanitation Campaign Programme buatsaih a ni ang a, Dt. 26-27 khian Tuipang ah he Sanitation Campaign hi buatsaih a ni leh dawn a, Chungte chu Pu H.Lallianmawia, EE PHE Saiha hian a hmanpui dawn a ni.

LSA Conference

Lai Student Association (LSA) General Conference chu Dt.19-20.5.2011 hian Lawngtlai III YLA Hall ah neih a ni dawn a, hetah hian Pu H.Zothangliana Parliamentary Secretary i/c PHE etc. chu khuallian a ni ang. He LSA General Conference ah hian Dt.20.5.2011 chawhnu lamah LSA General Hqrs. hruaitu tur thlanna (Gen. Election) neih a ni dawn a, he Election hi MJA District Hqrs. Lawngtlai ten an Conducted ang a, Pu V.Lallianzuala, V/President MJA Lawngtlai chu Returning Officer a ni ang.

Zu a tam

Tunlai hian Saiha ah zu a tam nia sawi a ni a, khaw laia zurui hmuh tur an awm nual a, zurui intibuai hmuh tur an awm zeuh zeuh bawk a, police ten zurui te hi manin Beat post ah an hruai a,an thawm a tha hle a,zurui te hi sim deuh tura beisei an ni.

Tek tla nasa

Zan hmasa khan thlitleh leh ruahsur karah tek a tla nasa hle. Khawpui ri leh Kawl phe zawr zawr a awm phawt chuan TV, Fridge, Computer, Mobile,etc off vek a him ber a, Landline Telephone hrui pawh a box atanga phawi hrih tur a ni bawk.Chutilo chuan tek in a man duh em em a,a chhe awlsam bawk. Phai lamah phei chuan Tek-in mobile phone a deng chhe teuh tawh nia hriat a ni. Fimkhur a tha ber ang – Ed.

Thli tleh avangin Saiha Ditrict chhunga Khaw thenkhat ah in leh lo tih chhiat a nei nual
Saiha,May, 19 : Tunlai Ruah leh Thli tleh avangin Saiha Ditrict chhunga Khaw thenkhat ah in leh lo tih chhiat a nei nual a, Saiha atanga km 20 a hla Riasikah khua ah pawh in 10 lai hian thli tleh hian a ti chhia a, a then chu in chung hlih sakin huan a thlai leh thei kungte a ti chhe nua bawk.

Thingtlang lam atanga hetiang chhiatna a wm a, thilthleng hi thuneitute hnena report a nih hian chawp leh chilh a tanpui ngate pawh sawrkarin Verification lak phawt loh chuan engmah mipui harsatna hi utkian mai thin a nih loh avangin Riasikah mipui pawh hian sawrkar a report hi an beidawn thu a hmun a kal Pu HC.Lalmalsawma Zasai, bialtu MDC chu an lo hrilh.

Riasikah Khawtlangte chuan chhiatna an tawhna ah hian a tul ang angin an in tuam hlawm a, Pu HC.Lalmalsawma Zasai bialtu MDC in a sawi dan chuan heng an chhiat tawhna chungchang hi Saiha DC Pu Kunal a hnenah ziaka theh lutin Thlalak pawh a thil tel a, Sawrkar lam pawhin an bawhzui mek bawk.
He thil thleng hi Rulling lam Congress hotute pawhin an hriat veleh a tul ang a, hmala zui turin Riasika hi an pan ve ngha a, Buhfai pawh an sem nghal a nih thu dawn a ni bawk.

Vawiin Office chawlh

Vawiin hi Budha Purnima a ni a, sawrkarin holiday atan a puang a, Office leh zirna In khar a ni ang.

ECM-KNP Diamon Jubilee

Vawiin hi Evangelical Church of Maraland (ECM) – Krizypa No Py Diamond Jubilee a ni a,KNP Branch hrang hrang te chuan Ruai nen ropui takin hun an hmang dawn a, Diamond Jubilee lung an phun bawk ang.
Macha atan thlantlin an ni.

ECM-College Vaih macha atan K.Vanlalliana, AZ.Chokhai leh L.Tluama te thlan an ni a, Gilgal-ah Macha seat 1 atan B.Lykhai thlantlin a ni bawk.

Buhfai dinhmun tha

Saiha kudam chu nimin khan kan palai chuan a tlawh a, Buhfai Quintal 1700 chuang a awm mek a ni,DDK palaipawhin a tlawh nghal bawk.Buhfai hi a thlen belh zel dawn a ni,tiin Pu Lalkunga Sailo,DCSO aiha chuan kan palai a hrilh.Fur tlak hma ngeia chhekkhawl hman vek turin hmalak mek a ni,tiin DCSO chuan a sawi bawk.

Delhi atangin Youth Congress lokal

Nimin khan Youth Congress Gen.Hqr New Delhi atangin N.Srinivas,State Coordinator, Nagaraj,Secy, Dist.Congress leh MPYCC hotute chuan Saiha an rawn tlawh a, MDCC Office Saiha ah thuthar lakhawmtute nen inkawmin Rahul Gandhi hian India ram thalaite a tam thei ang ber politics luhchilh tura a duh avangin memberhip drive rawn neih tichak tura lokal kan ni a, tun thla tawp hian Rahul Gandhi chuan a rawn hawng dawn a ni,tiin thalaite pawimawhna a awi uar hle.Ngurdingpuia Pachuau,GS, MPYCC leh midangten an rawn tawiawm a ni.Pu RC.Fanchun, President,MDYCC chuan a chenna Inah chawhlui a buatsaih sak chu press mite nen an kilho a ni.

Fimkhur a tul hle

Tunlai hian khua a lum hle a, theirah sil lova ei mai mai tur a ni,ei leh inah kan fimkhur tlan a tul hle,ed)

No. E-93/MZP-GHQ/2009-11/194 Dated Aizawl the 20th May, 2011Press Release

MZP chuan sorkarin Three Years Degree Course zir dan kalphung thar Semester System a kalpui a nih dawn tak avanga zirlai thahnem tak admission chungchangah harsatna a tawk mek chu pawi a ti hle a. Heng zirlaite harsatna hi sutkian a nih thuai theihna tura hma la turin sorkar thuneitute a ngen tak meuh a ni.
Semester System kalpui a nih dawn tak avang hian MZP chuan zirlaite admission chungchangah harsatna awmte chu a rang lama zirchianga ruahmanna fel tak siam thuai turin thuneitute a ngen tak zet a. Zing emaw zan emaw College kalpui tura ruahmanna a nei chu tuna manganga awm mek zirlaite’n a rang thei ang bera an chhawr theihna turin hma lak nghal nise MZP chuan a duh tak zel a ni. MZP chuan zirlaite’n admisssion chungchanga harsatna a tawh mek leh College hrang hrang ten harsatna an neih te ahmunah uluk takin a zirchiang mek a, College tam tak harsatna hmun hma thu leh Lecturer indaih lohna te pawh a tul angin enzui se a duh hle a, zirlaite hatsatna chu theihtawp chhuahin a umzui zel dawn a ni.

Mizorama zirna tih changtlunna ‘Right to Education Act’ hman mek chu a taka zirlaite’n an chhawr theih nan MZP chuan hma a la zel a. Tun hnaiah Bungtlang khua a zirlai pakhat sikul atanga hnawhchhuah a nih chungchangah pawh he dan Sec 15 of RTE Act 2010 nain zirlai hnawhchhuah a khap thu leh kum tin an pawl an sawn tur a ni tih tlawhchhanin he zirlai hnawhchhuah hi thiam chantira thuneitute’n hma an la tih a hriatin MZP chuan lawmawm a ti hle a, he thil a bawhzuina kawngah RTE Act hmang a thuneitute in pekna chu a fakin he dan hian zirlaiteah hmasawnna leh hamthatna thlen zel se MZP chuan a duh tak zet a ni.

Sd/-

( Peter Chhangte)
Secy i/c Publicity

Khuallian Pu N.Chakhai,PD,DRDA chuan Niawhtlang Centenary a hmanpui, Niawhtlang thlah a nih thu a sawi
Saiha,May, 14 : Nimin khan khuallian Pu N.Chakhai,PD, DRDA, Saiha chuan Niawhtlang Centenary kharna inkhawm ah thu sawiin,Amah ngei pawh chu a thlahtu Niawhtlang a nih thu sawiin,Saiha a cheng zat ve zet hi Niawhtlang thlah an ni,tiin Niawhtlang atanga mi huaisen an chhuah nual thu a sawi.Pu N.Chakhai,pd,DRDA leh khuallian ni bawk chuan, kum 100 tling lo khaw tam tak a awm a, Niawhtlang erawh a khaw hmunah ngei kum 100 a tling ta hi Pathian kaihhruaina a ni a, a lawmawm tak zet a ni, kum 100 tlin tawh hi chuan hmasawn turin kawng hrang hrang ah kum 100 tlin tawhna hre renga rinawmna,taimana leh tumruhna nena ke kan pen a tul tak zet a ni,a ti. Khuallian chuan Niawhtlang Centenary tanpuina Rs.20,000 a pe a,hemi hma pawhin nasa takin a lo tan pawh tawh bawk.

He Centenary programme ah hian Hmingmawiberi, Loretta,Laizaitinthangi,Lallianmawia,Lalnghinglova ten zaiin kalkhawmte an awi a, Centenary Choir ten hla an rem a ni. Chawnglaizawn te, Cherawkan te leh Niawhtlang lam te entir a ni a, Vawk thau in eisiak (Sasir tlawh) a ni bawk.

Niawhtlang Centenary lawmna ruai ah hian Lawichal 1, Bawng 2, Vawk sum 8 2, Vawk sum 7 5,Ar 50,etc talh a ni a, an senso belhkhawm dangte nen cheng nuai 5-6 vel niin Pu Ngunchunga,Chairman,Niawhtlang Centenary Org, Board chuan ML zawhna a chhang.Niawhtlang Centenary Miss thlanna boruak hlimawm tak hnuaiah neih a ni a,hengte hi an thlantlinte chu an ni. Miss Centenary Niawhtlang – Miss Biakveli 1st runner up – Miss Elizabeth Lalruatsangi 2nd runner up – Miss Zirnunsang puii. Niawh-tlang hi In 450
vel awmna niin kohhran hrang hrang engemawzat a awm a, Mara rama thingtlang khaw lian ber ani

GHSS sport week cum Freshers Social

Nimin khan Govt Higher Secondary School,Saiha te chuan Sport week closing cum Freshers’ Social programme an hmang a.He hun Pu V.Samson, Sr.Lecturer kaihhruaina hnuaiah khuallian Pu N.Vabeiratlua,I&PRO Saiha chuan thu sawiin, hetiang huna khuallian atana an sawm chu lawmawm a tih thu a sawi a, zirlai leh zirtirtu a lo ni tawh thu leh zirna a kan district in hma kan sawn tawh zia a sawi a, tunhnai mai a kan district in zirna hrang hrangah Toppers kan han nei thei ta te chu lawmawm a tih thu leh hmasawnna ropui tak a nih thu a sawi bawk.

Competitive exam chi hrang hrangte hmachhawn ngam tur leh zirna a theihtawp a tan la sauh sauh turin a chah a,hlawhtlinna atana pawimawh ber chu thawhrimna hi a ni,tiin zirlaite an tihtur rinawm tak leh taima taka hlenchhuak turin a chah bawk. Retheina hi hman tangkai theih a ni a,a hman thiam chuan a thluma Pathian duhdan pawh a ni,a ti bawk. Khuallian hian zirlai intihsiakna a tithate hnenah lawmman a sem nghal a.Zirlaite hian programme chi hrang hrang an hman hnuah tlaiah ruai kilho nghal a ni.

Saiha District Farmers Meet neih a ni

Nimin khan DIC Hall,saiha ah All Mizoram Farmers’ Meet chu hlawhtling taka neih a ni a.Pu C.Lalzarliana,Director,Agriculture chu khuallian a ni.He hun Dr.Chawngkhuma Chawngthu,President, AMFU Saiha kaihhruaiah hian Rev.L.Chunglinga chuan hunserh a hmang a ni.Pu K.Malsawma,Secy, AMFU Saiha chuan report a pe bawk.

Pu C.Lalzarliana,Director leh khuallian ni bawk chuan thu sawiin , eng pawl pawh hi a hlawhtlinna tur chuan an hruaitute an pawimawh a ni,tiin Agriculture chuan Buh thartute hi kan buaipui ber turte an ni a, hnathawk turin thangtharte kan inzirtir tam a pawimawh a,Mizoramin a mamawh ber kan hai a,mahni thawhchhuah intodelh lo tan kut hnathawh bansana thil dang buaipui hi a tha lo a ni,a ti a,ram leh hnam ang pawhin kan ngaihsan zawngte kan thlak danglam a ngai a ni,tiin mi taima te ngaisang turin kalkhawmte a chah a ni.

Mizoten mi hausa kan ti thin dik tak chu buh ngah an ni a,hnam huaisen rilru nei tur chuan mahni kan intodelh a ngai a ni,tiin department hmalakna hrang hrang leh a hmachhawp mek te a sawi bawk. NLUP chungchangah a hlawhtlin leh hlawhtlin loh chu a dawngtute-ah a innghat a ni,a ti a,Saiha District chhungah Oil Palm chin a nih tur thu sawiin kan ram hi vei ila phurh chhuah hram i tum ang u,a ti.

He hunah hian Saiha District AMFU hruaitu boral tawhte sunna hun hman a nih bakah District chhunga kum 2010 a Leilet nei,Buh thar tamte hnenah lawmman khuallian hian a sem nghal a,chungte chu 1. S.Beipha s/o S.Vadyu,Council Vaih, Saiha buh tin 1700 tharin lawmman Rs.1000 leh Certificate pek a ni. 2. R.Lalpuanga s/o R.Sangkunga,Phura Buh tin 1650 tharin lawmman Rs.700 leh Certificate pek a ni. 3. S.Pa-aw s/o S.Zahly Buh tin 1500 tharin lawmman Rs.500 leh Certificate te pek a ni.

Resolution passed chu 1. Kan ram mipui a tam ber nihna hauhtu Farmers te hi ei leh bar zawnna ngelnghet kan neih theih nan sorkarin nasa lehzualin tan la rawh se.

2. Mizoram sorkar hmalak mek NLUP hi a hlawhtlin ngei theih nan khaw tina Farmers te hian rinawm leh taima takin hna i thawk ang u.

3. Kan ram ei leh bara intodelh theihna atan Phura zawl leh Chamdur zawl Buh chinna hmun pui atan siam nise tia India ram Union Minister of Agriculture Sharad Pawar hmalakna hi lawmawm kan ti a.He hmalakna a mawhphur tu sawrkar kut tichak tur hian Saiha District AMFU hi a inpeih reng a ni.

ECM-KTP Hqrs

Vawiin atang hian Chhuar lung ah ECM KTP Hqrs Executive meeting neih a ni dawn a, Zuk leh Hmuam Seminar an nei nghal bawk ang a, Rev.NC.Vabeilua chu Resource person atan ruat a ni.

MLA Trophy football

MLA Saiha bialtu Pu S.Hiato (Minister i/c phe,etc) Running Trophy football tournament chu khelh chhunzawm mek zel a ni a, a mah Pu S.Hiato,Minister ngei hian a kharna inkhawm a rawn hmanpui an beisei thu MLA Running Trophy Football Org. Board chuan ML an hrilh a ni.

Mass-Provincialisation lawmna

Saiha,May,13 : Nimin khan Laila Hall, College vaih ah Mass – Provincialisation lawmna programme hman a ni a,he hun Pu R.C.Chinzah, President,MSTA, Saiha District kaihhruaiah hian Rev.Lalbiakenga,BCM Saiha chuan hunserh a hmang a ni. Khuallian Pu Chawngtinthanga, Parliamentary Secretary i/c Education chuan thu sawiin, Saiha ah ADM(J) hna chelhin hun rei tak ka awm tawh a, mikhual ni lovin khaw chhungah ka inngai ve a ni,chuvangin he Mass-Provincialisation a lo awm thei ta hi nangni in lawm tlukin kei pawh ka lawm a ni,a ti a. Mizoram sawrkarin sum leh paia harsatna nasa tak a tawh chung pawhin Chief Minister Pu Lal Thanhawla khawngaihna leh duhsakna nasa tak in dawng a,sawrkar hnathawkte hlawh kan lo tihpun sak bawk nen sum harsatna namenlo kan tawk chung pawhin Chief Minister Pu Lal Thanhawla chuan in mamawh chhanna chu a lo pe ta che u a,chuvanga he hun lawmawm programme hmang thei ta chu kan ni a, a lawmawm tak zet a ni,a ti.A sawi zelnaah Pu Chawngtinthanga,Parl.Secy chuan Chief Minister leh a thawhpuiten kan ram Education a tha thei ang bera kalpui turin hma la thin mah ila, nangni zirtirtute in inthlahdah si chuan awmze nei lovin kan kal ang tihna a ni a,chuvangin in dinhmun pawimawh leh in mawhphurhna sanzia hre reng chunga mihring chher hna rawngbawl hi rinawmna leh taimakna nena in kalpui a tul tak zet a ni,a ti.Pu Lalhmingliana,DEO Saiha pawhin fuihna thu a sawi a, Eden T.Azyu,Maraland idol chuan zaiin kalkhawmte a awi a, Pu JH.Chohmo,Vice president,MSTA chuan lawmthu a sawi a, ruai kilho nghal a ni.

SAIHA-AH NLUP TRAINING LEH SUM HMAHRUAI SEM TAN A NI Nimin chawhma dar 10:3 0 khan AH & Vety Department hnuaia NLUP Beneficiary te training pek an nih bakah NLUP sum 1st Instalment 2010-2011 chu DCs Conference Hall, Saiha-ah sem a ni.

He Training programme hi Dr H. Lalzarliana, VAS, Saiha chuan a kaihruai a, Pu Thangchem Zathang, Additional Deputy Commissioner, Saiha chu khuallian a ni, training hawnna inkhawm ah thu sawiin khuallian chuan mahni duhthlan ngei trade ah kan thlang a, kan in chawmna leh enkawlna tur a ni tih rilru pua theih tawpa tan la turin kalkhawmte a chah a, taimakna, tumruhna, chhelna leh huaisenna nena hna thawk turin a chah a, district chhung mipuite innghahna an nih thu sawilangin bul tan tur chauh an nih avangin pawisa pawh anihna tur dik taka hmang turin a chah bawk.

Training programme ah hian Vety Department hnuaia Doctor thiam hrang hrang ten ran enkawl dan hrang hrangte zirtirna an pe a, Dr. R. Zapaw Azyu chuan Ar vulh leh enkawl dan te a sawi a, Dr. H. Lalzarliana chuan Vawk vulh leh enkawl dan chanchin a sawi bakah Dr. Lalmakzuala chuan Bawng vulh dan leh enkawl dan chungchang a sawi bawk. He training-ah hian Saiha khawpui chhung veng hrang hrang 11 atangin NLUP training tur te hi koh an ni a, naktuk pawh hian training hi neih chhunzawm leh tur niin Saiha District chhung Khua/Veng hrang hrang 16 ten training an nei leh dawn a ni.

Saiha District ah hian A.H & Vety Department hnuaiah kum 2010-2011 ah Saiha Cluster (39) ah chhungkaw 437 leh Palak Cluster(40) ah chhungkaw 331 an awm a, NLUP tanpuina 1st Installment 2010-2011 hi Vawk vulh tur tan Rs 15,061/- Bawng vulh tur tan Rs 19,786, Sial vulh tur tan Rs 14,500 leh Ar vulh tur tan Rs 29,363 pek niin he sum hi Ran in sakna tura ruahman a ni. Heng pawisa te hi training neih zawh hnu ah sem zui nghal a ni.

SSA hmalakna-in naupang 4 lehkha zir dawn

Nimin khan Pu Chawngtinthanga,Parliamentary Secretary chuan SSA Mission Saiha District Office a tlawh a, programme Pu J.B.Chozah,DPC,SSA kaihhruaina hnuaiah Pu Chawngtinthanga chuan fuihna thu a sawi a, naupang 4 SSA tanpuinaa lehkha zir turte hnenah lehkhabu a hlan nghal a ni.

Pu JB.Chozah,DPC chuang pangte 4 te chanchin hetiang hian a sawi:-

Lalremruata : hi kum 10 a upa a ni a.A pa hming chu Lawma a ni a,A nu Nusiangi a ni.A pa hi tawng thei lo a ni a,Pheikhawk thui a eizawng thin a ni.Anu hi Panhnah roll a eizawng thin a ni.An khua tak hi Sentetfiang,Sangau bul a ni a,kum 2010 tawp lam khan Saihaah an lo pem lut a.Unau 5 an ni a,amah hi an unau zinga upa ber niin a naute a awm thin a,sikul te pawh a kal ve thin a,mahse mahse chhungkaw harsatna vang leh a naute awm a ngaih thin avangin a kal chhunzawm thei ta lo.Kum 2010 Household survey neih laia hmuchhhuah a ni. Vanrosungi : Lalremruata nau a ni.

Ramngaihzuali : hi kum 7 a upa a ni a.A pa hi Rotluanga(L) a ni a,a nu hi Famhleisungi a ni.Bualpui,Ng khua an ni.Kum 2007 khan a pa hian a thihsan a,a nu hian pasal dang,hmun dangah a neihsan avangin a pi Pi Chiku(A pa Nu) an rawn bel a,Unau 4 an ni a,Zuali hi a naupang ber dawttu a ni.A pi chhung hi inhlawhfa a eizawng an ni.Kum 2010 Household survey a hmuhchhuah a ni.

Lalnunmawia : hi kum 10 a upa a ni.A pa hi Lalrinliana a ni a, a Nu hi Tha-iangi(L) a ni.A Nu hi kum 2006 bawr vel khan a thi tawh a,Unau 4 an ni a,amah hi a naupang ber dawttu a ni.A Nu thih hnu hian a Pa hi a awmna chin hriat lohvin a bova, a Pi Zahnemi(A Nu nu)in a awpui a,Bazara chawhhmeh zuarin a inhlawh thin a,amah Zahnemi hi Hmei thai a ni.An khawsak a harsat em avangin sikul a kal thei lo a ni.Kum 2010 House hold survey laia hmuhchhuah tho a ni.

Niawhtlang Centenary ropui takin hawn a ni

Saiha,May, 12 : Nimin khan Pu FC.Zase, Chairman, MADC chuan Niawhtlang kum 100 tlin Centenary lawmna a hawng.He programme Pu K.Ngunchunga,Chairman,Org.Committee kaihruaiah hian Rev.C.Sihmo chuan hunserh a hmang a, Centenary Pa Pu NL.Hmunsanga, MDC chuan welcome speech a nei.Khuallian Pu FC.Zase chuan thu sawiin, kum 50 tling lo khua pawh an awm nual a, Niawhtlang kum 100 tlinna chu Pathian kaihhruaina a ni,tiin a lawmpui thu a sawi a, Rs.20,000 in a tanpui a; MADC chuan Niawhtlang hmasawn zelna turin theihtawp a chhuah chhunzawm tur thu a sawi bawk.

Pu Lengduna,MDC pawhin thu sawiin, tun hmain Lai District ah bet in duh thin a, Lai District Council hotuten tawngkamin an hmangaih che u a, tak ram hmuh tur a awm lova, MADC erawh chuan tun thlengin hmangaihna leh duhsakna nen a enkawl che u a, khaw 1 atanga MDC 3 nei Niawhtlang chiah in ni a,EM,etc chanvo an pe reng bawk che u,tiin MADC thatzia a sawi a ni. Pu S.Hrachu pawhin thusawina a nei a ni.Niawhtlang a kum upa zual te hnenah lawmman a pe nghal bawk.Niawhtlang Centenary Choir leh Zirlaiten hla an rem a,K.Sida, Lalduna leh Hmangaihzaute an zai a ni.

Vety department-in sem thuai beisei

AH & Vety Department hnuai a NLUP dawng tura Trade thlangte hnen ah NLUP tanpuina District dangah chuan an sem nual tawh a, Saiha-ah pawh vawiin lam atang hi chuan Saiha Town chhung a mite hnenah an sem tan ve tawh tura ngaih leh beisei mek an ni.

AH & Vety Department lam hian Saiha khawpui chhung a AH & Vety Department hnuaia Trade thlang, NLUP dawng turte hnen a 1st. Instalment an sem zawh hian Thingtlang lam khaw hrang hrang-ah pawh an sem chhunzawm ve nghal tura beisei an ni. AH & Vety Department hnuai a Trade thlang nilo, Line Department dang hnuaia Trade thlangtute hnenah chuan 1st. Instalment hi an lo sem deuh vek tawh a, AH & Vety Department lam hi a sem hnuhnung berte zing a mi an ni.

AH & Vety department,Saiha chungah beiseina a sang hle bawk.

EE Sikkim lamah

Pu H.Lallianmawia, EE, PHED, Saiha WATSAN Division, Saiha chu Dt.7.5.2011 khan Aizawl panin Saiha a chhuahsan leh a, niminpiah, Dt.10.5.2011 khan Sikkim lamah, Sikkim Sawrkar hmalakna hrang hrang-te en tura an sawmna angi, PHE EE dangte nen an kal a, report dawn dan chuan, PHE, EE rualte hi Dt.16.5.2011 khian Aizawl an lo lut leh ang a, hemi hnu hian Aizawl-a Meeting pawimawh tak ah an tel leh hnuin, Pu H.Lallianmawia, EE,PHED Saiha pawh Saiha a rawn pan chauh dawn a, kar leh tawp lam khian a lo thlen hman beisei a ni.

Hetihlai hian tun thla chhung a Saiha tui pekna tur Lungphum phum hman tura beisei a ni a, a phumtu atan CM Pu Hawla beisei a ni.

Pu Chawngtinthanga lo thleng

Nimin tlai khan Pu Chawngtinthanga,Parliamentary Secretary,Education a lo thleng a, vawiin hian SSA Office a tlawh ang a,chumi hnuah Mass Provincilisation Celebration ah khuallian a ni ang

Pu N.Chakhai,PD,DRDA khualzahawm a ni ang

Dt.13.5.2011 khian Niawhtlangah Centenary kharna inkhawm ropui takin hman a ni ang a, Pu N.Chakhai,PD,DRDA Saiha khuallian a ni ang a, Pu Ngunawia, V/Chairman,Org Centenary-in a kaihruai dawn a, Rev.Thandai-a’n hunserh a hmang ang ang a, Centenary Choir,Zirlai leh Zaihnuni an zai ang.

Training neih a ni

Saiha District DIET ah “ Nimin piah khan Induction Training” neih a ni a,SSA hnuaia lak tharte puala buatsaih a ni a, Pu Kunal,DC Saiha chu khuallian ni.

No. E-93/MZP-GHQ/2009-11/190 Dated Aizawl the 13th May, 2011

Press statement
Anmahni duh thu ngeia Mizoram chhuahsantu Tuikuk laklet chungchangte, PAP leh ILP chungchangte sawihona tura Dt.11/5/2011-a Mizoram Sorkar Home Minister-in NGO, kohhran hruaitute leh Political Party hruaitute a koh khawm na a MZP hmaih a nih avanga he huna tello tura MZP ngenna ngaipawimawh a, tel ta lo Political Party hrang hrangte chungah thinlung takin MZP chuan lawmthu a sawi a, he meeting a tel NGO hruaitu MZP thlavang na taka hauhtute chungah pawh a lawm hle a ni. MZP hmaih anih chungchangah Home Minister-in ram pum huap tlawmngai pawl zinga MZP chhiar tel lova, a sawm chhunte tawk maia a ngai chu Ram leh Hnam tana MZP inpekna thuk zia zah lohna ah a ngaih theihin MZP chuan a hria a ni. Hun lo kal zel turah Ram leh Hnam hnuk khawih thil a MZP hmalakna hai der a, a tellova thil tih anih zel dawn chuan Mizoram mai nilo, zofate luah chin ram hrang hrang thlenga MZP inzarpharh zia hre chungin Home Minister lakah hian rinna nghah ngam loh chin MZP chuan a nei ang tih a hlau hle a ni.
He meeting-a tarlan Tuikuk laklet thliar nana Electoral Roll 2011 hmang lova 1995 Electoral Roll-a hming chuang 2009 thlenga thun tharte chauh lakluh anga sawi chu lakluhhna thawktu Mamit District a mite sawi dan nen inpersan hle ah MZP chuan a ngai a. Tun a lakluh tawh sawrkar hriatpui chhungkaw 647 leh a hriatpui loh chhungkaw 308 te hi eng Roll hmanga lakluh nge an nih a hmuna finfiah ngei MZP chuan a beisei a ni. 1995 leh 2009 Electoral Roll a Tuikukte zat leh an punna chiang taka mipuite hriata puanzar ngei pawh tuikukte pun dan uchuak leh uchuak loh finfiah nan MZP chuan a duh a ni.
NGO leh Political Party ten 1995 Electoral Roll hmanga tuikukte thliar hna thawh a lo duh tawhna palzut chu thiang lovah MZP chuan a ngai a. Anmahni duh thu ngeia Mizoram an chhuah san hma Intensive Electoral Roll Revision neih hnuhnun ber 1995- Electoral Roll chu tlanchhuak leh chhuak lo thliar nana rintlak bera pawm a nih tawh angin a hnu lama vote duhna hmanga thun belh teuh teuh na Electoral Roll chu pawm lovin Inthlanna a hmang lo tur pawhin NGO leh Political party te pawhin lungrual takin hma a lo lak tawh avangin MZP chuan a hniak phawi a tum lo a ni.

Tuikuk helte umchhuah Tripura atanga Mizo chhungkaw 80 (Sawmriat) chuang zette hamthatna tura hmalakna thawm hriat tur a la awm lo cheu chu MZP chuan hriatthiam har a ti tak zet a, Tuikukte au rik ruala che thin Minister kan neih angin Mizote authawm hian au ei ve ngei se a duhin, Central Sorkar hotute nawr che ve ngei turin MZP chuan a phut tlat a ni. PAP leh ILP chungchanga theihtawp chhuaha MZP hmalakna pawh haider nimahse a hnathawh chhunzawm zelin, Ram leh hnam himlo kara zirna hamthatna chauh ngaihtuahin awmzia a neih loh thu hre rengin huaisen takin hma a la zel dawn a ni.

A tum hnih nan Tuikuk vang bawk a, Dt. 18.5.2011-a Mizoram rawn tlawh tur Union Home Minister chu Mizoram NGO leh Political Party te hmu ve ngei turin MZP chuan a phut tlat a, a tum khatna anga Tuikukte chauh hun a pe leh dawn a nih chuan lawm taka lo hmuah MZP chuan har a ti hle dawn a ni.
Tin, Dt. 28th January, 2011-a Tuikuk chungchang ngaihtuaha CYMA koh a meeting neih tawh chhunzawmna tur leh Union Home Minister lokal tur chungchanga Dt.14.5.2011-a CYMA in meeting a kohah MZP chu tel ngei tumin Sudan zirlaite kut tuara nunna hlu tak hloh Johny F. Lalhmangaihzuala thlavang hauhna kawnga chak leh zuala hma la tur leh India ram state danga Mizo Zirlaite himna pe turin Union Home Minister hnena thlen tel ngei a nihna turin MZP chuan hma a la dawn bawk a ni.

Issued by Mizo Zirlai Pawl General Headquarters, Mizoram : Aizawl

This entry was posted on Saturday, June 18th, 2011 at 10:38 am and is filed under Recent Posts. You can follow any responses to this entry through the RSS 2.0 feed. You can skip to the end and leave a response. Pinging is currently not allowed.