Moon Light Daily Newspaper

(MHP ten amah hla hmangin an thlah)

Saiha,July,1 : Mara Arsi lian Pu J.Vialua ruang chu nimin tlai dar 2 khan Meisa Vaih thlanmualah ropui taka vuiliam a ni ta.Mi sang tam tak he mi ropui vuina inkhawmah an tel a,Rev.NC.Vabeilua chuan a vuiliam ta a ni.MHP chuan an founder Pute A.Thazi leh Jeffrey Khara te hovin Pu J.Vialua ruang thlahna chu amah hlaphuah ngei ‘Rama haw ama cha khai ‘ tih hla hmangin mittui nen an thlah liam a ni.Kum 55 a upa Pu J.Vialua hian a nupui Sano leh a fate 8 (Mipa 3 leh Hmeichhia 5) a kalsan a ni.Pu Vialua natna hi Tetanus tih a ni. Fine Tune Recording Studio leh Moonlight Daily Newspaper chuan Pu Vialua hriatrengna leh amah uina thu ziak duhtu apiangte tan Register Dawhkan ah hungin an vil nghal a, zaithiam te, politician te, Officer te,Social worker tam takin an ziak a, MTP office-ah thlakhat chhung a duh apiang tan ziahna chance an hawng leh dawn a,chumi hnuah a bu-in an siam dawn a ni tiin Pu WB Manner Azyu chuan a sawi.

Moonlight website chu ram hrang hrang atanga lo thlirtu USA,Canada,Malaysia,Yangon,Australia,etc atangin amah uina thu Moonlight office-ah an rawn thawn reng a, Mizoram hmun hrang hrang atangin Pu Vialua an uina thu an rawn thawn bawk a, chung zingah chuan Pu C.Dinthanga,Pu N.Zahry, P.Damary Hlychho (Welden) leh Indian idol selection contestant Sangliani Tochhawng,ECM Vaih te an tel a ni.

Ringhata Pa,New Colony chuan Pu Vialua hriatrengna hla ‘For ever young ‘ tih thupui hmangin a phuah nghal a ni.Dr.K.Beichhua te nupa chuan ruang thlah turin lehlangin an rawn chho bawk.

NSV chuan J.Vialua Nite buatsaih an tum a, HSV chuan J.Vialua Tribute concert buatsaih an tum bawk. Moonlight Daily Newspaper chuan nimin leh vawiin a Moonlight Newspaper chu Pu J.Vialua pualin a hlan a, a chanchin a tam thei ang berin a chhuah bakah khawvel ram hrang hranga Mara fate chu Moonlight Website hmangin a hriattir bawk avangin Australia,USA,Canada, etc ah Pu Vialua sunna hun an lo hmang theuh a ni tih email-ah an rawn thawn a.Shillong MSO pawhin Pu Vialua sunna programme an hmang a ni tih Miss Damary P.Hlychho (Welden) chuan ML a rawn hrilh bawk.

This entry was posted on Tuesday, June 30th, 2009 at 9:17 pm and is filed under Recent Posts. You can follow any responses to this entry through the RSS 2.0 feed. You can skip to the end and leave a response. Pinging is currently not allowed.