Chanchin thar lawrkhawm
BSNL signal chhe lutuk avangin subscriber ten harsatna an tawk nasa hle a, Airtel emaw Reliance lamah emaw insawn vek an duh tawh nia sawi a ni. Telecom hotuten a rang lama he harsatna an rawn sutkian thuai lo chuan thil chhe ber pawh a thleng lovang tih sawi theih a ni ta lo,tiin subscriber then khat chuan kan palai an hrilh.
LAWMTHU SAWINA
Kan In Rial leh thli-in a sawisak tawh thiah a,sak ngai chu College Vaih JAC in a tharin In tha tak min sak sak avangin Pathian hmingin lawmthu kan sawi tak meuh meuh a ni.
Tin, kan In sakna tura sum leh pai a min tanpuitute hnenah lawmthu kan sawi bawk.Kan chunga in thil tihthatna leh in inphalnate hi keini tehlul hian engtikah mah kan rul thei dawn lo che u a,Pathian -in a let tam takin malsawm che u rawh se.
In khawngaihna dawngtu
S.BEIRAKHAI te chhung
College Vaih, saiha
Saiha,June,24 : Nimin khan kan palai chuan Pu Kunal,IAS, Deputy Commissioner,saiha kawmna a nei a. Bawrh sap chuan Saiha a Daily Newspaper phekhlai leh thlak nen Pu H.Sabi Offset hmanga chanchin bu tihchhuah theih a lo ni ta chu Saiha hmasawn na chikhat a ni tia sawiin lawmawm a ti tak zet thu a sawi a ni.Kan editor chuan Saiha Newspaper zawng zawngte hian Newspaper hi mipui tan tihchangtlun chhoh zel an tum a,chumi atana pawimawh ber chu Head of department zawng zawng ten a tam
* Pu Lalkunga Sailo, DCSO, saiha chuan buhfai lamah thlaphan tur a awm lova, quota kan sem mek zel a ni,tiin a sawi.
* DIET Saiha principal Pu H.Lalfakzuala kaihhruaina hnuaiah Primary English Teachers te Training pek mek an ni a, he training hian 25 June 2010 thleng a awh dawn a ni.
Editorial
Sa buktu leh a leitute
Saiha a sawi hlawh ber ni thin chu sa buk tling lo tih thu hi a ni awm e.Hemi chungchangah hian Sa talhtute leh a leitu mipuite hian mawhphurhna kan nei ve ve niin a lang.Legal Metrology department hotute leh MTP te pawhin sa buk endikin hma an han la ngial thin a,mahse sa buk laia Kg tling leh tling lo pawh hriatchian hma-in tute emaw Vawksa ei loh hlauh ngawih ngawih ni awm lang ten an lo pawt hman zel bawk si a,hei hi chu a buktu thiamloh pawh a ni bik lo, a leitu thiam loh a ni zawk tlat.
Sa kan lei dawnin sa bukna Patla kha ngun takin en ila, a tling nia kan hriat chuan lei mai ila, tling lo nia kan hriat chuan lei lo ngam ila, tichuan sa buk tling lo apiang kan lei duh lo anih phawt chuan rei lote-ah sa buk tling lo a awm tawh lovang.Mipui kan tanrual phawt a tul. Sa buk tling lo lei duh kan awm chhung chuan sa buk tling beisei lo law law ila, sawisel i bang ang u.Mipui bawk hi kan dik lo a ni tih i hria ang u. Sa hmeh lo kan hlauh luatah sa buk diktir hman lovin kan lei thin hi a zahthlak
