Friday, February 04, 2011: Thuthar Lawrkhawm
DV & MC Meeting
Thrik ni 15.2.2011 dar 12:00 Noon hian District Level Vigilance and Monitoring Committee (DV&MC) Meeting DC Conference Hall,Saihaah neih a ni dawn a,he meeting ah hian Chairman turin Pu C.L.Ruala, MP(LS) emaw Pu Lal hmingliana,MP (RS) Mizoram te an lo tel dawn a ni. He meeting a tel thei member te chu – MLA Saiha A/C, NLA Tuipang A/C, CEM, MADC, Project Director, DRDA Saiha, President MTP hqrs Saiha, Dr. Chawngkhuma, Represen tative from the field of Social work leh Pi K.Pari, Representative of Schedule Caste/Tribe te an ni.
Ex-Service tan
Ex-Service Pensioner la dam ten an nupui leh fate an service record-a an thun theih hun chhung ni 31 August 2010 a khar tawh chu North India a chengte tan hawn leh a ni a,hetiang case neite chuan Office hun chhung in Sainik Welfare Office, Lunglei ah ngaihven theih a ni.
* Nimin atang khan tlemina lum tan ta.
Zo Hnahthlak Inpumkhatna Seminar
Vawiin hian DIC Hall, Council Vaih Saiha ah Chhimtuipui Academy of Letter(CAL) buatsaihin ‘Zo Hnahthlak Inpumkhatna Seminar’ neih a ni dawn a, he programme 1st session hi Dr.Chawngkhuma Chawngthu,President,CAL in a kaihruai dawn a,Rev.F.Lallawmzauva,BCM Saiha chuan hunserh a hmang dawn a, Secretary,CAL, LAL,Lawngtlai, NAL,Lunglei ten report an pe ang a, Dr.Lianchhinga, Lunglei chuan paper a present ang a, khuallian Pu Lalrinliana Sailo,Minister i/c Health chuan thu a sawi a, S.Siamkungi, New Saiha ,K.Lalthanpuii, Lawngtlai leh Siamthangi Hauhnar,Lunglei ten zaiin kalkhawmte an awi ang. 2nd session chu Dr.Jangkhawngam Doungel,Vice president,LAL Lawngtlai -in a kaihruai ang a, Pu K.Hrahmo, EM,Education,MADC in thusawina a nei ang a, Pi Laldawii,Lawngtlai chuan paper a presengt ang a, Pu F.Chhawnmanga,Vice president,CAL,Saiha chuan lawmthu a sawi ang a, sawihona zau tak hawn a ni bawk ang.
Dr.Hamlet Hlychho Court-ah inlan
Nimin khan Dr.Hamlet Hlychho, chuan a vawi khatna atan Court a hmachhawn ta. Pu Hamleta hi ni 14 chhung District Jail lama a tan hnuin Dan pangngai angin Court ah hian a in lan ta a, Pu Hamleta Court chhung hian Saiha Khawpui chhunga thuthar lakhawmtute chu pungkhawmin DCs Complex-ah reilote an kawm a ni. DC complex-ah hian Pa-u leh Beisa chuan Haleluia an pe ring hle.
Saiha District Icon buatsaih ang
New Skylink Vision Manager Pu V.Pawhla chuan Saiha District Icon a buatsaih tur thu sawiin eng hla pawh pawm a ni dawn a,Saiha District chhunga cheng tawh phawt tan contest theih a ni bawk ang,a ti a.Lawmman atan Scootie an dawng ang,a ti bawk. Saiha District Icon hi nikum khan buatsaih tum a ni tawh a,mahse kumin hi remchang zawk dawn nia hriat anih avangin kuminah buatsaih a ni dawn a ni,tiin Pu V.Pawhla chuan ML a hrilh.
He Saiha District Youth Icon New Skylink Vision in a buatsaih tur hi thalai/mipuiten an nghakhlelh hle nia hriat a ni.
Press Release
Vawiin Dt 3.2.2011 hian MZP hruaitute chuan Pu Lalsawta, Education Minister chu a pisa-ah hmu in Mizoram a zirna tichangtlunna tur thil hrang hrang an thlen.
Mizoram Sawrkar Coucil of Ministers Meeting in thutlukna alo neih tawh anga Mizoram Scholarship Board tih changtlunna tur chu a taka tihhlawhtlin thuai a nih MZP chuan a duh a, thawktu indaihlohna chungchangte, Department hrang hrang atanga Scholarship / Stipend lut khawm tur la lut lo chungchangte, hemi avang a zirlaite harsatna an tawh mek dante, Department thenkhatin stipend an zirlaite hnena an pek theih loh avanga zirlai harsatna tawh mek chungchangte sawipuiin, theihtawp chhuahpui turin ngenna Education Minister hnenah hian thlen a ni.
Tin, kum tina buaipui tham tling thin Technical Entrance Exam chungchang sawipuiin kumina neih leh turah inbuatsaihna tha neih a nih a, buaina a awm tawh lohna tura hmalak ngei an duhthu MZP hruaitute chuan an thlen bawk.
Hindi Teacher lakna kalpui fel vek tawh result chhuak har lutuk chungchang pawh sawipuiin, tihchhuah thuai a nih ngei an duh thu an thlen bawk.
Heng thu thlen hrang hrangte hi Education Minister chuan theihtawpa lo umzui a tum thu leh a tihhlawhtlin kawnga bawhzui tha a tih thu in alo chhang a ni.
Sd/-
(H.LALREMSIAMA)
General Secretary
February 8th, 2011 at 1:24 pm
Saiha Chanchinbu a ECM Moderator ban chungchang kha hei hi thu dik zawk a ni. Dt 2.2.2011 ni a, Meisavaih Local Church a Assembly Executive Committee kha Moderator Rev ST. Zawsi khan kaihhruai lovin, Moderator Elect Rev M. Zakonia khan a kaihruai mai zawk a ni. hei hi ECM dan dinglai in a phalh angin Moderator elect hian a kaihhruai ve thei tho a vangin leh Moderator kha zin tur a ni avanga Chair conduct lo mai a ni. Assembly chauh lo chuan Moderator or Executive Secretary te nihna hi hlihsak thei a ni lo. Chanchinbu chhuahtu ten fimkhur tak leh chanchin belhchiandawl chhuah zel turin duhsakna leh ngenna kan lo siam e.