Saturday, July 09, 2011: Thuthar Lawrkhawm
Pu M.H.Tiabi,EM,Rev.MADC chuan Foxall Higher Secondary School Annual Sport Closing a hmanpui.
Saiha,July,7 : Nimin khan Foxall Higher Secondary School Saiha chuan Annual Sport Closing cum Celebration of 2011 HSSLC Result programme an hmang a, 1st session hi Miss J.Lalremchhungi,n a kaihruai a, Rev.L. Chhieto chuan hunserh a hmang a ni. Pu Chotha Hlychho,Principal chuan Welcome speech a nei a ni. Khuallian Pu MH. Tiabi,EM,Rev.MADC chuan thu sawiin, Mire thei chhungkua atanga lo piang ka ni a, mahse Pathian kaihhruaina avang in tun hi thleng thei ka ni a, Primary,Middle,H/S leh College harsa takin, inhlawhfa chungin ka kal a,ka tum chu ka hlawhtling a ni. Kei mirethei fa mahin hlawhtlin na ka nei thei anih chuan nangni tunlaia zirlaite hi chu in vanneih khawp a,nuam sa takin sikul in kal thei a,in mamawh te nu leh paten an ngaihtuahsak vek che u a, fai sa ringin lehkha chhiar chauh in hna a ni tawh mai a,ka aia hlawhtling lehzual tur in ni a,nangni chu in changkang tawh a, IT-ah in lut tawh bawk a,hma in sawn chak dawn a ni, in tum phawt chuan hlawhtlinna Special Invitee Pu J.Jeffrey Khara pawh in thusawina neiin lawmman a sem bawk. Hanna Chozah, FC.Tlochai,Nango, Ephesi leh Beirachhi ten zaiin kalkhawmte an awi a, Stephen & friends an rap a, Fashion show, Fancy Dress entir a ni a, Selvy & friends ten lam an entir a, Sawlakia entir a ni.Foxall school atanga 1 div a passed Johana Hlychho leh HC.Rose Lalrinpari te hnenah lawmpuina Rs.2500 leh Certificate hlan an ni. Foxall HSS hi 1993 a din a ni a, tunah hian Art zirlai 170 leh Commerce zirlai 30 bakah Teacher 8 an awm mek a, Pu Chotha Hlychho,Principal, Foxall HSS,Saiha chuan an School chu atul dan a zir a tihlen atum thu a sawi.
Foxall School Annual Sport Closing programme 2nd session hi Miss Vannunziri leh Mr.Obadia ten hneh takin an host a,Foxall School ah hian talent hrang hrang nei an lo inphum teuh mai a, fiamthu thiam bik te, Lam thiam bik te, Fashion show-a stage a hneh sawh taka han chet kual vel te zaithiam hrang hrang te, Hip hop,etc an awm nual mai.
Kan theihnghilh miah loh tur chu Maraland idol lo ni tawh J.Ruby hi Foxall school chhuak a ni a,tunah hian Maraland Idol top 7 Hanna Chozah te, Marland Idol top 10 FC.Beitlochai te hi Foxall Higher Secondary School zirlai an ni mek a ni tih hi a ni.
Mr.Solomon Beihlotha, Soul Sound neitupa hian a sound thatzia leh quality zia a rawn pho chhuak leh a,chuvangin Foxall Annual Sport Closing function hi a ropui hle a ni. MTP dance entirtute kha an thiam lehzual a,programme a hlawhtling hle -By Spl Reporter
Biak In thiat
ECM New Saiha chuan Biak In sakthar an tum avangin an Biak In an thiat tan mek a,Centenary building chhawng chung chu Inkhawmna atan an hmang a ni.
Whisky an man
Nimin zing dar 7 khan College Vaih MTP Ruihhlo Do pawl chuan Whisky um 9 an man a. College Vaih MTP te hi Ruihtheih dona kawngah hma la chak ber te zinga mi an ni.
Salvation Camping
Salvation Camping for Teachers chu ECM Eden thar Biak In leh Motherless Baby Home ah chhun zawm mek a ni. ECM Siaha Vaihpi Biak Inah Camping chhunzawm mek a ni bawk a, Presbyterian Biak Inah pawh Salvation Camping nizan khan tan a ni ta bawk.
A thleng ta
Heng a hnuaia Saiha mamawh, district dang (Aizawl tiam lovin) an nei miah loh kan chah thleng ta. Shamiana 6 pairs, Kanak 6 pairs, Red Carpet (Jomdes), Green Carpet,Jute Carpet, Center Carpet leh Plastic Chair 300.
Hengte hi Saiha khawpui chuan a ma mawh zia hriain kan chah thleng a, man neia hawh theih vek a ni a, prog ramme nei turte chuan lo man min contact teh u.
N.Solomon Beihlotha
MHIP Day hman a ni
Nimin khan Mizoram pumah MHIP Day hman a ni a,Sawrkarin Holiday atan a puang bawk.He 37th MHIP Day hi Aizawl leh hmun dangte rualin Saiha-ah pawh I&PR Conference Hall,Council Vaih-ah hman a ni a, Pi Lianzami,President,MHIP, Council Veng Branch kaihhruaiah hian Macha C.Lalsiamkima chuan hunserh a hmang a ni.Khuallian Pu Laldinpuia Tlau, Judicial Magistrate chuan thu sawiin, Hmeichhiate dikna leh chanvo tih thupui hmangin,hmeichhe dinhmun siamthat emaw tihchak emaw thuneihna tam zawk pek emaw hian Mipa khuma siam ni lovin mipa tluka siam hi a tum ber a ni,a ti. Hmeichhiate danin a humhalh tlat a,Women seat reservation te, hmeichhiate chunga mipa in hleilenna an lantir chungchanga dan hmanga action lak dan tur te, hmeichhe dan bawhchhia an awm chuan hmeichhe dang tel lo leh nitlak hma chu man a thiang lo tihte a sawi.India danah Josepha kha a pi khan chetsualpui tlat se,thiamlo chang zawk tur a ni,a ti.
Khualzahawm Pi R.Lalduhawmi, CJM pawhin thusawina a nei a.Dr.Beilysa, Pu N.Vabeiratlua,I&PRO bakah JVAC hruaitu, MCHP leh MHIP Br. Sr.Adviser te pawhin fuihna thu an sawi a ni.
District Jail an tlawh – Pathianni kalta khan ECM New Colony leh Ebenezer KTP te chuan District Jail,Saiha tlawhin Programme an zu neihpui a,Pathian thu leh hla a inpawlhona te neiin thilpek an pe bawk.
District Jail,Saiha hi tlawhtu Kohhran,NGO an awm thin a,thilpek an pe zel nia hriat ani
Saikao Welfare Commt.
Nimin khan Pu I.P.Junior Inah Saikao (Tlosai) Saiha a awm zawng zawngte an kalkhawm a, Saikao Welfare Committee an din nghal a,hengte hi an hruaitute chu an ni:Chairman-Rev.B..Beilua Vice Chairman – Pu Jerry, secy – Rev.JR.Sanga, Org.secy-Pu Hrasia, inf. secy – Pu Nicolas Chhai hlo, Fin.secy – T.Basic, trea- Mc.A.Khailua. advisers- Rev.Ithra tluma,Mc. NT..vakaw , Mc.I.P junior. exe m- Mc.K.Thailua, Mc.T..chatlua, Kmc.Vakho Hnaihly,Pu A.sachhua.
Lunglei pan dawn
Vawiin hian Dr.S.Hrachu chuan lunglei a pan dawn a, Mizo Academy of Letter(MAL) Jt.Hqrs Lung lei chuan, Dr.S.Hra chu hi Appreciation of Certificate an hlan dawn a, Dr.S.Hrachu Mizo Khaw vel a i Thu leh Hla te kan ngaihsan zia entir nan he chawimawina Certificate hi kan hlan dawn che a ni,tiin lehkha mawi leh duhawm chu a dawng a ni. Dr.S.Hrachu leh R.Van lawma kha thuziak tam ber an ni tih a ni a,mahse Dr.Hrachu hi thu ziak tam ber a ni tih hriatchhuah ani.
Press kawm dawn
Pu S.Khipo,CEM,MADC chuan tunkar hun rem chang hmasa berah thuthar lakhawmtute chu a office chamber-ah kawm a tum thu a sawi a, Pan chayati Raj leh thuneihna lian zawk chungchang leh tul dangte thuthar la khawmtute hmaah a sawif iah dawn a ni,tiin kan palai a hrilh.
Hna chhunzawm
Government Higher Secondary School Saiha building thiah tawh hun engemawti chhung chhun zawm lohva awm chu a sak hna chhunzawm a ni leh ta a, zirlaite chuan an luah theih hun tur an nghakhelh hle a, Nipui leh Thlasik ah chuan tihdan dan a awm a, Furpui ah erawh tlanchhiat reng atul tak avangin an harsatna tawh mek sorkarin a rawn ngaihsak a, Building sak hna chhunzawm a nih avangin lawmawm an tih thu zirlai thenkhat chuan ML an hrilh.
Hla record
ECM KTP Hqrs in Music Video KTP Branch te intihsiak tura a rel bawhzuiin tunlai hian Branch thenkhat chuan hla an record mek, tan an la nasa hlawm hle.
‘Aw Zawlkhawpui tlawma’n ka phal lo che’
- Zosangliana (Zotea)
‘Mizofate Jerusalem’ ti hiala sawi thin, Aizawl hi Lallula tupa, Lalsavunga Sialsuk atanga a pu hnen atanga indang, Zawngtah, Tachhip leh Hlimen tea a insawnkual hnuah 1835 vela Aizawl khua rawn din tan ta niin, R. Vanlawma’n ‘Ka ram leh kei’ tih a ziakah khan kan hmu a. Hei hi a dik turah ngai ila, Aizawl chu kum 176 laia upa a lo ni ve ta tihna a nih chu. Aizawl khawpui inrelbawl dan, veng thendan leh inkalpawhna kawngtea hmalatu hmasa ber chu Loch sap, Manding putara an tih thin, chu niin ziaktu hrang hrangte thu atangin kan hre thei a. Hetih hunlaia Aizawl vengte chu, Venghlui, Thakthing, Mission veng, Tlangnuam, Kulikawn, Chhinga veng, Zarkawt, Zemabawk leh Aizawl Bazarte an ni awm e.
Tunah chuan Aizawl chu City tih hial a lo ni ve ta a. Veng pawh chhiar tham fea tam a lo awm ve ta bawk a. Mihring pawh nuai hnih chuang lai kan lo cheng ve ta a ni. Mahse, Aizawl khawpuia cheng tam berte hi Mizoram hmun hrang hrang atanga pem khawm kan nih vang nge, Aizawl hian duat leh hmangaihtu a tlachham takzet a. District Council hunlai kha chu sawi kai lovin, Union Territory (UT) Sorkar kan neih hun lai atang khan, Sorkarna chelhtu hrang hrangte chu – Ch. Chhunga (5 years), Brig. T. Sailo (6 and half years), Laldenga (1 & half years) Lal thanhawla (12 years), Zoramthanga (10 years) leh Lalthanhawla (2 & half years…) an awm tawh a ni.
Aizawl khawpuiah hian mihring kan pung chak hle a. Khawvel hmasawnnain a ken, In tha leh lian, lirthei chi hrang hrang a pun chhoh mek zel mila ruahmanna tha nei sorkarte sulhnu hmuh tur a la chau hle a ni. Kan In sak dan relfeltu tur kan nei lo va. Kan In-te chu bang intawm titihin kan innekchep em em a. ‘In inhnaih apiang an rilru a inhlat’ an tih fiamthu thin chu, tunah chuan a tak ram an chang tawh a. Motor intai sak tihte chu sawi buai peihawm pawh a ni tawh lo va, ke-a kalte tan hlei hlei a a hrehawmin a manganthlak takmeuh a ni.
Kan kawngpuite chu khua a chhiatin a diak zeihzuih reng a, a khuar thiah thluah a, tui a tling lenglung a. Kawngpui tlangdung ni lo, veng hrang hrang panna kawngte phei chu kawrte dung zawng ang thawthanga biboh an ni bawk. Khua a that deuh lahin vaivut khuin lirtheia kalte leh ke-a kalte min bawh paw thur reng mai bawk si a, a manganthlakin a rualhawhthlak takzet a ni. ‘Kan Zoram tlang nuam hi chhawrpial run i iang e’ tih hlate chu sak a inthlahrunawm ngawih ngawih tawh a ni.
“He tiang renga awm zawng a dik thei dawn lo ve, kan Aizawl khawpui enkawltu tur thuneihna sang tak leh mawhphurhna lian tak nei i siam ve ang u” tia, mi thahnemngai leh mifate tih dan hre zawk te’n thahnemngai taka an tlangau thinna leh nawrna avangin, mi khawpuite lo tih thin angin, Aizawl Municipal Council dinin, a mawhphurtu tur Councillor-te pawh Aizawl mipuiin beiseina sang tak neiin kan thlang ta kha a ni a. Sawi chhunzawm zel pawh hi a zahthlakin a ngamawm loh rum rum mai, mi fate’n an hre tam ang tih a hlauhawm. Mahse, sawtna chhete tal a neih hlauh takin, sawi zahthlak hle mah se, tlem tal ka’n sawi zawm teh ang.
India danpuiin Municipal thuneihna a pek rahbehna tur leh awmze nei hauh lo va hnungkhirhna turin, anni dinhmun aia thuneihna ropui tak keng tura danpuiin a lo ruahman sak, Mizoram State-a dan siamtu member zahawm em emte chu, Aizawl Municipal Council Meeting-ah an tel ve mai ni lovin, ‘voting right’ an neih theihna tur dan-te siam a ni ta mauh mai a. Heta ‘Voting Right’ nei vete hi, a thente phei chu, Mizoram rorelna sang bera, a hotu berte leh Minister-te an ni hlawm a, heng karah hian engtin nge kan Councillor thlan chhuah vete kha an khawsak ve tak ang!!. Dan phuahchawp, India ram mai pawh ni lo, khawvel Municipal awm tawhna-a an tih ngai hauh loh, Aizawl Municipal chunga a thleng ta hi, Aizawl mipuite zah lohna lian tak chu a ni chiang khawp mai. Phat mar tum tum mah se, tuman an awihsak ka ring lo.
Aizawl mipuite’n Tlumtea thlir taka kan thlir, Aizawl Municipal Council-in Aizawl khawpui a enkawlna leh a cheina tur sum ruahmana duangtu tur, State Finance Comission lah chu a rima-ra pawh hriat tur awm lo vin, an la ek cheh thutpui mai mai rih si a, a manganthlak tehzawng a nih hi. Municipal Council enkawltu tur bera ngaih, UD&PA Minister lah chu, amah a la naupan vang nge, ‘Catch them young’ tih vel leh Football Ground puitling pawh ni lo va, ‘phaitual hnim lem’ phah tih vela pawnto kual vel chu a hlimpui tawk a la ni rih si a, khua a var lo tehzawng a ni e.
Kan khawpui kawng a tawt satliah mai pawh ni lo, rikrum thila Kangthelh Motor leh Accident tawk Hospital rang taka panpui ngai; phur Motor-te tan pawha chet ngaihna awm chuang lo, kan Minister leh VIP light chhi intih-vei duhte tan pawha, intih-veina kawng kaw hlei thei chuang si lo te, kan khawpui laili Bazar Bungkawn-ahte meuh pawh kawngpuiah Ban lianpui pui an la phun ngam a, tunge enfiaha khap dawn? tih mipuite’n an la inrinsiak mai mai a la ngai ta fo reng si a nih hi!!. Sawi dawn ila, sawi tur a tam lutuk, mahse beidawng lo vin hmalam huntha inher hun hi thlir hram hram ila, ‘beidawnna hi sual a niin, hlawhchhamna bul a ni’ tih tal chauh hi kan hmachhuan awmchhun chu a ni rih zawng a nih hi. “..Aw Zawlkhawpui tlawma’n ka phal lo che..” Rokunga’n a tih kha hre rengin i titawp phawt mai teh ang.
July 12th, 2011 at 10:58 am
Thla thum aliam ta!!!!
April 8th 2011 khan Saiha khawpui ah MJA hruaitute hauhawtin Saiha BSNL customer zawng zawng te leh Saiha mipui hrim hrim kawngzawh an lo tum tawh a,ruahmana engkim tih vek ani a.Chu boruak sosang tur chu an kawng zawh chhan tur BSNL (Bharat Sanchar Nigam Ltd) hotuten lo hria in Saiha khawpui arang arangin an lo thleng chho vat a, Saiha MJA Press Club ah press mi kawm ho na an neihpuiah vat anih kha. Khami tum a an hotu ber Pu Biakthianghlima Chenkual AGM (Asst General Manager) khan Saiha mipui harsatna hrang hrang te chu thla thum ral hma ngeiin peih fel hman anih tur thu kha a sawi chhuak a. A hnu ah DGM meuh lo chho lehin Thlathum chung a peih fel a in tiam ve leh bawk ani. Atuk Saiha Dated April 9Th tuk Saiha daily newspaper hrang hrang ah BSNL hmasawn dan tur leh hmalak dan tur leh BSNL hotute thuthiam hrang hrang an tar lang fer fur anih kha.Tun hi July 11,2011 ani,, Thla thum chu aliam ta!!!! Eng hmasawnna mah hi Saiha khawpui chunga BSNL Customer te hian kan hmuh phah lova kan harsatna hi thlathum lian hnu pawh hian ala ngai reng ani. BSNL network a chhiat ngaiin ala chhia a, Broadband a that loh ngaiin ala tha lova,chak loh ngaiin ala chak lo reng bawk a,ruahsur hlekin network a awm lova,khawthat in chutiang thovin a monthly bill erawh a rawn kal tha hle thung.
Press meet an neih tuma BSNL hotu ten Saiha BSNL Customer te leh mipui hma an hrasatna sutkian sak vat an tumna point hrang hrang te kha thlathum a liam ta bawk a I han thlirkir leh lawk teh ang,hmasawna a awm reng em?
1. Broadband service atan khawlthar Aizawl ah a thleng tawh a,hna hi chak taka hmalak chhun zawm a ni ang a,thla 3 chhunga peihfel hman beisei a ni.
(Hei hi Broadband service atan bika an sawi a ni a, a khawlthar Aizawl thleng vek tawh si… tun thlenga Saiha khawpui rawn la thleng ta lo mai hi eng nge a awm zia? A rawn thleng tawh zawk a, kan la hmang lo nge?kan hmang tawh zawk a a function tha thei lo zawk? broadband service chu a chhiat ngai in ala chhia )
2. Mobile service tihchangtlunna turin DC Complex-ah New BTS dah thar a ni ang a,he hna hi chak taka hmalak chhunzawm a ni ang.
(He Mobile Service tih changtlunna tura atan khawl thar an tih New BTS hi la dah loh ani!!)
3. Complaint Box chu hmun laili-ah BSNL service tihchangtlunna turin complaint box dah a ni ang.
(Complaint Box hi thil tangkai tak ani a, BSNL service tihchangtlunna atana ruahman chu ani si a, tun thleng hian Saiha khawpui chung laili lai ah hian hmuh tur ala awm lo )
4. Customer service centre chu khawpui laili ah mipui awlsam zawkna turin Customer service centre hawn a ni ang.
(Customer service centre hi thil tangkai tak tura lang, tun thlenga la tih hlawhtlin loh ani)
5. Phone hrui zawng zawng leihnuaiah kan phum vek ang.
(Phone hrui leihnuai a phum chu kan la hnaih lo deuh ani ang, electric hrui nen a inzam pawlh nasat luttuk vang zawkin electric hrui puak tih thawm a khat tawkin kan hre leh zeuh zeuh thin zawk anih hi )
An point hrang hrang piah lamah khian BSNL hmasawn chhoh dan tur te thleng khan kan ngaithla in ka lo chhiar anih kha, Saiha khawpui hian hmasawnna lam kan pan ve mek zel a company hrang hran te pawh bu an rawnin khuar chho ve zel a. BSNL hotuten a ha hip a Saiha mipui thu min tiam tawh hnu pawh a tun thlenga tui len nghaka kan la nghah char char hi customer te tih tur reng ani em? Tih pawh hi kan in zawh nawn fo angai. Tun din hmunah hian Saiha khawpui chungah pawh Broadband leh BSNL phone hmang hi kan tha hnem em em a, heti tluka customer te harsatna hrethiam inti si a,a tak ram min thlenpui lo ta mai hi Saiha mipui tan chuan a huatthlala awm tak meuh ani. Khami tuma Press Club a Saiha MJA hotu te pawh khan heti hian khawngtakin an chang let ve leh anih kha “MJA Saiha hruaitute chuan thlathum chhungin in tiam avangin thlathum kan nghak ang che u,chuta hmasawnna a awm loh chuan kawngzawh chu kan huaihawt tho tho dawn a ni” tiin ultimatum an hmatheh anih kha. Tun hi a thla li(4 months) na chu kan kal leh ta mek ani a… Saiha mipui te hian BSNL service leh customer care ah hian kan lungawi tawh lo ani tih hi tawngka mai ni tawh lovin kan lan tir ve tawh dawn em?nge tawngkam thovin kan chang let leh dawn?Duh thlana chu mipui ta ani.