Sd/-
(LALSANGZUALA NGENTE)
Asst. General Secretary

Pu S.Hiato,Minister i/c PHE tirh Pute HC.Lalnunzira leh Pu H.Lallianmawia,EE,PHE,Saiha te hlawhtling takin an lo haw

Saiha,Jul.29th : Pu S,Hiato,PHE Minister tirh a Delhi lama kal, Pu HC.Lalnunzira, SE,PHE Lunglei leh Pu H.Lallian-mawia,EE (PHE) Div.Saihate chu Dt.21.7.2010 khan Aizawl an lut a,Pu H.Lallianmawia,PHE,Div.Saiha hi niminpiah khan Saiha a lo lut a, nimin khan kan palai chuan, EE,PHE hi a chamber-ah a kawm a, Delhi a a kal report hetiang hian kan palai a hrilh, Tun tum Delhi-a an kal chhan chu Saiha,Tuipang etc. tui pekna tur Scheme an zukbuaipui a, Saiha Tui pekna tur Rs.20.702 crore leh Tuipang leh a chheh vel tui pekna tur Scheme Rs.Nuai 1035 leh sing 26 chu Technical Clearance an tifel tawh a, Sunction chauh nghah a ni tawh a,heng bakah hian, Tlabung tui pekna tur scheme Rs.441 lakhs leh Hnahthial tui pekna tur Rs.800 lakhs chuang pawh an tihfel nghal thu sawiin, Saiha tui pekna tur hi DONER atanga hmuh tur a nih thu leh kum 3 chhunga zawhfel tur a ni a, Tuipang leh a chhehvel tui pekna tur hi kum 2 chhunga zawh fel a nih tur thu a sawi bawk a ni.
TunTuipang tui pekna turin a tum khatna atan a a chawmna tur khuate chu, Tuipang’V’,Theiri leh Siatlai-te a ni ang a,hei hi Tuisih lui atanga pump tur a ni anga, kum 15 hnuah Theiva,Tuipang’L’, Maubawk’L’ & ‘CH’ leh Zero point te pek leh an ni ang. Tin, tuna PHE Saiha Div.hnuai a hnathawh mekte lian tham deuhte chu, Chhuarlung tui pekna tur Rs.200 lakhs senna turte, Phalhrang,Rawmibawk leh Riasika Combine Water Sypply -

Scheme te,Sangau tui pekna tur Rs.484 lakhs senna turte,Rawlbuk, Lungtian ,Zawngling, etc. te a ni a,Thawh zawhna te chu, Serkawr,Tuipang’D’,Siata, Maw hre,Siatlai, Siasi,Bualpui (Ng),Lungzartum, Phura leh Lawngban khuate tui pekna tur te.
Heng PHE hmalakna zawng zawng-ah hian Pu S.Hiato, PHE Minister hmalakna chak tak hnuaia kal ani a, Saiha Div. a EE leh a thawhpuite bakah Minister leh a hote hmalakna hi a lawmawm tak zet ani.

* AGRICULTURE & HORTICULTURE DEPARTMENT,MADC CHUAN THLAI TIAK TE HI DT.28.7.2010 HIAN A SEM DAWN A, CHINNA/PHUN NA TUR HMUN/RAM NEI TE LEH CHING/PHUN NGEI TUR CHUAN OFFICE HUN CHHUNGIN DCAO,MADC HNENAH DIL THEIH A NI E.

Siksawi nual
PHE Saiha Division hnuai a thawk thenkhatte an awmna hmun siksawi an ni a, Pu Ronghaka, S.D.O (Rural WATSAN Sub-Division chu Lunglei lamah sawn a ni a, a hmunah hian Pu SNEHANGSHU DEY chu SDO (Rural), in Saiha ah a lo awm a,( Pu Dey hi tun hma a Saiha SDO,PHE hnuai a, J.E hna lo chelh reng tawh a nih avangin,ama khua a lo kir leh ang a inngaih thu kan palai a hrilh a ni.
Tin, Pu James Lalremtluanga, SDO (TC) Saiha pawh Hnahthial-ah sawn a ni a, amah thlaktu tur erawh hi chu tihfel ala ni rih lo thung a ni.
Pu Dey, SDO, PHE (Rural ) hian Helipad thlak lawka PHE Quarter a luah nghal a. Zotlang lam a PHE tui lakna leh a velte a phul ta lutuk chu pawi a tih thu a sawi.

Lawmthu an hrilh
Pu RT.Zacho no,President, MDCC Hqrs.Siaha leh a thawhpuite chuan niminpiah khan, Pu H.Lallian mawia, EE (PHE) Delhi zin haw chu a Chamber ah an kawm a, a hmalak na ah lawmthute an hrilh a, EE,PHE pawh an chungah a lawmin thlamuan thlak hle a a hriat thu a sawi.
SE,PHE lokal dawn
Pu HC.Lalnun zira, S.E. PHE, Lunglei chu kar leh lam khian Saiha-ah a lo kal dawn a, Saiha Div.PHE hnuai a hmalakna te a rawn en ang a, PHE Saiha dept chuan chawhlui an lo buatsaih sang ang.
A rei lovang
Pu H.Lallianmawia, EE,PHE chuan, Saiha leh Tuipang tui pekna tur Scheme Technical Clearance tihfel a nih tawh avangin, Pu S.Hiato,PHE Minister-in chak taka an sanction theihna tura hma lak a tum avangin, hun rei nghah ngai lova sanction hi a chhuah mai a beisei awm thu ML a hrilh.

Hun nei tlem ta
MADC Land & Revenue Deptt. lamin dan lova sumdawng/dawr kai (Illegal Traders & Illegal Sub-let) te hnena Show cause Notice an pek te tana in sawifiahna hun an pek, July thla chhung tih chu hun a tlem ta hle a, hemi Show cause Notice an pek hun chhunga an in sawifiah lo emaw, an in sawi fiahna pawm tlak anih loh chuan Action lakin a zui tawh mai dawn a ni.
Sawi hlawh
SDDVC ten bawm an hun tur chuan sawi a hlawh hle a,Saiha-ah hian Eiruk nia hriat mipuiten lehkha an thlakna tur bawm hun a tul love tia sawi an tam viau laiin Bawm hun chu Aizawl leh District dang ang bawkin a tul ve tho a lawm tia sawi pawl an awm ve bawk.

Power supply chhe thut:-
Niminpiah tlai Dar 3:00Pm bawr vel khan Aizawl Zuangtui leh Serchhip Pukpui inkar 132Kv Power line chu Tlungvel Quary chim a thingtlu in a delh chhiat a vangin Chhim lam pang zawngin Power Supply kan hmu lova, hna te pawh a khaihlak nual bawk.
P&E Department lamin ngawrh takin a siam that hna hi an thawk mek zel a, nimin tlai lam kha chuan a en hman beisei a ni a, amaherawh chu he thuthar kan buatsaih lai thleng kha chuan siamthat a la nilo a ni.

Saiha,July, 27 : Saiha District Development & Vigilance Committee chuan mahni hlawh phu lova In leh bungrua,etc neite chu tute nge tih mipuiten an thlakna tur Bawm an hung dawn ta.Hemi chungchang hi nimin khan Pu C.Z.Hluna,Chairman,SDDVC kaihhruaina hnuaiah rel a niin August ni 2,2010 dar 11:00 am khian Saiha Bazar,New Saiha leh Tuipang-V ah a rualin Bawm hun a ni ang a, programme tawi fel tak hman nise tih rel a ni a,karkhat chhungin mipuiten lehkha a ziakin an thlak thei dawn a, a hawn hun chu SDDVC ten an ruat leh dawn a ni.He Bawm ah hian tupawhin an thlak thei dawn a, ram hmangaih thinlung nena mahni hmuh dan theuh ziaka thlak tur a ni a, tute emaw huat vang hrim hrim a advantage lakna hmanrua atan hmang lo turin leh rilru leh thinlung taka a nihna chiah chiah kan hriat apiang ziaka thlak nise tih hi SDDVC duh tan a ni.
India sorkar hian hmasawnna Development chi hrang hrang min rawn pe a,mahse mipui hnen thleng phak a tam nge a tlem tih hi mi thil chik mite chuan an chhut nasa a, diklo taka hmangtute hi hnam leh ram hmelma an nih avangin mipui aiawh lalna ramah hian i chanvo dik tak hriat tum ve la, mipuite hian district dang rualawhna chang hre chunga he bawmah thlak tura beisei kan ni.District dangah chuan a nihna ang thlap thlapin-

Development lokal hi an hmang tha hle nia hriat a ni a, Saiha District ah erawh chuan UT hun lai atanga tun thlengin central atanga sum tam tham tak lo kal si, mahse hmasawnna hmuh tur awm chuang si lo hi SDDVC chuan hriatthiam harsa a ti hle a,chuvangin hetiang Bawm hun hi a lo buatsaih ta a ni.
Tichuan a tul angin sorkar thuneite hnenah SDDVC chuan mipui aw Bawm chhunga lo lut chu a thlen zel dawn a,action na taka la turin sorkar thuneitute a ngen nghal dawn a ni.District hrang hrangah pawh hetiang hian Bawm hun a ni tawh nghe nghe.Mipui i harh ang u.

Tiranga hal ral dawn
Dt.31.7.2010 zing dar 7:30 Am khian New Saiha Bazar ah MHIP Sub-Hqrs Saiha chuan TIRANGA halralna programme an nei dawn a, media-telpui turin an sawm.

DC-in enfiah
Kar kalta Zirtawpni khan Pu Kunal,DC,Saiha chuan Zawngling,Siatlai leh Tuipang ah BADP, BRGF leh IWDP hnuaia hna thawhte a hmunah a enfiah. Bawrhsap chuan a kalna khua-a Aganwadi leh Zirna in te a hmunah ngei enfiahin zirtirtute chu tan la zual sauh turin a fuih a.Zawngling a Mary Heichia Special Residential School (Rualban lote School) Pi Heichia enkawl lai chu tlawh nghalin tangkafai Rs.2000/- in a tanpui bawk.Bawrhsap hi Tuipang a MTP,YMA bakah VC ten lo hmuakin hnam lam te an entir a ni.DC hi BDO, ADC(P),DCSO,ACF leh PRO ten an tawiawm a ni

ZTOA press Meet
Dt.27.7.2010 dar 1:00 Pm hian Zoram Taxi Owners’ Association (ZTOA) District Hqrs Saiha chuan MJA Press Club Saiha ah thuthar lakhawmtute an kawm dawn a,hetah hian Taxi rate chung chang pawh an sawi tel dawn nia hriat a ni.

Joshua operation
Tipa Salem KTP chuan tunlai hian ‘Operation Joshua’ hmangin KTP member te tlawhchhuakin tawngtai pui an ngaihna leh Pathian tana rawngbawlna hrang hranga harsatna an tawhte zawtin tawngtai sakna hun an hmang a,an hlawkpui tih hriat a ni.

Hmasiena tichhuak
MADC Information & Publicity Department te chuan nimin khan Hma siena an tichhuak leh a, MADC Iformation & Publicity Department hian he Hmasiena hi Regular takin an tichhuak chho mek zel a ni.

Pu S.Hiato-in a sawi
Mizoram Sawrkar UD &PA Department chuan, Rural Housing Scheme hmute hnenah, a bul tan nan Kolasib-ah an sem a, hetia Urban Housing Scheme an han sem hian In sakna bungrua leh a kaihhnawihte aman an tihsan thut avangin an sem chhunzawm ngam lawk lova.
Hemi avang hian Saiha ah pawh an sem mai hreh deuh a, Pu S.Hiato,PHE Minister (Saiha bialtu) chuan, Saiha-ah chuan MADC lamin thil man an control thei dawn a, chuvangin he Urban Housing Scheme hi sem mai a tha ang, tiin UD&PA.Deptt. lam hotute a hrilh a, chumi avang chuan semchhuak tura inbuatsaihin tunah hian File pawh move mek a ni,tih, Pu S.Hiato,PHE Minister chuan a sawi.

Aso Vytuchho album siam mek

NSV leh HS Vision tangkawp a Red Ribbon icon selection leh Maraland idol thlanna a boruak siamtu ber Aso Vytuchho chuan tunlai hian album a siam mek a,Fine Tune Digital Record Studio-ah uluk taka siam mek zel a ni.
Khopai product Aso Vytuchho hi a hmanhmawh hran lova, kum tawp lamah release a tum thu ML Thalai huang a hrilh a ni.Album thupui atan “ Lyubi Hlana” (Halua phuah) chu hman a tum a ni.

Tunah hian Aso chuan hla panga a thun fel tawh a, chungte chu 1.Lyubi Hlana ( Halua phuah). 2. Ky eichapacha (John Beiza chhi phuah), 3. Khochai (Dominic Azyu phuah), 4.Lohro naphao saichi 5) Tupi Thoso (Halua).
Album a buaipui rualin Aso hian Music video shooting a nei deuh reng bawk a, hun awl hman thiam a tum hle a ni.

Vawiin Dt 24th July 2010 chawhnu dar 1:00 khan MZP Gen Hqrs leh Grassroot Development Network te tangkawp in MZP kum 75-na (Platinum Jubilee) puala ni 2(hnih) awh ‘Workshop on Citizen & New Media’ an buatsaih chu khar a ni a, Pu S.Lalrinawma Vice President chuan he hun hi a kaihruai a ni.
He kharna hun hi Pu Vanlalrema Vantawl Vice President Mizoram Journalist Association chuan hmanpuiin mi 59 training chhuak te hi Certificate leh Zofest 2009 Souvenir CHIBAI lehkhabu a hlan vek an ni. Pu Vanlalrema Vantawl chuan thusawiin, Tunhma chuan Citizen Journalism hi Street Journalism tih a ni a, hetiang thiamna zir chhuak te hian thuneihna aiin mawhphurhna ngah zawk a ni tih theihnghilh lova, Journalism Code of ethics zirchiang a, dan pela khawsak a remlo tih theihnghilh lo turin a chah. MZP ten Platinum Jubilee puala hetiang tih nachang an hria chu fakawm a tih thu leh lawmawm a tih thu a sawi bawk.
Pu VL Krosshnehzova, Presidet chuan kharna hun hmangin Workshop a tel zawng zawng te duhsakna hlanin, hun lokal zel tura Mizo nih tinuam tu ni zel turin a chah bawk.

Sd/-
(PETER CHHANGTE)
Secretary i/c Publicity
Sorkar laipuiin tun thla atanga September thla thleng khian Open Market Sale Scheme atangin Mizoram tan thla tin, buhfai quintal sing 5, sang 4 leh 340 a pek belh dawn – Pu K.Riachho,Secy,FCS & CA

Saiha, July, 26 : Sorkar laipuiin tun thla atanga September thla thleng khian Open Market Sale Scheme atangin Mizoram tan thla tin, buhfai quintal sing 5, sang 4 leh 340 a pek belh dawn. Hemi chungchanga ruahmanna hi tun hnai khan New Delhi-ah sorkar laipui aiawh leh Food, Civil Supplies and Consumer Affairs Secretary, Pu K. Riachho-a’n an siam fel a ni. He Scheme hnuaia buhfai leina tur hi Economic Cost aia hniam a ni a, quintal khat cheng 1,614-in lei a ni ang. Hetianga Central sorkarin buhfai economic cost aia man tlawm zawka Mizoram pek belh a remtih avang hian economic cost-a thla tin, buhfai quintal tam tak lei belh thin chu a tlem thei tawh dawn a ni. Mizoram mipuite buhfai mamawh hi thla khat atan quintal nuai 1, sing 2 vel a nih laiin a taka FCI atanga buhfai pek chhuah zat chu quintal sing 5, sang 2 leh 220 chauh a ni a, heng zinga quintal sing 2 sang 8 leh 410 chu APL quota a ni a, quintal sing 1, sang 4 leh 710 BPL quota leh quintal 9,100 AAY quota a tel bawk a ni. Hetih lai hian Food Civil Supply & Consumer Affairs Department-a hnathawktute chuan buhfai kawngbo leh hralh ruk man chhuak turin tan an la zel a, nimina buhfai hralh ruk, bag 12, Aibawka an man zingah khan =hiak Retailer, Pu Sata hralh ruk, bag 2 a tel a, a leituin hralh chhawn atana a leina rate hi bag 1 zelah cheng 800 a ni.

* Pu Lalkunga Sailo,DCSO Saiha chuan Buhfai a thleng mek zel a, quota pawh a pangngaia sem mek a ni a, a pangngaia sem chhun zawm zel tum a ni, mipui tan chiaina tur a awm lo,a ti.
MHP charge inhlan
Nimin piah khan MHP Hqrs chuan Pu Sachhua In,New Colony ah charge inhlanna an nei fel ta. Adviser atan hengte hi an ruat nghal a ni.Pi HC.Nakua, Pute LC.Chasai, V.acho, N.Pachhunga, J.Laichha. Auditor -ah Pute Viasai Solo leh N.Vabeiratlua an ruat a ni.

ECM hnuaia Evangelist Training
Rev.Ch.Chhama & Rev.MC.Zahluna ten pe

Nimin khan ECM hnuaia Evangelist 22 te chu Instalation programme hmanpui an ni a.Nimin piah khan ECM Siaha Vaihpi Hall-ah ECM Assembly hnuaia Thu hriltu lak thar
te chu Rev.Chhama,SES leh Rev.MC.Zahluna, Director, Revival & Evangelism kaihhruaina hnuaiah “Short course training” pek an ni a, a remchan ang zela Local Church ah practical nei tura tirh zel an ni ang,tiin Rev.MC.Zahluna chuan a sawi.Tun hnuah chuan Local Church ten Evangelist an duh duh sawm mai lovin ECM Assembly ah an dil ang a, a remchang apiang Evangelist pek zel an ni ang a, ECM Local Church ten pawn lam mi sawm ngai tawh loh turin Evangelist kan lo intodelh thei ta hi a lawmawm hle a ni,tiin Rev.MC.Zahluna chuan ML a hrilh a ni.

Evangelist thar te
ECM Assembly hnuaia Evangelist lak tharte chu – MC.Chiahro, Tisopi, MC.N .Malua-Shalom, Mc.C.Chahu – Shalom, MC.NT.Chhotlo – Chheihlu
MC.HC>Zakhaw -N.Siaha
MC.K.Thazao -Chakhei
MC.K.Heitu – Khopai
Mc.C.Hratlei – Chapi
Mc.S.Ngocho – Tisi
Mc.NT.Zarei – Theiva
Mc.C.Beicho – Thosai
Pi R.Zohmingthangi- N. Colony. Km.Hc.Notha- Amobyu.Km.L.Dawko-Stk
Km.S.Zamo-Kiasi, Km.B.Vaki – N.Colony
KmS.Heihmo – T.Salem
N.Lalhmingliana-N.Saiha
S.Thacho – Tisi, K.T. Beisatlia – Tisi
Laimua – Tisopi, Mc.K. Nozah – Kaochao ‘E’
Evangelist tharte hian rawngbawlna an neih apiangin TA/DA ECM Assembly-in a pe thin ang,tiin Rev.MC.Zahluna chuan a sawi.

Beihpui thlak dawn
MTP lam chuan Ruihhlo do beihpui an thlak chho leh dawn ta a, hei hi ECM Kohhran pui pate ngenna pawh a ni tel . Tin, ILP leh Illegal Trader chungchang-ah pawh chak taka hmalak an tum bawk a, an hmalak tawiawm turin mipui an ngen a ni.

Ind.meeting
Nimin piah khan DC Conference Room, Saiha-ah Independence Day lawmna Programme hman dan tur sawihovin, Pu Thangchem Zathang, Addl.DC kaihhruaina a Meeting neih a ni a, Independence Day Khuallian atan Pu Lalrinliana Sailo,Health Minister a lo kal beisei a ni a, Independence Day Football leh Volley Ball Tournament buatsaih ani ang a, Pathianni a nih avangin dar 7:30 Am ah Prog.tan nise, FB & VB Final hi Dt.14.8.2010 ah khel tura tih a ni bawk.

SDAA hruaitu thlang
Nimin piah chawhnu dar 3:30 Pm Khan Tourist lodge ah Saiha District AQUATIC ASSOCIATION OF MIZORAM ten General Election an nei. He General Election neihna ah hian Hqrs Aizawl atangin Pu Puia Pachuau, President, Pu Vanlalremruata Executive member, Lallawmsanga Executive member Hqrs ten inthlan hi an rawn neih pui ani.
.Kum 2010-11 chhunga hruaitu an thlan thar te chu:-
1.F.Vanlalhluna President
2. T.T.Khulua.V/President
3.Pu L.Beirangia Gen, Secretary
4.P.T.Lalduatsangpuii Treasurer
5.C.Lalhranga Jt.Secretary leh
6.David Zonunsanga Jt. Secretary te thlan tlin ani a. Pu Puia Pachuau President Hqrs Aizawl chuan Fuihna thu sawiin He Aquatic Association hi pawlthar ani a, a la din rei rih loh avangin mipui tam zawhte chuan an la hmel hriat tam lo hle ani ati a. Voluntary hna anih avangin Thalai Hmeltha leh thusawi thiam tih ai chuan ataka thawkthei leh mituan rang hi he pawl hian amamawh ber ani a, Zoram zimte ah hian Kan thalai tuitla avangin nunna kan chan an tam tawh hle a, chuvangin he pawl ah hian mi inpe tak tak leh entawn tlak kan mamawh ani ati.Saiha district tan Tui a tla te chhan chhuah nan a hmanrua tangkai engmawzat an hlan in hmang tangkai turin member te chu achah a, sawizawm zelin . District level a Competition buatsaih an tum thu leh lawmman pawh tha tawk tak a nih tur thu a sawi a, Saiha District chu Sport lamah hmasawn chak tak District a nih thu leh National Level thlen phak tumna rilru nei ran a tan la tur in kalkhawm te chu a chak ani. Tlaiah zanriah kil ho na neih nghal ani.

MIZORAM KOHHRAN HRUAITUTE COMMITTEE ( MKHC)

Mizoram Kohhran Hruaitute Committee (MKHC) chuan mi thenkhatin tunlaia India ram chhiarpui (Census – 2011 ) Sorkarin a nei mek, Sakawlh nen sawi zawma mite an sawi thaih avanga Census-a tel duh lo eng emaw zat an awm tih a hriatin pawi a ti a,Kohhran mipuite hnenah he thuchah hi a siam a ni.

1. India ram hian kum 10 danah Chhiarpui a nei thin a,tuna Chhiarpui hi a vawi 15-na a ni tawh a,tumahin Sakawlh nen an la sawi zawm ngai lo va, tuna chhiarpui pawh hi kan Bible-in Sakawlh a sawi nena sawi zawm thar phut chi a ni lo.
2. Chhiarpui neih ruala National Population Registration siam mek leh Unique Identification (UID) pawh hi sakawlh chhinchhiahna a ni lo. Thupuan 13:18-in a sawi sakawlh nambar 666 hi chu sakawlh chhinchhiahna neite tana intawm tlan vek tur a ni a.Tuna UID erawh hi chu nambar inang lo theuh,kum 15 chin chunglam,a duh apiangte tan chauh hman tur a ni a, sakawlh nambar nen ngaih pawlh loh tur a ni.
3. Kan Bible-in sakawlh a sawi, Dan Bawhchhepa tia a sawi bawk chuan Pathiana an vuah apiang leh sakhua zawng zawng a do dawn a(II Thesalonika 2:3-4), India sorkar erawh chu a khua leh tuite tana sakhaw zalenna zau tak siamtu leh sakhaw hrang hrang betute humhalhtu a ni a,sakawlh nena sawi zawm chi a ni lo.
4. Pathian thu nen a inkalh a ni chauh loh chuan kan chunga roreltute thu zawm hi ringtute tihtur a ni a,India sorkarin Chhiarpui a kalpui mekah pawh hian hlauhthawnna nei lova, sorkar hmalakna lo tawiawm vek turin kohhran zawng zawngte MKHC chuan a ngen a ni.

Sd/- Sd/-
REV.R.LALRINSANGA REV. C.CHAWNGLIANA
Secretary Chairman
MIZORAM KOHHRAN HRUAITUTE COMMITTEE

MHP Gen.Hqrs chuan Maraland idol thlanna an buatsaih hma lawka Maraland Idol nihna lo chelh turin Maraland Idol 2008 J.Ruby d/o J.Vialua(L)chu an thlang leh ta.He thu hi moonlight daily newspaper website -ah ram hrang hrang leh state hrang hranga Mara fa awmten an lo chhiar a, lawmpuina an rawn thawn nasa hle. Tunhnai khan MHP inthlanna neihna-ah J.Ruby hnena Maraland idol title hlanna leh Amah chawimawina programme hman nghal a ni bawk. J.Ruby hi ECM Assembly Choir member a ni bawk.
J.Ruby aw special zia hi Shakira aw nen pawh a inang hle nghe nghe a, a chang chuan Christina Aquilera aw nen a inang zawk emaw tih mai palh a awl hle a, a aw hi a chak em em bawk.Fans ngah pawl tak a ni nghe nghe

Maraland idol J.Ruby hian Saiha town chhungah chauh pawh ni lovin thingtlang khaw hrang hrangah fans a ngah hle tih a hriatna chu MTP Sub-Hqrs Phura Conference a Pu Pasa T.Azyu,President,MHP a khuallian tum leh Pu J.Jeffrey Khara chawimawina Darkhuang, Certificate leh Buhfai Quintal 1 an hlan tum khan J.Ruby a han chiah mai chu mipui kha an va lam nasa tak em? Pangpar awrhtirtu leh pawisa petu tam tak an awm bawk a, tlangval thenkhat, fans ruh zualte phei chuan an ban/chal-ah ‘ i love u, J.Ruby’ tiin an ziak hial a nih kha.
J.Ruby fans te chuan Theirah te, buhfai,etc te J.Ruby present bawk a, kan haw lamah khan J.Ruby thil petu tamzia kha Moonlight thalai huang palai chuan a lo hmuh hmaih hauh lo mai. Tlangval ho lah chuan J.Ruby hming an an lam ri reng bawk a, an birthday hun a thleng a ni ringawt a lawm.Kha khan J.Ruby an ngaihsanzia a tilang chiang hle tih a hriat.
Laisa J.Ruby aw hi a tha tulh tulh a,a special tulh tulh bawk a, Mizoram ah hian Idol leh Icon thlan a awm nual tawh a,an aw thatzia pawh kan ngaihthla-in kan hre vek tawh e.Mahse J.Ruby aw hi zawng a special tulh tulh mai a, Icon leh Idol dangte hian J.Ruby aw an tluk lo niin Pu Pasa Azyu leh Pu Jeffrey Khara chuan an hre tlat. Kum 2006 khan J.Ruby hian Moonlight Award a lo dawng tawh a, khami hnu 2007 a Maraland Idol thlanna Pu N.Pachhunga,President,MHP a nih lai khan J.Ruby hian Maraland Idol title a lo la tawh a nih kha.Khatih laia runner up Satlia Reuben Kypacha(Pahnai) meuh pawhin J.Ruby a lawmpuizia leh a ngaihsanzia chu ML Thalai huang palai hnenah a lo sawi tawh bawk.
J.Ruby hi Saiha a function hrang hrang ah sawm hlawh pawl a ni a, kohhran hrang hrang programme ah pawh sawm hlawh pawl a ni tel bawk a, Amah hi nula inngaitlawm leh mi hlim thei tak a nih avangin Pathian malsawmna pawh hi a dawng hle nghe nghe.Myanmar rama Pu B.Dawpho,President,MTP(H) a nih laia MTP Conf.hmanna-a zuitu zingah J.Ruby hi a tel a, Myanmar a thalai tam tak ten J.Ruby an lo ngaihsanzia leh an lo lawmzia kha pangpar awrhtirin pawisa an pe tel zel nia hriat a ni bawk.J.Ruby,kan chhuang a che,i fans te hian tih thu Saiha leh Phura-a kan hriatte kha tarlang ve duh hrim hrim a ni e,ed)

MZP chuan North East Students Organisation (NESO) hmalakna kal zel chhunzawmin Central Sorkar in North East Area tana Mobile Telephone (Prepaid) tana Roaming facilities a awm theih nan Central sorkarah ngenna a lo thlen tawh a ni. He a ngenna bawhzui nan hian Mizoram tlawha lo zin Shri Sachin Pilot, Union Minister of State for Information and Communication Technology hnenah lehkha lo thehlut lehin, NE Area ten harsatna kan tawh mek chu chingfel a, Prepaid Mobile hmangtute tan Roaming facilities chu pe ngei turin a ngen a ni.
Prepaid hmangtute tana Roaming facilities pek loh chhan hi venhimna kawnga thiltha zawk duh vanga sawi a lo ni tawh thin a, hei hi MZP chuan chhuanlam tlingah ngai lovin Prepaid hmang dangte chenna hmuna helna leh inrikrap tam zia a hmuhin, North East mipuite hrekbehna hmanrua maiah he chhuanlam hi a ngai a ni. India ram pum inpumkhatna leh inunauna chhawm nun nan inbiakpawhna tha a pawimawh zia hria a MZP ngenna hi tihlawhtling ngei turin a beiseiin, hemi kawngah State sorkar pawh theih tawp chhuah turin MZP chuan a ngen nghal bawk a ni.
Tin, MZP leh Grass Root Development Network tangkawpte chuan MZP Platinum Jubilee pualin nihnih awh “Workshop on Citizen Journalism and New Media” chu Dt 23rd & 24th July 2010 hian I&PR Conference Hall-ah a buatsaih dawna, he hunah hian a tui mite tel turin MZP chuan a sawm tak meuh a ni.

Sd/-
(H.LALREMSIAMA)
General Secretary

Pu Vabeiratlua Nohro,I&PRO, Saiha chuan a office chamber-ah thuthar lakhawmtute a kawm

Saiha,July 23rd : Nimin chawhnu Dar 2:30Pm khan Pu N.Vabeira tlua, I&PRO Saiha chuan a Office Chamber-ah Saiha khawpui chhunga Tualchhung chanchinbu mite leh Local T.V. neitute a kawm.
He Press Meet ah hian thusawiin Pu N.Vabeiratlua, I&PRO Saiha chuan Press mite chu helai hmuna a awm chhunga engkimah inpawh tak leh tha taka

Pu Atlua I&PRO Saiha chuan I&PRO Department leh Press mite chu lakhran theih kan nilo tiin thawhhona thatak neih ngei theih a beisei thu a sawi bawk. I&PRO chuan District hmasawnna tur leh hamthatna tura theihtawp chhuaha hmalak a tum thu Press mite a hrilh bawk a ni. He Press Meet ah hian Saiha Khawpui chhunga Chanchinbu mite leh Local Cable T.V. neitute an tel kim hle a, tlai lamah I & PRO in a buatsaih Chawhlui tuihnai tak an kilho nghal a ni.

Pu Atlua chuan Saiha a media te chu a thian tha te leh a hriat sa vek an nih avanga thlamuan thlak a tih thu a sawi a,Saiha chanchinbumite/MJA te thlawpna a mamawh tak zet thu a sawi bakah Saiha chanchinbu Diamond Offset hmanga phek hlai changkang tak an lo chhuah thei ta chu lawmawm a tih thu a sawi a, a lawmpui thu a sawi a ni.

MTP(H) meeting
Nimin khan MTP Gen.Hqrs hruaitute chu an office-ah Pu T.Chatlua,Sr.Vice president hovin an thukhawm a, Kumpuan Sub-Committee an din nghal a, Chairman atan Pu P.P.Zalena,Vice president,MTP(H) leh Secretary atan Pu L.Beira ngia,Secy,Art & Culture, MTP (H),Executive Member atan Rev.NC.Vabeilua, kh.Beithie, TA.Beihnia leh Vabeikhaihmo Solo an ruat
He meeting ah hian Cement Mistiri rate siam tur chungchangah MADC rawn phawt nise tih a ni. ILP/Illegal traders chung changa hmalakna chak zawka kalpui nise tih leh Ruihtheih thildo chung changah MTP Sub-Hqrs/ Town Branch OB te nen remchang hmasa ber ah Joint meeting neih nise tih an rel bawk.

Ind Day meeting
Vawiin dar 1:00 Pm hian DC Conference Room ah Independence Day lawm na Programme hman dan tur sawiho turin Meeting koh ani.
GS post pe lo
Pu Hiphei,Ex-MP chu MPCC Executive ah thlan tlin a ni a, Gen.Secy post appointment siam tawh zingah Pu Hiphei,Ex-MP hming a tel lova, Adviser an pe zawk mai thei tia sawi an awm nual thung.
RAINO: MDCC Media Cell chuan August 1,2010 atangin RAINO Newspaper tihchhuah leh an tum.

Saiha Dist.Aquatic
Vawiin tlai dar 3 hian Saiha District Aquatic Association chuan Tourist Lodge-ah Gen.Election an nei dawn a, an Hqrs Aizawl hruaituten an kaihruai dawn a ni.

Work camp nei dawn
ECM New Colony KTP chuan kumin December chawlhkar hnihna velah khian Tripura Mission field-ah Work Camp an nei dawn a, an work camp neihna tur hi Bokhri ah a ni dawn a,hei hi Pu RC.Beilaizi Bohia awmna bial a ni.
* ECM Council Vaih Biak In lian tawk tak sak hna chhunzawm mek zel a ni a, College Vaih Biak in lian tak, Mizoram a Biak in tha leh mawi ber pawl ni tur tia Upa C.Zohupa-a’n a lo sawi tak chu sak chhunzawm mek a ni a,Gilgal pawhin Biak In hmun thar nuai 12 in Pu K.Ngiachhie ram an lei bawk

MADC session
Pu FC.Zase,Chairman, MADC chuan 2-4 August 2010 khian MADC fur thutkhawm (Monsoon session) neih a ni dawn a, zawhna 30 a lut tawh a, unstarred question 4 a tel a ni,a ti.He Monsoon session lo awm turah hian Official Resolution pahnih a lut a. 1.Amendment of V/C Rules 2.Town Committee bill pawmpuina tur. Private resolution pakhat a lut bawk a,chu chu Tuipang RD Block hi pahniha then nise tih a ni,a ti.

Delhi ah bawhzui mek
MADC, LADC leh CADC aiawhte chuan thuneihna lian zawk Central lamah an bawzui mek zel a, MADC aiawhin Pute Hiphei,Ex-MP leh K.Chhuabei,EM, Forest,MADC an tel a ni.

Nimin chhun khan MJA District Hqrs.Saiha te chuan Pu S.Khipo CEM,MADC chu a chamberah-ah an hmu a, an mamawh leh harsatna te an thlen a, heng MJA ten harsatna leh mamawh an thlen te chu theih ang ang a, tihhlawhtlin sak a tiam tih a sawi.

Pu S.Khipo CEM chuan tunhnai Aizawl a kal chhan chu MPCC Election a tel anih thu leh MPPCC Election felfai taka neih a ni chu lawmawm a tih thute, Executive Committee member-ahMara, Lai leh Chakma atanga pakhat theuh thlan tlin an ni chu lawmawm a tih thute a sawi bakah Minister hrang hrang hmu a Saiha District mamawh a thlen te atarlang bawk a ni. Tin, BADP chu MADC kuta awm tura hmalak mek a ni, a ti.
Pu S.Khipo,CEM,MADC leh a thawhpuite chunga mja an lawm bikna em em chu advertisement head 5.9 lakhs atangin nuai 10 ah a tihpun sak a,hei vangin MJA chuan Pu S.Khipo,CEM,MADC chungah lawmthu an sawi tak zet zet a ni.

Saiha,July,22 : Nimin khan Pu Kunal, DC Saiha leh Chairman, DACYP kaih hruaina hnuaiah District Advisory Committee on Youth Programme DC Conference Hall-ah neih a ni a,hetah hian an kumkhat budget thlirho na an nei bakah Saiha District huam chhunga thalaite tihma sawnna tur leh kawng hrang hranga hmasawnna tur kawng dapsak dan turte,a bik takin Infiamna lamah thalaiten tun aia a let a tuina leh hmasawnna an nei theih nana tanlak pui dan tur te sawiho a ni a, thalaite dinhmun siamthar atul nia an hriat thu an sawi a ni.

He meeting ah hian Pu Bishnu,Director NYK ,Aizawl pawhin thusawina a nei.An thurel zingah Youth Club Award dawng turin MGYA(Gurkha) Rs.10,000/- Youth Award(Individual – Medila Khaila, leh F.Lalthantluangi, MYA(5000 ve ve) pek nise tih leh Middle School atanga hnuailam tan sport buatsaih nise tih rel a ni bawk.NYK Saiha hian khaw hrang hrangah Tournament an buatsaih thin bakah Youth Club leh NGO hrang hrang te hnenah Football, Volleyball leh a net/ Sport bungrua engemawzat an sem thin a,hei hi Thalai pawl hrang hrangte chuan Infiamna lamah hmasawn pui nan an hmang tangkai hle a ni tih tarlan a ni.He meeting ah hian PD,DRDA,CMO, GM,DIC, I&PRO, MTP, YLA,YMA, etc te an tel a, Bag tha deuh mai chu member te hnenah sem chhuah a ni bawk.

Pu RT.Zachono-in a ti
Nimin khan kan palai chuan Pu R.T.Zachono,President, MDCC a kawm a.Pu Zachono chuan Congress kaihhruai sorkar hmalakna sawiin, Kolodyne project phase-I 460MW te, Vawm buk hydel project 800 MW leh Tiau hydel project 240MW te chu Mizoram malsawmna hnar a ni dawn a, Kolodyne hydel project atang hian 4% (18MW) chu Lai leh Mara 50-50 in kan insem dawn a,tam tham tak a ni ang BADP atangin Chapui leh Siata a kawlphetha pekchhuahna tur siam a ni bawk dawn a,Pu N.Chakhai,PD,DRDA, Pu Donny Lalruatsanga,BDO leh an thahwpuiten beihpui an thlak dawn a ni,a ti.
Saiha Water Supply Scheme Rs.20.7 crores leh Tuipang Water supply project Rs.10.1 technical clearance chu tihfel vek a ni tawh a, DONER atangin Rural,Rural atangin Urban dev.Ministry ah a kal dawn a ni,a ti.

Press kawm dawn
Tunkar Inrinni hian ZTOA hruaitute chuan Press Club,Saiha-ah thuthar la khawmtute an kawm dawn a, Taxi rate chung chang leh tul dangte chu thuthar lakhawmtute hma-ah puan chhuahna an nei dawn a ni

Sa rate tarchhuak dawn
Pu P.Sama,LAO,MADC chuan sa rate hi mipui leh sa buktuten an theihnghilh ta nge mahni duhdan danin an ti mai nia thuthang kan hriat avangin Chanchinbu kaltlangin kan tarchhuak leh dawn a, a rate ang chiaha lei tur a ni,a ti

Press Meet nei don
Vawiin tlai dar 2:30 Pm hian Pu Beiratlua Nohro (Atlua) , I&PRO,Saiha chuan a office chamber-ah thuthar lakhawmtute a kawm dawn a ni.
ZTOA meeting
Vawiin hian ZTOA chuan Pu S.Hmunsanga,Meisatla Inah Executive meeting an nei dawn a, Taxi rate tihsan an tum dan an sawiho dawn a ni.
Sport meeting
Vawiin dar 2:00 pm hian MTP Office-ah Sport Discipline hrang hrang hruai tute kalkhawm turin Pu Sahku,Convener chuan a ko a, MADC a Sport fund dahsak tam tura ngen dan tur leh sport hrang hrang tihmasawn zel dan tur an sawiho dawn a ni,tiin Pu FC.Sahku,Convener, Saiha chuan a sawi a, a tam thei ang bera kalkhawm turin a ngen

Computer a pe
Pu S.Hiato,PHE Minister chuan Tuipang Cong. Block Office a hman turin Computer tha zet mai a pe a, tin, Tuipang Cong. Block Office a hman tur atan bawk hian Pu PC. Thanliana, Social Welfare. Minister chuan P.A. Set tha tak mai a pe bawk.

THU DIK PUAN CHHUAHNA
Mi tute’n emaw “Dr.John Hamlet Hlychho Dikna leh Zalenna Rah beh/palzut sak tumna a ni thei ang?” tih thupui hmangin, ka hmingin, Open Letter to Editor an siam a. Copy tam tak sem darh a ni a.Hei hi Intih-Hmingchhiatna leh Intih-mualphona vawrhtawp ah ka ngaih avangin Lehkha semtute hnenah hian Ngaihdam MIN DIL tur leh ka Thilphut an tihhlawhtlinloh chuan court-a kal ka tum thu show cause notice pe-in ka hriattir a.
Hun tiam chhung hian ka thilphut hi tihhlawhtlin a nih tak loh avangin ka Dikna tarlan ngei tumin Court-a zualko ka tum ta a. Hetih lai hian July 14,2010 (wed)zanah kan ECM Kohhran Hqrs Hotute (1) Rev.S.T.Zawsi,Moderator (2) Rev.Ch.Chhama,SES (3) Rev.C.Beima,ES(M), te chu formal meeting aiawh-in kan Inah an lo leng a.Hemi hnu hian Bialtu Pastor Rev.L.Chhieto pawh a lo leng ve bawk a.
An zavai hian, “ECM Kohhran Ban pakhatah kan ngai che a.I Dikna leh Thiamna Court-a i tarlan chuan, in Bethel Local Church-in a tuar ang a,ECM Hqrs pawh a nghawng thei dawn a.Lehlamin thu tha an sawi duh lo a nih pawhin,nang chuan a tawp chu thleng lo hram turin Pathian hmingin kan ngen che u a ni” an rawn ti a.
Mihring mihrinna atang chuan atawp thlen hi duh mah ila, Kohhran khaipate Ngenna hi zahawm ka tiin, Pathian Aw ah ka ngai a.He thil avanga miten Kohhran Sawichhiatna remchanga an hmang tur hi ka Phal bawk lova. Chuvangin, Thil dik lo avanga Mualphona leh Hmingchhiatna hi Phurh ka thlang ta zawk a.Dawta min ti-hmingchhetute zawng zawng hi Pathian hmingin ka ngaidam a.Chuvangin,Court ka thleng ta lo a ni.
Kha lehkha, Open Letter to Editor kha ka siam a ni lo tih ka puang thar leh bawk e.

Sd/- SABU
New Colony, Saiha (1-1)

Saiha,July,21 : Nimin tlai dar 2 khan MSO Gen.Hqrs Saiha hruaitute chuan an office-ah thuthar lakhawmtute kawmna an nei a.Pu S.Vabeihasa,President,MSO(H) chuan a kaihruai a ni.MSO(H) hruaitute chuan South Point School,Meisatla-ami Principal Peter Paukholun -a’n a sikul naupang a hremna uchuak tak chungchang sawiin, Dt.8.7.2010 khan he Principal Peter hian a sikul naupang Lalnunhlua s/o Heleni of Cl-3 chu hremna chikhat atan A sazu(zang) phawrhchhuah sakin a hmul lemte a lo siamsak a,chumi pawh duh tawk lovin naupang dang(class mate) te a hmuhtir leh zel a ni.Hemi thil thleng chungchang a sikul naupang dangte an zawh kualna ah hetiang thil hi vawikhat thlenna mai ni lovin midang hnenah pawh vawi engemawzat a lo ti tawh tih hmuhchhuah thar a ni,tiin hetiang zahmawh rawngkaia inhremna hi dan kalh tlat a ni.Tin,Supreme Court pawhin a phal loh hulhual a ni a,hetianga inhremna hi ‘sex abuse’ a ni ngei ti ila, a sual a rinawm lo,sikul naupang hremna tur hmanrua dang a tam laia zahmawh rawngkaia inhrem kher hi keini MSO chuan pawi kan ti a,hetiang thil hi kan ramah thleng tawh lo se kan duh a ni,tiin an sawi a ni.
Pu S.Vabeihasa,President,MSO(H) chuan, South Point School hi Academic session laklawh a awm mek a nih avang leh sikul naupangte kan ngaihtuah avangin Academic session hi chu tha takin zo phawt se,nakum 2011-atang erawh chuan he sikul hi Saiha district huam chhung ah hawn kan remti tawh dawn lo tih hi mipui hriatah kan tarlang duh a ni.Tihluihnain emaw he sikul hi kalpui luih anih chuan MSO chuan he sikul leh staff te chungah engpawh thleng se mawh kan phur lo vang,a ti.Hemi hma pawh hian an zirlai Rochana, Philip leh Dawnga te sazu(zang) pawh a lo phawrh chhuah sak tawh a ni tih an sawi nghal bawk.
South Point School,Meisatla ah hian zirlai 120 Kg-1 atanga Cl-VII thleng a awm a,Teacher 8 an awm
An hmalak tlang pui sawiin, 1.MSO Office building sak hna chu chhunzawm mek zel a ni. 2. Nikuma School dept leh Higher & Technical dept ,Mizoram hnena an thil thlen te leh hmalak mekte tun atanga reilote-ah Aizawl lamah bawhzui a ni ang. 3. South Point School a naupang uchuak taka hrem a nih hi keini MSO Gen.Hqrs Siah chuan pawi an ti em em a,a tul angin action na takin lak an tum a ni.

Joint Meeting
Nimin khan Pu N.Chhylai,EE, PWD,Saiha hovin MTP, YLA, YMA,JCC,etc chuan EE,PWD chamber-ah Joint meeting an nei a, Saiha Town chhunga kawngpui leh veng kilkhawr thlenga kawng mam nalh taka siam dan tur an sawiho bakah hmalak zel dan tur an sawi bawk.
MJA meeting
Nimin dar 11:00 am khan Pu CZ.Hluna,president kaihhruai na hnuaiah MJA Saiha chuan meeting pawi mawh tak Press Club-ah an nei a,Press Club tihchangtlun zel dan tur leh tul dangte sawiho a ni.
Lungawilohna thleng
Saiha a 407 Owners & Driver te chuan Taxi stand leh MNF office inkar a an dinna thinah ding tawh loh tura sorkarin thu a pek avangin an lungawilohna Saiha DC hnenah an thlen a, SP,Saiha hnenah pawh hemi chung chang hi an sawipui tawh bawk.
Training hlawkpui
Training on VAT audit Manual Aizawl a zu tel Pu H.Vabeitha, Supt of Taxes,Saiha chu dam takin a lo haw,training a hlawk pui thu a sawi.
Belhchian dawl
Dr.John Hamlet Hlychho, MA, M.Ed, M.Div.M.Th, D.D, Ph.D lehkhabu ziah “ Bible Chronology” vai phek chhiarin 283 tlangzarh tak chu belhchian dawl tak niin Mizoram a lehkhabu tha ber pawl nia hriat a ni.Khawvel piantirh ata thil thleng atangin vawiin ni thlenga kohhran leh hriatzauna duhte tana pawi mawh chi hrang hrang a kim thei ang ber tarlan a ni bawk.
Electoral Roll
39-Saiha(ST) Assembly Constituency leh 40-Palak (ST) Assembly Constituency huam chhunga Electoral Roll te chu Dt.1.1.2010 qualifying date a hmang leh Registration of Electors Rules,1960 tlawh chhanin siamthat hna thawh zawh a ni ta.He Electoral Roll hi enfiah duh leh hrechiang duhte chuan Electoral Registration Officers, Office-ah te Office hun chhungin enfiah theih a ni. 40-Palak (ST) Assembly Constituency huam chhunga Draft Electoral Roll chu District Election Officers, Office ah leh Asst. Electoral Registration Officers, Office ah te Office hun chhungin enfiah theih a ni ang,tiin sawrkar thuchhuah chuan a tarlang.
PYKKA meeting
Nimin khan Pu Kunal,DC Saiha hovin Bawrhsap chamber-ah PYKKA Meeting neih a ni a, hmalak tawh sa thlir let a niin hmalak chhunzawm zel dan tur an sawiho bawk.
Editorial
Ui khuahkhirh a tul
Tunlai hian khawlaia Ui chuang vak a awm leh nual tawh a, kar kalta khan kan editor fapa pawh a seh a,midang fate pawh a seh zel lovang tih sawi theih a ni lo.Ui khuahkhirh tura Magistrate thupek dinglai pawh zah duh lova Ui thlun /khuahkhirh duh lo hote hian an Ui-in pawi a khawih zel dawn anih chuan Court hawn zel aiin a hmunah chinfel nghal zel a fuh zawk hmel.A thu hrimah mihringte hi Ui leh Ar nena leng tlang tur kan ni lo hrim hrim,chuvangin Police te hian dan dinglai tlawhchhanin khawlai a Ui vak tawh phawt chu kaphlum hmiah hmiah sela a fuh ber ang.Mihring sehtu Ui hi case siamsak hial a tul.
AIDS VANGA THI AN AWM IN :-
1. HIV/AIDS, Hepatitis B leh C te hi mitthi ruang atanga kai awlsam an ni lo. Boruakah an darh lova; ruang kil, lumen, inlenpui atangin kai theih a ni lo.
2. HIV hi tuilum 56
degree Celcius ah minute 5 chhungin a thi thei.

3. AIDS avanga thite hi an taksa a cherin,a ro tawh em em thin a.Chuvangin,an taksa atangin nasa taka tui chhuak tur a awm tawh lo zawk a.Taksa atanga tui chhuak tur awm lo chu a
hlauhawm lova, puan hula tuam a nihin a hlauhawm lo lehzual a ni.

4. Polythene-a intuam hi a theih hram chuan pumpelh nise, a chhan chu mitthi hmai tuam bo hi
lusun chhungte remtihna a telloh phei chuan mihring humhalh dan kalphung bawhchhiatna
(Human right violation) chikhata ngaih theih a ni.

5. A ka leh hnar, mawngkua leh serhkua atanga tui lo chhuak a awm reng a nih pawhin lapua leh
puanthem a hnawh phui hmasak tum ni phawt se.Chutianga tih pawh a sawt lo anih chuan
lusun chhungte remtihna la in a ruang chu tuam ni chauh se.Hetah pawh hian a lu hi a hmai
langin puan chhah taka tuam nise,a la tha tawk tho vang.Hetianga kan tih hian lusun chhungte
rilru a dam ang a,kuang zawn tute ngaih a tha bawkin a rinawm.

6. Kuang chu thisen leh tui put tlang theilo turin phui taka siam nise.Phui tawk lo deuh a lan
chuan thing charna hmangin emaw tihphui ni mai se.A tul angin kuang chhuat leh bangah chuan
puan chhah deuh kilhbelh ni thei se.

7. Mitthi chu mite tan rimchhe lutuk leh a rim dan theih siloh a nih ngawt loh chuan,kaichhawn
a hlauhawm loh avangin tihdan pangngai aia hma-a phum a ngai chuang lo.

8. Damlo/mitthi thawmhnaw emaw puan bawlhhlawh paih mai tur te chu halral mai a tha a.
Hman nawn leh turte a awm anih erawh chuan tuiso a chiah emaw sahbawn leh tui a fai taka
suk hnu a pho ro in a him tawk a ni.

9. Chhuata thisen/taksa tuiril leh bawlhhlawh dang bua te chu bleach/laisol/phenol cidex tui
(solution) emaw a tih huh puan in darkar chanve tal tihhuh tur a ni.Chumi hnuah tui pangngai
a leig fai leh mai tur.Chutiangin lei a thisen far/khal pawh heng solution hian leih a tha.

10. Hetiang natna veite leh an chhungte hi an in kiltawih a,an inthlahrung thin a,an khawngaih thlak hle.Mizoram hi heng natna te hian khawvel hmun dang ang thovin min chiah tan tawh mahse, Mizo tlawmngaihna hlu tak chhawm nung zelin keimahni tana hlauhawm silohvin mitthi ruang pawh kan sawngbawl thei a ni tih hi khawvel entawn tlakin I lantir ang u.

Mizoram State AIDS Control Society,MV-124, Mission Veng South,Aizawl,Mizoram,
Ph.0389-2321556/2321566 Fax: 0389-2320992 Email:mizoramsacs@gmail.com

Saiha,July, 20 : Nimin khan kan palai chuan Pu I.P.Junior,EM,Agri,etc.MADC kawmna a nei a. Pu I.P.Junior,EM,Agriculture,MADC chuan “ Tun atanga kum velah Tlanglam Lo neih (Shifting Cultivation) titawp theih kan in beisei.hei hi khawvel leh India ram sawrkar laipui pawhin khawvel a ramngaw chereu nasa lutuk avanga Global Warming harsatna a tawh mek sutkianna atana hma a lak mek a ni a,Mara ramah pawh Tlangram lo neih hian kutmin ram ngaw a tichereu nasa hle tawh a,tihdan phung thlak a ngai tawh bawk a,sorkar hmalakna avangin Mara ramah pawh Tlangram Lo neiha eizawng an tam tawh lova, khawkhatah 25% vel chauh Lo neiha eizawng an ni tawh a,tun atanga kum 3 velah chuan hengte pawh titawp vek theih kan in beisei a ni”,a ti.
Pu I.P.Junior,EM chuan, MADC a din atanga thlai chi sem tam ber kum chu kumin hi a ni a, cheng nuai 9 zet sengin Thlai chi kan sem chhuak a,chung zingah Serthlum, Theihai,Kuva leh Lakhuih a tel a,hei hi kumina Agriculture a kan budget cheng nuai 30 Mizoram sorkarin min rawn belh a,a belhkhawmin cheng nuai 130.47 kan lo nei thei ta a,kan hmalakna kawngah min tanpui nasa a ni,a ti. Tribal Secretary advice-na hnuaiah Mango Platntation atan Rs.352 lakhs leh Minor -
Irrigation project cost Rs.41 crores DPR kan thehlut tawh a,Minor Irrigation hi leilet zawl awmna Niawhtlang Hmaihrem zawl,Phura zawl, sala zawl,etc ah hmalakna kalpui zel a ni ang,a ti.Mango platation atana thlante chu Kawlchaw, Maubawk, +Ch&Zero),Theiva,New saiakao,Lohry,Theiri, Lodawtla,Maisa leh Kaisih te an ni,tiin Polythene pipe, P-set,B-wire,etc te chu 3rd quarters ah sem theih a ni ang,tiin spot verification lak zel a nih tur thu erawh uar takin Pu I.P.Junior,EM chuan a sawi.

* Nimin khan pawisa lem thubuai chungchangah Ngunthawnga,sangau chu Saiha Jail-ah dah a ni a, Suichinpari,New Saiha erawh thlatin bail-ain a chhuak zel thei ang,tiin Laldinpuia,Magistrate Saiha chuan an chungthu a relsak.

* Vawiin hian MSO Gen.hqrs Saiha chuan thuthar lakhawmtute an kawm dawn a,sikul hotu pakhatin zirlai pakhat a sazu a suasam sak vel chungchanga an thinrim thu leh hma an lak chhunzawm zel dan tur an sawi tel bawk ang.

* I&PRO Saiha thar Beiratlua chuan tunkar hian thuthar lakhawmtute kawmna a nei ang.

Saiha,July, 12 : Nimin khan press mite thenkhat chuan Pu MH.Tiabi kawm na an nei a. Pu M.H.Tiabi, EM,Revenue, MADC chuan, tunah hian MADC huam chhungah dan lova sum dawng(illegal sub-let) 80 chuang an awm nia hriat a ni a, show cause notice kan pe a, Trade Licence terms & condition bawh chhia a midang siamtir a,vawi tam chawitir an nih hnuah pawh vawiin ni thleng dan zawm duh chuang si lova phalna nei lote Dawr an siamtir a,hei hi MADC Trading Regulation 1990 licence no.S/No.6 & 8 bawhchhiatna a ni a,chuvangin an licence hi tiawp tur a ni a, MADC Trading Regulation 1990 Chapter 8(B) angin insawifiahna (show cause notice) pek an ni a, July,2010 thla chhung ngeia an insawifiah a tul a, MADC dan tlawh chhanin action erawh lak zel a ni ang a,dan bawhchhia nia hriatchian te chu an licence kan titawp sak nghal dawn a ni,a ti.
Pu MH.Tiabi chuan hmalakna dang sawiin, Mulbery project cost cheng nuai 718.72 theuh District 3 central sorkar-in min pe.Implementing Agency-ah Seri culture dept an hmasa a,nuai 266.54 lakhs theuh Council 3 a hman tur a ni a,a hnathawh chungchangah State Level Vigilance & Monitoring Committee a lungawi lova tihtawp a tum a,hei hi MNF sorkar lai kha a ni,a ti.

Pu Tiabi chuan a sawi zelna-ah, tunah hian Pu S.Khipo kaihhruai Congress sorkar hian 2nd instalment nuai 452.73 hi District Council emkawlna hnuaiah awm turin sorkar a dawr mek a ni,a ti.Modern Land Record siamna turin Central-ah nuai 800 scheme kan thehlut tawh a, Soil dept ah Hill Cultivation -in complex area atan nuai 503.11 NEC ah thehluh a ni a,hmuh ngei kan in beisei a ni.NEC atangin Soil dept-in nuai 380 sorkar hmasa lai khan Cardamom cultivation atangin 360 lakhs an hmu tawh a, Alaichi pakhat mah an thar lo thung a,hei hi MNF-MDF sorkar hun lai kha a ni,tiin Pu MH.Tiabi,EM,Revenue,etc chuan a sawi.

Naktukah kal ang
MPCC inthlanna a vote thlak turin MDCC Hqrs Saiha hnuaiah vote nei zawng zawng te chuan naktuk khian Aizawl an pan dawn a, chuvangin vawiinah hian meeting an nei leh ang a, Pu Ng.Silla i/c President, MDCC-in a kaihruai ang.Dt.14.7.2010 ah vote an thlak ang.MDC zawng zawng pawh vote an nei vek.Tun tum MPCC Executive Committee member a nomination file-tute zingah Pute Hiphei,EX-MP, KT.Rokhaw, RL. Vala leh Ronald Sap Tlau an tel.

* MSLSA chuan Saiha Dist.Legal service Authority member secy atan Laldinpuia Tlau,Magistrate a rawn ruat thar.
* Saiha PRO Mr.Atlua Nohro chu nilaini-ah a lo thleng ang.

Training an pe
DRDA Saiha bul tuma NREGS chungchang a Training neih mek chu nimin piah lam khan VMC te leh VLA te Training pek an ni a, an hlawkpui hle
VMC Training hi DC’s Conference-ah neih a ni a, hetah hian VMC hruaitu 66 an tel a, APO (NREGS) bawkin a kaihruai a, an harsatna tawh hrang hrangte an sawiho a, a sutkian dan tur chungchangte pawh an sawiho nghal bawk.

* Pu Lalkunga Sailo, DCSO,Saiha chuan Petrol /Diesel man thar chu1.M/S Petrol Rs.49.22 per litre(Xp-Rs.51.72
2. HSD (Diesel) Rs.36.13 per litre( Xm Rs.37.88) a ni,tiin a sawi.DCSO chuan buhfai pawh a thleng zel dawn a ni,a ti.

MADC Officer meeting

Zirtawpni kalta khan
Pu TA.Chhohu,Executive secretary,MADC kaih hruaina hnuaia Meeting thu pawimawh zualte :
Utilization Certificate (UC) hi department tinten a hun taka siam vat zel sela, Discipline a that zawk zel theih nan Attendance Register hi strict taka enkawl ni rawh se tih a ni.
Pu P.Sama,LAO,MADC chuan Mara ram khawtin ah Ek-in (toilet) leh Zun In (Urinal) siam vek tura hmalak mek a ni, a ti a. Cheng nuai 6.68 man Tripper lei a ni bawk,a ti.
Pu Pachi Hlychho, Secy,BSE,MADC chuan, land Act a nihna dik taka hman anih theih nan hmalak nise. Cement mis tiri hlawh felfai zawk hi MADC Revenue in siam se tiin rawtna a siam.
Pu N.Pachhunga, Sr. RO,MADC chuan Thingpui dawr thianghlim leh ei leh in tur a kim zawk theih nan leh a ranglama sem anih theih nan hmalak nise. MADC Officers te, Grade/Promotion a nihna anga chak zawka kalpui turin rawtna a thehlut.

Dr.J.Pathy,CP&R,MADC chuan chhiatni a hman theih tur Coffin Carrier (Motor) leina tur ruahman nise,EM motor thar Ruang phurh nana hman thin hi a dik ber lo, a ti.
Pu CF.Fachhai, Secy chuan Revenue a lo pun zawk theih nan tur ngaihtuah nise,a ti. Pi K.Pari,Art & Culture Officer,MADC chuan Art & Culture department tihchangtlun a tul zia a sawi.
MADC motor 4 lei thar a ni a,Revenue building sak hna chhunzawm a ni a, vawiin ni thleng Rs.1.50 lakhs hman a ni atwh thu tarlan tel a ni.
He Officer meeting a tel te chu :- K.Vanlal liana,P&DO, P.Sama,LAO, K.Pari, A& CO, N.Pa chhunga, Sr.RO, VR.Cha lua, SWO, Albert Hlychho, SPO, L.Hrahei, IO, R.Maw bi azyu,DSCO, P.Tluasa, EE,PWD, Dr.J. Pathy, JT. Topa, JH.Beihnai, DAEO, Dr.Beihnia Hly chho, DVO, CF.Fachhai, Secy to MADC, S.Vabeihasa, Pachi Hlychho, Secy, BSE leh S.Lalmuanpuii, J.O.

* Nimin khan Mizoram State Tobacco Control Society leh MADC tangkawp buatsaihin “Zuk leh hmuam thatlohzia zirtirna” Lorrain School ah neih a ni.

* FCS&CA dept chuan LPG Cylinder refill man a bithliah thar a,Saiha bikah Show room rate Rs. 302.90 atangin Rs.339.35 a ni ang a,Home delivery rate Rs/324.00 atangin Rs.361.00 ah tihsan a ni.
* B.Coy 40 AR Saiha tte chuan 9-15.7.10 zing dar 8 leh chawhnu dar 1 inkarah CHAN an kap dawn tih mipui an hriattir a ni..

* Saiha PRO atan Mr.Beiratlua Nohro(Atlua) dah a ni ta a,order hi nimin khan a chhuak a,karleh nilaini ah a lo thleng ang, Alua kan lawmpui luluk che,God bless u-ML

KHANDAIH LENNA KHAWVELA MIZO KRISTIANTE “REMNA THEOLOGY” TUR CHU
– Upa ZD Vanlalliana, Kanan Veng, Aizawl
Khawvel mihringte hian remna leh muanna kan mamawh a, a lo thlen theihnan mihringte inkar mai bakah min hualveltu dang, boruak, tui, thing leh mau, hunbi leh sik leh sa, leilungte nen pawh hian kan inmamawh tawnzia hriat thar zel a ni. Khawvel sawrkar tinte buaipuiber pawh a ni. Ram hrang leh hnam hrang indo vang te, ram chhung buaina chi hrang hrang chi leh chi, ei leh bar dinhmun, sum leh pai chanvoa inkhai rual lo va ngaih avanga indona leh buaina thleng thinte chuan remna hlutzia an lantir a, Remna nei tur chuan inremna chi hrang hrang neih leh ziak a awm fo thin.Bible-a hnam langsarber Israel hnam atang pawh khan, ringtuten zirtur kan hmu hnem hle. Israel te khan Remna Theology chu an hlamchhiah avangin mi bawihah kunin salah an tang a nih kha. Vawiin thlengin Arab-ho nen Lungin an invawm a, thihchilh Bomb leh Rocket-in an inla sai reng, Davida khawpui Jerusalem pawh hnamtin ruihna novah a chang \an ta mek em ni? Kum 30 dawn kalta-a US President lo ni tawh, America mipuiin Ex-President \habera an ngaih, Jimmy Carter kaihhruaina hnuaia Camp David-a remna an siam hnuah pawh remna sawiho a la ngai reng mai. US leh Russia Cold War reh angin a lang a, inrem lohna leh inngeih lohna a bo chuang lo. Terrorist-ho avangin khawvel hi a derthawng nitin a ni. Leilung chhiatna, Lirnghing, Kangmei, Tlangkang, Tuilian, Thlipui te vangin chhiat rupna a thleng reng bawk. India ram chhungah ngei pawh, Punjab, Assam leh Mizoram-ah te remna ziak a lo ni tawh. Mizoram chu a hlawhtlingber niin, state ralmuangber kan ni a, Pathian malsawmna a ni. India ram chhung hmun \henkhatah, Terrorist, Naxalite leh Maoist-te vanga buaina chu a reh hleithei lo.
Mizoramah pawh ringtute duhthusam remna Shalom chu a thleng mawh hle mai. Thlarau lama Mizote fahrin Bru te nen pawh inrem felleh hmabakin kan awm mek a ni awm e. Bru te leh kan vela hnam dangte hi Mizo Kristiante hian Remna Theology kan lo hrilh hmaih palh em ni le? Van Angelten “Rem leng rawh se” tih hla an sak kha kan saktlan ve zel theihnan Remna Theology hrilh tel zelin Ramthar – Ramthim-ah i feh chhuak ang u. Hetiang khawvela kan chen mek lai hian, Zoram ringtute hian Pathian leh kan ram, kan sawrkarah tihawm leh tihtur dik tithei tura, thlir dan tur Pathian thuin min pek ‘Remna Theology’ hi kan vawn tlat a ngai.Khawvel leh sawrkarten ‘Remna’ tih kan hman dan tlanglawnber chu indo loh tihna a ni. Indona a lo tawp a. Ram chu a chhe zo vek a, khua a ram a, mipui an tam a, hrite a leng a, piangsual fuke kim lo, fahrah taksa leh rilrua piansualna a lo thleng a, chung chuan inhuatna a chawk nung a, indona thar a siamleh thin. Mah se silai ri a reh tak avangin remna leh muanna a thleng ta, kan ti mai thin hi a dik ziktluak lo.Mizo 100% Kristianna, Biakin ropui, Camping leh Piangthar tamna, inkhawm Programme ngahberna Mizoram hian hri a vei a, a na a, mipuite chu an na a bual bual a ni. Fate thih ngama an natin tunge Doctor leh damdawi ngaihthah ngam ang? Tidamtu an mamawh a. Remna Theology innghahna Kraws thu hi kan ngaihthah ngam dawn em ni? Khawvel miten damdawi nia an rinte chu kan ring ve mai dawn em ni? Khawtlang nun siam\hatna hnaah hian khawvel mi fingte tih ang chin chiah zel hi ringtuten tive ila, Pathian fate kan danglam bikna a awm lo vang. Mi rethei hnena chaw leh silhfen pek a tha. A thih hnua hremhmun a panleh dawn erawh chuan a mamawhber chu kan lo la pe lo a ni.
Retheihna umbo nan tangka leh chaw chauh hi \ha tawka ngaitu chuan engzat pawh pe se, thil tulber a la pe lo. Mi kalsual leh luhlulte chu thufing tinrengin zilhin hau ila a sawt har em em. Pathianin a hmangaihzia, a tan Pathian Fapain a tuara a thi tih kan hrilh loh chuan thu hluber leh sawtber kan la hrilh lo tihna a ni a. Vantlang nun tibuaitu lianber chu sum leh politics a ni mai lo. Nun chhungrila Thlarau indonaah a ni zawk. Setana hrenga tangte chu an sum deh dan leh thiltih a bawlhhlawh ang; an politics nun a tenawm ang. Rilru leh thinlung thar kan neih theihna turin, A hming maka,Remruatua,Chatuan Pa, Remna Lal Theology chu Mizo Kristiante Remna Theology tur a ni.Hebrai hovin remna leh muanna an sawina \awngkam chu SHALOM a ni a. Isua, an khenbeh vanga thlaphang zirtirte kha, pindan chungnungah an awmkhawm laiin, thi a tholeh Isua chu a rawn inlar khan, “In chungah thlamuanna awm rawh se” “Shalom” tih \awngkam hi a hmang an ti. Shalom chuan inlaichinna tha leh dik a sawifiah. Inngeih, inrem, induhsaktawn leh inngaina sawina a ni. Heng a\ang hian remna leh muanna chu indo loh tihngawt ai chuan a thukin a ril tih a lang. Davida chuan Jerusalem khawpui leh a mi chengte chu remna a duhsak a. “Jerusalem thlamuanna tur dilsak rawh u…… ‘I chhungah thlamuanna awm rawh se’ ka ti ang” (Sam 122:6-8) a ti a ni.
Mizo Kristiante hian khawvel leh Zoram thlamuanna leh remna tur i dilsak ang u. Mizo Kristian, Kohhranhote mawhphurhna leh tihtur chu enge ni ta? He zawhna hi chhan dan pakhat chauh a awmin ka hria. Chu chu, Lal Isua tlanna thu puandarh, a pawm duh lo apiang chungah Pathian thinurna a awm tih hriattir tur a ni. Ram leh hnam nun hi siam\hat a \ulzia hriatna leh rawtna pawh a tam sawt hle a. Pawl thar pawh a ding ta nual. |henkhat chuan Sawrkar Department hrang hrangte hna thawh dan an lo thlir a. An dik lohnate thailana tihmualpho an tum niin a lang. Sawrkarin ro an rela hna an thawh dan \ha lote sawi lang a, a \ha tur kawhhmuh tumte an awm bawk. Mi sual tihmualpho leh eiruk hmang chu eiru ngam lo tura dan chep \haa rinna pawh a lian hle. Ram leh sawrkar dan zawma khua leh tui rinawm tha nih hi Mizo Kristiante awmdan tur sa reng leh, kan hriat sa vek a ni.Nimahsela, tul hmasabera kan hriat hi mihring mamawh leh chakkhai tihpuna, khawvel nun siam\hatlehna satliah mai a ni lo va. Khawvel tan thil \ul hmasabera kan hriat chu Mihring leh Pathian inrem tawh lo inremlehna TLANNA kha a ni. Sawrkar Minister-te emaw, Department leh Officer emaw, mimal emaw sualna dapchhuah a, tihmualpho a, sual leh eiru thei lo va danbeh hi Mizo Kristiante Remna Theology chu a ni thei lo vang. Mite chu eirua hrem mualpho an nih ai chuan, mite chu eiru duh lo an nih a, an mualpho kher lohnan mi sual an ni tih hriattir zet a, ngaihdam an nih theih nana chhandamtu hnena hruai thlen hi kan tumber tur a ni. Awhna sual vanga eiru chak, eiru \hinte chu, ei ru duh lo va siam hi Mizo Kristiante Remna Theology chu a ni.
“Khawvelah hian rem lentir tura lo kal emaw mi ti suh u; rem lentir tura lo kal ka ni lo va, khandaih lentir tura lokal ka ni zawk… (Matt.10:34).
Heta remna a sawi hi khawvelin remna leh muanna an sawi thin hi a ni. Hnam leh hnam indo loh hi remna an ti. Tisa thila ham\hatna leh hmasawnna hi muanna an vuah. Chu chu Kristan a zuitute a tiam a ni lo. Kristan remna a tiam chu Pathian nena inremna a ni a. Sual sima Krista ring apiangte Pathian nen an inremlehna hi a ni Mizo Kristiante Remna Theology tur chu. Khawvelah erawh hi chuan kan hrehawm ang tih min hrilh lawk dim diam a ni. Lal Isua kan zui avang hian mi dangte dawn kan dawn thiang ve lote a awm ang a. Mi an tlaipuara kan nghei bik a \ul thei ang. Mi an hahdam laia kan rim bik te, mi an dama kan nat te, miin an sina kan saruak bik te, mi an nuna kan thihte pawh a tul dawn a ni. Tuarna khawvelah kan awm rih a, keini la nawmsak vena tur khawvel thar chu tuna kan chenna hi a ni lo. Heng hi a ni, Remna lanchhuah nana 100% Mizo Kristiante Remna Theology tur chu.
Editorial
Bukna leh tehna hi
Tunhnaiah MADC,Legal Metrology leh police ten Bukna leh tehna an endik na-ah thil diklo an hmu chhuak nual a, thubuai siamsak tul a awm phawt chuan dan angin action an lak zel tur thu an sawi a nih kha.Bukna leh tehna diklo hi Pathian thil ten ber te zinga mi a ni a,hemi chung changah hian mipui kan tanrual a tul hle a ni. Sa buk zawhfel hma-a lo lak khalh kan chin kan sim ve phawt chu a tul a, sa buk tling lo ai chuan sa hmeh/ei lo pawh kan thlang hrih tur a ni dawn lawm ni?
Bukna leh tehna kan han sawi/ziah rual hian kan rilru-ah sa buk a lo lang leh hmasa ber thin a, petrol te, buhfai te,khawnvartui leh thil dang te pawh kan lei hunah kan endik ve thin tur a ni a, tling lo lutuka an teh anih chuan Court ah thlen theih a ni vek a,diklo leh fel lo taka titute chungah sorkarin dan tlawhchhanin action chu a la zel mai dawn a ni.Thil hi i chik ngun ang u.

Dr.K.Rakhu sawnna order sut turin CEM-in hma a la
Pu S.Khipo,CEM leh Pu TT. Vakhu, Sr.Vice President, MDCC Hqrs. Siaha te hma lakna a zarah Dr.K .Rakhu, MTP Gen.Hqrs. President, Sangau lama sawnchhuah tuma rua hmanna siam tawh chu a hmun ngai, Saiha Civil Hospital-ah dah let a ni dawn tih hriat a ni.
Pu Lalrinliana Sailo, Minister i/c Health,etc chuan MTP Hqrs hruaiten an dawr laiin MTP Hqrs hruaitute chu tha takin a lo chhang a. Pute S.Khipo,CEM,MADC, RT.Zachono,Pre.MDCC leh TT.Vakhu,Sr.V/pre.MDCC te chuan Minister hnenah Dr.K.Rakhu sawnna order sut tur a an ngenna chu a tihhlawhtlin sak nghal tih hriat a ni.

Aizawl MSO Joint Hqrs. General Election 2010 hnei haw: Leader zy cha

Abeipa chhithana vata MSO Joint Hqrs: Aizawl General Election cha Mara House, Zotlang: Aizawl, liata buabana nata rairuna y tlalei pata Tari 3 July 2010 dawh 11:00AM pata hneipa cha ta, he ary liata palasapa zy he Kô 2010-11 chhithatuhpazy tly patlohpa ama cha:
President : Nason Beiralai, BA
Vice President : C. Beichhitha, IIM.Sc(Geo)
Secretary : C. Beimova, II B.Sc
Treasurer : Roddy Hlychho, II MSW
Secretaries:
Finance : Jerusalem Ngiazi, IIB.Sc
Games & Sports : L. Beiraduathie, IB.A
Information & Publicity: KT Vawsa, II MBA
Literature : Lalrintluangi Solo, III BA.
IADI MAGAZINE : IADI Magazine he weekly magazine chata CD version chhaota cha lei thei lyma pa chata, copy 1 Rs.50/- a cha. CD he computer liata khota Iadi magazine na rei pa nota Laihsa S.Siamkungi hla “ Miss Irene” tahpa hla kha a vaw sa pa lyma haw aw.Chalei khai awpata zawpizy eima haw ei. – Manager

Saiha,July,7 : Pu S. Hiato, Tourism Minister chuan Serlui B Hydel Project bulah zin mite thlen theihna tur In sak nan sorkar laipui-ah ruahmanna thlen mek a ni a ti. Kar kalta Zirtawpni leh Inrinni-a Tourism Department-in Kolasib District chhung leh Lengpui khuaa Tourist Lodge-a sakte tlawhin Pu Hiato chuan he thu hi a sawi a. Thingdawl Highway Restaurant leh zin mite thlenna tur Cotage 2 sak mek te, Kolasib a Tourist Lodge sak mek te, Bairabi a Tourist Lodge khum 14 leh Dormitory awmna chei thar mek leh a bula Lodge dang khum 6 awmna tur sak mekte a en a. Heng hmunah te hian contractor theuhte chu an hnathawk ti chak tura hrilhin hun bituk chhunga an zo lo a nih chuan ban (terminate) mai pawh sorkarin a hreh lovang a ti a ni. Vairengte Tourist Lodge kum 2008 atanga thlen theih loh a khar tawh, cheng nuai 45 senga sak that mek pawh tlawhin Minister chuan helai hi Mizoram kawtchhuah anih avangin a pawimawh hle a ni a ti a. Contractor chu a hna a muang lutuk tiin kumin August 15 hmaa zo ngei turin a ti a ni. Vairengte Tourist Lodge hi kum 1991 a hawn kha a ni a. A building a hlui leh a chhiat tawh avangin sak that a ni a, room 8 leh Dormitory awmin sak zawh anih hunah chuan zin mite tana thlenna nuam tak tur a ngaih a ni. Vairengte, Kolasib leh Bairabi-a Tourist Lodge ah te hian air condition dah an ni dawn a ni.

Lengpui Airport bula Tourst Lodge 2 sak mekte Minister chuan a tlawh bawk a. Heng building 2 ah te hian khum 32 a vaia awmin chak taka hna thawh pui mek a ni a. Kumin favangah chuan luah theih beisei a ni.A enkawl department 2 dang PHE leh Industries hnuaia hna kal lai hi Minister chuan a enkual bawk.
Zyhno Field
Zyhno (Zawngling) field changkang taka siam tur hna chhunzawm mek zel a ni a,kum 2010 khian Mara rama tournament lian tak thlen(host) hman tura peihfel hman tum a ni. Zyhno field hi a dung 120m a vang 85m, MADC – 5 lakhs, MP fund 5 lakhs, BADP 5 lakhs, BRGF 15 lakhs a vaiin cheng nuai 30 senga hna chhunzawm mek a ni.

Saiha,July,7 : Pu S. Hiato, Tourism Minister chuan Serlui B Hydel Project bulah zin mite thlen theihna tur In sak nan sorkar laipui-ah ruahmanna thlen mek a ni a ti. Kar kalta Zirtawpni leh Inrinni-a Tourism Department-in Kolasib District chhung leh Lengpui khuaa Tourist Lodge-a sakte tlawhin Pu Hiato chuan he thu hi a sawi a. Thingdawl Highway Restaurant leh zin mite thlenna tur Cotage 2 sak mek te, Kolasib a Tourist Lodge sak mek te, Bairabi a Tourist Lodge khum 14 leh Dormitory awmna chei thar mek leh a bula Lodge dang khum 6 awmna tur sak mekte a en a. Heng hmunah te hian contractor theuhte chu an hnathawk ti chak tura hrilhin hun bituk chhunga an zo lo a nih chuan ban (terminate) mai pawh sorkarin a hreh lovang a ti a ni. Vairengte Tourist Lodge kum 2008 atanga thlen theih loh a khar tawh, cheng nuai 45 senga sak that mek pawh tlawhin Minister chuan helai hi Mizoram kawtchhuah anih avangin a pawimawh hle a ni a ti a. Contractor chu a hna a muang lutuk tiin kumin August 15 hmaa zo ngei turin a ti a ni. Vairengte Tourist Lodge hi kum 1991 a hawn kha a ni a. A building a hlui leh a chhiat tawh avangin sak that a ni a, room 8 leh Dormitory awmin sak zawh anih hunah chuan zin mite tana thlenna nuam tak tur a ngaih a ni. Vairengte, Kolasib leh Bairabi-a Tourist Lodge ah te hian air condition dah an ni dawn a ni.

Lengpui Airport bula Tourst Lodge 2 sak mekte Minister chuan a tlawh bawk a. Heng building 2 ah te hian khum 32 a vaia awmin chak taka hna thawh pui mek a ni a. Kumin favangah chuan luah theih beisei a ni.A enkawl department 2 dang PHE leh Industries hnuaia hna kal lai hi Minister chuan a enkual bawk.
Pu Hiato thusawi zawmna:- Kolasib khaw tui lakna Tuichhuanen lui bula pump house chu a hmunah tlawhin hetah hian tui pump khawl diesel engine chhe mek chungchang leh mipuiten harsatna an tawh te department hotute nen an sawiho a. Minister chuan khawl thar leina tur ruahman mai nise tiin a tul anga chhu zui turin department mite chu a hrilh a. Vairengte khaw tui pump khawl pawh a hlui leh chhiat tawh avangin a thar lei dan ngaihtuah nise a ti bawk a. Kawnpui-a pump house pawh Minister hian a tlawh bawk a ni.
Bairabi khaw mipuiten PHE Minister hnenah an khaw tui harsatna te, Chengkawl lui tui lakna tur leh khawchhung tui pipe thlakna tur te, rel station-a tanky lian dah leh Zophai IR hmuna tui pekna turte an lo thlen a. Pu S. Hiato chuan, department in mipui that nan tul ang ang chu kan ti chho zel ang, tiin a chhang.Bairabi-ah hian Sena Clipping Cluster, Pu K. Lalhmingthanga, Aizawl Republic vengin sorkar puihna a din mek chu a hmunah a en pui a. Hei bakah hian Modern Brick Industry, Pu Lalfamkima, Aizawl amiin NEDFI Loan cheng nuai 39 laa kum 2007 a din Minister hian a en bawk a. Pu Lalfamkima hian a tir chuan brick rawh thiam state pawn ami ruaiin tunah chuan Mizo vek a chhawr tawh a. Darkar 48 chhunga tum khat rawhah brick nuai 360000 a rawh chhuak thei a. Hei hi Zoram hmun hrang hrangah hralhin mamawhtute duh khawp an la rawh thei lo tih thu Pu Famkima chuan a sawi a ni.
Thingdawl khawdaia CeeKee Bamboo and Wood Product Pu Lalthanpuia Aizawl amiin Bamboo Development Agency atanga cheng nuai 12 seng a a din chu a hmunah a en bawk a. He hmunah hian mau leh thing hmangin furniture siamna hmanraw mawi leh changkang tak tak siamchhuah a ni.

Zyhno Field
Zyhno (Zawngling) field changkang taka siam tur hna chhunzawm mek zel a ni a,kum 2010 khian Mara rama tournament lian tak thlen(host) hman tura peihfel hman tum a ni. Zyhno field hi a dung 120m a vang 85m, MADC – 5 lakhs, MP fund 5 lakhs, BADP 5 lakhs, BRGF 15 lakhs a vaiin cheng nuai 30 senga hna chhunzawm mek a ni.

Nimin khan Mizoram hmun dangte rualin, Saiha MHIP Sub Hqrs. te chuan MH IP Day lawmna Prog ramme, DIC Training Hall, Council Veng Saiha-ah an hmang a.He inkhawm Pi Lalawii, President, MHIP Sub-Hqrs. Saiha kaihhruai-ah hian Pu V.Laleng- mawia,SDO (S) Saiha chu Chief Guest a ni.
Thusawiin, Chief Guest chuan, Mizo Hmeichhiate intelkhawm a Pawl dinna chang an hria leh an hmalaknate chu fakawm a tih thu a sawi a ni.
He MHIP Day ah hian “Tirangga Do” tih chu thupuiah hman a ni.
MADC session
MADC Monsoon Session chu Dt.2 .8.2010 atangin tan a ni dawn a, BAC an thutkhawm thuai dawn a ni,tiin Pu FC.Zase, Chairman chuan a sawi.
Training tan dawn
Vawiin atangin, DC’s Conference Hall,Saiha-ah, VCP, VMC leh VLA te chuan NREGS chung changa Training an tan dawn ta.

Dr.K.Rakhu sawnna order sut turin CEM-in hma a la
Pu S.Khipo,CEM leh Pu TT. Vakhu, Sr.Vice President, MDCC Hqrs. Siaha te hma lakna a zarah Dr.K .Rakhu, MTP Gen.Hqrs. President, Sangau lama sawnchhuah tuma rua hmanna siam tawh chu a hmun ngai, Saiha Civil Hospital-ah dah let a ni dawn tih hriat a ni.
Pu Lalrinliana Sailo, Minister i/c Health,etc chuan MTP Hqrs hruaiten an dawr laiin MTP Hqrs hruaitute chu tha takin a lo chhang a. Pute S.Khipo,CEM,MADC, RT.Zachono,Pre.MDCC leh TT.Vakhu,Sr.V/pre.MDCC te chuan Minister hnenah Dr.K.Rakhu sawnna order sut tur a an ngenna chu a tihhlawhtlin sak nghal tih hriat a ni.

Siata MDCC Unit
Pute LC.Chakhai,GS leh B.Zahra,Secy,MDCC kaihhruaina hnuaiah Siata MDCC Unit thlan an ni.
Siata I: Pre-FC.Thaki,
Vice -C.mangtung, Trea- Tingsang
EC.members:
Khawngaih, Paliana, Sangkha,Pathawng, Hniakha,Tuhmo,Bui-u.
Siata-II: Pre: T.Samuela, Vice- H.Rangkhai,Trea- C.Thlansang.
Secy- K.Buichhua, Asst.Secy – Ranghmu, Fin.Secretary – Builianthawng
EC.members :
Issak, C.Thunai,C.Hretung, L.Ve-u, B.Buimingsang, Buiningnai, P.Chhungkha

MPCC Election tur
Mizoram Pradesh Congress Committee (MPCC) OB thu Committee member tur tun thla ni 14 a thlan dan tur ruahman Office bearer te tan Official Nomination siam a ni a, Chungtee chu President a tan Pu Lal Thanhawla,Chief Minister, Vice President atan Pu R.Lalzirliana Home Minister leh Treasurer atan Pu H.Liansailova Agri. Minister, te an ni.
Hengte bakah hian Executive Committee Members tur mi 40 thlan an ni dawn bawk a,he inthlan a Nomination thehluh theihna ni hnuhnung ber chu vawiin 7.7.10 a ni a,hei hi ni 9 ah endik a ni ang a,Inthlanna hi ni 14 ah neih a ni ang a,ADCC inthlan chu 15.7.10 ah neih a ni ang.

“Mi tupawhin beram za nei sela,an zinga pakhat vak bo sela, 99 hnutchhiahia tlanga han kalin,a bo chu zawng lo vang em ni? Tih tak meuhvin ka hrilh a che u, a hmuh leh hlauh chuan 99 vak bo lote chungah ai chuan, a chungah a lawm zawng ang.Chutiang bawkin heng mite zinga pakhat boral pawh hi,in Pa vana mi duh zawng a ni love”- Matthai 18 : 12 – 14 )

Maraland idol title chu
J.Ruby hnenah pek nawn a ni

Maraland idol RT Sohnei Zawhly lallukhum chu J.Ruby hnenah pek a ni ta.MHP hqrs hruaitute tunhnaia thukhawm chuan Maraland idol thlan hun hi thla 3 vel chauhin a dang tawh a, Sohnei-in pasal a lo hnei hman tak si avangin chumi kar reilote chhhung chu Maraland idol nihna lo chelh rih turin J.Ruby chu an ruat ani

MHP hi election 16.7.2010 a nei tur an nih avangin hun an nei tlem hle a,chuvangin hetiang hian ruahmanna an lo siam ta a ni.MHP chuan Maraland idol chung changah tul bik thil a awm chuan Committee-in a ngaihtuah ang, tiin Guidelines an lo nei tih an hotute chuan ML an hrilh.Kumin Mara land idol atan an inbuatsaih tan tawh nia hriat a ni bawk.