Pu S.Hiato,Minister-in Saiha IDCS a hawng dawn
Saiha,Jan,30: 2nd February 2010 (2:00 Pm) khian Pu S.Hiato,Minister,PHE,etc chuan Saiha ICDS office a hawng dawn.He programme hi Pu Ro tluanga, CDPO Saiha chuan a kaihruai ang.Pastor Khawpuimawia’n hunserh a hmang ang a, Pu S.Khipo,CEM,MADC leh mi pawimawh dangten thusawina hun an hmang dawn a ni. Pu P.L.Liandinga,Programme Officer,SWD chuan lawmthu a sawi ang.
Pu S.Khipo,CEM,MADC-in a fuih
Nimin piah khan MJA,Saiha District Annual Conference hmanpuiin khuallian Pu S.Khipo, CEM,MADC chuan thuthar lakhawmtute chu thu rintlak leh belhchian dawl chhuah thin turin a ngen a, ram hruaitute leh hotute chu awm bawk mahse mipui rilru kaihruaitu tak tak chu chanchinbumite in nih avangin in pawimawh ang tlukin in mawhphurhna pawh a sang a ni,a ti.
He programme Pu CZ.Hluna kaihhruaiah hian Pu H.Lalliana,Gen.Secy chuan report a pe a,Pu V.Pawhla,Treasurer chuan Finance report a pe a. Pu F.Lalfakzuala leh Pu B.Dawpho pawhin thusawina hun an hmang a, zaithiam B.Zonunsangi a zai a, Upa Hrangliana chuan hunserh a hmang a,Pu Hmaoko Hlychho-in lawmthu sawina a nei a ni.Tlai lamah CEM Quarter-ah Ruai an kilho nghal bawk.
MJA hruaitu thar te
MJA Saiha District hqrs hruaitu thar thlanna chu Pu F.Lalfakzuala,PRO leh Pu JB.Chozah,I&PO kaihhruaina hnuaiah neih a ni a.Hengte hi thlan an ni.
President – CZ.Hluna, Vice president – J.Jeffrey Khara, Treasurer – Lalnunkima Pisa, Executive Member te: H.Lalliana,V.Pawhla, Hmaoko Hlychho, C.L.Zama, M.Baithai leh H.Sabi te an ni.
* ICDS Office hawng turin Pu S.Hiato,Minister chuan 1.2.2010 khian Saiha a lo thleng dawn.
* ECM Zawngling koh hran chuan tun thlengin Kumthar programme an chhunzawm mek a, Pro Pastor S.Vabeikhokhei chu speaker a ni.Rev. V.L.A Mark te nupa pawhin Zawngling tlawh in Malsawm tawngtaina an zu neihsak a ni.
* ECM Nupawl khawm pui Tuipang ah hman mek a ni a,vawiin tlai lam hian rorel zawhfel theih beisei a ni.
* UPC(NEI) Chhimtui pui District Hqrs Saiha hruaitu thlanna karleh ah neih a ni dawn a,tunah hian Rev.Satinkapa chuan Secy leh Treasurer hna a kawp hrih.Rev. C.Valy chu Supt a ni.
UPC(NE) PYD Saiha bial khawmpui neih mek a ni.
* Lungzarhtumah Presbyterian KTP khawm pui an nei mek.
* Saiha District website siam hna zawhfel thaw khat a ni ta.
Pu N. Chakhai,PD,DRDA chuan Saiha Press Club Office
Saiha,Jan, 28: Nimin khan Pu N. Chakhai, PD,DRDA chuan Saiha Press Club Office a hawng. He programme Pu C.Z.Hluna,Vice president,MJA kaihhruai-ah hian thu sawiin khuallian Pu Chakhai chuan,BADP sum cheng nuai 10 a sak Saiha Press Club Office hawn a lo ni ta chu lawmawm a tih thu leh MJA,Saiha ten anmahni puala Office an nei ve thei ta chu a lawmpui thu tarlangin, district tan hmasawnna ropui tak a tling a ni,a ti.Khuallian chuan MJA Office chu Hall sakna tur hmalak nghal a tum thu a sawi a ni.Pu Chakhai chuan Steel Almirah chu ngaihtuahsak a tiam nghal a ni.
Pu B.Dawpho,President,MJA chuan Press Club office report a pe a, Pu C.L.Zama,Secy,Inf chuan lawmthu sawina a nei a, Rev.ST.Zawsi, Moderator Elect chuan Malsawm dilna tawngtaina a nei
Vawiinah MJA Annual Conf.cum Gen.Election
Vawiin hian PRO Conference Hall-ah MJA Saiha District Annual Conference cum Gen.Election neih a ni dawn a, Pu S.Khipo,CEM,MADC chu khuallian a ni ang. Macha Ng.Hrangliana’n hunserh a hmang dawn a, 1st session hi Pu B.Dawpho, President,MJA-in a kaihruai ang. 2nd session hi Pu CZ.Hluna,Vice president,MJA chuan a kaihruai dawn a, Pu J.Jeffrey Khara,Fin.Secy-in welcome speech a nei ang a, President chhuak tur leh president thar in thusawina an nei ang a, Lalremruati a zai ang a,Macha Hmaoko Hlychho -in lawmthu a sawi ang.
General Election ah hian I&PRO chu RO a ni ang a, I&PO,MADC chu PO ani ang. Tlai lamah Conference Ruai kilho nghal a ni bawk ang.
He MJA Saiha District Annual Conference ah hian Chanchinbu semtute bakah Cable pahnih New Skylink Vision leh HS Vision a News reader leh Lineman te zawng zawng pawh tel vek tura sawm an ni bawk.
Maraland RS Seminar
Nimin Dt.27-29.1.2010 khan MADC Forest Hall-ah Maraland Research Society Seminar neih a ni a, Dr.K.Robin, Secy,MRS, Asst. Professor, Department of History,MZU leh Dr.K. Zohra,V/president, MRS te chuan an kaihruai a, M.Vabeiryureilai,J RF,Zoology,MZU chuan hunserh a hmang a, Dr.Lai-u Fachhai, President, MRS, Director, SIMNEI, Shillong chuan Presidential Address a nei.
Resources person te: Pute Hiphei,Ex-MP, P.P.Thawla,MLA, S.Hrachu,Translator, Pachi,MADC, Dr. Bob by Beingachhi, Lecturer, PUC, Dr.Lai-u Fachhai, Pachi Hlychho,Secy, BSE, Dr.Chawngkhuma Chawngthu, Lecturer, C.Thahe,JE,P&E, Dr.M.Zakonia.
* Nimin khan BRGF chungchang sawihona meeting Bawrhsap,Saiha hovin neih a ni a, hmalak zel dan tur an thlirho bawk.
* Vawiin hian Evangelical Church of Maraland KNP khawmpui thlenkim ni a ni a,Tuipang-V ah zanin atangin program hman tan a ni ang.He KNP khawmpui a tel turin Saiha leh Tuipang a Chanchinbumi/Media/ MJA sawm vek an ni.
* Pu S.Hiato,Minister, Tourism,etc chuan tun kar a rawn chho tum chu rem chan lohna vangin a thulh nia hriat a ni.
* MTP Hqrs leh MADC Forest department buat saihin Fire prevention Awareness campaign chhunzawm mek zel a ni
* New Skylink Vision leh HS Vision chuan MJA Saiha Press Club office ah Star TV a thlawnin an zawm sak nghal a,anmahni hi MJA member an ni tho bawk.
MJA ah hian tanpuina pe duh tan pek theih reng a ni a,a pe tawh an awm nual bawk.
India ram Republic Day ram pumah hman a ni
Saiha,Jan,27 : Nimin khan 60th India ram Republic Day ram pumah hman a ni a.Saiha-ah chuan Bawrhsap Pu Kunal,IAS chuan hnam puanzar pawtpharhin parade chibai a chhanglet a,mipui hnenah thuchah sawiin, India ram zau taka cheng hnam chi hrang hrang te chakna chu inpumkhatna leh inunauna a ni,a ti a,hei hian hun khirh tak karah pawh tha takin hruai tlang thin a ni,a ti.
Mipuite chawikan nana kawng hrang hranga sorkar hmalaknate tarlangin khuallian chuan Agriculture lamah National Watershed Development Project for Rain fed Areas (NWDPRA) hnuaiah khaw 15 huamin project 18 thawh mek a nih thu te, RD lamah kumin chhungah chhungkaw 12152 te tan ni 64 inhlawhna Rs.972 lakhs leh material component Rs.78 lakhs sen a nih thu leh BRGF hnuaiah khawtlang rotling community hall,retaining wall,etc siam nan Rs.857 sen a nih tawh thu te, NRHM hnuaiah Health SubCentre 17 sak zawh thu te, PMGSY hnuaiah PWD ten kawng 181.73 km an siam tawh ah 69.88 km chu BRTF a hlanchhawn a nih thu a sawi a ni.
Kum danga tih ngai loh Dept/NGO hmalakna tarlarna Tableau pho lan a ni a,MTP ten Sawlakia an entir a,AMKA leh SDTA ten show an nei bawk.
Parade contingents 9 zingah 1.Lorrain School 2.GHSS, 3.Don Bosco, Police thawk tha zual David H.Lallianhluna,ASI, H.Lalremruata, Const.Chauhan,Cons:Ratul,Cons Lalzawmpuia te hnenah Incentive Award hlan an ni.
Tableau- 1.MTP(H), 2.P&E 3.MADC Forest. Best Teacher Award dawngtute: 1.Pu S.Ngialo,H/M Chakheitla P/S. 2.Pi C.Nahu,H/M Amobyu-B P/S, 3)Pu S.J.C.Lalthansanga,Edn Veng M/S 4. Pu K.Lalbiakzuia, Diary M/S Tuipang.
School tha te : 1. Chapi M/S, 2. Lorrain English School 3.New Saiha P/S-II, 4.Chakhei P/S-I
He Republic Day ah hian Orphanage/Hospital & jail ah thilpek hlan a ni a, sawm bikte tan ‘At Home’ buatsaih a ni bawk.
ECM KTP Epecial Executive Committee tluang taka zawhfel a ni
Saiha,Jan,25 : Evangelical Church of Maraland KTP Special Executive Committee cum Seminar on Sex Abuse chu ECM Saiha Vengpui Local Church-ah tluang taka zawhfel a ni ta. He Special Committee Macha Beimosa Azyu kaihhruai a thurelte chu : 1) ECM KTP Hqrs in Bible Correspondent kumkhat ti thin nise. 2) ECM KTP Hqrs in HIV/AIDS hlauhawmzia KTP Branch hnenah Awareness campaign nei rawh se. 3) Kum 2010 hian ECM KTP-in Praise & Worship leh Intihsiakna buatsaih rawhse. (4) Bible Quize buatsaih nise. (5) Kum 2010 hian KTP Branch te intlawhtawn nise. (6) Kum 2010 a Branch ten nikhat tha theuh thawha a tanpui ngaite tanpui nise. (7) ECM KTP Branch a din tawhna a Zaipawl ding thei rih loten Zaipawl an indin theih nan hmalak nise. (8) Computer Lap top printer lei nise (9) Budget Rs.6,00,000/- passed a ni.
* Naktuk 26.1.2010 a Republic Day lo awm tur atan sorkar a inbuatsaih nasa hle a,Saiha-ah chuan Pu Kunal,IAS, DC chu khuallian a ni ang a, Aizawlah Pu M.M. Lakhera, Larsap khual lian a ni ang a, New Delhi-ah Pi Pratibha Patil,President of India chu khuallian a ni ang.
* ECM Assembly Chhuarlung a lo awm tur atan inpuahchah mek a ni a, ECM-KNP khawmpui Tuipang-V a lo awm tur atan inpuahchah mek a ni bawk.
* UPC(NE) Saiha bial khawmpui College Veng UPC local church ah nimin khan zawhfel a ni a,an thurel zingah Revival Pastor rawih nise. Na kum Saiha bial khawm pui chu Collenge veng -II UPC(NE) Local Church ah neih nise tihte a tel a ni.
* Mz-03-3131(Alto-Blue) chu Inrinni zan dar 6-7 inkar khan mi tu emaw in min sut sak a,a titu hi engmah sawi lovin a tlanbo daih a,hriat thawi i ni tawh e- Lungmuanpuia
Beizachhi Collection
John Beizachhi Collection a a tel turte J. Ruby, C.Miriami, Hc.Ngoki, LC.Beirapawngia, Merari, Beichatlai, Bei khokhei, C.Beirathie, C. David, T.Beirapha, Bei mongia Khithie an ni a.Album heading chu Mara Lei Awsizy tih a ni.
Miss Damary a kal
Gospel singer Miss Damary P.Hlychho (Welden) chuan BA final turin Shillong a pan leh ta a, Miss MSO Shillong 2008 kha a ni a, Moon Light Award,2009 zan khatna-ah khan khualzah awm a ni nghe nghe. Sorkar hna zawn nghal mai a tum lova, a theih tawp a zirna chhun zawm zel a tum a ni,tiin ML Thalai huang zawhna a chhang.
Ronaldo pawhin fak
Argentina football super star leh Barcelona striker ni bawk Lionel Messi dah nil tura Real Madrid zawm anga sawi chu Criatiano Ronaldo chuan chutiang rilru a put ngai loh thu sawiin Messi chu a ngaihsan thu leh khawvel a footballer tha ber nia a hriat thu a sawi chhuak ve ta. Kaka pawh a ngawi bik lo,Messi chu fak ve-in Kaka chuan Messi hi khawvel football player ropui ber a ni, Fifa Award leh a dangte a hui vek hi a nihdan tur dik tak pawh a ni a ti.
