Moon Light Saiha

Atan a lo hlan ta kha a ni a,tichuan Pathian hmanrua leh bel ruat Pu Lal Thanhawla zarah Inremna siam a lo ni ta a,tun thleng hian ‘Remna Ni’ chu kan hmang chhunzawm ta zel a ni,tiin hriatreng tlak a nih thu a sawi a ni.

Pu Zachono chuan, Remna Ni -ah hian thenawmte leh tanpui ngaite thilpek Ni-ah hmang ila,Mara rama cheng zawng zawngte hi Pawlitik, Kohhran, khaw tlang,chhung kua leh Pawl hrang hrang Inrem takin i awm ang u,tiin ‘Remna Ni” Chibai mipui a buk a ni.

* Tunlai hian Saiha District Development & Vigilance Committee chuan Contract hna endikin hma an la chhunzawm mek zel a, Saiha District a ro tling a awm theih nan hmalakna chhunzawm zel an tum a, Saiha khawpui chhung bakah khaw pawn lamah pawh endik zel an tum bawk a, mipuiin an thlawp tlat nia hriat a ni.

* Nimin khan MNF District Hqrs saiha chuan an party office-ah ‘Remna Ni’ programme an hmang a ni.

* NYK Saiha a affiliate Youth Club 2009-2010 chhunga Youth Club & Leader Award dil theih a ni a, July 10,2010 thleng dilna lehkha District Youth Co-ordinator,NYK hnenah thehluh theih a ni.

THUPEK CHHUAH
Tunlai hian naupang leh tleirawlte zingah Thing motor (Tawlailir),Akate Board hmanga motor kawng dungah mihring leh lirthei tan a hlauhawm leh hnawksak zawnga infiam/tlan leh sai rawkherh hmang a Sava perh ching an tam hle a.Chuvangin khawtlang puipunna leh mimal In leh Sakhaw Biak inah te he tiang chin avanga har satna kan tawh loh nan khapna thupek chhuah a tul a.
Chuvangin,Kei, Thangchem Zathang,Addl. Dist.Magistrate,Saiha hian sec 144 Cr.Pc 1973 tlawhchhanin :- 1) Mi tumahin Thing motor(Tawlailir) motor kawngpui dungah an chuang/khalh tur a ni lo.
2) Mi tumahin State Board motor kawngpui dungah an chuang/khalh tur a ni lo.3) Mi tumahin sairawkherh hmangin Sava,etc an perh tur a ni lo. Khapna thupek zawm lote chu sec 188 IPC hmang hrem an ni ang.

Nimin chawhma dar 11 khan MNF District Hqrs Saiha chuan an party office-ah REMNA NI urhsun takin an hmang a,Pu H.Lalchhinga,Treasurer,MNF District Hqrs Saiha kaihhruaina hnuaiah programme hi hman a ni.
He programme hmanna-ah hian ram tana nunna hial lo hlantute zahna leh sunna hun minute 1 ngawi renga an nei a,hetah hian Pu V.Lalchhawna,Ex-MDC chuan thusawina neiin “Remna lo chuan ram hmasawnna pawh a kal hlei thei lova, India sorkar leh MNF an inrem avangin ram hmasawnna hi a takin a lo thleng a ni,a ti a.Mara ram a kan politician te hi kan zahthiam a, ram tana hma an lakna kan thlawp thiam a tul tak zet a ni,a ti. leh Pu M.Laikaw,Chairman,MDF-MNF Co-ordination & MDF president ni bawk pawhin thu sawiin, Remna leh muanna hi hmasawnna nei tur chuan a pawimawh hmasa ber a ni,tiin Remna a pawimawh zia uar takin a sawi a ni.

Nimin Dar 9:30 AM Khan Siaha Vaihpi MTP Branch (Mara Thytlia Py)Siaha te chuan Vengchhung hnatlang an thawk nawn. Siaha Vaihpi MTP te hian Group -2 ah insiam in District Play ground leh Kawngpui an kopang hnim samfai hna nileng in hnatlang an thawk leh a, thenkhat in chhiatni thatni hmantur thuhthleng

(Bench) an lo siam bawk. MTP hnatlang hi Mi -150 vel an chhuak khawma hna tlang hi nilengin nisa hnuai a an thawk a entawn tlak hle a ni.He tianga District Faina leh hriselna ngai pawimawhna hria MTP Branch kan neih hi mipui te chuan an lawmin kan chhuang takzet ani tih ML palai an hrilh.

P A H N O S A N A

Mara Autonomous District Council (Tax on Entry of Vehicles into ADCS) regulation, 2005 & MADC Executive Committee Notification Conveyed under memo No.MADC.97/GAD/2009 of 30/10/2009 bie hawhta Dt.15/6/2010 tawhta Vehicle Entry Tax he Kaochao liata MADC area chhoh lata Motor a vyupazy hnohta he hawta khei lyma pa a cha.

1. Light Vehicle – Rs.20/-
2. Medium Vehicle – Rs.30/-
3. Heavy Vehicle – Rs.50/-

Marahpa rah ti nata rah chyhsa eima chana hawta zawpizy nama hrialahpa cha hawpita,eima MADC hmasie via nawpa nata eima rah chata dah eima taopazy he za tupa cha chyu awpata he Vehicle Entry Tax he chei/pie lyma awpata a hawpa nata pahnosapa nama cha.
He chochah liata apahnopasia khopa chata Deputy Conservator of Forest, Environment & Forest Department MADC hnohta Office hour chhoh liata hiahri theipa a cha aw.

Sd/- THALY T.AZYU
Deputy Conservator of Forest
Mara Autonomous District Council
I&PO No.9/10 (3-1) Siaha

ECM Music School -a fuihna thu sawi tur leh Devotion nei tura sawm a nih angin Pu J.Jeffrey Khara chuan nimin khan hun a hmang.Pu WB Manner Azyu leh Tv.Hruaia ten an zirtir a ni. ECM Music School a zirlaite zingah hian Pu Lalringa,Ex-MDC

leh Editor-in-chief Sai khawpui pawh a lo tel ve reng mai! Pu Ringa hian Music a zirna-ah hma a sawn a ni,tiin WB Azyu, Instructor chuan a sawi a, zirlai dangte phurna petu a nih thu a sawi bawk. ECM Music School atan tawng tai sak thin turin WB chuan mipuite a ngen a ni.

World Cup Quarter final a intum turte :
Dt.2.7.2010 (Zan dar 7:30 ) ah Quarter final match hmasa ber chu Brazil v Netherland an in tum anga, zan dar 12 ah Uruguay v Ghana an intum ang.
Dt.3.7.2010 (zan dar 7:30) ah Argentina v Germany an intum ang a, zan dar 12 ah Spain leh Paraguay an intum ang.
Dt.6th July 2010 zan dar 12 ah Semi final hmasa zawk chu Cape Town Stadium ah khel a ni ang a, Dt.7th July 2010 zan dar 12 ah Semi final hnung zawk Durban Stadium ah khel a ni ang a,10th July 2010 ah Pathumna zawn a ni ang a, Final chu Johannesburg Stadium ah Dt.11 July 2010 zan dar 12 ah khel a ni ang.

Pu HC.Lalmalsawma Zasai chu Youth Festival,Paris-ah a zu tel a,tunkarah a lo haw hman a in beisei thu a sawi a,he thlalak hi rawn mail tura ML-in a ngen angin a rawn mail a,kan lo tarchhuak a ni e,ed)

This entry was posted on Thursday, July 1st, 2010 at 9:12 am and is filed under Recent Posts. You can follow any responses to this entry through the RSS 2.0 feed. You can skip to the end and leave a response. Pinging is currently not allowed.