Moon Light Saiha

Geology and Mineral Recourses Department Aizawl leh MADC EMs te chuan, Saiha khawchhunga In hmun Loram Khi nasa (Singing Area) chu a hmun kalin an enfiah.

Saiha,Feb, 19 : Geology and Mineral Recourses Department Aizawl leh MADC EMs techuan, Saiha khawchhunga In hmun Loram Khi nasa (Singing Area) chu a hmun kalin an enfiah. Nimin zing Dar 7:00Am khan Geology and Mineral Recourses Department Aizawl leh Pu V.Vanhupa, EM,PWDMADC & Pu K.Beisa,EM,Rural Dev.MADC te chuan, Saiha khawchhunga In hmun Lo ram Khi nasa (Sinking Area) chu a hmun kalin an enfiah.Saiha khawchhungah hian Sinking Area New Colony VC -2 leh VC-3 area, College Veng leh Council Veng te an ni a, In 560 chuang awmna veng ni.

Hetiang thil thleng avang hian, MADC Winter Secession chuan Lungrual takin Resolution an lo pass tawh bawh zuiin nimin khan Dr,H.Lallenmawia Jt. Director,Geology & Mining,Mizoram, Pu Lianngura Pachuau Geologist leh Pu Lalremmawia Asst. Controller of Mines te chuan hmalak dan tur a hmun ah enfiah a. Arang lama hmalak atul tih Dr.H. Lallenmawia Jt. Director chuan a sawi. Saiha khawchhung ah In hmun Lo ram luahtlak loh engmawzat kumin Fur ruahtui tam lai khan a awm nual a; din hmun hlauhawm anih avangin VC leh khawtlang Tlawmngai pawl hrang hrangte chuan In engmawzat an lo thiah sak tawh nghe nghe a ni.MADC Winter Secession thutkhawm chuan Lungrual takin Resolution an lo pass tawh bawk a ni. Saiha hi Kum 1995 atang tawh khan In hmun/Lei hi a lo che tan tawha kumtinin a che reng a kumin hian a che leh zual a ni.

Geology and Mineral Resources department hotute chuan MADC session ah He Lei khi/chetna hmun hrang hrangte siamtha turin Central sorkarin hma min laksak rawh se tia Resolution an passed avangin Central a kan hotute beng a verh hle a, a hmun ah ngei enfiaha hmala nghal tura thupek kan ni,a ti. Geology and Mineral Recourses Department Aizawl te hi Pu V.Vanhupa EM.MADC.Pu K.Beisa EM.MADC leh Pu P.Tluasa E.E.PWD.MADC leh Journalist thenkhat ten an tawiawm a ni.

Saiha Broadband Internet khawl chu

Saiha-a Telecom department ina an hman mek Broadband chu Pulse Code Modulation (PCM) WKG Connection 150 pekchhuah mek a ni a, PCM hi 2 (Two Nos) pahnih chauh anih avang in khawl hian a zo lova, chuvangin broadband internet hi a chak thei lo a ni tiin staff te chuan an sawi a, District dangah chuan 04 PCM dah vek a ni. Chuvangin District dangte angin 04 PCM min dahsak atul a, PCM 04 dah ngei turin mipuite chuan an phut a, Broadband Internet latute phei chuan a rang lama PCM 04 dah nghal turin Telecom hotute an phut a ni.Hei hi an thilphut avangin 04 PCM an dah lo vaih chuan Proton inter ah insawn vek turin hmalak an tum nia thu dawn a ni.

Karate hotute

All Mizoram karate Association,Saiha District chuan an pawl hruaitu atan hengte hi an thlang a, kum 2014 thleng an mawhphurh na chelh tura thlan an ni.

President – John V.T.Hniehu, Vice president – Sensei FC.Saku, Secretary – Beirokhu Beita Asst.Secretary Bruce K.Vabeihrolai, Finance Secretary – S.Herbertson Treasurer – Nancy H.Lalram chuani Executive Members – N.Abela, Norman V.Edom, Lung muana Hrahu, K.L.Va beikypacha, Abei, Merina K.Beinopha.
Advisors : C.Siatha, N.Beiratlua. Senior advisors : Vabeikhai hmo Solo, N.Chakhai, HC.Lalawmpuia.

PRO nupui nei dawn

Tlangval N.Vabeiratlua (Atlua),I&PRO,Saiha leh Nula Masangi (Bualpui,Ng ) chuan April 7,2011 khian “Tiam tlat e” an ti dawn. Media ho an phur hle a ni.

Hriattirna

Saiha District leh Lawng tlai District chhunga National Highways te chu Mizoram PWD enkawl lai a ni a,heng kawngpui te hi a chhawrtu mipuite hian kan dimdawi thiam lo em em a,hetiang reng anih chuan kan kawng puite hi a chhe tawlh tawlhin a te tawlh tawlh dawn a ni.Chuvangin heng a hnuaia tarlan te hi mipui ten zawm hram hram turin kan inhriattir a ni. 1. Mi tumah National Highway dungah bawlh hlawh leh leivung an paih tang tur a ni lo.

2. National Highway nekchep zawngin chen na In, Dawr, Thing khawn, Chuktuah Huan, Ran In, Zun In, Motor dahna, Tuizem leh thil dang engpawh kawng pui nekchep thei thil reng reng siam loh tur a ni.
Tun thal chhung ngei hian PWD in National Highway kawngpui dung te JCB hmanga an nawrfai dawn avangin hetiang neite chuan an lo senghawi vek tur a ni.PWD in kawngpui dung an nawrfai duh huna hetiang thilte an tichhia a nih pawhin tumahin an sawibuai thei lovang.

3. Kawngpui a insuk te, thir (Rod) chhut ngil te leh thing-eh te hian Kawngpui a tihchhiat hma em avangin tumahin hengte hi an ti tur a ni lo.

4. Kawngpui dunga insakna hmanrua leh thildang loh theihlohva dah a nih pawhin a rang thei ang bera senghawi thin tur a ni.

Issued by : Information & Public Relations Office

ASSAM RIFLES

ASSAM RIFLES PUBLIC SCHOOL : LAIKOR: SHILLONG

ADMISSION FOR NORTH EASTERN COUNCIL SPONSORED CANDIDATES

A fully Residential School for Boys and affiliated to CBSE, New Delhi.
Announcing Admission for class VI for next academic session from April 2011 into Assam Rifles Public School, Laitkor, Shillong to be fully sponsored by the

NORTH EASTERN COUNCIL

Eligibility Criteria : Candidate should be Class V passed and the age should be minimum 11 years and should be below poverty line ( Income of parents should not be more than Rs.60,000/- per annum)

DATE OF ENTRANCE TEST : Sunday 27th Feb 2011 at 10:00 am in the following Centres :-

S/No. Location Tel No.
(a) Kohima,IG ASSAM RIFLES (NORTH) – 09402489576
(b) Imphal, IG ASSAM RIFLES ( SOUTH) – 09862828771
(c) Gangtok, HQ 17 Min Div. – 07602025977
(d) Agartala, HQ 21 SECT, ASSAM RIFLES – 09436503175
(e) Aiwal, HQ 23 SECT, ASSAM RIFLES – 09436141404
(f) Lehkhapani, HQ 25 SECT, ASSAM RIFLES – 09435747833
(g) Silchar, No. 2 MAINT GROUP, ASSAM RIFLES – 09435373339
(h) Guwahati, Transit Camp, ASSAM RIFLES – 09864231403

Subjects : English, Maths & Hindi

Duration : One hour for each paper.

Intake capacity for each state is as indicated below :

Arunachal Pradesh – 3, Assam – 3, Manipur – 3, Meghalaya – 3, Mizoram – 3, Nagaland – 3, Sikkim – 2, Tripura – 3. School fees, residential and hostel fees, books etc to be borne fully by the North Eastern Council.

Sd/-
Director (HRD & E) & i/c IPR
IPR No. 489 North Eastern Council

Editorial

Khawmpuiah buhfai ken theuh nise

India ram state hrang hrangah hian Mizoram tluka Kohhran leh NGO khawmpui ngah a awm kher lovang. Kumtin hian Khawmpui programme-in kan khat zo tak meuh meuh a ni.Khawmpui kan buat saih danah hian Conference hi Khawpui ai chuan Thingtlang a Khawmpui neih hi kan duh ber theuh niin a lang a, next Conference pawh Thingtlang a ni deuh fur bawk a, khawmpui a boruak deuh e tih hi kan sawi dan a ni bawk.
Hetih lai hian thing tlang hmun hrang hrang a chengte dinhmun hi kan ngaihtuah ngai em? An harsatna te hi kan hriatpui em? Thingtlang khua a cheng 85% te hi chu an dinhmun a harsa hle tih kan hriat pawimawh hle a, chuvangin Thingtlang a khawmpui neih kan duh tlat si avangin Buhfai leh Chini hi kan ken theuh a tul a ni.Hei hi Biak In tinah leh NGO Branch tinah puan nise a fuh ngawt ang.

Miss Mara thlanna a top 10 te zinga tel pha ngat Laihsa Cicilia Lapi of New Colony chuan tunlai hian Doctor nih tumin a bei mek a, amah hi mi rilru zau leh thian kawm thiam tak a ni. Cicilia hi Miss Mara a contest lai khan stage-a a inlan lai khan mipui lawm hlawh ber te zinga mi a ni a, amah hi a sang tha bawk a, ft 5’7 zet a sang a ni a, a hmelthatna leh mi hlim thei tak a nihna hi a fans ten an ngaihsanna chhan tak pawh a ni. Miss Mara contestant zingah hian talent hrang hrang nei an tam a, B.Lalmuanpuii, runner up, Miss Mara pawh kha zaithiam a ni.

Pu V.V.B.Byhna,Adviser to CEM,MADC chuan New Colony MCHP Lower Branch Cleanliness programme a hmanpui

Saiha,Feb,21 : Inrinni kalta khan Pu V.V.B.Byhna,Adviser to CEM,MADC leh bialtu MDC ni bawk chuan New Colony MCHP Lower Branch ten Cleanliness programme an buatsaih chu khuallian a nihna angin a hmanpui.He programme Pi Pi L.Sapaw,President,MCHP Lower Branch,New Colony kaihhruaiah hian Macha S.Laihly-in hunserh a hman hnuah Khuallian Pu V.V.B.Byhna,Adviser to CEM chuan thu sawiin, MCHP ten New Colony Lower huam chhung faina lama awareness in pekna leh intihsiakna hial in buatsaih avang hian Veng chhung faina leh changkanna in duh tak zet a ni tih a lang chiang a, Faina leh Thianghlimna hi Pathian -in a duh a, chhung lam leh pawn lama kan fai/thianghlim a tul hle reng a ni,tiin Pathianin Missionary RA.Lorrain hmangin Mara ram hi a rawn tieng a, tichuan Mara chu Chi leh Hnam ah min din a, chu chuan Thlarau leh Tisa lamah hmasawnna nasa tak a rawn thlen a,a ropui hle a, Mara Tawng hi kan humhalh a tul a,MCHP Lower Branch New Colony ten Mara Tawnga Hoarding in tar te hi Mara Tawng humhalna chi khat a ni a, a lawmawm tak zet a ni,tiin MCHP Lower Branch,New Colony chu Rs.3000/- in a tanpui nghal bawk
Pu VK.Hlychho,President,MTP, New Colony leh VCP ten thusawina an nei a.Tichuan Pi Sineli Syhly,General, Secretary,MCHP Branch chuan an pawl hmalakna report a pe a,Pi K.Lyzi,Asst.Secy chuan welcome speech a nei.

New Colony Lower Branch MCHP ten Faina lam intihsiakna an buatsaihna a top 3 te chu hengte hi an ni. 1.Pi K.Zochia 2. Pi N.Pazo 3. Pi N.Nuso. Lawmman te hi Khuallian thiannu Pi Sangi, Pu N.Laithao,VCP,New Colony-I leh J.Jeffrey Khara ten an sem a ni.Pi Sipy Syhly chuan zaiin kalkhawm te a awi a, mi thahnem ngai thenkhat te hnen atangin fuihna thu ngaihthlak a ni bawk a, chumi hnuah Ruai kilho nghal a ni.New Colony Lower MCHP Branch ten hma an la nasa hle.

LAWMTHU SAWINA

Dt.12.2.2011 a kan Motor accident chungchanga min lainata min buaipuitute, a accident a ni tih hriat a nih veleh a accident-na hmuna kala atul ang anga zan khaw tairek thlenga min buaipuitute, min hnuhchhuah puitute, hmanrua min hmantirtu – DM&R, P&E, ZTOA leh 407 Driver Association – chungah te, thingpui bawlhlo min tumsaktute, hnatlang chhuakte riltam hlaua thingpui hmeh min tumsaktute zawng zawng chungah thinlung takin lawmthu kan sawi a,kan chunga in thatna leh in thiltih zawng zawng avang hian lawmthu kan sawi tak meuh meuh a ni.

Mimal tin hnenah lawmthu sawi kan duh em em rualin kan sawi seng si lo, he chanchinbu kaltlanga kan lawmthu sawina hi min pawmsak turin kan ngen che u a ni. Keimahni avanga in insenso na zawng zawngah Lalpa’n a let tam takin malsawm che u sela, tih hi kan tawngtaina a ni e.

In khawngaihna dawngtu
H.Sangkhara te chhung,New Saiha

Fire Prevention

Zirtawpni kalta khan Zyhno ah Fire Prevention Awareness campaign programme buat saih a ni a,khuallian Pu k.Chhuabei, EM,Forest, MADC chuan thu sawiin, kan ramngaw humhalh hna hi Forest department mawhphurhna a ni vek kher lo, kan za vaiin mawhphurhna kan nei a ni,tiin kan ram ngaw neih chhun hi kan humhalh lova a chereu vek mai anih chuan Mara rama chengte hian ram kan nei tawh lovang a,kan vakvai mai dawn a ni,a ti.

Pu K.Chhuabei,EM chuan a sawi zelnaah kan ram hmangaih lo tuten kangmei ti chhuak in ram a kang nasa thin a,hei hian Pathian rilru a tina a, Pathian thilsiam tangkai tak Thing leh Mau tam tak a kangral tawh a,heng zawng zawng te hi a man zawnga kan chhut chuan cheng maktaduai eng emaw zat man a tling dawn a ni,a ti.

Khuallian chuan kan ram zim te pawh kan humhalh peih lo anih chuan ram nei tlak kan ni lo tihna a ni dawn a, Pathianin chhia leh tha hriatna min pek zingah ram venhimna chang hriat hi a tel a ni,a ti.

Mara,Lai & Chakma opposition hruaitute Saiha Circuit-ah Meeting

Nimin tlai khan Circuit House,saihaah Mara,Lai leh Chakma Autonomous District Council opposition leaders te chuan Joint Meeting an nei a,tunlai a sawrkarin Autonomous District Council chhunga hmalakna hrang hrang leh tunlai politics dinhmun te an thlir ho a ni.Direct funding te, Kolodyne Hydel project chungchang te, BRGF te, School Education kalpui dan te, Sixth pay te thlirho-in tuna hmalak dan hi a lungawi thlak lo hle in kan hria a ni,a tul angin hmalak zui zel nise kan ti a ni,tiin an sawiho a ni.

Hemi chungchangah hian March 17,2011 hian Saiha ah Inhmuhkhawm leh nise,chutah chuan hmalak zel dan tur ngaihtuah nise kan ti,tiin an passed a, he Mara,Lai,Chakma, Autonomous District Council Opposition leader Joint Meeting Joint Meeting hi Pu H.C.Lalmalsawma Zasai,MDC & President,MNF District Hqrs Saiha chuan a kaihruai a, he joint Meeting ah hian Pu B.Lalduhsaka,MDC, Leader, Opposition LADC, Pu Rasik Chakma,MDC,Leader Opposition,CADC, Pu M.Laikaw, MDC, President,MDF, Pu P.P.Thawla,MLA, Pu S.vadyu,MDC, Pu LC.Hlychho, MDC, Pu S.Lalremthanga, MDC leh Pu N.Viakhu,Ex-CEM,MADC te an tel a ni.
Exam mek : Tunlai hian HSLC, HSSLC leh College exam chhunzawm mek a ni a,power supply regular taka pe turin zirlaite chuan sorkar an ngen a ni.

Editorial

Mihring programme chuan Pathian programme kawng a kian tur a ni

Pathianin mihringte min siam chhan ber hi Amah fak tur, Chanchin Tha hril tur leh nitin a thupek zawm turin a ni.He khawvela sorkar hna thawh te, Kut hnathawh te, Sum dawn hna thawh te, Chanchinbu chhuah hna thawh te, Sport leh a dang zawng zawng te hi chu a behbawm vek a ni.

Pathian rawngbawl a lo tul hian Taksa lam, Chhungkaw lam programme a lo inhnawh tawng thin a, Chhuanlam siam duh tan chuan duh chen chen siam theih a ni ang.He khawvelah hi chuan Dam chhung khaw sak ngaihtuahna leh kan pro gramme hi a awl ngai lovang.

Nimahse Krista a innghat-tute chuan Pathian programe an ngai pawimawh ber thin. Khawvel/Taksa/Chhungkua programme hian Pathian programme kal zelna tur kawng a lo kian thin tur a ni tih kan hriat a pawimawh ani.

L.B.Nohro Music video siam leh dawn

Laiby Nohro(LB) zaithiam zia leh a aw thatzia hi a fans ten an hrechiang ber awm e.LB Nohro chuan Music video siam leh a tum nia hriat a ni a, a fans te pawh an phur thar hle. LB Nohro album a hla thun te a fuh hle hlawm a, Khotuapa zy. Ary vei ma? . Chawtlua tyna. Kei vadua rima cha tih leh hla dangte hi a tha em em hlawm a, mi tam tak chuan Mobile handset ah te thunin an kalna apiangah an ngaithla thin tih hriat a ni.

LB Nohro hian zai lamah inhman chhunzawm zel a tum a, music video a siam leh tur pawh inpuahchah tan a tum a, model pawh a hmang fuh thei em em bawk.

Bird Flu avangin Mizoram thenawm state atanga Vawk, Ar, Artui leh Bawng lakluh khap a ni ta -

V.Lalengmawia,SDO(S

Saiha,Feb, 22 : Nimin khan Sawrkar laipuiin Mizoram sorkar a hriattir angin Mizoram thenawm state Tripura leh ram dang Myanmar leh Bangladesh ah Bird Flu (Avian Influenza) a leng leh nia hriat leh a nih avangin Saihaah pawh he hri (Brid flu) lak atanga kan him theih nan tiin sawrkar chuan hma a la nghal a, ram dang/state dang atanga Bawng,Vawk,Ar leh Artui reng reng chu Sec 144 Cr.PC 1973(Act No 11 of 1974) tlawhchhanin lakluh khap a nih thu Order chhuah a ni,tiin Pu V.Lalengmawia,SDO(S),Saiha chuan a sawi.Pu V.Lalengmawia,SDO(S) chuan fimkhur atulzia leh kan fimkhur loh chuan harsatna-in min tlakbuak ve theih reng avangin lo inven lawk hi kan tihtur a ni hrim hrim a ni,a ti.Hei hi National issue anih avangin sorkar thupek bawhchhia reng reng chu an chungah action lak zel a ni ang,tiin a sawi a ni.

Hemi rual hian Saiha khawpui chhungah Vawk In Mihring chenna hnaih lutuka sak hi hriselna kawngah harsatna siamtu a ni fo bawk avangin mitinte kan fimkhur atul hle a,thianghlimna kawngah tan lak a tul hle a ni,tiin Pu V.Lalengmawia,SDO(S) Saiha chuan a sawi bawk.

India sawrkar laipui chuan Bird Flu laka fimkhur atul thu puangzar tam tul a ti hle bawk.

Lyuva Khutla

Nimin khan Pi K.Pari, A&CO, MADC room ah Lyuva Khutla Organising Committee an thu khawm a, program me thlitfimna an nei nghal a, Pu S.Hiato,Minister i/c PHE,etc chu Taiwan lama a kal dawn avangin khuallian a ni hman dawn lova, Pu Vabeiha Hl ychho, Director,Tourism chu khuallian atan ruat ni se tih rel a ni a, He programme ah hian zaithiam ruat-te chu live music nen zai vek se tih rel a ni bawk.

Framers Training

NABARD Consultancy Services Pvt.Ltd Mizo ram Regional Office, Aizawl te buatsaih Loneitute training-na “Awareness Programme for Trainers Stateholders and Beneficiaries of Forward Market Tradining: chu nimin khan I&PR Conference Hall,saihaah neih a ni.

He programme hi Dr.Chawngkhuma Chawngthu,President, AMFU Saiha District chuan a kaihruai a, Pu Lalhmingmuana, Programme Co-ordi nator,KVK Saiha chuan loneitute thlai thar chhuah entirsiakna Exhibition neih thuai anih tur thu leh an thlai thar bikte chu he Exhibition ah hian thehlut turin kal khawm te chu a ngen.

He training neihnaah hian Pu D.K.Das,Manager,NABARD Aizawl chuan kut hnathawk tute tana tangkai tur an thlai chin dan tur leh thlai tharte an hralhchhuah dan tur chungchang Power Point Presentation hmangin a entir bawk.Training-ah hian Saiha khawpui chhung veng hrang hrang a loneitute an tel a ni.Training a telten an hlawkpui hle bawk.

ECM Hospital hmasawn zel

ECM Hospital chuan hma a sawn zel a, tunah hian Female ward-ah khum 11 leh Male ward ah khum 13 bakah Cabin I & Cabin II a awm mek a, Ward a khum luah man zan khat Rs.50/- Cabin Rs.200 a ni.ECM Hospital building hi chhawng 4 a ni a,Dr.Beiparysa leh Dr.Sangtea enkawlna hnuaiah chak takin hmalak mek zel a ni a,kan doctor te leh Nurse,staff te an fakawm hle a,an inpekna a thuk hle nia hriat a ni.

Tunah hian BPL chhungkuate tan Health care Mizoram sorkar hnena bill an siamsak te hlawhtling taka kalpui mek a ni a,rsBY atangin BPL chhungkua te tan smart card siam turin ruahmanna peihfel a ni tawh bawk. ECM Hospital ah nitinin damlo an khat deuh reng a,x-Ray pawh engtiklai pawhin tih theih a ni,tiin thawktute chuan kan palai an hrilh.

ECM-Edenthar KTP

ECM-KTP Denthar Branch hruaitu atana thlan tharte : President – J.Lalpuiliana, V/president – C.Lalremruata Secy – C.Lalneihkima Asst.Secy – T.Hma ngaihzara Fin.Secy – H.Laldingliana Treasurer – H.Vanlalnghaki

Sactioning order

Pu H.Lallianmawia, EE,PHE Saiha chuan Saiha Greater Water Supply Scheme Rs.20, 702 crores senna tur sanctionning order hmuh a ni tawh thu a sawi,1st instalment atan Rs. 186.31 tender chu tihchhuah thuai beisei a ni,a ti.

MDMSTA-ECM HSS lungawi lohna

Pu Hmangaihliana,Secy,MDMSTA-ECM HSS Unit Saiha chuan an lungawilohna chungchangah April thla tir atang chuan No Teaching Day/Sikul khar thlenga hmalak an rel a ni tih sawiin an lungawi lohna point hetiangin a tarlang: 1.Sorkar hnathawk dangten 6th pay Aug 2010 a an hman vek hnuah an hmang ve lo.2.India ram state dangah Charity Society hnuaia thawkten sorkar sorkar atanga pension an nei thei tih an hria a,pension siam ve tura kan dilna tihpui a ni lo. 3. Ngaihthah luat avanga thla bikipa hlawh kan la thei lo leh 26%DA arrear kan hmu lote. 4. Naupang kum 16 hnuailam hnena Compulsory Education pek tuma sorkar hmalakna RMSA scheme -in secondary state a naupang ngah ber ber Kohhran sikul min huam ve lo,a ti.Tawngtai rual hun kan siam hunah kohhran mimaltinte min tawiawm turin kan sawm a ni,a ti bawk.

Mobile Recording

FT Mobile Recording chu Tipa ah WB Azyu kaih hruaina hnuaiah zawhfel a ni ta.Tisi,Salem,T. Electric, TheiriZi-o leh Redemtion singers ten hla an thun a ni.

Hlaphuah intihsiakna

MHP buatsaihin Mara Hla phuah intihsiakna neih tan a ni a,Director Pi HC.Nakua kaihhruaina hnuaiah kalpui mek a ni.

N.L.U.P chungchang Training Saihaah neih a ni

Saiha,Feb,24: Nihnih chhung neih tur NLUP ram theh chungchang a V/C te tan “Land Use Planning at Village Level” tih thupui hmanga training chu nimin khan DC Conference Hall, Saihaah neih a ni a.He Training hi Pu Donny Lalruatsanga,MCS,BDO Saiha RD Block chuan a kaihruai a ni.He Training programme hawngtu Pu H. Lal hmingthanga,MCS, Election Officer/Nodal Officer, NLUP Saiha District chuan sawi hawnna leh training a nih chhan te leh a pawimawhna mai bakah VC te mawhphurhna hrang hrang te an tihtur chin leh an tih loh tur chin te hrilhhriatna a nei a.Pu Lalhmingthanga chuan, NLUP hi Mizoram sawrkar Flagship programme a nih avangin Mizoram sawrkar hotu lu ber Chief Minister Pu Lal Thanhawla leh a thawhpuiten a hlawhtlin theih nan nasa taka tan lain sawrkar laipui ah an zu sawi nasa hle a, sawrkar laipui hotu lute pawhin Mizoram sawrkar hruaitute hmalakna an hriatpui thu leh tha an tih thu an lo hrilh hnuah phur takin Mizoram sawrkar hotu lu ber Chief Minister Pu Lal Thanhawla leh a thawhpuite chuan hmalakna an chhunzawm a,hei hi sawrkar hnathawkte pawhin sawrkar thupek a nihna ang ngeiin chak takin an kalpui a, amaherawhchu scheme /project awmze nei taka siam a ni a, taima taka NLUP latute zinga hlawhtlinpuite chu atul ang zelin sawrkar chuan a enpui chho zel ang a, pek belh a tul pawhin sawrkar chuan tanpui tlak nia a hriat te chu a tanpui belh zel mai dawn a, amaherawhchu thawk duh lo leh awmze nei lova NLUP sum hmang ral mai mai te chu sawrkar chuan a ngaihsak chhunzawm lovang a, a chungah action lak a ni zawk dawn a ni,tiin a sawi.

Pu S.Rakhai,Revenue Officer,MADC chuan “Rights and Authorities of VCs on land under MADC tih thupui hmangin District Council area huam chhunga Village Council te an ram theh chungchang kalphung hrilhhriatna a nei.Pu Donny Lalruatsanga,BDO Saiha chuan “Duties and Responsibilities of VCs in the Land System” tih thupui hmangin paper a present a ni.He NLUP Training ah hian Saiha khawpui chhung veng hrang hrang atangin VC members 44 an tel a,Saiha khawpawn VCs ten vawiin ah training an nei dawn a ni.

PWD chetha chhunzawm zel

Pu N.Chhylai,EE,PWD leh a staff te chuan New Saiha leh New Colony inkar kawng an timam leh vek tawh a,District playground a pavilion pawl alkatra-in an luan mek bawk a, Moonlight Special Award dawngtu Pathian hmanrua Pu N.Chhylai,EE,PWD Saiha leh a staff te chungah hian mipuiin lawmthu an sawi mawlh mawlh mai a ni tih kan palai chuan hmun tin atangin thu a dawng.New Colony a Auxilium Middle School bula Tuikhur thleng tawite pawh hi an tihmam thuai dawn a,hei hi EE chuan hna tan thuai a ni ang,a ti.

PIB Programme

Press Information Bureau bul tuma Central Media Units te buat saih Bharat Nirman/ Flagship Programme Public Information Campaign (PIC) 8-11 March 2011 chhunga Saiha District chhung hmun thuma neih tur inbuatsaihna chu a kaltluang zela.A hnuai a tarlan ang hian PIC neihna hmun thumah te hian VIP ten khual lian niin an hmanpui dawn a ni.

Dt.8.3.2011 Hmolai Hall ah khual lian tur – Pu P.P. Thawla, MLA.
Dt.10.3.2011 MTP Hall,New Colony -a khuallian tur – Pu Kunal,IAS,DC.
Dt.11.3.2011 Community Hall, Niawhtlang a khual lian tur – Pu S.Hiato, Minister i/c PHE
Heng campaign-na hmun hrang hrang ah te hian mipui van tlang inkhawm buat saih a ni ang a, sorkar hma sawnna hrang hrang,MG NREGS,PMGSY, NRHM,etc tihlawhtlin a nih dan mipui hnenah sawi a ni ang.

ECM Assembly tan

Nizan atang khan Chapi (Chapui)ah ECM Assembly programme tan a ni a, nizan programme-ah chuan Rev.K.Itei chuan Pathian Thuchah sawiin K” Kohhran Inpum khatna” pawimawhzia uar takin a sermon a.Chakhei bia,Lobo, Chapi bia leh Siata zaipawl ten hla an rem.Tukin zing dar 6 ah Bible Study-ah Rev.Phei tha Lava chuan Pathian thu a inpumkhatna a zirtir. Vawiin dar 9:30 am Vantlang inkhawm ah Rev.K.Beikhochhi chu speaker a ni ang a, Zaipawl Ebenezer, T. Salem,Amobyu-B leh Meisavaih ten hla an rem ang a,zaninah PCI delegate chu speaker a ni a, Zaipawl Gilgal,Tisi leh Siata ten hla an rem ang.

Hming thar pek an ni

Mizoram sorkar thu chhuah angin Deputy Commissioner Office-a MCS post te hi hming thar pek an ni a.Tun chinah chuan an hming thar hian address zel tawh tur a ni. Existing Designation : Extra Asst. Commissioner (EAC) tih chu hming thar (New Designation) Assistant Commissioner tia thlak a ni a. Asst.to DC(ADC)/ Sub-Deputy Magistrate (S.Dy.M) chu Sub -Deputy Commissioner tia thlak a ni. Assistant Settlement Officer )ASO-I) chu Settlement Officer (SO) tia thlak a ni a, Asst. Settlement Officer (ASO-II) chu Asst. Settlement Officer(ASO) tia thlak a ni.

ECM-KNP New Saiha ten an tlawh

Tunhnai khan ECM-KNP New Saiha chuan Saikao a Missionary Thlan an tlawh a,Tawngtaina an zu nei.Kross sipai hmasa ber Pu Seilai(L) nupui Eli Nu(kum 100 chuang) leh a fanu Eli) an la dam a,N.saiha KNP ten an tlawh tel a,Rs.2500 an pek hnuah Tawngtai rualna neiin an pawisa phawrhchhuak leh vekin Rs.3000 chuang an pe.Eli te nupa rethei taka khawsa mek te hi Saikao (Serkawr) tlawh leh tur apiangten tlawh tel sela, an phal tawkin tanpui na pe bawk sela,a lawmawm hle ang.New Saiha KNP te an fakawm hle.

ECM-KTP leader

ECM-KTP Branch New Saiha hruaitu thlan tharte : President – S.laldinthara V/pre- Eric C.Nolua Secy – TH. Lalramdinliana, Asst.Secy – Isaac T. Beingachha Fin.Secy – H.Vanlalchami Treasurer – R.Lalawmpuii Executive members : Clement J.Beisalai, S.Lalrelkima, Rochanthara, C.Lalfakmawia,Roselyn J.Mokhu leh C.Partei

Chhaolo KTP Leaders

ECM-KTP leader Chhaolo Branch thlan tharte : President – B.Tiahai, V/president – MH.Khaiko Secy – C.Thado Asst. Secy – ZT.Chyuko, Fin.Secy-ZT.Beingiachhi, Treasurer – Z.Khoma Executive members : C.Beiry rao, C.Hnai so,N.Beibaotu, S.Zawsua leh N.Beisa khu.(Result lo thehlut zel ula,kan lo tichhuak zel ang,ed)

Sawlakia Rehearsal

Dt.2.3.2011 khian District Play ground, Saiha ah Sawlakia Rehearsal neih tur a ni a, MTP, MCHP leh School nau pangte chu zing dar 9:00 am ah kim taka kal khawm tura hriattir in ni e. Sd/- K.Pari, Secy,Lyuva Khutla Board

ID Card lam theih

Pu C.Lalhranga,Secy, MTP Hqrs chuan Cement Mistiri ID Card lam theih a ni ta a, Head Mistiri Rs.300 2nd Mistiri Rs.250/- Helper Rs.200 an rate dik tak aia tam pek loh tur a ni,a ti.

PRESS RELEASE

Mizoram University hnuaia 3 yrs degree course Exam kalpui a nih mek laia Mizo Paper III Exam turah College pakhat a exam viltute’n EVS (Environmental Sc) Question paper an sempawlh chungchanga MZP leh ACCJSU ngenna MZU in a tihhlawhtling chu MZP chuan lawmawm a ti hle a, EVS question paper hi a hran hlaka set that leh tur niin question siam hmasak college hrang hranga thawndarh tawh pawh kheuh hawn lova khawn khawm leh vek a ni dawn a ni. He paper hi exam hun tura ruat 3 March, 2011 a hun pangngaiah exam a ni dawn a, felfai tak leh dik taka exam hi kalpui a nih zel MZP chuan a duhin thuneitute leh thawktute a ngen a. Zirlai exam beitute zawng zawng pawh thahnem ngai tak leh thlamuang taka exam turin MZP chuan duhsakna a hlan a ni.

sd/-

(Peter Chhangte)
Secy. i/c. Publicity

PROGRAMME FOR LYUVA KHUTLA CELEBRATION, 2011

ORGANISED BY ART & CULTURE DEPARTMENT,MADC

A su : Siaha Tlyliah

A daiti : 5th March, 2011 at 10:00 Am – 4:00 Pm

Chief Guest : Puhpa Vabeiha Hlychho
Director,Tourism, Govt of Mizoram

Comperes : 1) Puhpa Zokhai Khuhly 2) Ls.VT.Roselyne

Recorders : 1) Puhpa FC.Thama 2) Puhpa V.Chozah

ORDER OF ITEMS

1. Khichhai laipa tlona : 10:30 Am

2. Welcome Address : Puhpa S.Khipo, Chief Executive Member
i/c Art & Culture,MADC,Siaha

3. Pahyna Hla : Meisavaih MTP Branch,Siaha

4. Bible Reading & Prayer : Rev.NC.Vabeilua

5. Flag Hoisting(followed by speech : Chief Guest

6. Cultural Dance : Saby Cultural Troupe

7. Beila : Mawhro MTP Branch

8. Hati Palao palana : Conducted by Z.Vachyu

9. Look alike J.Vialua : D.C. Staff

10. Khuallam : Y.M.A.Saiha Group

11. Lyuva Khutla
Mr & Miss contest : Conducted by Miss & Me Organizing Board

12. Hlychhy la : Zyhno M.T.P. Branch

13. Awhkhy la : M.T.P. Tisi

14. Chawnglaizawn : YLA Sub-Hqrs,Siaha

15. Pakhupi la : ECM Vaih, M.T.P Branch, Siaha

16. A zao la : College vaih , M.T.P. Branch,Siaha

17. Karate Show : AMKA, Saiha

18. M.T.P. La : Siaha Vaihpi, M.T.P. Branch,Siaha

19. Sawlakia : Joint Cultural Troupe

20. Pasaipha lyma (Bravery Award) : Mr.Kunal,IAS, DC, Saiha

21. Closing Song : Mara Hlasapa Py (Hqrs) Siaha

Comperes zyta a byuhna daihti maihta ary liata soloist nahzy he ama hrua aw.

Artists : 1) Eden T.Azyu,Maraland Idol 2) Vasty Azyu
3) John Beizachhi 4) A.Chhualai
5) J.Ruby

Nb : Programme he abyuhna dah hawhta panano theipa a cha aw.

Sd/-K.Pari
Secretary,Lyuva Khutla Organising Board &
Art & Culture Officer, MADC
I&PO No.41/11 (2-1) Siaha
Memo No.MADC/A&C/2010-2011 : Dated Siaha,the 22nd February, 2011

NSME TOOL.ROOM,JAMSHEDPUR
INDO DANISH TOOL ROOM,JAMSHEDPUR
(Industry of Micro,Small & Medium Enterprise,Govt of India )

ANNOUNCES

Free Vocational Technical Training Programme for Up-lifment of unemplouyed Youth of North-Eastern States
Sponsored by North Eastern Council, Ministry of DONER, Govt of India for Assam, Arunachal Pradesh, Mizoram, Meghalaya, Manipur,Nagaland, Sikkim & Tripura.

Name of Courses Eligibility Duration Date of
Commencemnent
Post Diploma in Degree/Diploma in moo- 06 months 14-03-2011
CAD/CAM hancial, Production,Automobile,
Plastic world Technology,Tool &
D/e Making or Equivalent.

CNC Technology Diploma in Machanist, 06 months 14-03-2011
and Machine Production,Automobile,
Plastic Mould Technology,
Tool & D/e Making or Equivalent
or ITI Machinist or Tumer and fiter

Note : The training programmes are absolutely free including fooding & lodging.
How to apply : Apply with BIO-DATA containing Name of the applicant,Date of Birth, Educational Qualification,Contact No, E-Mail ID,Passport size photo and Xerox copies of certificates etc. and send to INDO DANISH TOOL ROOM, Jamshedpur M-4(Part), Phase-VI, Tata Kendra Road, Gamharia,Jamshedpur-812108 phone:(0657)2201261/62, Fax (0657)2202723 e-mail: idtjamshedpur@rediffmail.com. Webiste : www.idtjamshedpur.com or before 07-03-2011. The palce & date of Test interview will be communicated to thecandidate through phone/mail.For more Details please contact 9801339692

NSME TOOL ROOM, JAMSHEDPUR

M-4(Part), Phase-Tata Kendra Main Road, Gamhara, jamshedpur-832108
Tel:(0857) 29004073) (O) / 2201282) Fax:(0687)2202723
email : idtrjamshedpur&rediffmail.com website : idtrjamshedpur.com

This entry was posted on Friday, February 25th, 2011 at 12:52 pm and is filed under Recent Posts. You can follow any responses to this entry through the RSS 2.0 feed. You can skip to the end and leave a response. Pinging is currently not allowed.