Mara Arsi lian Pu J.Vialua kan chan ta
Saiha,June,30 : Nizan dar 8.80 Pm khan Saiha Civil Hospital-ah Mara Arsi lian, hlaphuah thiam leh Zaithiam lar ber Pu J.Vialua chu kan lo chan ta.Nimina kan lo tarlan tawh ang khan Pu J.Vialua hi zirtawpni tlai lam khan an In bul culvert-ah a tlu palh a, a lu thler hmun 2 ah thui a ni a, a nak a sawh na hle bawk a,mak deuh mai chu a tukah hla vak lovah reilote a leng thei nia sawi a ni,mahse a insawhna hian chhungril lam a lo nghawng thui deuh avangin chaw pawh a ei thei lo nghal a,Nursing Home ah dah chho phawt a ni a,Sunday khan Civil Hospital-ah sawn chhoh a ni leh a,hetah hian Pute WB Manner Azyu, FC.Minela leh J.Jeffrey Khara te chuan ruahsur lai do chhovin an han kan nghal bawk a,hetah pawh hian Pu Vialua dinhmun hi a ngaihtuahawm tih a hriat theih.Tichuan nizan dar 8.30 Pm ah khan Mara Arsi lian mi ropui hming dai tawh ngai loh tur Pu J.Vialua chuan min kalsan ta a ni. Pu WB Azyu chuan Pu Vialua a ui tak zet a ni,tiin lungchhe taka Moonlight office a rawn phone hnuah K.Minuti chuan Pu Vialua a ui thu a rawn massage nghal a, Pi V.T.Maduhi chuan tap chungin Moonlight office a rawn phone a,chumi hnauh S.Ngopathai-in a rawn phone leh a,zaithiam tam takin a rawn phone bawk a, Pu Vialua an ui thu an rawn phone a ni.Mi tam tak Pu Vialua In lamah an pungkhawm nghal bawk.
A zawna Moonlight Award vawithum la tawhtu Pu J.Vialua hian kum hmasa khan Pu J.Jeffrey Khara,MTP Hqrs leader chu Myanmar Darling khawpui a MTP/MSA Joint Conference a khuallian a nihnaah Pu Vialua,Pu A.Chhualai,Maduhi leh Vasty ten an tawiawm a,khatah khan karkhat chhun zan lama free concert Pu Jeffrey Khara’n a buatsaihna ah khan Pu J.Vialua a han zai tak chu chu mipui sangruk rual an lam mup mup mai a,sipai leh Phungki te nen lam pawh an su dup dup mai a nih kha. Pu Vialua zawng a lo ropui bik hle a ni,kan ti lo thei lo. Shillong a MSO ten Pu Vialua an Day hamnpui tura an sawm tum te khan a va ropui em, Moonlight ah pawh ropui takin kan lo chhuah tawh kha. Vawiin niah Offset kan nei lo chu a va pawi em,Pu Vialua a thlalak nen kan chhuah thei lo hi kan pawi tak zet a ni.
Vawiin chu Moonlight issue hi Mara ram Arsi lian,mi ropui Pu J.Vialua pualin kan hlan a ni,chuvangin chhiartuten min hriatthiam kan beisei. Kumin Moonlight Award lo awm turah Pu J.Vialua sunna hman a ni nghal dawn a ni,tiin Chief Organiser Pu Jeffrey Khara chuan a puang nghal.
Pu J.Vialua hi zaithiam ropui a ni bakah hlaphuahtu ropui leh zaithiam dangte promote-tu ropui tak a ni tel bawk a, Primary Teacher niin Literature lama thawk hlawk tak a ni tel bawk.
1994 a Miss Mara thlanna Zawnglinga neihnaah khan ‘Mara Paw No tih hla mawi em em mai sa-in Miss Contestant te thlahna hriatreng tlak a lo nei tawh bawk a,amah hian zaithiam a chher chhuak hnem hle bawk a,a hlaphuah lar tak tak te hi amah diltu zaithiamte chu phal takin a pe thin a ni.Pu Vialua chanchin hi ziah vek dawn chuan han ziahsen chi a ni dawn lo. A khat tawkin Fine Tune Studio leh Moonlight office a tlawh thin a, amah ah hian zir tur tam tak kan nei a ni tih a hriat theih.A fanu J.Ruby,Maraland idol hi ama chherchhuah a ni a, a fapa upa ber Halleluia,Drummer ropui, a fapa naupang zawk Vaha,Guitarist ropui leh a fa dangte hi Rimawi tum thiam vek an ni a,MTP,MSO Conference tihhlawhtlingtu ber te zinga mi an ni bawk a,Pu Vialua tel lo hian Conference function nei leh tur a huphurhawm hle.
Pu Vialua hi kan zingah awm tawh lo mahse Mizoram leh Mara ram mipuite thinlungah a hming ropui tak hi hriat a hlawh reng tawh ang.
July 2nd, 2009 at 6:59 pm
Khizaw atao tupa he alei cho nata ava zydua liata bie ahnei tupa Chokhazo Ry raona cha ahy hmata sie pakho theipa eima cha leina hawta,eima pasai lei kawpa Mara hla paw cha miah apa ha sai aw.Tao thai aru tlaina,”Rala tho so nai kawma ko to ta paw cha nei ty ei,eima paw J.Vialua deikua hno lai rai kua achhua khau khao va” na thlahmi ngala he ma eima tyu thla ha aw,Na viasa na lokhy zy pi laila hry lia na y thlyu aw ta ta vala za zopi hmopa rai y khao tlo chi va,chhoso a pa sa rima cha la.Rama la chha charei kho ty va pi y.