Moon Light Saiha

Moonlight Award 2011 sem hun tur chiang ta

Moonlight Award Organising Board chuan an Vice Chairman Pu WB.Azyu hovin Zirtawpni khan Meeting WB-inah an nei a, ML Award 2011 programme hman hun atan December 7-8,2011 nise,MTP hall-ah nise tih an rel. A zankhatna khuallian – Pu S.Khipo,CEM, MADC, khualzahawm – Pu K.Hrahmo,EM,Edn.MADC
Dr.K.Rakhu,President, MTP hqrs. A zan hnihna khuallian (Chief Guest) – Pu Kunal,IAS,DC,Saiha
Khualzahawm – Pu N.Chakhai,Addl.DC/PD,DRDA,Saiha, Pu Pasa T.Azyu, President, MHP hqrs Moonlight Award 2011 lo awm tur hi chu khawvel pum atanga thlir theih turin Internet ah live a pekchhuah a ni dawn a ni.

He Moonlight Award 2011 (big Festival) min lawm pui tura Guest Artist sawm tur hi chu mipui atangin sms hmangin thlang se tiin ML Board Meeting chuan a rel bawk a, SMS emaw ziakin emaw a hnuaia number ah hian thawn/pek theih a ni ang. A tam ber kha sawm a ni ang a,mipa 1,hmeichhe 1 a ni tur a ni.

ML Award programme hi Mizoram pum Cable -a chhuah turin karkhat hnu lamah pekchhuah leh a ni dawn bawk.
Tin, Heiden Rial pawh sawm tum a ni a ni bawk. Read more »

Lal Isua property tha berte zingah Vasty Azyu album a tel a ni – Pu K.Hrahmo,EM

Saiha,Oct, 7 : Zan hmasa khan New Skylink Vision Studio,New Colony-ah Pu K.Hrahmo,EM,Education,MADC chuan Vasty Azyu Audio album “ Yru Loh Pangahna” Khawhar hla chu Pu Pasa T.Azyu,President,MHP kaihhruaina hnuaiah mi zawng zawng lei thei turin a tlangzarh ta.Khuallian Pu
K.Hrahmo,EM chuan, Lal Isua property tha berte zingah Vasty album hi a tel a ni,tiin Lal Isua hmel kan hmuh hma chu he Vasty khawhar hla Album hian Pathian min hnaihtir ang a, khawhar chhungte hnemtu a ni
zel dawn a ni,tiin Vasty inpekna ropui a tih thu a sawi a, Vasty chu a fak hle bawk.He Vasty album tlang zar hna pro gramme ah hian Rev. B.Lalhnema, CCIM chuan hunserh a hmang.Mc.K. Chhihrau chuan thu asoi. He
album hi Pu Lungmuana Hrahu chuan thiam takin a preview a, Fine Tune Recording kutchhuak a nihzia leh chhinchhiah tlak a nihzia a sawi tel a ni. Pu Kunal, DC,Saiha pawhin thu sawiin, Mara hla chauh ni lovin
Mizo hla,Hin leh English hla te pawh tuipui ula, album siam ula, a market a zau ang a, in hlawk phah dawn a ni,Mara hla ringawt chu Kolodyne a pel si lova, HIndi,English,Mizo hla album in siam tel a tul
hle a ni,a ti.He album hi Freelance writer N.Solomon Beihlotha chuan Media hmangin a lo preview tawh a,a hlawhtlin phah hle.Pakhai Syhly, C.Beirathie leh Vasty an zai a, CCIM zaipawl leh Man of faith an zai. Read more »

District Youth Convention

Nehruh Yuva Kendra,Saiha leh Youth Club tangkawp chuan 4th October 2011 dar 2 khian DC Conference Hall,Saiha-ah District Youth Convention an buatsaih dawn a,hetah hian Thalai Pawl (Youth Club) te hmasawnna atan nikuma an lo tih tawh angin Sport Material an sem nghal ang a,He programme Dr. K.Rakhu,President, MTP hqrs kaihhruai turah hian Pu C.L.Ruala,MP(LS) chu khuallian a ni ang a,Pu Kunal,IAS,DC saiha chu khualzahawm a ni ang.

He programme ah hian Rev.JR.Sanga,ECM Assembly Secy,Jr chuan hunserh a hmang ang a, Pi Mercy Sellate,Youth Co-ordinator,NYK,Lunglei & Saiha chuan Introductory speech a nei ang a, S.Siamkungi leh Tc.Lalremruati ten zaiin kalkhawmte an awi ang a, Dr. Chawngkhuma Chawngthu, President, YMA Saiha Group chuan lawmthu a sawi ang.

KHP Day hmang dawn

Naktuk Pathianni khian Mara ram pumah ECM-KHP Day ropui takin hman a ni dawn a, KHP ruai theh nghal a ni bawk ang.KHP member ten nilengin Pathian thu leh hla a inpawlhona te, Intihsiakna hrang hrang neiin pro gramme hlimawm tak an hmang dawn a ni.

UPC Ramthim khawmpui

UPC,NEI Ramthim khawmpui chu nizan atang khan UPC,NEI District Hqrs saiha Biak In, New Saiha-ah tanin hman mek zel a ni a, Arunachal leh state dang atang pawhin UPC Mission puipate an lokal a, zaithiam te pawh an lo kal nia hriat a ni.

Pu Khipo, zin report pe

Nimin khan Pu S.Khipo,CEM,MADC chuan MADC Officer te chu Meeting a neihpui a,hetah hian Thuneihna lian zawk leh Direct funding bawhzuia New Delhi a zin report a pe nghal a, he malsawmna thuah tam tak Pathianin Central sawrkar hmanga min pek hunah Officer te chu scheme/project leh tul dangte thawka ram tana malsawmna hnar ber tur an ni dawn avangin tun atanga an rilru lo inhma khawsuih turin a chah a,rinawmna leh taimakna nen Pathian tih chunga rawngbawlna hlenchhuak turin a chah nghal bawk. Read more »