Chanchin thar lawrkawhm
Saiha,Aug, 20 : Nimin piah khan Lobo ah Pu Laihlawng(42) s/o Teibi chu a ramvahpui Cho-u (Chunguk(40) chuan a kaphlum! He thu hi Saiha Police station a report a luh veleh Pu Beihai Hlychho,OC leh a hote chuan 19.8.10 zan dar 9.20 ah Lungbun an pan nghal a ni.Silai Ulhbun mupui luhna hi Laihlawng nak veilamah a lut a, a khabe ah chemte a vihna zungthum leng a awm nghal bawk.Police te sawi danin,Dt.18.8.10 hian Laihlawng leh Cho-u te thiandun hian Sanghal umin ramhnuaiah an ram vak a, chutah chuan Cho-u hian a thian hi sanghal emaw tiin a kap ta niin a insawi a,Laihlawng hian min that law law mai rawh,a ti a,mahse ka duh lova, chemte pawh a ban phak lovah ka dah nghal a,zualko turin Inah ka haw nghal a ni,a ti.
Laihlawng ruang hi nimin tlai dar 2.40pm khai Police ten Saiha an rawn thlenpui a,Postmortem nghal a ni. A kaptu Cho-u hi Police ten an hruai nghal a, amah pawh a chau hle nghe nghe a,Pu Beihai Hlychho,O/C chuan Cho-u hi a chauvin a rilru hah lutuk avangin Lakhuih thei ei tur an pek pawhin,hei hi enge a ti ta ta mai mai a,a kim zanlo a ang hle,a ti.Laihlawng silai hi Laiphir a ni a, amu pawh kahchhuah a ni lova, Cho-u (Chunguk) silai Ulhbun erawh kahchhuah a ni tih a hriat nghal thei a ni,a ti. Laihlawng leh Chunguk hi inthian tha tak leh inkawmngeih tak an ni tiin Lungbun mi thenkhat ML an hrilh a ni. Pu Laihlawng hian a nupui leh fa 3 a kalsan a ni.
Pu Editor,
I chanchinbu Moonlight 12.8.2010 chhuaka Pu Tiabi thusawi i ziakah khan “Non Tribal mi 4 hnena Trade Licence pek chungchanga Pu S.Vadyu, Saihatlangkawn bialtu MDC-in a rawn sawipui a, ka pe a ni. A ti.” tih kha hetiang hi a ni zawk e.
Aug.2-4.2010 MADC Session-ah khan Pu Tiabi hian Non Tribal mi 4 hnenah Trade Licence a pe tih pho chhuah a ni a. Executive Committee pawmpuina a tello tih a a lang tel bawk Tribal mi 80 chuang an Licence Non-Tribal hman tirtu te zingah mi 56 chauh Show Cause Notice ani tih hian an rorelnah hleih neihna a lian hle a ni tih a tilang bawk. India dan puia sixth Schedule hian hnam te nau hote chimral kan nih loh nan mahni luah chin theuh huam chhungah thuneihna sang tak min pe a, heihi thuneituten zau taka hawngin in chimral tir thuai theihna thlengin thuneihna an nei bawk.Hnam leh ram hunhalh hi ka thahnem ngaihna a nih avangin Non Tribal Trade Licence dilpui chu sawi loh Non Tribal Trade Licence Cancelled sak avanga Guwahati High Court hiala khin lo tawk tawh ka ni a. Hei vang hian Guwahati High Court chuan Autonomous District Council Area chhungah chuan Executive Committee of District council chu Trading chungchanga thutawp neitu anih na a puang nawn leh a nih kha. Chutiang rilru chu ka lo put tawh leh ka put mek leh ka din zelna tur a ni tih kahriattir duh che a, Non Tribal tumah trade licence pe turin ka la sawipui lo.
Tunhnai kum 2/3 chhunga kan Saiha khua leh a chhehvela Non Tribal sumdawng pun chak zia leh Local Traders-te khawngaihthlak zia en hian Local Traders te himna tura dan lekkawh ngam hi kan mamawh tak zet a ni. EM diklo lutukin a hnathawh diklo khuh mawi nan a midag, dawta a puh kual vel mai mai rorelna hnuaiah hian Tribal leh Hnam tenau kan him lova, min humhalh zo thlawt lo a ni e.
Trade Licence 4 pe tur hian Opposition MDC, Pu S.Vadyu thu thu a EM (L&R) Pu Tiabi hian hna a thawh i ring ve reng em? Pu Editor enge i ngaih ve?
Ram tana irawngbawlpui
Sd/- S.Vadyu, MDC
Mara Autonmous District Council, Saiha
