Moon Light Daily Newspaper

Saiha,July,3 : Nimin khan Pu S.Vabeihasa,president,MTP Hqrs kaihhruaina hnuaiah MSO Gen.Hqrs chuan an office-ah thuthar lakhawmtute kawmna an nei.MSO hruaitute chuan an hmalakna leh an hmalak zel dan tur an sawi chhuak a.Vawi tam tak an nawr tawh thin angin kumin Academic session 2009-2010 atangin Govt Saiha College ah Science Department chu rawn dah let leh a nih bakah dept dang Commerce leh Geography pawh rawn hawn thar a ni nghal bawk a,mahse tun thlenga Lecturer(Sc,Com & Geo) post ruakte chu la hnawhkhatlo a nih avangin Academic session for 2009-2010 chu la tan theih lovin a awm a,kan harsatna chu Education Minister Pu Lalsawta leh Pi Esther Lalruatkima,IRS,secy hnenah kan thlen a,arang lama min sutkiansak tur thu min tiam avangin kan lawm hle a ni,tiin Pu S.Vabeihasa chuan a sawi.

Nikum lama MSO ten kan lo thlen tawh thin angin tun thlenga Lecturer (Art & Sc) post ruak tam tak la hnawhkhatlo te chu kan Education Minister zahawm tak Pu Lalsawta,Minister,H&TE leh Edn Secy Pu K.Riachho,IAS hnenah kan thlen a, sutkian sak min tiam avangin kan lawm hle a ni,tiin GHSS (H/S) section a post ruak 2 hnawhkhat tura kan ngenna tihhlawhtlinsak min tiam a,kan lawm hle a ni,chu bakah Govt Tuipang HS upgrade turin leh ECM HSS chu Synod leh Baptist school sorkar in a enkawl ang chiahin sorkarin min enkawlsak turin kan ngen a,tihhlawhtlinsak min tiam bawk avangin kan lawm tak zet a ni,tiin Press an hrilh bawk.Admission,etc fee tam lutuk chu tihhniam tura hmalakna kalpui mek a ni tih an sawi bawk.

Emergency meeting

Vawiin tlai dar 2 hian MTP office-ah MTP,MCHP, MSO,MJA chuan Emergency meeting an nei dawn a,Doctor 3 sawn chhuah chungchang sawiho a ni ang.

Zanin ah NSV buatsaih Word Spelling closing ceremony ropui takin neih a ni ang
(Zaithiam zong zong an che vek dawn)
Mipui hlut em em NSV buatsaih English Word Spelling competition closing ceremony ropui tak chu zanin dar 6.30pm hian NSV studio-ah neih a ni dawn a, Pu K.Hrahmo,EM,Education,MADC chu khuallian a ni ang.
Zanin closing programme-ah hian zaithiam zawng zawng an che vek dawn a, he local live programme thlir lo chu lenlai chan an ni mai ang,chuvangin lo thlir ngei ngei ang che. MJA te chuan an member pui Pu V.Pawhla, NSV neitu chu tawiawm vek an tum nia hriat a ni.Lawmman pawh chhe lo tak a ni dawn a,he lawmman dawng pha chin chu Mara ram milar an ni nghal mai dawn e.He English World Spelling Competition hi SSA,MADC sponsor a ni a, zirna tihmasawn zelna tur programme chikhat a ni a, zirlai leh mipuiten an hlawkpui hle tih hriat a ni.
Zanin programme-ah chuan Maraland milar engemawzat an inlar dawn bawk a, atul chuan tlaivar thlengin programme hman tum a ni,tiin Pu V.Pawhla, Owner,NSV Mazuia,Secy,English Word Spelling Organising Committee chuan ML an hrilh a ni. Khai le, kan rilru chu closing programme lam i hawi vek ang u le

* Nimin khan Pu K. Hrahmo, EM,Education hovin Mara Literature Committee an thukhawm a,Bye Law chu an pawmfel ta bawk.

* Vawiin hian Pu K.Beisa, EM,Sport chuan dar 10.30 am ah SDTTA buatsaih Table Tennis championship a hawng dawn a,Pu J.Jeffrey Khara’n a tawi awm ang.Pu KH.Hachhua, Sr.Vice,SDTTA chuan a kaihruai ang a, Pu C.Lung muanpuia,Secy-in report a pe dawn a, Exhibition match chu Gloria leh Elisa ten an khel bawk ang.En turin mi zawng zawng an sawm.Ahmun ECM HSS Indoor Stadium.

* Nimin khan Hilgate zirlai Kg-I hmeichhe nau pang Zingbi(7) chu Santen -in a boral a,MTP New Colony chuan a kuang siamsakin a ruang hi a pianna khua Siata lamah phurhchhoh nghal a ni.

* Nimin atang khan MADC staff te chuan thla hlawh an tan leh ta,Taxi/Auto tlan pawh a tam sawt a,dawr bungrua a kal leh zung zung bawk.

* MTP chuan ruihtheih thil engemawzat nitin an man belh reng,mipuiin an fak hle a ni.

Vote a dil

Indian idol selection ‘The Hunt’ a top 10 tling ta Sangliani Tochhawng,ECM Vaih,Saiha chuan Saiha district mipuite chu an tawngtaipuina vangin an chungah lawmthu a sawi a, top 5 thlanna atana vote atul hunah vote vek turin a ngen nghal a ni tih ML thalai huang a hrilh.

W.B chawimawina

Krista Pasaltha Evan.Lalhma ngaihzuala Renthlei chuan Inrinni zan hian Mizoram a Pathian hla phuahtu lar ber pawl mi ropui Wellborn Manner Azyu chawimawina Certificate a hlan dawn a ni.WB hlaphuah ‘Aw hmangaihna” tih chu a thukin a ropui ber a, ka hla duh ber a ni,tiin Krista Pasaltha Lalhmangaihzuala chuan a sawi.He Certificate hlanna -ah hian Jeffrey Khara’n thusawina tawi a nei bawk ang

John Beizachhi a lawm

Zaithiam lar tak John Beizachhi chuan a mamawh em em In hmun petu Pu S.Khipo,CEM, MADC, Pu MH.Tiabi,EM i/c Rev. leh Pu N.Pachhunga,SRO chungah lawmthu a sawi. John hian,Indian idol selection Mizoram a neih-ah amah bik hi chu a tel lo pawhin direct-a contest thei dawn tih sawiin hemi tan a qualify thu a sawi a,indian idol contest turin Delhi ah kal turin a inpuahchah thu ML thalai huang a hrilh.

* Zomuanpuii album release tur chu a hit leh ngei rin a ni.

* Manchester Utd chuan Cristiano Ronaldo thlaktu atan Valencia an lei fel ta a, Fergie chuan he pa hian thil topui min tihsak ngei kan beisei,a ti.

* France footballer Benzema chu club lian engemawzatin lei an inchuh a,a lei thei tur zingah Real Madrid hi rinkai pawl a ni bawk.

This entry was posted on Thursday, July 2nd, 2009 at 10:46 pm and is filed under Recent Posts. You can follow any responses to this entry through the RSS 2.0 feed. You can skip to the end and leave a response. Pinging is currently not allowed.