Moon Light Saiha

MADC Education dept-in Pi K.Minary leh Pi Vanramngaizuali hlawhtlina a lawmpui

Saiha,May,10 : Nimin khan BRC Hall,MADC-ah MADC Education Department chuan tunhnaia Mizoram puma B.Ed Training a Topper K.Minary leh Ist Division Vanramngaizuali(Atei) lawmpuina programme an buatsaih.He programme Pu K.Vathlalo,AEO,MADC kaihhruaiah hian Macha S.Lalrokhuma chuan tawngtaina a nei a, Pi K.Dinai,AEO,AEO chuan thilpek a hlan.Pu V.Zacho,EO,MADC chuan thu sawiin, Gospel Centenary kan dawng mek zel a, Pi Minari leh Pi Atei hi kan lawmpui tak zet a ni,ati. Pu JB.Chozah,DPC,SSA pawhin thu sawiin, hlawhtlinna hmu tur chuan taimakna a pawimawh a ni,mi 2 te hi an taimakna rah an hmu a ni,a ti. Pi Zoramthangi,Principal,LES chuan a staff Minari leh Atei hi an nunah leh a thawhrimnaah entawn tlak an ni a, Ngohlaki leh Gospel te pawh kha an kutchhuak a ni,Centenary malsawmna kan han ti naa tumruhna leh taimakna tel lo chuan hlawhtlin na a awm thei chuang lo,a ti.Pu C.Lawbei pawhin fuihna thu a sawi. Pu S.Vabeihasa,I&PO conduci-na hnuaiah MJA aiawhin Pute CZ.Hluna,President,MJA leh J.Jeffrey Khara, Vice president,MJA ten zawhna hun an hmang.

Tha hlawm hle

ECM-KTP Hqrs in short film competition a buat saih a pakhatna Bethel KTP film te, pahnihna Edenthar film te,pathumna Siaha Vaihpi KTP film te a tha-in belhchian a dawl hlawm hle a,tin Betheny KTP film siam pawh a tha hle a,Anni hian Mobile tih thupui hmangin film an siam a,local channel ah pekchhuah tawh niin a entuten an fak hle.

Tunah hian ECM Hqrs chuan Music Video competition a buatsaih leh mek a, KTP Branch hrang hrangte chuan shooting an nei mek a, inpuahchah mek an awm bawk.

ECM-KTP Hqrs hian zaipawl intihsiak pawh buatsaih leh se a tha ang tiin mi thenkhat chuan an duhdan an sawi ve mek bawk.

Pu Chawngtinthanga lokal dawn

Naktuk khian Pu Chawngtinthanga,Parliamentary Secretary i/c EWducation,etc chuan Saiha a rawn tlawh dawn a,12.5.2011 Saihaah MSTA ten Mass Provincialisation lawmna programme ah khuallian a ni ang.Pu Chawngtinthanga hi Saihaah ADM(J) hna hun rei tak chelh tawhin amah pawh a inti Saiha hle a ni.

Judo Competition

Vawiin dar 10 hian Laila Hall,College Vaih ah Judo Competition tan a ni dawn a, Pu Vanlalhruaia,Senior Vice president,Mizoram Judo Association chuan thusawina a nei ang a, Pu P.P.Zalena,President, Saiha District Judo Association chuan a kaihruai ang a,Demonstration neih a ni nghal ang a,chumi hnuah Judo Competition tan nghal a ni ang.

Mizoram in project Central-a a thehluh priority list ah MADC project 11 a tel

Nimin khan Pu FC.Zase,Chairman,MADC chuan Congress Bhavan-ah thu sawiin tunhnaia Aizawla meeting pawimawh takah a tel a,chumi hnuah Pu Sharad Pawar,Union Minister i/c Agriculture chu District Council aiawhin an hmu a ni tih sawiin project chu Mizoram sorkar siam pawh nise, Council siam pawh nise a hmun tur lei chawp ngai chi chu an hnawl nghal zel a, vanneihthlak takin MADC in project kan thehluh zinga 11 chu Mizoram sorkarin priority list ah telh LADC 3,CADC 2 pawh an telh bawk a, Priority list a telh loh hi chu awmzia a nei loh avangin hetia priority list a min telh hi a lawmawm tak zet a,hlawhtling ngei ngei tura ngaih a ni,a ti.

Central Minister kan hmuh laiin Pu H.Liansailova, Minister i/c Agriculture,govt of Mizoram pawh a tel a, Pu Liansailova hian Phura zawl a en vek tawh thu leh pawimawh a tih thu a sawi bawk a,tichuan Union Minister chuan Rice Bowl siamna hmunpui atan Phura zawl leh Chamdur chiah hi tihhlawhtlin kan tum ang,tin Construction of Secretariat building,MADC te, Saiha town siamthatna tur te leh MADC hotuten Aizawl a Hostel sak an rawtna te tihhlawhtlin a ni bawk ang,tia a sawi chhuak chu kan lawm tak zet a ni,tiin Dr.Manmohan Singh,Prime Minister leh Pu Lal Thanhawla, Chief Minister kaihhruai Congress sawrkar hian thil ropui tak min tihsak chhunzawm mek zel a, kan lawm tak zet a ni,hei lo pawh thil dang tam tak a awm a ni,a ti.

Thubuai siamsak ang

Pu K.Hrahmo,EM, Education, MADC chuan ML zawhna chhangin Certificate phuahchawp/leichawp hmanga Primary Teacher hna dil an awm man an awm vaih chuan thubuai(case) siamsak an ni a,dim an ni dawn lo,a ti.

Maraland idol lawmpui nan Pu Wellborn Manner Azyu leh Pu J.Jeffrey Khara chuan Edden T.Azyu chu a thlawnin Music video siamna tur hla FT Recording Studio-ah an thun sak hnuah Eden Azyu chuan a music video chu a peihfel ta a,demand channel-ah he hla “Haleluia Amen” tih Music Video hi hmehchhuah zin ber pawl a ni ta. Veng hrang hrang leh khaw hrang hrang a mite chuan Eden Azyu hla an duh zia ML thalai huang an rawn hrilh nasa hle a,a perfomance a tha bawk si a,amah chetzia hrim hrim ah hlim hmel a lang tel a,chuvangin thlirtute lung a dum zan mai.

Hetih lai hian Amah Eden T.Azyu, Maraland idol ber hian a Music Video hit tak chu thlir hman lovin Boarding-ah a riak ta daih a, ML Thalai huang palai chuan chibai bukin a Music video hit thu ah lawmpuina chibai a buk zawhah a zirna tha taka a hlawhtlin theihnan duhsakna a hlan a,tichuan Boarding ah riak lut ta a ni. Eden T.Azyu hi fans ngah ber pawl niin a kalna apiangah duhsakna chibai a hlawh hnem thei hle.

Vawiin Dt 6th May, 2011-a Technical Entrance Examination 2011 result tihchhuah a ni ta chu MZP chuan lawmawm a tiin result buatsaihtute leh hemi atana ngaihtuahna, tha leh tui sengtute zawng zawngte chungah lawmthu a sawi a ni.

Kum hmasa lamah te result felhlel leh buarchuar taka buatsaih a nih hnua hun reilote chhunga MBSE-in result a buatsaih thei chu MZP chuan fakawm a ti a hle a ni. Result hi uluk taka zirchian leh MZP chuan a tum a, chutihlaiin result dik leh felfai tak a nih erawh a beisei.

Hetihlai hian merit list anga allotment siam turah felfai tak leh langtlang taka tih nise MZP chuan a duh takzet a, induhsakna thianghlimlo leh a ruka thil tih a awm lohna turin thuneitute leh a buaipuitute zawng zawng MZP chuan a ngen tak meuh meuh a ni.

Sd/-

(Lalsangzuala Ngente)
Asst. General Secretary

This entry was posted on Friday, May 13th, 2011 at 12:17 am and is filed under Recent Posts. You can follow any responses to this entry through the RSS 2.0 feed. You can skip to the end and leave a response. Pinging is currently not allowed.